यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

अमेरिकी पत्रकारले काठमाडौँमा देखेको जीवनकै अनौठो १५ सेकेन्डको दृश्य

प्लेब्वाइ, डिपार्चस म्यागेजिन, जिक्यु म्यागेजनिमा बाइलाइन छापिसकेकी अमेरिकी पत्रकार नाताली कम्पटन अहिले काठमाडौँमा छिन्। उनले आफ्नो ट्विटर र इन्स्टाग्राममा राखेको एउटा भिडियो रोचक छ। मैले देखेको जीवनकै अनौठो १५ सेकेन्डको दृश्य लेख्दै एउटा भिडियो उनले ट्विट गरेकी छिन्। शनिबार मध्यरातसम्ममा त्यो २ लाख ५८ हजारभन्दा बढी पटक प्ले भइसक्यो। भिडियो काठमाडौँको सोह्रखुट्टेमा खिचिएको एउटा चार खुट्टे प्राणीले दुई खुट्टा टेकेर बाटो काट्दाको हो।

उनले भिडियो खिच्दा कुकुरले चार खुट्टा नै टेकिरहेको हुन्छ।

कुकुर मालिकले हात दिन्छन्। कुकुर दुई खुट्टामा उभिन्छ। मालिकले हात समातेर बाटोको एक छेउबाट अर्को छेउ पुग्छन्। ठ्याक्कै बच्चाको हात समातेर बाटो काटेको जस्तै !

हामी सधैँ हिँडिरहेन बाटो भए पनि अमेरिकी पत्रकारको नजरमा परेको यो दृश्य मलाई पनि अनौठो नै लाग्यो। अहिलेसम्म देखेको थिइनँ यस्तो त।

उनले इन्स्टाग्राममा अरु पनि भिडियो हालेकी छिन् काठमाडौँका। तर यो जति रोचक चाहिँ अरु लागेन।

Leave a Reply

  

  

  

Enable Google Transliteration.(To type in English, press Ctrl+g)