यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

यस्तो हुने रहेछ काठमाडौँ महानगरपालिकाले बनाउन लागेको स्मार्ट र ई ट्वाइलेट


निर्वाचित मेयर विद्यासुन्दर शाक्यले काठमाडौँ महानगरपालिकाको नगरसभामा प्रस्तुत गरेको यो वर्षको नीति तथा कार्यक्रममा काठमाडौँ महानगरका सार्वजनिक स्थानहरुमा ५० वटा स्मार्ट शौचालय र ५० वटा ई ट्वाइलेट बनाउने उल्लेख छ।

धेरै अन्यौलमा छन् यो स्मार्ट शौचालय र ई ट्वाइलेट भनेको आखिर हुन्छ कस्तो? स्मार्ट सहरको गफ सुनिरहेकोलाई स्मार्ट शौचालय सुन्दा अलमल हुनु स्वभाविक हो। ई ट्वाइलेट भनेको चाहिँ इन्टरनेट चलाउन मिल्ने खालको शौचालय होला भनेर अनुमान गर्नेहरु पनि देखियो। खासमा कस्तो हुँदो रहेछ त काठमाडौँ महानगरपालिकाले बनाउन लागेको ट्वाइलेटहरु? हेरौँ भित्र।

स्मार्ट शौचालय : चाक आफै धोइदिने शौचालय


स्मार्ट शौचालयमा बसेर बटन थिचेपछि कमोडबाट पाइप निस्केर पानी छ्याप्छ। भन्नुको मतलब तपाईँको चाक हातले पानी छोएर धोइरहनु पर्दैन, आफै पानी निस्केर धोइदिन्छ। त्यसैगरी भिजेको चाकलाई बटन थिचेपछि सुकाउने काम पनि आफै गरिदिन्छ।

हेर्नुस् स्मार्ट ट्वाइलेटको एउटा नमूना

ई ट्वाइलेट अर्थात् इलेक्ट्रोनिक ट्वाइलेट

ई ट्वाइलेट धेरैले सोचे जस्तो इन्टरनेट चलाउन मिल्ने ट्वाइलेट हैन। यो इलेक्ट्रोनिक ट्वाइलेट हो। नेपालका लागि नौलो भए पनि भारतको चेन्नईमा यो सञ्चालनमा आएको केही वर्ष भइसकेको छ। ई ट्वाइलेटमा सिक्का घुसाएपछि ढोका खुल्छ। ट्वाइलेट अरु जस्तै नै हुन्छ। तर अटोमेटिक पानी निस्केर सफा हुने हुनाले यो सँधै सफा रहन्छ। ब्याट्री ब्याकअप पनि हुने हुनाले बत्ती गइहालेमा के गर्ने भन्ने चिन्ता पनि लिनु पर्दैन। चेन्नईमा यस्तो शौचालय एउटाको पाँच लाख भारुको लागतमा राखिएको हो। त्यहाँ पहिलो चरणमा १८३ वटा ई ट्वाइलेट राखिएका थिए। ई ट्वाइलेट कहाँ कहाँ छ भन्ने थाहा पाउनका लागि मोबाइल एप पनि हुन्छ।

हेर्नुस् इ ट्वाइलेटबारे भारतीय मिडियाको एउटा रिपोर्ट (नखुले यहाँ क्लिक गर्नुस्)

भनेपछि हाम्रा मेयरले यस्तो ट्वाइलेट पो बनाइदिने भएका रहेछन्। त्यो पनि १०० वटा। अहिलेको हालत हेर्दा त १०० वटा सामान्य ट्वाइलेटमात्रै बनाइदिए पनि राहतै हुन्थ्यो। हेरौँ मेयरले आफ्नो वाचा र नीति कार्यक्रम कतिको पूरा गर्ने हुन्।

के तपाईँले पनि यस्तै स्मार्ट वा ई ट्वाइलेट प्रयोग गर्नुभएको छ? आफ्नो अनुभव तल कमेन्टमा बाँड्नुस्। 

18 comments to यस्तो हुने रहेछ काठमाडौँ महानगरपालिकाले बनाउन लागेको स्मार्ट र ई ट्वाइलेट

  • Limbu naYan

    mukhmaa paani chhaina. e-toilet? anyway, good luck to all nepalese.

    मन परे हरियो नपरे रातो ! Thumb up 0 Thumb down 0

  • ashok

    चाक र अनुहार एकैचाेटी धाेइने भाे गाठे ।

    मन परे हरियो नपरे रातो ! Thumb up 0 Thumb down 0

  • Shankar

    येस्पाली तिब्बत बाट रेलमा काठमान्डू छिरेर , राजधानी मा चलेको मेट्रो रेल बाट ओर्लेर एकै छिन बागमती मा चलेको पानीजहाज चढेर
    बर्गर किङ्ग र टिम हर्टोंन छिरेपछि पेट मा असजिलो हुदा इ तोइलेट छिरम्ला |
    मेलम्चीको पानीले चाक् धुनुपर्ला | अनि फास्ट ट्रयाक बाट निजगड मा बनेको अन्तरास्ट्रिय विमानस्थल बाट नेपाल येयर्लाइन्स को एयर बस बाट बिदेसिनु पर्ला |

    मन परे हरियो नपरे रातो ! Thumb up 0 Thumb down 0

  • प्रविण

    ट्‍वाकमा पानी लिएर चुकुल नभएको गन्हाउने शौचालयमा गित गाँउदै (चुकुलको काम) बस्‍ने बानी परेका हामी बिचरालाई कताको ई ट्‍वाइलेट । तर राम्रै हो योजना बनाउनु पर्छ कार्यान्वयनको तहसम्म पुग्दा त्यस्तो खालको सार्वजनिक शौचालय बनि हाल्यो भने पनि अहिलेको अवस्थामा दिशा गरेको रु.५०० र पिसाब गरेको रु‍.२०० त तिर्नै पर्छ होला ।

    मन परे हरियो नपरे रातो ! Thumb up 0 Thumb down 0

  • Gobinda Khatiwada

    आज भन्दा करिब ९ बर्स अगाडि दुबइ मा प्रयोग गरियको थियो राम्रो हुन्छ् तर त्यो सँग्संगै सरसफाइ र मर्मत सम्हार लाई प्रभाबकारी बनाउने हो भने धेरै नै राम्रो हुन्छ ।

    मन परे हरियो नपरे रातो ! Thumb up 0 Thumb down 0

  • jitu

    खै अमेरिका जस्तो ठाउँमा त् तेती देख्न पाइएको छैन, नेपालमा बन्यो भने राम्रै हो, सामान्य शौचालय र प्रशस्त पनि को बेबस्था गरे बरु राम्रो हुने थियो .

    मन परे हरियो नपरे रातो ! Thumb up 0 Thumb down 0

  • Mohan Subba

    केपी ओलीको जागित्राले छोयो कि बिध्यासुन्दर ज्युलाई पनि कुन्नि ?

    मन परे हरियो नपरे रातो ! Thumb up 0 Thumb down 0

  • e-Road banaumna pailaa

    मन परे हरियो नपरे रातो ! Thumb up 0 Thumb down 0

  • ख़ाली गफ दिया छ हूने नहुने । हामिलाई स्मार्ट toilet को ज़रूरी छैन । सामान्य toilet बनाईं देउ, सफ़ा राखी देउ । बस त्यती भए पुग्छ । भित्र पस्दा नाक थूंनु नपरोस ।

    मन परे हरियो नपरे रातो ! Thumb up 0 Thumb down 0

  • sheetal

    it is very common in japan n other developed country. But i think instead of making 100 such toilet its wise to make 500 normal clean toilet.

    मन परे हरियो नपरे रातो ! Thumb up 0 Thumb down 0

  • काम पनि भए त राम्रै हो, तर खै ….

    मन परे हरियो नपरे रातो ! Thumb up 0 Thumb down 0

  • Dherai ramro

    मन परे हरियो नपरे रातो ! Thumb up 0 Thumb down 0

  • आखिर ओलि काकाको सालो न​ प​रे ।
    स​न्चाल​न​मा आएका सार्व​ज​निक सौचाल​य​ र​ स​र​कारी अस​प​ताल​को सौचाल​य​मा हाते टुटि ब​टार्दा छ​ल​ल​ल्ल​ पानि ह​र​ब​ख​त आउने ब​नाइदेउ । भेनाका ज​स्ता उड​न्ते स​प​ना न​देखाउ मान्य​व​र…!!​ लोकले लोप्पा ख्वाउला ।

    मन परे हरियो नपरे रातो ! Thumb up 0 Thumb down 0

  • sasang lama

    यो स्मार्ट ट्वाइलेट र इ-ट्वाइलेट बनेपछि हग्नैका लागि भएपनि एकचोटि नेपाल आउनै पर्ने भयो | LOL

    मन परे हरियो नपरे रातो ! Thumb up 0 Thumb down 0

  • Rohini

    नाटकै बढी | काठमाडौँ धुलो मुक्त बनाऊ | ढलको बेबस्थापन गर | बाटोको खाल्डा खुल्डी पुर | ट्राफिक बेबस्थापन गर | यति गरेर देखाऊ ५ बर्ष भित्र |

    मन परे हरियो नपरे रातो ! Thumb up 0 Thumb down 0

  • […] Shankar on यस्तो हुने रहेछ काठमाडौँ महानगरपालिक… […]

    मन परे हरियो नपरे रातो ! Thumb up 0 Thumb down 0

Leave a Reply

  

  

  

Enable Google Transliteration.(To type in English, press Ctrl+g)