यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

किन एक्लिए ‘शक्तिशाली’ प्रधानमन्त्री : सुधीर शर्माको विश्लेषणमा चार दृष्टान्त

झट्ट हेर्दा प्रधानमन्त्री केपी शर्मा ओली अझै ‘सर्वशक्तिमान’ देखिन्छन् । तर मेरो विचारमा उनी विस्तारै घेरिन र एक्लिन थालिसकेका छन्, आफैंभित्र र बाहिरबाट, मूलतः आफ्नै कारणले ।

हालैका केही दृष्टान्त :

• सडक : असार ४ गतेको मण्डला-प्रदर्शन जति ठूलो थियो, त्यसभन्दा ठूलो त्यसले दिएको सन्देश हो । गैरराजनीतिक मुद्दामा जनता यसरी सडकमा आउन थाल्नु प्रधानमन्त्रीका निम्ति खतराको घण्टी हो ।

• सदन : प्रतिपक्षी कांग्रेस कमजोर नेतृत्वका कारण अझै लगभग ‘हराएकै’ अवस्थामा छ । तर संसद रोक्ने हैसियत भने देखाउन थालेको छ ।

• सत्ता : गुठी विधेयक प्रकरणले सत्ता पहिलोपटक रक्षात्मक अवस्थामा धकेलिएको छ । त्यसैको उपज हो, यस मामिलामा सुरुमा अनेक अहम् देखाउँदा–देखाउँदै पनि अन्ततः विधेयक फिर्ता लिनुपर्ने अवस्थामा सरकार पुगेको छ ।

• सहकर्मी : पार्टीभित्र प्रधानमन्त्रीप्रति प्रचण्ड र माधव नेपाल खेमाको असन्तुष्टी भूसको आगोझैं जसरी फैलदैछ, त्रिशंकु समीकरण द्विध्रुवीयमा परिणत हुनासाथ त्यसको राप बाहिरसम्मै महसूस हुनसक्छ ।

झट्ट हेर्दा शक्तिको चमक निकै देखिएपनि प्रायः शक्तिशालीले आफू एक्लिसकेको अनुभूति अन्त्यमा मात्र गर्न पाउने आम राजनीतिक नियती नै हो ।
आफूले पाएको अभूतपूर्व अवसरको सदुपयोग गर्ने कि आफ्नै कारणले त्यसलाई गुमाउने ? लाग्छ, प्रधानमन्त्री ओली यो दोसाँधछेउ पुग्दैछन् । निर्णय उनकै हातमा छ ।

कान्तिपुरका पूर्व सम्पादक सुधीर शर्माको फेसबुक पेजबाट अनुमति लिई साभार गरिएको

4 comments to किन एक्लिए ‘शक्तिशाली’ प्रधानमन्त्री : सुधीर शर्माको विश्लेषणमा चार दृष्टान्त

  • Shankar

    येत्रो बिस्लेसन गर्ने पर्दैन , के को सक्तिसाली ? पद भएर मात्र हुन्छ , पावार भएर मात्र हुन्छ , पावर प्ले गर्न पनि जान्नु पर्यो , हिम्मत पनि चाहियो |बिदेसी खुफिया सग साथ् गाथ , गुण्डाहरु पकेट मा , अनि पावर मा टिक्न जस्तो पनि सम्झौता गर्न तयार , येस्बात मान्छे सक्तिसाली हुन्छ ? कि टाप्तिपे?

    मन परे हरियो नपरे रातो ! Thumb up 1 Thumb down 1

  • sahaskn

    सडक : असार ४ गतेको मण्डला-प्रदर्शन जति ठूलो थियो, त्यसभन्दा ठूलो त्यसले दिएको सन्देश हो । गैरराजनीतिक मुद्दामा जनता यसरी सडकमा आउन थाल्नु प्रधानमन्त्रीका निम्ति खतराको घण्टी हो । : कतै यी शर्मा ले नेवा: को बारेमा केहि कुरा गरे ? टिपिकल बाहुनबादी मेडिया अनि बाहुन पत्रकार जो अरुलाई निम्न स्तरको ठान्छन |

    मन परे हरियो नपरे रातो ! Thumb up 2 Thumb down 1

  • sahaskn

    कान्तिपुरका पूर्व सम्पादक सुधीर शर्मा: कान्तिपुर भनेपछि बुझ्नु अनि सुधीर शर्मा | यिनको विश्लेषण यिनको नितान्त व्यक्तिगत विश्लेषण हो जसमा यिनका पृष्ठभूमिको कुरा संदर्विक हुन्छ | यो कुरा अत्यन्तै महत्व पूर्ण छ | सामान्य रुपमा कान्तिपुर अनि यस संग सम्भंदितहरुको विचार भनेको बाहुनको राज यो देशमा कायम गर्ने | यिनीहरुलाई दक्षिण पन्थी भन्छन राजनैतिक हिसाबमा तर यिनीहरु दक्षिण पन्थी भन्दा रुचौन्दैन कारण यसले यिनीहरुलाई नोर्थ इन्डियन साङ्ग मिलौन्छ |

    मन परे हरियो नपरे रातो ! Thumb up 3 Thumb down 2

  • […] उनको स्टाटसको सार छ, […]

    मन परे हरियो नपरे रातो ! Thumb up 0 Thumb down 0

Leave a Reply

  

  

  

Enable Google Transliteration.(To type in English, press Ctrl+g)