Mysansar

फेरि एक पटक प्रचण्ड कै बोली चर्चाको केन्द्रमा छ। कहिले कसलाई कहिले कसलाई तारो बनाइराख्‍ने प्रचण्डले यसपालि आफ्नै पार्टीका उपाध्यक्ष बाबुराम भट्टराईलाई प्रहार गरेका छन्। पार्टी कार्यकर्ताहरुलाई दिएको आन्तरिक प्रशिक्षणका क्रममा उनले भनेछन्- बाबुराम भट्टराईलाई प्रधानमन्त्री बनाउन भारतले दबाब दिइरहेको छ। उनको यो भनाईको अडियो सार्वजनिक भएपछि देशै तरंगित भएको छ। यसबाट प्रचण्डलाई फाइदैफाइदा भएको छ। यो समाचारलाई छाप्ने सञ्चारमाध्यमलाई पनि फाइदै भएको छ। बलिका बोका बनाइएका छन् बिचरा बाबुराम। गर्नु गर्‍यो बाबुरामलाई यो अडियोले। यो अडियोले प्रचण्डको धूर्तपना, बठ्याइँमात्र देखाएको छैन, पार्टीमा आफूमाथि ‘थ्रेट’ हुनसक्ने कसैलाई पनि चरित्र हत्या गरेर उठ्न नसक्ने बनाउने र एकछत्र राज आफूमात्रै गर्ने सोच छर्लङ्गै पारेको छ। उनको त्यो सोच राजामहाराजाले पनि नगर्ने आफ्नै रंगीन फोटो झुण्ड्याइएको पार्टी मुख्यालयको भित्ता अगाडि बसेर पत्रकार सम्मेलन गर्दै गरेका दृश्यले पनि स्पष्ट पार्छ। सम्मेलनमा उनले भने, सरकारमा जाने भए मेरै नेतृत्वमा जाने पार्टीले निर्णय गरेको छ।
Continue reading ‘बलिको बोका’ बनाइए बाबुराम

चिठ्ठा परेर पाएको प्रधानमन्त्री पद। अनि कहाँ यत्तिकै खेर फाल्ने त। सत्ताको नेतृत्व पाएको बेला मोज नगरे कहिले गर्ने? फेरि उनले मात्र गरेका हुन् र, परम्परै यस्तै हो। परम्पराअनुसार चल्नै पर्‍यो। त्यसैले त हाम्रा माधव कमरेडले आफू प्रधानमन्त्री भएका बेला आफ्ना परिवारको ‘उद्धार’ गर्न थालेका छन्।

अस्ति भर्खरै त हो, उनले आफ्ना माहिला भाइ विनोद उपाध्याय नेपाललाई हङकङको महावाणिज्यदूत नियुक्त गरेको, त्यो पनि प्रक्रिया मिचेर। व्यापार हेर्ने अनुभवी प्रशासनका सहसचिवलाई पठाउने परम्परा थियो महावाणिज्यदूतमा। सत्ताको साँचो आफ्नो हातमा रहेको बेला कहाँ त्यस्ता नियम र प्रक्रिया। उल्ट्याइदिए उनले। अनि मेकानिकल इञ्जिनियरलाई बनाइदिए महावाणिज्यदूत। पत्रिकामा खबर आयो, केही दिन हल्ला भो, शान्त भो। अनि फेरि जुर्मुराए माधव कमरेड। माहिला भाइलाई मात्र मोज गर्न दिने, कान्छालाई पनि त केही गर्नुपर्‍यो नि। उनी सौतिनी आमाका छोरा त हैनन्।
Continue reading मोज गर्नुस् माधव कमरेड मोज !

माननीय रक्षामन्त्री विद्यादेवी भण्डारी ज्यू,

मेरो नाम देवी सुनार हो। म तत्कालीन शाही नेपाली सेनाद्वारा पाँच बर्ष अघि निर्ममतापूर्वक हत्या गरिएकी १५ वर्षीया बालिका मैना सुनुवारकी आमा हुँ। मेरी छोरीको हत्या र उनीमाथि भएको अन्यायका सम्बन्धमा तपाइलाई पक्कै पनि अवगत होला भन्ने आशा लिएकी छु।

मेरी छोरीको हत्यामा संलग्न एकजना हत्यारा मेजर निरन्जन बस्नेतलाई प्रहरी निकायमा सुम्पन प्रधानमन्त्री र गृहमन्त्रीद्वारा आग्रह भएकोमा तपाईले सहयोग नगरेको संचार माध्यमहरुको समाचारप्रति आश्चर्य मान्दै यो पत्र प्रेषित गरेकी हुँ। सेप्टेम्बर २००९ मा काभ्रे जिल्ला अदालतले निजलाई पदबाट निलम्बन गर्न गरेको आदेश तथा हालसालै अफ्रिकाको चाड गणतन्त्रमा पठाइएका निज बस्नेतलाई संयुक्त राष्ट्रसंघीय शान्ति स्थापना मिशनमा सम्मिलित हुनबाट रोक लगाई नेपाल फर्काइएपछि अन्ततः कमसेकम एकजना आरोपीलाई मात्र भए पनि अदालतसमक्ष प्रस्तुत गरिनेछ भन्ने केही आशा पलाएको थियो। सेनानी बस्नेतलाई संयुक्त राष्ट्रसंघले फिर्ता पठाएपछि न्यायप्रति पलाएको झिनो आशा मन्त्रीज्यूबाट सहयोग नभएको भन्ने भर्खरैको समाचारले मरेर गएको छ।

Continue reading रक्षामन्त्री विद्या भण्डारीलाई खुलापत्र

भारतीय सेनाध्यक्ष दीपक कपुरको भनाईलाई लिएर माओवादीले बबाल गरिरहेको बेला आज बल्ल भारतले प्रतिक्रिया दिएको छ। माओवादी सेना नेपाली सेनामा समायोजन गर्न हुँदैन भन्ने कपुरको अभिव्यक्ति सार्वजनिक भएको झण्डै आधा महिनापछि कपुरका ‘मालिक’ले मुख खोलेका हुन्। भारतीय दूतावासले अहिले साँझ जारी गरेको प्रेस विज्ञप्तिमा हाम्रा आर्मी चिफले त्यसो भनेकै हैनन्, यहीँका मिडियाले ठूलै तोडमरोड गरेर उनको भनाई बिगार्‍या हुन् भनेर आरोप लगाइएको छ। बोल्ने बेलामा होस नपुर्‍याइ बोल्ने, अनि पछि आएर मैले त्यसो भनेकै थिइनँ भन्ने उपाय नै सबैभन्दा सजिलो रहेछ। नेपालका नेताहरु पनि उस्तै, भारत पनि उस्तै। सब दोष मिडियालाई लाइदियो आनन्द। यदि त्यसो भनेकै हैन भने त्यस्तो खबर आउने बित्तिकै किन खण्डन नगर्‍या त। उतिबेला चुप बस्ने, अनि अहिले कुरा ठूलो बन्दै गएपछि बल्ल मुख खोल्ने। फेरि त्यो भनाईले भारत सरकारको आधिकारिक धारणा सार्वजनिक गर्दैन भनेर भने पनि भारत सरकारको आधिकारिक धारणा चैँ के हो त, त्यो चाहिँ वक्तव्यमा लेखिएको छैन। त्यो पनि खुलाइदिएको त टण्टै साफ हुन्थ्यो नि।
Continue reading ‘मालिक’ले बल्ल मुख खोल्यो

सुस्तादेखि कञ्चनपुरसम्म भारतले सीमा मिचेकै हो- यो निश्कर्ष निकालेको छ संविधान सभाको एउटा समितिको टोलीले। त्यो समितिमा सत्तारुढ कांग्रेस, एमाले र मालेका आठ सभासदहरु सदस्य छन्। तिनै सभासदहरुले स्थलगत भ्रमण गरेपछि यस्तो निश्कर्ष निकालेका हुन्। नेपाल र भारतकाबीच विद्यमान सीमा विवादको स्थलगत रुपमा अध्ययन गरी प्रतिवेदन तयार पार्न सो टोली गठन गरिएको थियो।

भ्रमण सकिएपछि आयोजित पत्रकार सम्मेलनमा टोलीका संयोजक पद्मलाल विश्वकर्माले टोलीको निश्कर्ष यसरी सुनाए-
Continue reading सुस्तादेखि कञ्चनपुरसम्म सीमा मिचेकै हो

नेपाली भाषा मै बोलेर नेपाली भाषा जान्दिनँ भनेर अन्तर्वार्ता दिने हाम्रा महान उपराष्ट्रपति परमानन्द झाले खोसिएको उपराष्ट्रपति पदको कुर्सी फेरि पाउने निश्चित भएको छ। सरकारले राष्ट्रपति र उपराष्ट्रपतिले पनि मातृभाषामा शपथ खान पाउने व्यवस्था गरी दर्ता गरेको संविधानको सातौँ संशोधन प्रस्तावलाई पास गर्ने सहमति अहिले बिहान बसेको माओवादी र मधेसी दलहरुको बैठकले गरेको छ।

त्यति मात्र हो र, उनीहरुबीच सर्वोच्चको फैसलाका कारण पद निस्क्रिय रहेका परमानन्द झाको उपराष्ट्रपति पद क्रियाशील गराउन संसदमा संकल्प प्रस्तावसमेत ल्याउने सहमति भएको छ।
Continue reading फेरि पाउने भए कुर्सी परमानन्द झाले

माओवादीले माघ १० गतेदेखि अनिश्चितकालीन बन्द गर्ने घोषणा गरिसकेको छ। त्यो बन्द फिर्ता होला कि नहोला त्यो त हेर्न बाँकी नै छ। तर कमल थापाले चाहिँ त्यही दिनदेखि अर्को आन्दोलन गर्ने भएका छन्। माओवादीको बन्द फिर्ता नहुने हो भने त सडकमा माओवादी कार्यकर्ता र कमल थापाका कार्यकर्ताले कार्यगत एकता गर्ने पो देखियो त। १० गतेदेखि माओवादीको यसै बन्द, त्यसमाथि १३ गते कमल थापाको उपत्यका बन्द। माओवादीको बन्द कै दिन कमल थापाले १२ गते मसाल जुलुस निकाल्ने अनि अर्को दिन सिंहदरबार घेर्ने। आन्दोलनका बेला केही यताउता भए चाहिँ यिनीहरुले एकअर्कालाई घुसपैठ गरेको आरोप लाउने होलान्।
Continue reading माओवादी र कमल थापाको आन्दोलन सँगसँगै

एमालेबाट फुटेर वामदेवले माले गठन गरेपछि राष्ट्रवादको नारा खुबै चर्काएको थियो। अनि उतिबेला माले अखिलको एउटा समूह कालापानीमा नेपाली झण्डा गाड्ने भनी गएको थियो। केको झण्डा गाड्न सक्नु, नजिकै आएमा गोली हान्ने धम्की भारतीय सेनाले दिएपछि वरै झण्डा गाडेर उनीहरु फर्किए।

अहिले एक पटक फेरि कालापानी चर्चामा आएको छ। यस पटक कालापानीमा जाँदैछन् माओवादी अध्यक्ष प्रचण्ड स्वयं। शनिबारको पोलिटब्युरो बैठकले यस्तो निर्णय गरे पनि तिथि भने टुंगो लगाइसकेको छैन। कार्यक्रम घोषणा गरेर स्थगित गर्ने बानी नदोहोर्‍याउने हो भने प्रचण्ड कालापानी जाँदा के होला त?
Continue reading कालापानी गएर प्रचण्डले के गर्लान्?

माओवादीले आन्दोलनको स्वरुप फेर्ने भन्दै संसद के खुला गरिदिएका थिए, सरकारलाई विवादित उपराष्ट्रपति परमानन्द झालाई कुर्सीमा राख्‍न हतार भएको छ। त्यसैले संसद खुले लगत्तै सरकारले संविधानको सातौँ संशोधनको विधेयक दर्ता गराइहाल्यो। यो संशोधनमा राष्ट्रपति, उपराष्ट्रपतिले पनि मातृभाषामा शपथ खान पाउने व्यवस्था गरिएको छ। सीधै भन्नुपर्दा यो उपराष्ट्रपति परमानन्द झाले हिन्दीमा खाएको शपथलाई मान्यता दिलाउने विधेयक हो। तर संविधान संशोधनको काम सजिलो भने छैन। यसका लागि दुई तिहाई बहुमत चाहिन्छ र त्यसका लागि माओवादीको साथ नभई हुन्न। बाँडिचुँडी सत्ता चलाइरहेका १० दलको हिजो बसेको बैठकले त्यसको जिम्मा प्रधानमन्त्री माधवकुमार नेपाललाई दिएको छ। माओवादीले के गर्ला त?

Continue reading परमानन्दलाई कुर्सीमा बसाउने जिम्मा प्रमलाई