मेरो Tweet

  • सन्चो नभएर अपडेट हेर्न पाको थिइनँ। नेपालले Div3 को कप जितिसकेछ। जनवरीमा नामिबियामा हुने Div2 का लागि शुभकामना। Nov7 देखि HK सित T20i पनि छ

User Stat

Users Online.

Except where otherwise noted, this site is licensed under a Creative Commons Attribution 2.5 License.
eXTReMe Tracker

अख्तियार जागेपछि अफिसै खाली होला जस्तो पो भो त गाँठे ! हाकिमदेखि पिउनसम्म हिरासतमा

पदको दुरुपयोग गरेर भ्रष्टाचार गर्ने सरकारी कर्मचारीलाई कानुनको दायरामा ल्याउने निकाय अख्तियार दुरुपयोग अनुसन्धान आयोग केही दिन यता सक्रिय हुँदै भकाभक कर्मचारी पक्रन थालेको छ। एकै दिन एउटै अफिसबाट यति धेरै मान्छे पक्रने काम भइरहेको छ कि काम गर्ने मान्छे नै नभएर अफिसै खाली होला कि जस्तो पो हुन थालिसक्यो। विदेश जानेहरुलाई सबैभन्दा दुःख दिने ठाउँ वैदेशिक रोजगार विभाग र अध्यागमनबाट आज पनि थोकैमा ३५ जनालाई अख्तियारले हिरासतमा राखेको छ।

को को हुन् त उनीहरु ?

वैदेशिक रोजगार विभाग
शाखा अधिकृतहरु– निर्मला न्यौपाने, मन्जु शर्मा सुवेदी, अजिता शर्मा, मुक्तिप्रसाद खनाल, गंगाबहादुर भुजेल, ज्ञानेन्द्र शर्मा, पवित्र कुँवर

कम्प्युटर अधिकृत– हिराध्वज कार्की,

ना.सु.हरु– शंकर कार्की, रमेशकुमार अधिकारी, योगेन्द्रकुमार अधिकारी

खरिदारहरु– माधव भट्टराई, केशव बन्जारा,

भाषा अनुवादक (करार) रज उल्लाह,

कम्प्युटर अपरेटरहरु– सन्तोष सुवेदी, कृष्णप्रसाद खतिवडा,

कार्यालय सहयोगी- यशोदा थापा मगर

यसअघि मंगलबार पक्राउ परेकाहरु
वैदेशिक रोजगार विभागका निर्देशक रमेश मैनाली,
शाखा अधिकृत दीपक प्रसाद खतिवडा,
ना.सु. चन्द्रहरि लुइँटेल,
कम्प्युटर अपरेटर पप्पु कुमार साह,
कम्प्युटर अपरेटर रामप्रसाद पोखरेल,
अरबिक भाषा अनुवादक ओवैदुल्ला मक्सुद

अध्यागमन विभाग
शाखा अधिकृतहरु– भोजबहादुर ऐडी, रामचन्द्र कार्की, नरबहादुर बि.क., रामकृष्ण पराजुली, डिल्लीराम भट्टराई, दिवाकर शर्मा, गोपीप्रसाद पौडेल, रामचन्द्र खतिवडा, कमलबहादुर कार्की, विक्रमबहादुर सोमई

लेखा अधिकृत बाबुहरि पन्थी

ना.सु.हरु– रामकुमार ओझा, जयबहादुर सिंह, लिलारमण पोखरेल, वरिष्ठ अध्यागमन सहायकहरु– सन्जय नेपाल, नवराज कोइराला, रुद्रप्रसाद मरासिनी, चिरन्जीवी अधिकारी

यसअघि मंगलबार पक्राउ परेकाहरु
शाखा अधिकृत सूर्यप्रसाद दाहाल,
शाखा अधिकृत देवर्षि सापकोटा,
ना.सु. प्रदीपप्रसाद लामिछाने,
ना.सु. विश्वराज खरेल
कार्यालय सहायक जयनारायण नापित

लौ हेर्नुस् त बिजोग। वैदेशिक रोजगार विभागका त हाकिम अर्थात् निर्देशकदेखि पिउन अर्थात् कार्यालय सहयोगीसमेत पक्राउ परेछन्। हुनत एक पैसा खाए नि घुस भनेको घुसै हो। तर पिउन समातिएर ठूला चाहिँ छाडिएलान् भन्ने चिन्ता हो हाम्रो।

दोष के लगाइएको छ उनीहरुलाई ?
वैदेशिक रोजगार व्यवसाय गर्ने इजाजत पत्र प्राप्त कम्पनीहरुले पेश गरेका झूठा व्यहोराका कागजातलाई गैरकानूनी लाभ लिई गलत विवरणका कागजातहरुलाई आधार बनाई कम्प्युटर प्रवृष्टि गर्ने,
भाषा अनुवाद गर्ने,
ठीक छ भनी फाइल पेश गर्ने र
स्वीकृत गर्ने काम गरी वैदेशिक रोजगारमा जाने ७७ जना नेपाली नागरिकहरुलाई वैदेशिक रोजगारमा जान इजाजतपत्र दिने काम गरी उक्त काम कारबाहीको सक्कल फाइल नै कार्यालयबाट बेपत्ता पारेको

अब के हुन्छ ?
उनीहरुलाई अख्तियारले छानबिनका लागि हिरासतमा राखेको हो। छानबिनपछि अख्तियारले आरोप पत्रसहित विशेष अदालतमा मुद्दा दायर गर्छ। विशेष अदालतले गरेको फैसलापछि त्यसमा चित्त नबुझे सर्वोच्चमा रिट दायर गर्न पाइन्छ। सर्वोच्चको फैसला अन्तिम हुन्छ।

[तपाईँले माथि उल्लेख भएका पक्राउ परेकामध्ये कसैलाई चिन्नुभएको छ कि ? कस्ता थिए उनीहरु ? अथवा तपाईँलाई अख्तियारमा कसैविरुद्ध उजुरी पो गर्नुछ कि ? यहाँ क्लिक गरेर इन्टरनेटबाटै उजुरी गर्न पनि मिल्छ। अख्तियारले सार्वजनिक पदधारण गरेका अर्थात् सरकारी कर्मचारीले गर्ने अख्तियार दुरुपयोगमात्रै हेर्छ।]

1647 Total View 18 Today View

71 comments to अख्तियार जागेपछि अफिसै खाली होला जस्तो पो भो त गाँठे ! हाकिमदेखि पिउनसम्म हिरासतमा

  • नेपालका घुस्याहाहरुको लागि त नेपालको कानुन नबोल्ने देउता जस्तै भएको छ । जस्तो जस्तो जजमान त्यस्तै त्यस्तै स्वाहा गर्दै सर्वसाधारणहरुलाई ठग्न र घुस खान पल्केकाहरुलाई कडा भन्दा कडा कार्वाही गर्नु पर्छ । जे कुरा पनि कानुन र नियमलाई देखाउदै घुस र ठग्न पल्केकाहरुलाई कहिले पनि छोड्नु हुँदैन । देश बिकासको लागि महत्वपूर्ण कदम हो ।

    मन परे हरियो नपरे रातो ! Thumb up 4 Thumb down 0

  • Sisir

    जब सम्म यिनीहरु जेल जाकिएको समाचार औदैना तबसम्म हिरासतमा लिदैमा धेरै खुसि हुनु पर्दैन ,
    येस्तै नाटक १०-१५ वर्ष अगि पनि भएको थियो , तेती बेला तातोपानी भन्सार लगाएतका भन्सारका झन्डै २ दर्जन अदिकृत देखि पियुन सम्म एकै रातमा समातिएका थिय , तर कति जनालाई कारबाही भयो त , इस्मरण रहोश तेती बेला पनि भन्सारका खरदार, सुब्बा देखि पियुन सम्मका काठमाडौँमा स्रोत नखुलेका बिशाल आलिसान घरहरु फेला परेका थिए ,पत्रिकामा ति खरदार सुब्बाहरुका भब्य बंगला सहितको फोटोहरु छापिएका थिए , खै के भो त तिनीहरुलाई अहिलेसम्म ?
    लोकमानको परिक्ष्या हुने छ यो केसबाट ? देशका धमिरा भ्रस्ट यिनीहरुलाई जेल जाक्न सके जनताले पनि मान्ने छन् .. सुभकामना ..

    मन परे हरियो नपरे रातो ! Thumb up 14 Thumb down 0

  • razen

    घुस खान नपाइने रहेछ भनेर कसैले पनि जागिर नखाई सबै बिदेसियेला भन्ने डर डर पो भो बा

    मन परे हरियो नपरे रातो ! Thumb up 15 Thumb down 3

  • Raju Rana - Mahendra

    बल्ल अख्तियार ले आफ्नो काम गर्यो सबै ले आफ्नो दिशा – निर्देश र जागिर खादाको दिन मा जुन कसम खाको थिओ त्यही अनुसार काम गरे सुधार हुन धेरै दिन लाग्ने थियन

    मन परे हरियो नपरे रातो ! Thumb up 12 Thumb down 1

  • हर्क बहादुर

    अपराध प्रमाणित भए पनि घटना सेलाए पछि केहि समय पछि यिनै कार्मचारी फेरी पुनबहाली वा कतिमा केसमा बढुवा भनेको सुनिएको मा त्यतो नहोस ,follow up होस,यहि छ कामना

    मन परे हरियो नपरे रातो ! Thumb up 13 Thumb down 2

  • यिनी घुस्खोरहरूको फोटो पनि हेर्न पाये हुने । कतै भेटियो भने मुखैमा थुक्न पाइन्थ्यो कि ।

    मन परे हरियो नपरे रातो ! Thumb up 39 Thumb down 2

  • सार्थक

    राम्रो कामलाई राम्रो नै भन्नु पर्छ त्यो चाहे लोकमानले गरेको होस् कि अरु कसैले | यहाँ जातपात चाही किन जोडी राख्नु पर्यो नि ? जातकै कुरा गर्ने हो भने पनि भ्रष्टचारको आरोपमा पर्नेहरु धेरै जसो बाउन हुन भने पक्रिने पनि त बाहुन क्षेत्री नै हुन् नि | किन त्यो कुरा चाही लुकाएको नि | सकारात्मक कुरा त जसले गरे पनि सकारात्मक नि हुन्छ नि कि कसो?

    मन परे हरियो नपरे रातो ! Thumb up 37 Thumb down 2

  • देशका भ्रस्ट कर्मचारीहरुलाई कानुनको परिधिमा ल्याउनु खोजेजस्तै बिना भरपाई (receipt ) मनपरी तबरले सरकारले तोकेको भन्दा चौबर पैसा उठाउने manpower कम्पनी हरुलाई प्रसय दिनेहरुलाई पनि यसरीनै कानुनको दायरामा ल्याउने पहल होस् , र देसमा सु-सासनको सुरुवात पनि होस् भन्ने मेरो कामना छ.

    मन परे हरियो नपरे रातो ! Thumb up 13 Thumb down 0

  • milan

    नेपाल मा जति भ्रस्ताकारी छन् सबै लै जेल हाले हुन्छा. सरकारी अफिस खाली भय बैदेशिक रोजगार मा कमि आउछ.नेपाली हरु ले विदेश जानु पर्दैन नेपाल मै जागिर पाउने छन्

    मन परे हरियो नपरे रातो ! Thumb up 11 Thumb down 1

  • man limbu

    अख्तियार दुरुपयोग अनुसन्धान आयोग भ्रस्टचार बिरुद्ध तिब्र रुपमा कारबाही अगाडी बढाएकोले अब नेपालमा पनि केही हुन्छकी भन्ने हाम्लाई लाग्या छ .

    यो सकारात्मक कदमको हामी सबैले समर्थन गराऊ . लोकमान जस्तो निडर र प्रभावशाली व्यक्तिलाई सबै पार्टीले राजनैतिक नियुक्ति गरे देश को कायापलट हुने थियो….

    धेरैले मन पराएको कमेन्ट। तपाईँलाई नि? Thumb up 62 Thumb down 0

  • Krishnaman Dongol

    यो अत्यन्तै राम्रो काम भैरहेको छ अख्तियार बाट, एस्लाई नराम्रो तरिका वा बंग्याएर कुरा गर्नु भन्दा हिजो अख्तियार का प्रमुख ले कस्तो कम गरे वा आचरण देखाए भन्ने तर्फ़ जनमानस मा भ्रम को खेति गर्नु भन्दा यो सारै नै सराहनीय काम हो भन्न लाई कसैले लाज नमाने हुन्छ कि? बास्तव मा यो काम गर्नु नै उनको भोलि आउने अरु येस्तै प्रकृति क कार्य हरु को संकेत भनेर बुझेको छु मैले, सबै तर्फ़ एकै पटक कसरि हात हाल्न सकिन्छ होला त, त्यो स्यानो नाफ्री ले?? हो अझै धेरै तर्फ़, सेना,प्रहरी, ससत्र, हिजो को बिसेष प्रहरी, जहाँ थुप्रै भ्रस्ट उचचपदस्थ हरु देश लै हानी नोक्सानी पुराएर अरबौ रकम कुम्लायेरा आज विभिन्न बैंक, बिजुली, र तेस्तै ठुला ठुला व्यापार मा संस्था को समेत रकम लुटेरा अजै समाज मा अती बिसिस्ट
    व्यक्ति को ढोंग मा लुकेका छन् तिनी हरु लै जुन दिन कारागार मा देखिन्छ त्यो दिन मात्र एसले मुर्त रुप लिएको हामीले सम्झिने छौ. जय देश!

    मन परे हरियो नपरे रातो ! Thumb up 33 Thumb down 0

  • aryan

    Please, please do not go over the surface value. The actions by CIAA may turn into a fiasco that of Surya Nath’s action in 2002. I do not think people inside CIAA know what they are doing. This might simply be a gimmick or a media stunt to distract people from on-going political events.

    मन परे हरियो नपरे रातो ! Thumb up 13 Thumb down 12

  • shukdev Tamang

    ओहो, ल यो क्षेत्री बाहुनले देश दुबौने नै भयो, क गर्ने अख्तियार पनि उनीहरुकै हो./ तपाई आफै हेर्नुस त माथि अरु जातको कोहि छन्? हामीलाई न त जागिर नै दिन्छा, न त पद नै नेपालको सरकारी कार्यालय हरुमा, कति सम्मको भेदभाव गरेको छन् / त्यसैले विदेशिए भित्रि मन देखि दुख लगेर आउछ, सम्झेर ल्याउदा..
    माफ गर्नुस, जातित्व छुट्याएर कमेन्ट गरेको मा तर यो यथार्त हो नेपालको.

    गरमागरम बहस! तपाईँको के विचार छ? Thumb up 49 Thumb down 95

    • Ram Jha

      सोमई भनेको मगर होइन ? मैले त रु जात को पनि देखे त? किन stereotyping गरेको साथी?

      मन परे हरियो नपरे रातो ! Thumb up 29 Thumb down 11

      • सुमन

        समग्रमा कुरा बुझ्नु छैन खालि एउटा मान्छे देखाएर ल तपाईहरुको पनि छ भन्न खोज्या हो झा बाजे? यस्तो कुतर्कना कैले सम्म दिईरहने? एउटा होइन ल मान्नुस दुइटा वा तीनजना नै छन् रे| के त्यो सही प्रतिनिधित्व हो? देखाउनलाई एक दुई जना राख्या छन् |

        लास्ट मिनटमा एयरपोर्टमा नचाहिदो यातना दिएर जबर्जस्ति घुस असुल्न खोजेको अनुहारहरु सम्झदा यी अध्यागमनका भ्रष्टलाई पाए सार्बजनिक ठाउँमा कोर्रा र सिस्नु पानी लगाउन पर्थ्यो जब सम्म खाएको घुस उगेल्दैनन| यी भ्रष्टका परिवार सन्तान हुँदैन केरे? कस्ता होलान अरुलाई यातना दिएर घुसमा पालिएका सन्तानको मुहार? घोचे पनि पाप लाग्ने होइन केरे|
        इनिहरुको निधारमा घुसखोरी भनेर टाटु गरिदिन्पर्छ र घरको ढोकामा पनि घुसखोरी भनेर पोती दिनपर्छ|

        मन परे हरियो नपरे रातो ! Thumb up 18 Thumb down 8

    • dipesh

      हाहा…हमुमानढोका गएर “ल हेर त अपराधमा त सप्पै यो जातहरुको पो रहेछन।” भने जस्तो कुरा गर्नु भो नि सर। युरोपमा दोस्रो बिश्व युद्धको समया चलेको नश्लबाद जस्तो। पहिले सोच्नुस त ति बाहुनहरु मात्रै किन त्यहा पुगे भनेर? अन्य जातिकालागि अधिकारको लागि यत्रो समय किन लाग्यो भनेर? ब्रिटिसहरुले किन बाहुन क्षत्रिजातिलाइ गोरखा भर्तिमा लिदैन भनेर सोच्नुस। हिमाल चढ्दा नेपालकै चुच्चानाक को किन खिसि उडाइन्छ सोच्नुस। काठमाडौमा दुखजिलो गरेर घर घरमा तरकारि बेच्दै हिड्ने तराइका दाजुभाइ कसरि हेपिन्छन सोच्नुस। कृपया माफ गर्नुस जब यो जात प्रतिको आरोप देखिन्छ तब नचाहदा नचाहदै पनि जातमा बाडिनु पर्ने अबस्था आउने रहेछ। अबत यस्तो अबस्था आउला जस्तो छ बालसखाहरु जसलाइ जातले कहिले हेरिएन तर अब त केहि भन्दा पनि ति मेर शत्रु म तिनका शत्रु भइएला जस्तो पो भो। यसो एउट कुरो नि, त्यसैले होला म त अहिले आफुलाइ “जैसि” भनेर भन्छु। न बाहुन, न क्षत्रि। न नेवा राज्य न शेर्पा न अरु। मेरै घरलाइ दरबार घोषणा गरिन्छ मेरै जातको राज्य बनाइन्छ, अनि मेरै पासपोर्ट। हाहाहा…..जातैमा जाने, परिबारबादमै जानेहो भने सबै आ-आफ्नै राज्य किन नबनाउने। तर त्यस्तो हुदैन। त्यसैले त्यहा बाहुन मात्रै भए भन्दा पनि किन हामिले तिनलाइ त्यहा बस्ने बाताबरण बनायौ भनेर पनि सोच्ने कि?

      मन परे हरियो नपरे रातो ! Thumb up 17 Thumb down 7

    • Iswor KC

      तामांग जी, लेख्न मन त थिएन -

      कुकुर ले Tokyo भन्दै मा कुकुर लाइ नै तोक्नु मुर्खता हो तैपनि,

      नेपाको प्रहरी र एन. जी. ओ को तथायाँका ले के देखाउछ भने ‘नेपालमा चेली बेटी बेच्ने, लागु औषधि बेच्ने, मुर्ति हरु बेच्ने, र लुटपाट र छोरि चारी का अपराध गर्ने मा तामांग हरु बढी भाको कुरा ले के भान्छा ?
      नपत्याए,
      भू पु. आइ जी. पी. ‘दिल बा. तामांग देखि कुमार लामा सम्म लाइ हेरे भै हाल्छ नि/ अरु साना तिना त कति हो कति !

      तपाई जस्ता को कारण ले ‘नेपालमा भ्रस्टाचार बढ्ने र जातीय अपराध बढाउने का गर्छ/

      त्यसैले, आफ्नो कमजोरी लुकाउन आर्का लै गाली गर्नु राम्रो हैन /

      मन परे हरियो नपरे रातो ! Thumb up 16 Thumb down 3

  • Ayush P

    नेपालमा करिब ५००,०० जना मानिसहरु सरकारी जागिर गर्छन | यत्रो सानो सलाईको बट्टा जत्रो देशमा किन यत्ति धेरै कर्मचारी चहियो| लौ काम गरे त ठिकै छ, तर अफिस मा हाजिर भएबापतको तलब बुझ्ने र कामगरे बापत अर्को नगद पुरस्कार चदौनु पर्ने, र कार्यालय समयमा राजनीति गर्न हिड्ने सबै लै निकाल्न मिल्ने व्यवस्था हुनु पर्छ| नेपाली सरकारी जागिरको साह्रै नराम्रो पाटो पनि यहि हो — कर्मचारीलै बर्खास्त गर्न निक्कै गारो छ |

    १) हायर र फायर सिस्टम हुनु पर्छ |
    २) ५००००० जना कर्मचारी घटेर २००००० पुर्याउनु पर्यो, सबै सार्वजनिक संस्थाहरु (कार्यकर्ता भर्ना पाल्ने भाडो) निजीकरण गर्नु पर्छ |
    ३) नेपाल भरि कुनै पनि कलकारखाना, निजि, सरकारी कार्यालय, स्कूल, कलेज, क्याम्पस बाट union हरु प्रतिबन्धित गरिनु पर्छ |
    ४)टोलै पिछे जनता को tax मा फुपू को सराद्दे गर्ने दलिय संयन्त्र का डाका हरुलाई पट कस्नु पर्छ र स्थानीय निकायको निर्वाचन हुनु पर्छ|
    ५) सबै सरकारी tender online गरिनु पर्छ |
    ६) नेपाल बन्द गर्ने लै चार पटे कपाल मुन्दन गरेर सार्बजनिक ठाउँ मा माफी मग्न लगेर १० वर्ष सजाय तोकिनु पर्छ |
    ७) सबै सरकारी जागिरमा पूर्ण रुप ले प्रतिस्पर्ध बाट आउने व्यवस्था गर्नु पर्छ |

    अनि गएर देश मा की होला, नत्र यस्तै हो|

    धेरैले मन पराएको कमेन्ट। तपाईँलाई नि? Thumb up 87 Thumb down 3

  • चीनको पूर्वरेलमन्त्रि Liu Zhijun आफ्नो २५ बर्षे कार्यकालमा एक करोड डलर भ्रस्टाचार गरेको अभियोगमा मृत्युदण्डको सजाय पाएका छन्/ यदि येसैगरि लोकमान कार्कीले साचिकै छानबिन गर्नेहो भने हालका नेपाली नेता देखि कर्मचारी र ब्यबसायीहरुको लाश आर्यघाटमा अन्तिम दाहसंस्कारको लागि कुनै दिन पनि खाली हुने थिएन होला/ सहि कामको लागि सलाम लोकमान कार्की लाई/

    धेरैले मन पराएको कमेन्ट। तपाईँलाई नि? Thumb up 71 Thumb down 1

  • Jeevan Thapa

    लोकमानले आफूमाथि लागेको सारा आरोप पखाल्ने राम्रो कदम चाल्दै छन् …२०% मात्र यस्ता भ्रस्ट कर्मचारीलाई कारबाही गर्न सके पनि जनताले ठुलो राहत पाउनेछन् !

    धेरैले मन पराएको कमेन्ट। तपाईँलाई नि? Thumb up 64 Thumb down 1

  • raj

    अपवाद बाहेक आफुले सके जति सबै गरेकै छन् | चाहे त्यो कर्मचारी होस् वा ब्यपारी/ब्यबसायी होस् वा नेता होस् | सबै जना जागिर सुरु गर्दा युवा नै थिए | तेही भएर नया केहि युवा गएर केहि हुने वाला छैन उनीहरु पनि बिस्तारै येही प्रणाली मा घुलमिल हुनेछन | २-४ जना राजनेता को खाचो छ | अब नेता को खडेरी भएको देशमा राजनेता कहाँ बाट पाउनु ? जति गरे पनि लोक मान बाट कति आस गर्न सकिन्छ ? सय सम्म पुग्ने हो भने गन्ति त एक बाट सुरु गर्नु पर्छ | हामीले त सुरु पनि गरेका छम जस्तो लाग्दैन | म त एक दिन त भ्रष्टाचार रहित वा न्यून भ्रष्टाचार भएको समाज को सृजना होला भन्ने कल्पना गर्न पनि सक्दिन |

    मन परे हरियो नपरे रातो ! Thumb up 12 Thumb down 3

  • rohan vicram shingh

    बैदेशिक रोजगार बिभाग र अध्यागमनका भ्रस्ट कर्मचारीहरुलाई अख्तियारले समातेको अति राम्रो सुरुवात हो! साथै मालपोत, यातायात , अदालत , राजश्व, प्रहरी आदिका भ्रस्ट कर्मचारीहरुलाई भटाभट समात्नु पर्यो!
    भ्याटमारा ब्यापारी, भ्रस्टाचारको चाजोपाजो मिलाउने नेताका आसेपासे चम्चे दलालीहरु र ति सबैको संरक्षण गर्ने भ्रस्टाचारको मुख्य जरो पार्टीका नेताहरुलाई कारवाही भएको खोइ लोकमान जी….?????????????????????????????????????

    मन परे हरियो नपरे रातो ! Thumb up 18 Thumb down 0

  • yukta

    एउटा हिन्दि उखान छ “लोहे लोहे को काटता है ” ,भू.पु.सुध्रिएको भ्रस्टचारी ले हाल को सबै भ्रस्टचारी हरु लाई लाई सिध्याउने भयो ! भ्रस्टचारी + भ्रस्टचारी = अब फुट्ने भयो पापको भकारी ! तर राजनैतिक भ्रस्टचारी हरु को पाप को घैंटो फुटाउने हिम्मत कहिले आउला ? सारा नेपालि जनता ले हेर्न बाँकि नै छ ! यिनी हरु त साना माछा हुन , ठुला माछा लाई अख्तियार ले जाल मा पार्ने कहिले ?

    मन परे हरियो नपरे रातो ! Thumb up 32 Thumb down 1

    • pratik

      ठुला लाइ नि जेल हालेको त छनी तर के गर्ने, जेल बाट निस्कदा अबिर जात्रा गरेर काँध माथि राखेर ल्यौछं , अझै खुम सोल्टी निस्कदा त, ४०००० हो कि कति टि शिर्ट बाँड्ने कार्यक्रम गरेको छन् रे,

      मन परे हरियो नपरे रातो ! Thumb up 12 Thumb down 1

  • panta

    नेपाल को नेताहरु लाई पनि खोर मा जाक्नु पर्यो./ कानून सबै मा बराबर लागु हुनु पर्यो / कर्मचारीलाई मात्र अख्तियार लाग्ने/ डेरामा इसटोब मा भात पकाएर फाटेको चप्पल लगाएर काठमाडौँ पसेका नेताहरु अरबौपति कसरि भएको नि ? अख्तियारले तिनीहरुलाई पनि कारबाही गर्नु पर्यो /

    मन परे हरियो नपरे रातो !