यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

मोदीको अगाडि गाडीको ढोकाले धोका दियो (दिल्लीमा ओली रोचक १)


प्रधानमन्त्री केपी ओली भारतको तीन दिने राजकीय भ्रमण सकाएर आइतबार राति स्वदेश फर्किसके। यो भ्रमणमा देखिएका केही रोचक घटनालाई क्रमैसँग समेट्ने कोशिश गर्दैछौँ। यसै क्रममा आज मोदीको अगाडि गाडीको ढोकाले धोका दिँदाको क्षणलाई हेरौँ।

राजकीय भ्रमणको दोस्रो दिन। शनिबार बिहान राष्ट्रपति भवनमा सेरेमोनियल रिसेप्सन र गार्ड अफ अनरको कार्यक्रम थियो। एक दिन अगावै जनकल्याण मार्गस्थित मोदीको निवासमै गएर ओलीले मोदीलाई भेटिसकेको भए पनि यो औपचारिक स्वागतको कार्यक्रम थियो।


सबैभन्दा पहिला मोदी आए। उनले प्रम ओलीलाई कुरे।


नेपाल र भारतको झण्डा राखिएको कालो मर्सिडिज चढेर ओली दम्पति आइपुगे।


गाडीको ढोका खोल्न गए दुई जना। त्यसपछि कस्तो रमाइलो भयो, यो भिडियो हेर्नुस्-

किन यस्तो भयो त?

केहीले थोत्रो गाडी भएकोले पो यसो भएको हो कि भन्ने अनुमान गरे। तर मेरो विचारमा गाडीको ढोकाको लक अगाडि ड्राइभरको कन्ट्रोलमा र पछाडि प्यासेन्जरको कन्ट्रोलमा पनि हुन्छ। गाडी रोकिएपछि प्रमले पनि लक खोलेर बाहिरिन खोजे होला, ड्राइभरले पनि लक चलाए होला। दुई जनाले गरेपछि न बाहिरबाट खुल्यो, न भित्रबाट।

अर्को ढोकाबाट प्रधानमन्त्री पत्नी झरिसक्दासमेत मोदीको अगाडि गाडीको ढोकाले धोका दिँदा छोटो समयको लागि भए पनि अन्यौल चाहिँ भयो। मोदीले ड्राइभरलाई भनेपछि बल्ल ढोका खुल्यो र प्रम ओली झरे। त्यसपछि बल्ल औपचारिक कार्यक्रम सुरु भयो।

3 comments to मोदीको अगाडि गाडीको ढोकाले धोका दियो (दिल्लीमा ओली रोचक १)

Leave a Reply

  

  

  

Enable Google Transliteration.(To type in English, press Ctrl+g)