“यस्तो सेवा निषेध गरिएको छ”

उफ ! अझै खुलेन मेरो मोबाइल

२०६२ भदौ ६ सोमबार
छ महिनाभन्दा बढी समयपछि मेरो प्रि-पेड मोबाइलले आंशिक रुपमा काम गर्न थालेको छ। अहिले साढे ११ बजेबाट मेरो मोबाइल सेटमा टावर देखिन थालेको छ। तर दुःखको कुरा, कुनै नम्बरमा डायल गर्दा भने एउटी महिलाको यस्तो कर्कश ध्वनि सुनिन्छ

“यस्तो सेवा निषेध गरिएको छ”

अनि अंग्रेजीमा पनि यसो भनिन्छ This type of call is restricted अनि सामान्य लायन्डलाइनबाट मोबाइलमा फोन गर्दा पनि सम्पर्क हुँदैन। हैन यो कस्तो खालको सेवा दिन थालेको हो नेपाल टेलिकमले ? फोन गर्न पनि नमिल्ने, आउँदा पनि नआउने ? बाँकी
आज प्रिपेड मोबाइल खुल्छ भन्ने व्यापक हल्ला थियो। त्यसैले दिउँसैदेखि आफ्नो नम्बर डायल गर्दै थिएँ। तर जति पटक डायल गर्दा पनि “यो सेवा अहिले उपलब्ध छैन” भनिन्थ्यो। सञ्चार माध्यमहरुले सरकारले सेवा सञ्चालन गर्न अनुमति दिएको समाचार आइसक्दा पनि यस्तै थियो हालत। टेलिकमले नेटिभीमा समाचार प्रसारण हुनु अगाडि सूचना प्रसारण गर्दै २० गतेभित्र प्रति दिन १०-१२ हजार गर्दै सबै लाइन खोलिने हुनाले धैर्यधारण गर्न बताएको थियो। तर यी हरफ लेख्दा रातिको पौने १२ बजेसम्म पनि कुनै पनि प्रि-पेड लाइन खुलेको छैन। प्रमाण- मैले र्‍यान्डमली डायल गरेका नम्बरहरु।
हेरौं, राजाको ज्वाईँको मोबाइल नखुलेसम्म टेलिकमको मोबाइल साँच्चिकै खुल्ने हो कि टावरमात्र देखाएर “यस्तो सेवा निषेध गरिएको छ” भन्दै गर्ने हो ?

Related posts:

1. मोबाइल र टेलिफोन सेवा फेरि अवरुध्द
2. प्रतिगमनका मतियारलाई प्रवेश निषेध
3. कस्तो खालको लोक सेवा ?
4. 'गुगल अलाइभ'को व्यक्तिगत सेवा
5. आज पनि राजधानी ठप्प, देशभरका स्वास्थ्य सेवा बन्द