यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

न्यायाधीश सिफारिश : भविष्यमा प्रधान न्यायाधीश हुनसक्ने दुई जना चिनौँ


भविष्षमा नेपालको न्यायपालिकाको नेतृत्व गर्न सक्ने दुई जना को को होलान्? वरिष्ठताको आधारमा प्रधान न्यायाधीश नियुक्त हुने अहिलेकै चलन कायम रहने हो भने रोलक्रममा हुनसक्ने दुई जनाको नाम अहिले नै भन्न सकिने स्थिति छ। मंगलबार सर्वोच्च अदालतमा न्यायाधीशका लागि सिफारिश भएका माथिको फोटोमा देखिएका यी दुई जना नै भविष्यमा प्रधान न्यायाधीश हुनसक्छन्।

यी मध्ये एक कांग्रेस निकट हुन् भने अर्का तत्कालीन एमाले अर्थात् हालका नेकपा निकट।

नेपाली कांग्रेसको कोटाबाट न्यायपरिषद् सदस्य रहेका रामप्रसाद सिटौलाका उम्मेदवारका रुपमा चिनिन्छन् कुमार रेग्मी। नेपाली कांग्रेस र कांग्रेसभित्रको पनि खुमबहादुर खड्काले थालेको र उनको मृत्युसँगै ओझेलमा परेको हिन्दु जागरण अभियानसँग पनि जोडिएका थिए रेग्मी।

अर्का हुन् हरि फुँयाल। संविधानजारी लगत्तै केपी शर्मा ओली नेतृत्वको सरकार बनेपछि महान्यायाधिवक्ता बनेका फुयाँल चिनिएका पूर्व नेकपा एमाले नै हुन्। सुवास नेम्वाङ र अग्नि खरेलसँग नजिक छन् उनी।

यी दुई सहित पाँच जनालाई हालका प्रधान न्यायाधीश चोलेन्द्र शमशेर जबरा अध्यक्षताको न्याय परिषद्को बैठकले सर्वोच्चको न्यायाधीशमा सिफारिश गरेको हो।

२०८५ साल कात्तिक महिनामा कुमार रेग्मी प्रधान न्यायाधीश बन्नेछन् भने त्यसपछि हरि फुँयालको नेतृत्वमा रहनेछ न्यायपालिका।

न्यायपरिषद्ले सर्वोच्चसँगै उच्च अदालतका न्यायाधीशमा सिफारिश गरेको छ। यिनीहरुको नाता कनेक्सन पनि रमाइलो छ-

  • सर्वोच्च अदालतका न्यायाधीशमा सिफारिश डाक्टर मनोजकुमार शर्मा पूर्व प्रधान न्यायाधीश दामोदर शर्माका भतिज। पछिल्लो समय प्रधान न्यायाधीश चोलेन्द्र शम्शेर जबराका नजिक।
  • अधिवक्ता नवराज थपलिया (उच्च अदालत दिपायलका न्यायाधीशमा सिफारिस) : अनेरास्ववियुबाट राजनीति गरेका, नेपाल ल क्याम्पसका पूर्व सभापति। पछिल्लो समय प्रधान न्यायाधीश चोलेन्द्र शम्शेर जबरा निकट।
  • निलम पौडेल (उच्च अदालत जनकपुर, राजविराज इजलासको न्यायाधीशका लागि सिफारिस) : उपप्रधानमन्त्री तथा रक्षामन्त्री ईश्वर पोखरेलकी भान्जी।
  • रेणुका साह (उच्च अदालत विराटनगरमा न्यायाधीशका रुपमा सिफारिस) : पूर्व प्रधान न्यायाधीश रामकुमार प्रसाद साहकी छोरी।
  • अञ्जु उप्रेती ढकाल (उच्च अदालत विराटनगरमा न्यायाधीशका लागि सिफारिस) : सर्वोच्च अदालतका पूर्व न्यायाधीश भरतराज उप्रेतीकी छोरी।

3 comments to न्यायाधीश सिफारिश : भविष्यमा प्रधान न्यायाधीश हुनसक्ने दुई जना चिनौँ

  • kundan

    गोत्र फरक होला नी

    मन परे हरियो नपरे रातो ! Thumb up 0 Thumb down 0

  • Ramesh Adikari

    इश्वोर पोखरेल को भान्जी हुनुपर्छ, थोरै गल्तीले गर्दा mistake भाको देखिन्छ

    मन परे हरियो नपरे रातो ! Thumb up 0 Thumb down 0

  • अनिश

    निलम पौडेल (उच्च अदालत जनकपुर, राजविराज इजलासको न्यायाधीशका लागि सिफारिस) : उपप्रधानमन्त्री तथा रक्षामन्त्री ईश्वर पौडेलकी भान्जी।
    पौडेल को भान्जी पौडेल नै कसरि सम्भब छ नेपाली समाजमा ??

    मन परे हरियो नपरे रातो ! Thumb up 0 Thumb down 3