यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

परिवर्तन भयो राजाको सन्देशमा हुने चर्चित वाक्य पनि

तपाईँले राजा महाराजाका सन्देशहरु पढ्नु भएको भए याद गर्नुभएको होला अन्तिममा भनिने एउटा वाक्य सँधै एउटै हुन्छ। पहिले अर्कै हुनसक्ला, तर तपाईँ हामीले थाहा पाएदेखि यो वाक्य एउटै थियो- श्री पशुपतिनाथले हामी सबैको कल्याण गरुन्।

अब राजतन्त्र रहेन। श्री ५ महाराजधिराज पनि रहेनन्। राजा छन् तर गद्दी रहेन। त्यसैले त्यो चर्चित वाक्य पनि परिवर्तन भएछ। असार २३ गते आफ्नो जन्मदिनको अवसरमा जारी सन्देशमा उनले यो वाक्यलाई परिवर्तन गरेका छन्।

साहित्यिक शैलीको विम्ब नै विम्बले भरिएको सन्देशमा उनले कस्तुरी हराएको मृगको उदाहरण दिएका छन्। राष्ट्र र राष्ट्रियताको चिन्ता गरिएको छ। र अन्त्यमा पशुपतिनाथ त छुटाएका छैनन्, तर हामी सबैको कल्याण गरुन् भन्नुको साटो सबैमा सुबुद्धि र प्रेरणा दिउन् भन्ने कामना गरिएको छ। अहिले कुबुद्धिले भरिएको भएर यसो भन्न बाध्य हुन परेको हो कि। पशुपतिनाथले कल्याण मात्र गरेर भएन यत्रो वर्ष कल्याण गरिहाले अब सुबुद्धि पनि दिउन् भनेर कामना गर्नु ठीकै त हो नि।

4 comments to परिवर्तन भयो राजाको सन्देशमा हुने चर्चित वाक्य पनि

Leave a Reply

  

  

  

Enable Google Transliteration.(To type in English, press Ctrl+g)