यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

फोटोमा हेर्नुस् अमेरिकामा यसरी मनाइयो इन्द्रजात्रा

-रोशन श्रेष्ठ-

इन्द्रजात्रा काठमाडौँ उपत्यकामा धूमधामका साथ मनाइने पर्व हो। ग्लोबलाइजेसनका कारण अब कुनै चाड कुनै ठाउँ वा देशमा मात्र सीमित रहेन। १४ सेप्टेम्बरमा अमेरिकामा पनि इन्द्रजात्रा मनाइयो।

नेवाः अर्गनाइजेसन अफ अमेरिका (NOA) ले अमेरिकाको मेरील्यान्ड राज्यमा इन्द्रजात्रा मनाएको हो। NOA संयुक्त राज्य अमेरिकामा नेपाल भाषा र नेवार संस्कृति को प्रवर्द्धन र संरक्षण गर्न वाशिंगटन डीसीमा स्थापना भएको गैर नाफामुखी संस्था हो। यो वर्ष यस संस्थाले अमेरिकामा नवौं इन्द्रजात्रा मनाएको हो।

NOA पहिलो संस्था हो जसले नेपाल बाहिर (भारतको सिक्किम बाहेक) विगत नौ वर्षदेखि इन्द्रजात्रा मनाउँदै आइरहेको छ। काठमाडौंको जस्तै कुमारी, कुमारी रथ, लाखे, पुलुकिसी, धिमे बाजा, दश अवतार र समयबजी यस इन्द्रजात्राको मुख्य आकर्षणहरु हुन्।

यस उत्सवमा केवल नेवारहरू मात्र होइन, गैर-नेवारहरू पनि भाग लिन्छन्। NOA का कार्यकारी अध्यक्ष यज्ञमान शाक्यका अनुसार यस वर्ष यहाँ झन्डै १२०० सहभागीहरू थिए। वाशिंगटन डिसी र वरपरका शहरहरुबाट नेपाली जनसमुदायहरु काठमाडौँमा जस्तै एकै ठाउँमा भेला भई कुमारी रथ तानी रमाइलो गरी इन्द्रजात्रा मनाउँदै आइरहेका छन।

नेवार संस्कृति जोगाउन र विदेशमा रहेका युवा पुस्तालाई हस्तान्तरण गर्न नेपाल बाहिर यस्ता सांस्कृतिक कार्यक्रमहरु आयोजना गर्ने गरेको NOA का कार्यकारी टोली को भनाइ छ ।

यस वर्ष अमेरिकाको वाशिंगटन डीसीमा NOA द्वारा आयोजित इन्द्रजात्राका केही फोटोहरू। फोटो क्रेडिट : रवि मानन्धर (रविज फोटोग्राफी), बिक्रान्त श्रेष्ठ (नाम्लो इभेन्ट्स), सुजय श्रेष्ठ

8 comments to फोटोमा हेर्नुस् अमेरिकामा यसरी मनाइयो इन्द्रजात्रा

Leave a Reply

  

  

  

Enable Google Transliteration.(To type in English, press Ctrl+g)