यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

नेकपा बोइङको उडानमा चकलेट बाँडियो, चानचुने हो र – रोयल स्विस

समृद्धिको लक्ष्यसहित अघि बढेको कम्युनिस्ट पार्टीहरुले एकता नहुँदै केक कल्चर भित्र्याएका थिए- माओवादीले जनयुद्ध दिवसका दिन होस् कि एमालेका नेताहरुको बर्थ डे अवसरमा होस्, धमाधम केक काटेको समाचार आइरहेको थियो। पार्टी एक हुँदा भने केक काटिएन। शायद् काट्नुले त टुक्रनुको अशुभ संकेत गर्छ भनेर हो कि। पार्टी एक भएको खुसियाली त फेरि मनाउनै पर्‍यो। प्रधानमन्त्री केपी शर्मा ओलीले नयाँ आइडिया ल्याएछन्- चकलेट बाँड्ने। चकलेट पनि चानचुने हो र- रोयल स्विस। हुन त टेम्पो चलाए जस्तो हो र, बोइङमा बाँडिन्छ त चकलेछ। फरक के भने एयर होस्टेसले हैन, होस्टाहरुले बाँडेछन् चकलेट।

एकीकृत भएको नेपाल कम्युनिस्ट पार्टी को पहिलो संसदीय दलको बैठकमा ओलीले प्रचण्डलाई मुख मिठो गराए- चकलेट दिएर।

एकछिनपछि बैठकमै कमरेडहरुले ग्वाम ग्वाम चकलेट खाएको देखियो।

फोटो : अंगद ढकाल

चकलेट नेताहरुले मात्र हैन, पत्रकारहरुले पनि पाए। पत्रकारहरुले सगौरव त्यसको फोटो फेसबुकमा पनि टाँसे। नेताको नून खाएको भए गुण तिर्नुपर्थ्यो होला, चिनी खाएको त तिर्नुपर्दैन नि, कि कसो?

फोटो : अंगद ढकाल

भिडियो हेर्नुस्-

3 comments to नेकपा बोइङको उडानमा चकलेट बाँडियो, चानचुने हो र – रोयल स्विस

  • Kiran Rijal

    ह हा हा हा , मन पर्यो सैलोक्य जी , सारै मन पर्यो लेखन सैली , एक्लै हासे / ने क पा (underline ) बोइङ्ग का Air Hosta हरु ले चकलेट बाडेको /

    यो पनि सारै मन पर्यो :– “नेताको नून खाएको भए गुण तिर्नुपर्थ्यो होला, चिनी खाएको त तिर्नुपर्दैन नि, कि कसो?”

    मन परे हरियो नपरे रातो ! Thumb up 0 Thumb down 0

  • Suamn

    रोयल काट्न भयानाचन नत्र स्विस चक्लाते दिन्ठेया होला

    मन परे हरियो नपरे रातो ! Thumb up 0 Thumb down 0

  • madan man bajracharya

    दुई पार्टीका मिले खुसि भयर चकलेट खाउन बा रगत नै; हामीलाई मतलव छैन/ हामीलाई मतलव मात्र उनीहरु दुई जनाको पार्टी मिलेर भारत सिट गरेको सबै असमान सन्धिहरु र भारतले पालना नगरेको सन्धिहरु सबै खारेज गरेर नेपाललाई धनि बनाउने श्रोतहरु सबै सुम्पेर भारतले दिय मात्रै खान पाउने अबस्था बात नेपाललाई मुक्त गर्छ बा गर्दैन भन्ने कुरामा मात्रै छ/

    दिल्लिकालाई आफ्नो “प्रभु” मान्नेहरुले दिल्ली सम्झौता गरेर नेपाललाई धनि बनाउन सक्ने श्रोत अवशर सुम्पेकोले मात्रै नेपाल गरिव बन्न बाध्य भयको थियो/ अहिले मिलेका दुवै दलहरुले नेपालको श्रोतहरुको मालिक भारत हुने तेस्ता सबै सन्धिहरु खारेज होस् भनेर नारा लगायको थियो संघर्ष पनि गरेको थियो/ तर तेतिबेला मुख “जय नेपाल” भन्दै नेपालि झुक्किने के के नाम राखेर नेपालमा “जय भारत तन्त्र” लाद्नेको आफुखुसी तन्त्र चलेकोले नेपालको श्रोतको मालिक भारत हुने असमान सन्धिहरु ई दुई दलहरुले खारेज होस् भन्दैमा खारेज हुने अबस्था थियन/

    अहिले ई दुई दलहरुको २/३ बहुमत भयको सदन र सरकार बनेकोले ई दुई दलहरुले चाहेमा भारत सिट भय गरेको सबै असमान सन्धिहरु सजिलै सिट गर्न सक्छ/ अब हेर्नु छ हिजो तेस्तो सन्धिहरु खारेज हुँदै नहुने अबस्थामा चाहि तेस्तो सन्धिहरु खारेज होस् भनेर नेपालि भोकै हुने नेपालीकै रगत बग्ने आन्दोलन समेत गरेका ई दलहरुले ती सन्धिहरु खारेज गर्छ बा गर्दैन/

    मन परे हरियो नपरे रातो ! Thumb up 0 Thumb down 0