यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

विश्वकपमा अब चार बाँकी : बेल्जियम वा क्रोएसियाले तारा पाउलान् कि फ्रान्स वा इंग्ल्यान्डले तारा थप्लान्?


रसियामा जारी विश्वकप २०१८ मा अब अन्तिम चार वटा टिम बाँकी भएका छन्। फ्रान्स, बेल्जियम, क्रोएसिया र इंग्ल्यान्ड। यी मध्ये फ्रान्स र इंग्ल्यान्डले एक पटक विश्वकप जितिसकेको भएर उनीहरुको जर्सीमा एक तारा पहिले नै छ। यस पटक दुईमध्ये एकले विश्वकप जिते तारा थप्न पाउने छन्। बेल्जियम र क्रोएसियाले भने अहिलेसम्म विश्वकप जितेका छैनन्। त्यसैले उनीहरु ताराविहीन छन्। यी चारमध्ये एक टिमले विश्वकप जित्नेछ तर त्यसका लागि दुई वटा खेल जित्नुपर्नेछ- सेमिफाइनल र फाइनल।

अब विश्वकपमा आइतबार र सोमबार विदा छ। मंगलबार पहिलो सेमिफाइनल हुनेछ फ्रान्स र बेल्जियमबीच। बुधबार अर्को सेमिफाइनल हुनेछ क्रोएसिया र इंग्ल्यान्डबीच।

फ्रान्सले राउन्ड अफ १६ मा अर्जेन्टिनालाई ४-३ ले र क्वार्टरफाइनलमा उरुग्वेलाई २-० ले हराएको हो। बेल्जियमले भने राउन्ड अफ १६ मा जापानलाई ३-२ ले र क्वार्टरफाइनलमा ब्राजिललाई २-१ ले हराएको हो।

अर्कोतर्फ क्रोएसियाले डेनमार्कलाई पेनाल्टी सुटआउटबाट राउन्ड अफ १६ मा र आयोजक रसियालाई पनि पेनाल्टी सुटआउटबाटै क्वार्टरफाइनलमा हराएको हो। इंग्ल्यान्डले भने कोलम्बियालाई राउन्ड अफ १६ मा पेनाल्टी सुटआउटबाट र क्वार्टरफाइनलमा स्विडेनलाई २-० ले हराएको हो।

कसले जित्ला त विश्वकप?

2 comments to विश्वकपमा अब चार बाँकी : बेल्जियम वा क्रोएसियाले तारा पाउलान् कि फ्रान्स वा इंग्ल्यान्डले तारा थप्लान्?

Leave a Reply

  

  

  

Enable Google Transliteration.(To type in English, press Ctrl+g)