मेरो Tweet

  • नर्वे दूतावास तनावमा। Deputy Head of Mission Håkon Arald Gulbrandsen का अनुसार राजदूत Kjell Tormod Pettersen विदामा छन्।

User Stat

Users Online.

Except where otherwise noted, this site is licensed under a Creative Commons Attribution 2.5 License.
eXTReMe Tracker

पानी भनेर ढाँट्दै रक्सी बेच्दै


‘कम निष्ट’हरुले संसदीय व्यवस्थालाई खसीको टाउको देखाएर कुकुरको मासु बेच्ने पसल हो भन्ने गर्छन्। कम्युनिस्ट प्रधानमन्त्रीले हाँकेकै देशमा चाहिँ ‘पिउने पानी हो, पिउने पानी’ भन्दै रक्सी बेचिँदैछ। त्यो पनि गुपचुप हैन, खुल्लमखुल्ला। विज्ञापन गरी गरी। सहरका मुख्य मुख्य ठाउँमा याँमानको होर्डिङ बोर्ड ठड्याएरै।

त्यो माथिको होर्डिङ बोर्ड हेर्नुभयो ? के बुझ्नुभो तपाईँले त्यो पढेर ? त्यसमा मिन्स्क लेखिएको छ। त्यो भनेको पूर्व सोभियत गणराज्य (फेरि कमनिस्टकै कुरा आयो) बेलारुसको राजधानीको नाम हो। बेलारुसको राजधानीको विज्ञापन त के खाएर हाम्रो विष्णुमति किनारको होर्डिङ बोर्डमा राख्थे र। तलपट्टी लेखिएको पनि देख्नुभो होला- Drinking Water अर्थात् पिउने पानी। कतै चाहिँ flavoured drinking water लेखिएको छ (भित्र अर्को फोटो हेर्नुस्) ए, एउटा नयाँ मिनरल वाटर कम्पनी आएछ ! स्वाद मिसिएको पानी। नेपाल मै पहिलो पटक रे अझ। के रैछ त यो स्वादिलो पानी ?


तर हैन, यो विज्ञापनले गरेको प्रचार पानीको हुँदै हैन। यो त दारु हो। यसको बोतलमा टाँसिएको लेबल हेर्दा पनि प्रष्ट हुन्छ- यसमा ३४.२ % अल्कोहल मिसिएको छ। पानी भनेर घुटुक्क निल्नुभो भने घाँटीदेखि आन्द्रासम्मै पोल्छ। राति हुँदो यो खाएर गाडी चलाएर जानुभो भने ट्राफिकले हाSS गराउँदा तपाईँ स्योर मापसेमा पर्नुहुनेछ।

यसमा जति प्रतिशत अल्कोहल मिसिएको छ, त्यो ह्विस्की र रमभन्दा अलिकतिमात्रै कम र झण्डै झण्डै भोड्काको जत्तिकै हो। भोड्कामा कम्तिमा पनि ३५% अल्कोहल बाइ भोलुम हुन्छ। 0.८ प्रतिशत कम अल्कोहल मिसाउँदैमा त्यसलाई पानी भनेर सीधै आँखामा छारो हाल्न पाइन्छ र ?

ठग्ने दाउ हो

किन यस्तो गरेको होला त ? दारुलाई दारु नै भनेर बेचे त भइगो नि, पानी भनेर ढाँट्नु पर्ने किन ? कुरो अलि अर्कै छ क्या। खासमा मदिराजन्य पदार्थ भन्यो भने त अन्तःशुल्कको स्टिकर टाँस्नु पर्छ, धेरै कर तिर्नुपर्छ। मदिरा उद्योगमै आन्तरिक राजस्व कार्यालयले एक जना कर्मचारी खटाएर राजस्व संकलन गर्ने गर्छ। त्यसो त त्यही कर्मचारीलाई घुस खुवाएर भारतबाट नक्कली अन्तःशुल्कको स्टिकर टाँसेर कर छल्ने नगरेका हैनन् मदिरा कम्पनीहरुले। तर त्यो सब झण्झटबाट बच्न यो कम्पनीले भने नयाँ उपाय निकाल्यो- पानी भनेर ढाँटको व्यापार गर्ने! पानी भनेपछि अन्तःशुल्कको स्टिकर पनि टाँस्नु परेन, मदिराको जस्तो धेरै कर पनि तिर्नुपरेन। क्या हाइसञ्चो।

अनि मदिराजन्य पदार्थको त विज्ञापन पनि यसरी होर्डिङ बोर्डमा गर्न पाइन्न। पानी भनेपछि त त्यो पनि गर्न पाइयो।

कतै पिउने पानी लेखिए पनि कतै भने फ्लेभर्ड ड्रिङ्किङ वाटर भनेर लेखिएको छ। जस्तै भए पनि पानीलाई पो पानी भन्ने, दारुलाई त पानी भन्न पाइएन नि।

पाँच वर्ष थुन्न सकिन्छ

के यसरी एक थोक भनेर अर्कै थोक बेच्न पाइन्छ त ? झुट्टा विज्ञापन गर्न पाइन्छ त ? पाइँदैन। उपभोक्ता संरक्षण ऐन २०५४ को दफा १० ले उपभोग्य वस्तु वा सेवाको सम्बन्धमा गर्न नहुने काम प्रष्ट किटान गरेको छ। उपदफा (ग) मा कुनै उपभोग्य वस्तु वा सेवालाई अर्को उपभोग्य वस्तु वा सेवा हो भनी ढाँटी वा झुक्याई बिक्री वितरण गर्न नपाइने भनिएको छ। त्यसैगरी उपदफा (घ) मा कुनै उपभोग्य वस्तु वा सेवाको प्रयोग, उपयोगिता वा प्रभावकारिताको सम्बन्धमा झुट्टा वा भ्रामात्मक प्रचार प्रसार वा विज्ञापन गर्ने किसिमले अनुचित व्यापारिक क्रियाकलाप गर्न रोक लगाइएको छ।

त्यसैले उद्योग मन्त्रालय अन्तर्गत रहेको वाणिज्य तथा आपूर्ति विभाग निद्राबाट ब्युँझने हो खुल्लमखुल्ला दारुलाई पानी हो भन्दै बेच्ने यो उद्योगका सञ्चालकलाई यो ऐनबमोजिम पाँच वर्षसम्म कैद वा एक लाख रुपैयाँसम्म जरिवाना वा दुवै सजाय गराउने प्रक्रिया अघि बढाउन सक्छ।

कसको काम हो यो ?

यसरी पानी भनेर दारु बेचिरहेको कम्पनी कसको हो भनेर खोज्दा कम्पनी रजिस्ट्रारको कार्यालबाट यति मात्रै थाहा भयो -

दर्ता नम्बर
196406
दर्ता मिति
2069-5-7
नाम अङ्ग्रेजीमा
Sunny Beverage
नाम
सन्नी बेभरेज
कम्पनीको प्रकार
प्राइभेट >> एकल
ठेगाना
का.म.न.पा.-१०,काठमाण्डौ,बाग्मती

अर्थात् यो अस्ति भर्खर भदौ ७ गते मात्रै दर्ता भएको नयाँ कम्पनी रहेछ। यसको मालिक एक जना मात्रै रहेछ भन्नेसम्म थाहा भयो। को रहेछ यो दारुलाई पानी भनेर पाँच वर्ष जेलमा जान इच्छुक मान्छे चाहिँ थाहा भएन। तपाईँहरु मध्ये कसैलाई जानकारी छ भने यो फटाहा कम्पनी सन्नी बेभरेजको मालिकको नाम तल कमेन्टमा लेखिदिनुस् है। मोरा साह्रै चलाख रहेछ। दारु बेचेर कम्पनीको नाम डिस्टिलरी नराखी beverage रे। Beverage भनेको त पानी बाहेकको अन्य पेय पो हो। उसले चाहिँ पिउने पानी भन्दै विज्ञापन गर्दो रहेछ।

यो पनि हेर्नुस्-
ल हेर्नुस् त रक्सी कम्पनीले कसरी सबको आँखामा छारो हालेको ! घुस खुवाएपछि रक्सी बन्यो ‘म्युजिक’

44 comments to पानी भनेर ढाँट्दै रक्सी बेच्दै

  • SHANKAR RAJ OLI

    के गर्नु यस्तो चलन पहिला देखिने चल्दै आयको हो तर देक्दा देक्दै पनि कसैले यो कुरालाई अगाडी लेराउना सकेन .यस्ता अनैतिक कम गर्ने हरुले पनि आफ्नो हात बलियो नभई गर्न सक्दैनन् इनिहरुको पनि माथि सम्म आफ्नो मान्छे भयकै कारण त यस्तो कम गर्छन नि .माथिकै मान्छे ठिक नभय पछि हामी जस्ता सोजा साजा जनता त यसै पनि ठगिने भयौनी. जे होस् यसरि मिडियामा आयो भने हामी जनता सत्रक हुन सक्च्चौ तेस्को लागि यो लेखा पोस्ट गर्नु हुने मित्र लै मुरी मुरी धनेबाद दिन चाहन्छु ,यसरि सदै गलत कुराहरु जनता समू आइरहने हो भने जनताले दुख पौने छैनन .

    मन परे हरियो नपरे रातो ! Thumb up 0 Thumb down 0

  • krishna kuinkel

    every thing is fare in love and war अर्थात् प्रेम र युद्दमा सबै कुरा जायज हुन्छ भन्ने कुरालाई सापट लिने हो भने every thing is possible in nepal भन्नु पर्ने हुन्छ / नेपोलियन बोनापार्ट ..?ले भने जस्तै असम्भब भन्ने कुरा केहि पनि छैन नेपालमा; यहाँ कालो लाइ सेतो र सेतो लाइ कालो बनाउन कुनै गाह्रो छैन यदि यहाको राजनीतिमा आफ्नो पकड छ भने; तेसैले यहाका नेता र कर्मचारीको बर्णन गरेर साध्य छैन/ हजार जिब्रा भएका शेष नागले त यिनीहरुको बर्णन गर्न नसक्लान भने मा एक जिब्रेको त के औकात भयो र तेसैले जय भ्रस्टाचार/

    मन परे हरियो नपरे रातो ! Thumb up 1 Thumb down 0

  • Stutter Subash

    यो कम्पनी को मालिक को नाम दीपक के.शी हो यो मान्छ गोंगबु गणेशस्थान मा बस्छ…

    मन परे हरियो नपरे रातो ! Thumb up 1 Thumb down 0

  • Bishnu pd subedi- SAUDI ARAB

    जे होस् उसले दिमाग त लगाकै हो है. उसलाई खोज्नुको साटो सिधै होर्दिंग बोर्ड राख्न दिने महानगरपालिका लै चाई कारवाही गर्नु पर्छ / जानी जानी रक्सि को बोर्ड उसैले पैसा खाएर राख्न देको हो/

    मन परे हरियो नपरे रातो ! Thumb up 13 Thumb down 0

  • Kusum

    मैले पनि यो विज्ञापन हेर्दा खुशी मानेकी थिए पहिला त । यत्रो विज्ञापन गरेको पानी राम्रै होला । तर अर्को दिन अर्को होडिङबोर्डमा एप्पल फ्लेवर देखे पछि एएएएए… पानी त पानी विजुली पानी पो रहेछ भन्ने लाग्यो । के गर्नु ।

    मन परे हरियो नपरे रातो ! Thumb up 7 Thumb down 0

  • Bikash

    अब ३० ml हावा किन्दा ९७० ml पेट्रोल (हावा‌‌‌ र पेट्रोल गरेर १ लिटर) सित्तै मा भने जस्तो भो नि यो त।
    हुनत यो होर्डिंङबोर्ड पहिलोपटक राख्दा नै मलाई शंका त लागिसकेको थियो यो साधारण पानी चाही होइन तर पवित्र पानी हो। फेरी पवित्र पानी किन भन्यो भनेर सोध्ने होला मित्रहरुले किनकी यो पवित्र पानी पिएपछि त मनमा भएको राम्रा नराम्रा कुराहरु सबै पखालेर निकालिदिन्छ नी।
    ” Alcohol is holy water, which convert thought into speech”

    मन परे हरियो नपरे रातो ! Thumb up 10 Thumb down 0

  • Vishal

    कारबाही गर्नु पर्छा येस्तालाई

    मन परे हरियो नपरे रातो ! Thumb up 5 Thumb down 0

  • एन पी गिरी , पेंन्सल्भानिया ,यू एस ए

    धन्न शक्तिबर्धक टनिक वाटर भनेर लेखेनछ | वाटर मात्र लेखेकोले चाडै धोति खुस्कियो | लाटो देशमा गाड़ो तन्नेरी हुन खोजेको होला माई संसारको खोजले फस्यो साथी …….उल्लू बनाउनेको पनि हद हुन्छ नि यार …..

    मन परे हरियो नपरे रातो ! Thumb up 24 Thumb down 0

  • shiba

    यो त एन आर एन जन्म थलो तिर बाट आको ब्रान्ड रहेछ कतै मालिक एन आर एन त परेन भन्या!!

    मन परे हरियो नपरे रातो ! Thumb up 18 Thumb down 1

  • Suwal Jr.

    ह्य! सालोक्य मोरो , झन् बुढीलाई बजार मा नया ब्रान्डको पानी आको छ | आब दारु छोडेर पानी खान्छु भनेको त मोरोले सब पर्दाफाश गरिहालेछ | एकान्तमा भेटम मात्र , २ मिनेट झापड हानिनछु मलाई भन्नु |

    मन परे हरियो नपरे रातो ! Thumb up 35 Thumb down 2

  • द्रोण

    What a shame!! Bunch of Bihari cheaters looting our nation in daylight.
    All Nepali should wake up and put hands together against Bihari’s if we want to save our nation.
    They are curse even for India, its true that also many other Indians don’t like them.

    मन परे हरियो नपरे रातो ! Thumb up 4 Thumb down 8

  • mahendra bhandari

    यस्तै हो कानुन र राजनेता नभाको देशमा …..

    मन परे हरियो नपरे रातो ! Thumb up 7 Thumb down 0

  • बाहिर पार्लर को होडिंग बोर्ड हुन्छ भित्र आर्कै काम हुन्छ
    क्लिनिक को होडिंग बोर्ड हुन्छ भित्र काम अर्कै हुन्छ
    पानि भनेर होडिंग बोर्ड हुन्छ रक्सि बिक्रि हुन्छ
    बिरामी बोक्ने एम्बुलेन्स भनेर लेखेको हुन्छ
    रातो चन्दन काठ तस्करी हुन्छ
    नया नेपाल को नया कानुन माओबादी ले जानुन

    धेरैले मन पराएको कमेन्ट। तपाईँलाई नि? Thumb up 86 Thumb down 1

  • लौ अब चै सकिएन है यी गोर्खाली संग,होइन उपाए पनि के के निकालेका हुन् कुन्नि,कोहि म्युजिक भनेर बेच्छन कोहि चै पानि भनेर पनि बेचन तयार भएका रहेछन,अचम्म छ बा,लौ न कसैले येसो उजुरी हालौ तै यो फटाहा लाइ केहि बर्स को भनेपनि जेल सजाय हुन्थ्यो कि??

    मन परे हरियो नपरे रातो ! Thumb up 16 Thumb down 3

  • sam

    लौ न नि गाँठे के भयो नि गाँठे हाम्रो देस मा

    मन परे हरियो नपरे रातो ! Thumb up 9 Thumb down 2

  • sachin shrestha london

    लेख सारै मन पर्यो. देश को कानुनी व्यवस्था येस्तई कुरा हरु बाट प्रस्ट हुन्छ. एस्तो सानो कुरा त रोक्न सक्दैन भने देश बिकाश का कुरा हरु कहिले होला?? धत्त्त…

    मन परे हरियो नपरे रातो ! Thumb up 15 Thumb down 1

  • Mandip Ramtel

    तेस्तै हो, टेलिभिजन मा जुस भनेर बेचिने कुरा मा त खुल्लम खुल्ला भिटामिन क्यू भनेर देखाउछ / कहिँ नभएर हाम्रै देश नेपाल मा मात्र हुन्छ कि क्या हो यो भिटामिन क्यू भन्ने जिनिस ??

    मन परे हरियो नपरे रातो ! Thumb up 25 Thumb down 0

    • एन पी गिरी , पेंन्सल्भानिया ,यू एस ए

      याहाले कुन विज्ञापनको कुरो गर्नु भएको हो त्यो त मलाई थाहा भएन र तेसमा चासो पनि रहेन तर भिटामिन क्यू भन्ने चाही हुन्छ है | भिटामिन क्यू एक प्रकारको को-ईन्जाईम् (coenzyme) हो र यसको केमिकल नाम यूबिक़ुइनोन्न (ubiquinone) हो | यसमा हुने एन्टीअक्सिडेंट गुण ले गर्दा मानब शरीरमा रोग बिरोधि प्रतिरक्षा प्रणालीमा बढावा दिने गरेको आध्येयन हरुले देखाएको छ |

      मन परे हरियो नपरे रातो ! Thumb up 13 Thumb down 1

    • Mandip Ramtel

      यो चाही को – इन्जाइम को कुरा होइन क्या.. भिटामिन क्यू माने क्वालिटी भन्ने शब्द राखेको विज्ञापन को कुरा हो/ यसरि आफ्नो खुशी standard word लाइ define गर्न पाइन्छ त?

      मन परे हरियो नपरे रातो ! Thumb up 2 Thumb down 1

  • dev

    होइन उपभोक्त्ता मंच कहाँ छ ???????????कि एसको पनि गोजी गरम भो ???????????सरकार को त कुरै नगरे भो १७,००० मान्छे मारेर बनाएको नलाएक पढेको मान्छे बाबुराम जब सम्म यी तराइका नेताको काधमा हुन६ तब सम्म येस्तई साथी हो /यो त अति भयो. यस्तालाई ५ बर्ष कैद होइन आजन्म जन्म कैद र सर्वश्व हरण गर्नु पर्दछ / सम्पूर्ण जागरुक उपभोक्ताहरु मिलि आजै देखि एस्तो खुलेआम ठगि गर्ने विरुद्ध आवाज उठाऊ/

    मन परे हरियो नपरे रातो ! Thumb up 28 Thumb down 1

  • Rabindra Kumar Shah

    रक्सी खाने हरुलाई त drinking water होला नी तर आम नेपाली लाई तो त % Alcoholic drink नेपाल को सरकार के गरेर बस्छ खोइ…..

    मन परे हरियो नपरे रातो ! Thumb up 12 Thumb down 2

  • राम्रो खोज । यो मात्र हैन, काठमान्डौंका घरका छतमा ठुल्ठुलाअक्षरमा भोडका म्युजिक सिडी, रोमानोभ सिडी, ब्यागपाईपर म्युजिक भन्नेजस्ता होर्डिंगबोर्ड राखेर रक्सीको प्रचार गरिरहेको जताजतै पाईन्छ । यसको पनि खुलासा गरि सम्बन्धीत निकायको ध्यानाकर्षण गराएर यी फटाहालाई कारवाही गराओस माईसंसारले ।

    मन परे हरियो नपरे रातो ! Thumb up 27 Thumb down 1

  • hari

    नेपाल जस्तो मुलुकमा सिधा सिधा business टिकाउन धेरै गार्हो छ, यस्तै छल छामको २ नम्बरी business चै मज्जाले चलछ, कारण…
    १) एस्ता २ नम्बरी काम अनुगमन गर्ने सरकार का कर्मचारी, अनुगमन गर्न गयो, व्यापारीले खल्ती तातो गर्दिन्छन अनि तै चुप मै चुप (सबै होइन तर लगभग सबै) , तेस्ता कर्मचारीलाई देशमा जति यस्ता २ नम्बरी काम बढ्यो तेती पैसा आउने ठाउ पनि बढ्ने.
    २) अर्को, एस्तो समाचार प्रकाशमा ल्याउने संचार माध्यम, अब मेडिया “डन” बन्यो, “ए .. तैले २ नम्बरी काम गर्ने?? जनता संग खेलवाड गर्ने ??? ल भन कति दिन्छस हाम्लाई?” (सबै होइन तर लगभग सबै) अब मेडिया लाइ नदिए सब भण्डाफोर हुने डर. अलि अलि तेता पनि फाल्यो. मेडिया पनि तै चुप मै चुप. अझ एसो गांठ मा कुरो मिलाएर आफ्नै फक्षमा काइदाको समाचार लेखायो.
    अब एति भए पछी जनताले सबै भन्दा बढी बिस्वास गर्ने निकाए हरु नै तिनीहरुको संरक्षक भए. अझ ब्यापारीको आसे पासे भरौटे हरुको चलखेल त छदै छ.
    के गर्नु यहा को चल्न नै यस्तै भैसक्यो. राम्रो को लागि आश गरौ.

    मन परे हरियो नपरे रातो ! Thumb up 21 Thumb down 0

  • Aayush

    थाहा पाउनु पर्ने निकाय त्यहि” पानी ” खाएर सुतेको छ ………………..हामी हेर्छौ अनि आफ्नो देश को शासन देखेर दिक्क मान्छौ | चोर लाई चौतारो र साधुलाई सुली मा चढाउने देश न पर्यो …….

    धेरैले मन पराएको कमेन्ट। तपाईँलाई नि? Thumb up 49 Thumb down 0

  • तारा मगर थापा, खाडी दुबइ

    रौसी पिउनेहरुलाई काइदा होला जस्तो, छ २० रुप्पेको १.५ लिटर पाए त ……………..

    मन परे हरियो नपरे रातो ! Thumb up 30 Thumb down 0

  • रबिन्द्र राज गिरी

    जाँडलाई पानी भन्नु र क. प्रचण्डलाई सर्बहारा बर्गको नेता भन्नु उस्तै उस्तै त हो नि, हात्ती र हात्तीछाप चप्पल भने जस्तै | यसमा किन टाउको दुखाउनु पर्यो र बेकारमा |

    धेरैले मन पराएको कमेन्ट। तपाईँलाई नि? Thumb up 140 Thumb down 5

  • रुस्लान भोडाका र चिवास रिगल अनि अन्य दारु उत्पादक हरु ले सहर मा मिजुक सिडी भन्दै रक्सी को खुलम खुल्ला १००% व्यापार गरि रहेको देस मा जाबो दारु लाई सुरु मा पानी भनेर नेपाली लाई २० रुपिया मा दिने महान उदेश्य लाई किन बिरोद गर्ने? याहा उत्पादन अनुमति दिने निकाय नै रक्सी ले दिनहु मातेका छन् अनि सर्ब साधारण को बिरोद को के मुल्यांकन?

    मन परे हरियो नपरे रातो ! Thumb up 16 Thumb down 0

  • Sisir

    देशमा कस्तो साशन बेवस्ता छ भन्ने कुरा येही एउटा विज्ञापनले नै जनाउछ .. कानुनी साशन भएपो डर हुन्छ .. पैसा बाड २ नम्बर काम गर …देशमा सरकार भएपो सुशाशन हुन्छ ..
    जय नेपाल ..

    मन परे हरियो नपरे रातो ! Thumb up 24 Thumb down 1

  • sudip

    एस्तो समाचार mysansar मा मात्र आउन सक्छ / धन्यबाद छ mysansar लै /

    धेरैले मन पराएको कमेन्ट। तपाईँलाई नि? Thumb up 75 Thumb down 4

  • Ajit

    Question: तपाईँहरु मध्ये कसैलाई जानकारी छ भने यो फटाहा कम्पनी सन्नी बेभरेजको मालिकको नाम तल कमेन्टमा लेखिदिनुस् है। मोरा साह्रै चलाख रहेछ। दारु बेचेर कम्पनीको नाम डिस्टिलरी नराखी beverage रे। Beverage भनेको त पानी बाहेकको अन्य पेय पो हो। उसले चाहिँ पिउने पानी भन्दै विज्ञापन गर्दो रहेछ।

    Answer: The name of the owner is DP Shetty. he has many hoarding boards in Nepal.

    धेरैले मन पराएको कमेन्ट। तपाईँलाई नि? Thumb up 53 Thumb down 1

  • अर्जुन

    मलाई चाहिँ बेस्करि हासोँ उढ्यो साथिहरु म हासैँ है.. हाहाहाहहाहाहाहाहाहहाहाहाहाहहाहाहाहाहहाहाहाहहाहाहाहहाहाहाहहाहाहहाहा

    मन परे हरियो नपरे रातो ! Thumb up 8 Thumb down 48

  • Nischal

    यस्तो काम गर्न लाई कडा कारबाही हुनु पर्छ ,

    मन परे हरियो नपरे रातो ! Thumb up 16 Thumb down 3

  • Sharad

    भैरे कि जेल जान्छ कि टन्न गांठ कमाउछ/ एसको बुद्धि अनि आँटलाई मान्नै पर्छ / हाम्रा कुकुर नेताले भन्दा बेसी पो ढाटिदियो त एसले/

    धेरैले मन पराएको कमेन्ट। तपाईँलाई नि? Thumb up 72 Thumb down 4

  • janak

    बजिया चोरको खन्ती ! हान्नु पर्छा यस्तालाई धड्नासो खुस्किने गरी .

    मन परे हरियो नपरे रातो ! Thumb up 18 Thumb down 2

  • binita shrestha

    यो कम्पनि पर्चंड को परो भने कसरि कारवाई गर्ने?

    धेरैले मन पराएको कमेन्ट। तपाईँलाई नि? Thumb up 66 Thumb down 6

  • rupan

    यों पानी लिटर को बिस रुपैया मा पाउनु परयो…..अरु तेस्तै हो !!!

    धेरैले मन पराएको कमेन्ट। तपाईँलाई नि? Thumb up 43 Thumb down 3

  • तेन्जिंग गाबा

    राम राम राम !!!
    यो त झन्डै झन्डै प्रचण्डलाई ‘सर्बहारा नेता’ भन्या जस्तो नै भै गो नि :-(

    धेरैले मन पराएको कमेन्ट। तपाईँलाई नि? Thumb up 102 Thumb down 3

  • Ravi Aryal

    सबैले जे गर्दा पनि हुने देशमा गरेछ सेरेले पनि भोड्कामा लगानी

    मन परे हरियो नपरे रातो ! Thumb up 7 Thumb down 3

  • बड्का चौधरी

    बोतलमा रहेको बाँकि ६६% पानीको बिज्ञापन गरेको होला :)

    धेरैले मन पराएको कमेन्ट। तपाईँलाई नि? Thumb up 91 Thumb down 3

  • यस्तरी हेप्न सक्ने कुन हद सम्मको दुस्साहस हो यस्ता ब्यापारीहरुको !?
    वाणिज्य तथा आपूर्ति विभागले यस्ता होर्दिंग बोर्डहरु नियम बमोजिम छ या
    छैन चेक गर्नको लागि कर्मचारी राखेको छैन र ?! कि चुपचाप आँखा चिम्लिएकै
    हो ? कि थाहा नपाएकै हो ? अब त थाहा पाउला नै , कस्तो कारबाही होला ?
    सजाय पनि के बिधि थोरै हो ? यो हद सम्मको ठगि गर्नेलाई १ लाख कैद वा
    ५ बर्ष सम्मको थुना रे !? जम्मा त्यति मात्रै ? त्यतिका ठग गर्ने दुस्साहस गर्ने
    मान्छेलाई १ लाख जरिबानाले तहलाउन सक्छ ?
    नियम कानून यस्तो बन्नु जरुरि छ कि ठग अपराधिहरुले पुन : त्यस्तो गर्ने
    साहस गर्न नसकोस् !

    मन परे हरियो नपरे रातो ! Thumb up 43 Thumb down 5

  • Santosh Nyaupane

    चोर को राज्य मा डाका को ब्यवाशय के चै अचम्म भयो र ! कानुन को डर भए पो सहि काम गर्थे त ! पैसा खर्छा गरे पछी कानुन पनि बंगिने भए पछी फटाहा र पैसा वाला हरुले जे गरे पनि भो नि !

    मन परे हरियो नपरे रातो ! Thumb up 34 Thumb down 2

    • prem ku.

      गलत बुजाई हो यो /बेवेरेज & distillary दुइ कम्पनी अनि एकै नाम अलग अलग चिज हुन सक्दैन त यो duniya मा . यो त राज्य को अपमान gare को बुजिंछा mitra ji le .

      मन परे हरियो नपरे रातो ! Thumb up 1 Thumb down 3

  • Sunil Shrestha

    यो त अति भयो. यस्तालाई ५ बर्ष कैद होइन आजन्म जन्म कैद र सर्वश्व हरण गर्नु पर्दछ / सम्पूर्ण जागरुक उपभोक्ता हरु मिलि आजै देखि एस्तो खुलेआम ठगि गर्ने विरुद्ध आवाज उठाऊ/

    मन परे हरियो नपरे रातो ! Thumb up 11 Thumb down 4

  • padam regmi

    पैसा को नै होला खेल / नत्र येत्रो पैसा लगानी गरेर एस्तो झुटा व्यापार कसरी गर्न सकिन्छ ?? सबै कुरा मिलाएर काम गर्यो होला नि डाँका ले /

    मन परे हरियो नपरे रातो ! Thumb up 25 Thumb down 2

eXTReMe Tracker