यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

सात दिनको ट्रेन्ड : यसरी अघि बढ्दैछन् विद्यासुन्दर शाक्य काठमाडौँको मेयरको कुर्सीमा


काठमाडौँको मेयरको कुर्सीको दौडमा एमाले उम्मेदवार विद्यासुन्दर शाक्य सबैभन्दा अगाडि छन्। उनले कांग्रेस उम्मेदवार राजुराज जोशीसँगको दूरी बढाउँदै लगेका छन्। कांग्रेसले वडाध्यक्ष जितेका ठाउँबाट पनि मेयरमा सोचे जस्तो मत नआएको र जेठ १ गते मतगणना सुरु भएदेखि अहिलेसम्म एक दिन पनि अग्रता कायम गर्न नसकेको देख्दा अब उनी पराजय उन्मुख देखिन्छ। मात्र घोषणाको औपचारिकता बाँकी रहेको छ।

कूल खसेको मत १ लाख ७२ हजार ६८३ रहेकोमा मंगलबार रातिसम्म १ लाख २४ हजार ७५७ मत गनिएको छ। अझै ४७ हजार ९२६ मत गन्न बाँकी छ। जेठ ८ गते बल्ल मत गन्ने काम ५० प्रतिशत सकिएको थियो।

काठमाडौँमा ३२ वडाका १६२ जना निर्वाचित हुनुपर्नेमा मंंगलबारसम्म १४ वडाका ७० जना मात्र निर्वाचित भएका छन्।

यही जेठ १ गतेदेखि भएको मतगणनामा वडा नं १, २, ३, ५, १९, २२, २३, २४, २५, २६, २७, २८, २९ र ३० वडाको मतगणना सकिएको छ। परिणामअनुुसार सात/सातवटा वडामा नेपाली काँग्रेस र नेकपा (एमाले)का जनप्रतिनिधि निर्वाचित भएका छन्।

काँग्रेसका ५, १९, २५, २६ २८, २९ र ३० मा र एमालेका १, २, ३, २२, २३, २४ र २७ वडामा विजयी भएका छन्। अझै १८ वटा वडाका जनप्रतिनिधि निर्वाचित हुन बाँकी छ।

राष्ट्रिय सभागृहमा १३ स्थानमा मत गन्ने काम भइरहेको छ। दैनिक चौबिसै घन्टा गणना गरे पनि मतपत्र ठूलो भएकाले मतगणनामा ढिलाइ भएको हो। ठूलो मतपत्रका कारण एउटा मतपत्र गणना गर्न कम्तीमा तीन मिनेट लाग्ने गरेको छ। बिहान ७ देखि साँझ ६ बजेसम्म एक समूह र साँझ ६ देखि बिहान ६ बजेसम्म अर्को समूहले मतगणना गरिरहेका छन्। अहिले दैनिक १५ देखि २० हजार मतगणना हुने गरेको छ।

1 comment to सात दिनको ट्रेन्ड : यसरी अघि बढ्दैछन् विद्यासुन्दर शाक्य काठमाडौँको मेयरको कुर्सीमा

  • विमल

    भनेछी उखाने ओली सरको सालो विद्या शहरपति हुने निश्चित| अर्को विद्या हाम्री राष्ट्रपति छिन, सबैलाई थाहा भएकै हो| लखपति र करोडपति कती छन कती| अनगन्ती|

    मन परे हरियो नपरे रातो ! Thumb up 0 Thumb down 1