यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

सञ्चारमन्त्रीको ‘भाले’ भारत पुग्यो

गएको जेठ ३१ गते मन्त्रिपरिषद्को बैठकका निर्णय बारे जानकारी दिने क्रममा सूचना तथा सञ्चार प्रविधि मन्त्री जो कि सरकारका प्रवक्ता पनि हुन्, गोकुल बाँस्कोटाले भन्नुभो,’सदर चिडियाखाना जावालखेलमा रहेको एउटा भाले, जो साइटिस सन्धि अन्तर्गत भारतको रहेछ, त्यो भारत सरकारलाई फर्काउने निर्णय भएको छ।’

उहाँले भाले त भन्नुभो, तर केको भाले चाहिँ भन्नुभएन। कुखुराको भाले कि गैँडाको भाले कि हरिणको भाले कि….। त्यतिबेला नखुले पनि अहिले भारतै पुगिसकेपछि भने खुलेको छ।

सबभन्दा पहिला हेर्नुस् मन्त्रीज्युले के भन्नुभएको थियो त्यसको भिडियो-

‘भालु’लाई अलि फरक अर्थमा पनि जनजिब्रोमा बुझ्ने चलन छ। कतै त्यही अप्ठेरो लागेर ‘भाले’ भनिएको हो कि। खासमा यो भालु रहेछ रंगिला नामको। वाइल्डलाइफ एसओएस नामको संस्थाले यसलाई भारत फर्काउन प्रयास गरेको रहेछ जुन केही दिनअघि सफल भयो।

एनिमल एम्बुलेन्समा राख्दै नेपालको जाउलाखेलस्थित चिडियाघरमा रहेको यो भालुलाई मंगलबार भारतको गोरखपुर पुर्‍याइएको थियो।

भोलिपल्ट बुधबार यो भालु भारतको उद्दार गरिएको भालु राख्ने ठाउँमा पुग्यो। त्यहाँ दुई सय वटा भालु रहेका छन्।

रंगिला भाले भालु र सरिता पोथी भालुलाई तस्करहरुले नेपाल पुर्‍याएका थिए। तर सरिताको केही महिनाअघि मृत्यु भएको थियो। खासमा यी भालु सर्कसमा नचाउनका लागि लगिएका थिए।

खासमा मन्त्रीले भनेको गलत थिएन। भाले त भाले नै थियो। केको भाले भनेर चाहिँ मन्त्रीले भन्नुभएन। भालु भन्न अलि अप्ठेरो लागेको हुनुपर्छ। खासमा यो भाले भालु थियो।

यो बारे अन्तर्राष्ट्रिय समाचार एजेन्सी एएफपीले समेत समाचार बनाएको छ
Nepal’s last known dancing bear finds home in Indian sanctuary

2 comments to सञ्चारमन्त्रीको ‘भाले’ भारत पुग्यो

  • Krishna

    भालु भन्न गार्हो भयो नि मन्त्रि ज्युलाइ! कसरि भनुन तनी , सुन्दा पनि कस्तो लाग्छ 🙂
    “नेपाल बाट एउटा भालु भरत पठाइयो” हाहा

    मन परे हरियो नपरे रातो ! Thumb up 1 Thumb down 1

  • Jeevan Rai

    यहाँ अमेरिकामा जस्तै नेपालमा पनि भाले भालु पाइनछ रे भन्ने
    सुनेको, सत्य रहेछ .. हाहा ..

    मन परे हरियो नपरे रातो ! Thumb up 0 Thumb down 0