आजको दिन दिवस मनाउने हैन, नेताहरुलाई खबरदारी गर्ने दिन हो
जनताले केही पाएको अनुभूति नगरे नि नेताहरुले भाषणबाजी गर्दै आज लोकतन्त्र दिवस मनाउँदैछन्। आन्दोलन १९ औँ दिनमा पुगेको बेला राजाले दलहरुसित झुकेर दलहरुले नै ड्राफ्ट गरिदिएको सम्बोधन राति साढे ११ बजे पढेको दिन थियो आज। संविधान समयमा नबनाएर जनताको नजरमा दोषी देखिएका दलहरुका भाषणबाजी सुन्ने दिन हैन आज, कत्रो उत्साह, कति आशा लिएर नयाँ नेपाल बनाउने अभियानलाई साथ दिन आन्दोलनमा उत्रिएका थियौँ, त्यो सम्झने दिन हो आज। अहो, त्यो दिन बिहान सबेरैदेखि राति अबेरसम्म ब्लग ब्लग र मात्र ब्लग गरिरहेको थिएँ। नेताहरुलाई सजग गराउन जनताले कत्रो जुलुस निकालेको थियो भोलिपल्टसमेत। आउनुस्, त्यो दिन वैशाख ११ गते मैले गरेको ऐतिहासिक दिनको ऐतिहासिक ब्लगलाई पुनः एक पटक जस्ताको तस्तै हेरौँ। अनि तपाईँलाई एउटा विशेष अनुरोध-यो ब्लगको प्रतिक्रियामा त्यो दिन तपाईँले खबर कसरी पाउनु भएको थियो, तपाईँले त्यो दिन कसरी बिताउनु भएको थियो, अनि त्यो दिन तपाईँले कस्तो आशा राखेर कस्तो सोच्नुभएको थियो- आफ्ना भावना बाँडिदिनुस्।
जनआन्दोलन भाग दुईः १९ अौं दिन
२०६३ वैशाख ११, सोमबार
अपडेट (बिहान ६) आज आम हडतालको १९ अौं दिन भइसक्यो। तर राजालाई कुनै वास्ता नै छैन। अस्तिको दिन सहरका भित्री भागमा पुगेको जुलुसलाई हिजो व्यापक दमन गरेर भित्र पस्न दिइएन। सात दलले अब फेरि भोलि चक्रपथमा जनप्रदर्शन र पर्सि शान्तिपूर्ण धर्नाको कार्यक्रम बनाएको छ। आज त्यसको प्रचार गर्ने कार्यक्रम रहेको छ। अब त सरकार पनि के भन्नु र, शाही घोषणापछि सरकारको अौचित्य समाप्त भइसक्यो। त्यसैले जे गरिरहेका छन् राजाले गरिरहेका छन्। त्यसैले राजाले आज कर्फ्यु लगाउने हो कि हैन, त्यो अनिश्चित छ। कर्फ्यु लगाइयो भने त्यो पाँचौं दिन लगातार लगाइएको दिउँसोको कर्फ्यु हुनेछ। कर्फ्यु लगाइएन भने शहरभित्रसम्म प्रदर्शन हुने निश्चित छ। हेरौं के हुन्छ ? अहिलेसम्म कुनै घोषणा भइसकेको छैन।
अपडेट (बिहान 1043) राजाले आज पनि ११ बजेदेखि ६ बजेसम्म कर्फ्यु लगाएको छ। अब त कर्फ्यु र आम हडताल अनि टायरको धुँवा त हाम्रो नियति जस्तै नै भइसकेको छ।
अपडेट (बिहान 1115) हिजो सिन्धुपाल्चोक सदरमुकाम चौतारामा भएको माअोवादी आक्रमणमा एक सैनिक मारिएको र ६-७ जना घाइते भएको रक्षा मन्त्रालयले पुष्टि गरेको छ। एक सर्वसाधारणसहित कम्तीमा ५ जनाको मृत्यु भएको छ। थप विवरण आउन बाँकी छ। भिडन्त बिहान २ बजेसम्म जारी रहेको बताइएको छ। उता, नेपाल वन टेलिभिजनका दुई पत्रकार तिलक कोइराला र जनक पण्डितलाई हिजो साँझ डिल्लीबजारमा सुरक्षाकर्मीहरुले पत्रकारहरुले नकारात्मक कुरामात्रै दिन्छन् भन्दै कुटपिट गरेको पत्रकार महासंघले जनाएको छ। कोइरालाको मोडल अस्पतालमा उपचार भइरहेको छ भने पण्डित उपचारपछि घर फर्किसकेका छन्।
अपडेट (बिहान 1150) आज बिहानदेखि राजधानीका विभिन्न स्थानमा भोलिको २० लाख सहभागी गराउने लक्ष्य राखिएको वृहत् जनप्रदर्शनको प्रचारका लागि जुलुस भइरहेको छ। आज बसेको जनआन्दोलन केन्द्रीय संयोजन समितिको आजको बैठकले आज राति ७ बजे घरबाट निस्केर थाल, चम्चा ठटाउन र चक्रपथ जाउँ भन्ने नारा लगाउन भनेको छ। सम्पूर्ण उपत्यकावासीलाई घर र डेरामा ताला लगाएर मध्यान्ह १२ बजे चक्रपथमा उपस्थित भई प्रदर्शनमा सहभागी हुन अनुरोध पनि गरेको छ। जनआन्दोलनका घाइतेहरुलाई ब्याण्डेज र वैशाखीका साथ उपस्थित हुन पनि आग्रह गरिएको छ। उपत्यकामा प्रदर्शनलाई व्यवस्थित गर्न ३ हजार स्वयंसेवक परिचालन गर्ने भएको छ
अपडेट (बिहान 1158) राजपरिषद सदस्य रुद्रप्रताप शाहले लोकतान्त्रिक आन्दोलनको समर्थन गर्दै सदस्य पदबाट राजीनामा दिएका छन्। उनी राजपरिषद सदस्य पदबाट राजीनामा दिने पहिला हुन्। यसैबीच, पहिले दरबारका पक्षमा रहेको जस्तै गरी बोल्ने काँग्रेसकी शैलजा आचार्यले समेत आज वक्तव्य प्रकाशित गरी दरबार हत्याकाण्डपछि नै राजतन्त्रको भविष्यमा प्रश्नचिह्न खडा भएको भन्दै संसद पुनर्स्थापना गरी समस्याको समाधान गर्न आह्वान गरेकी छिन्। अनि कमल थापाको राप्रपाले भने शाही घोषणाको स्वागत गरेको छ।
आजको दिन दिवस मनाउने हैन, नेताहरुलाई खबरदारी गर्ने दिन हो
अपडेट (मध्यान्ह 1215) सिन्धुपाल्चोकका सरकारी कार्यालयहरुमा हिजो राति एकैसाथ गरिएको आक्रमणमा मारिनेमा एक जना सर्वसाधारण भक्तबहादुर श्रेष्ठ, १ सैनिक अनि कम्तीमा चार माअोवादी मारिएका छन्। भिडन्तमा स्थानीय बासिन्दाको घरमा पनि क्षति पुगेको छ। आक्रमणको क्रममा जिल्ला अस्पताल पनि ध्वस्त भएको छ। अस्पतालमा भएका ११ बिरामी पनि गोलीको छर्राले घाइते भएका छन्। घाइतेमध्ये ३ गम्भीर छन् र आज बिहान सेनाले काठमाडौं ल्याएको छ। अस्पतालभित्रै पनि बम, रगत ध्वंश छ। त्यहाँ आज दिनभर कर्फ्यु लगाइएको छ। क्षेत्र कोलाहलपूर्ण र त्रस्त छ। माअोवादीतर्फ ठूलो क्षति भएको अनुमान गरिएको छ। शान्तिपूर्ण आन्दोलन चर्किरहेको बेला देशभर युध्दविराम नगरी अस्पतालका बिरामीसमेत घाइते हुने गरेर आक्रमण गरी माअोवादीले ठूलो गल्ती गरेको छ। यो उनीहरुकै लागि प्रत्युत्पादक हुने निश्चित छ।
अपडेट (मध्यान्ह 1245) भोलिको जनप्रदर्शनका लागि आज कर्फ्यु तोड्दै विभिन्न ठाउँमा प्रदर्शन भइरहेका छन्। पाटनको मंगलबजारमा अहिले १ बजे जुलुस निस्कँदैछ। भक्तपुरको कमलविनायकमा बिहान सबेरै हजारौंको जुलुस निस्किसकेको छ। यसैबीच काठमाडौंका रैथाने नेवारहरुको लोकतान्त्रिक नेवाः संघर्ष समितिको आज बसेको भेलाले पनि भोलिको चक्रपथमा हुने वृहत् प्रदर्शनलाई समर्थन गरेको छ। आन्दोलनलाई निर्णायक बनाउन सशक्त रुपमा लाग्ने निर्णय नेपालभाषासँग सम्बन्धित सबै संघसंस्था सम्मिलित आजको भेलाले गरेको छ। भेलापछि सरकारी निषेधाज्ञालाई अवज्ञा गर्दै अोमबहाल, जैसिदेवल हुँदै काठमाडौंका भित्री बस्तीमा जुलुस परिक्रमा गर्दै लगनमा गएर सभामा परिणत भएको थियो।
अपडेट (दिउँसो 21०) गोंगबुबाट महाराजगञ्जतर्फ अगाडि बढेको जुलुसमा भर्खरै प्रहरी हस्तक्षेप भएको छ। प्रहरीले अन्धाधुन्ध लाठी चार्ज र टियरग्यास हानेको छ। यसबाट १५-१६ जना घाइते भएका छन्। घाइतेहरुलाई मानवअधिकारवादी र रेडक्रसको गाडीबाट अस्पताल लगिँदैछ। गोंगबुतिर भने रुखहरु ढालेर प्रहरी निषेधित क्षेत्र लेखिएका छन्। पाटनमा पनि ठूलो जुलुस निस्किएको छ। तर प्रहरीले हस्तक्षेप गरिसकेको छैन। आजको प्रदर्शनमा झडप गर्ने भन्दा पनि भोलिको कार्यक्रमको प्रचार गर्ने देखिएको छ। आज हिजोभन्दा कम भीड देखिए पनि सहभागीको उत्साहमा कुनै कमी नआएको त्यहाँ उपस्थित पत्रकारहरुले बताएका छन्।
अपडेट (दिउँसो 255) भोलि सात दलले चक्रपथमा शीर्ष र केन्द्रीय नेताको अगुवाईमा २० लाख जनता उतारेर राजाको अहं र घमण्डलाई तोड्ने दावी गरेका छन्। यसैबीच, पाटनमा कर्फ्यु तोड्दै निस्केको हजारौंको जुलुसले नगर परिक्रमा गर्दै मंगलबजारमा सभा सम्पन्न गरेको छ। लोकतान्त्रिक नेवाः संघर्ष समितिले पनि बसन्तपुरबाट जुलुस निकालेको छ। भक्तपुरको सूर्यमढी, इटाछेँ र दरबार स्क्वायरमा जुलुस निस्केको छ। भरे साँझ गठ्ठाघरबाट भोलि चक्रपथ जाअौं भन्दै राँके जुलुस निस्कँदैछ। जनमोर्चाले कलंकीमा मारिएका आफ्ना कार्यकर्ता दीपक विश्वकर्माको स्मृतिमा देशभर सभा गर्दैछ।
अपडेट (दिउँसो 310 ) काठमाडौंको बसुन्धारा क्षेत्रमा प्रहरीले हानेको गोलीले सात जना घाइते भएका छन्। गोंगबुबाट महाराजगञ्ज हुँदै चाबहिलतर्फ जान खोज्दा प्रहरीले हस्तक्षेप गरी गोली हानेको हो। अहिले पनि त्यहाँ झडप जारी छ। त्यहाँ १० राउण्ड रबरको गोली हानिएको थियो। प्रहरीले आन्दोलनकारीहरुलाई घर-घरमा कर्फ्यु नलागेको ठाउँमा समेत गई लाठी प्रहार गर्ने, भीरबाट खसालिदिने गरिरहेका छन्। आन्दोलनकारीहरुले नारायणगोपाल चोकसम्म मात्र जान्छौं, त्यहाँबाट शान्तिपूर्ण रुपमा गोंगबु नै फर्कन्छौं भनी भन्दा पनि प्रहरी आक्रामक रुपमा प्रस्तुत भएको त्यहाँस्थित पत्रकारहरुले जानकारी दिएका छन्। त्यसैगरी चाबहिलमा हजारौंले प्रदर्शन गरिरहेका छन्। कोटेश्वर, सातदोबाटो र कलंकीमा पनि प्रदर्शन भइरहेको छ। यसैबीच, भारतीय नेता जसवन्त सिंहको नेपाल भ्रमण स्थगित भएको छ।
अपडेट (दिउँसो 425 ) आज यस्तो गीत गाइएको पनि सुनिएको छ- आर्मी पुलिस हतियार थन्काइदेउ, देशको माया छ भने लोकतन्त्रको नारा घन्काइदेउ….
अपडेट (साँझ 625 ) गोंगबुमा आज एक जनालाई सरकारी भिजिलाण्टे भएको आरोपमा कुटपिट गरिएको छ। उनलाई मानवअधिकारवादीहरुले बचाउनु परेको थियो। त्यसैगरि नारायणीका अञ्चल प्रशासक जनआन्दोलन सफलतातर्फ उन्मुख भएपछि राजधानी भागेका छन्। पाँचथरमा आज अहिलेसम्म कै सबैभन्दा ठूलो जुलुस निस्किएको छ भने बाराको सिमरामा अनि नेपालगञ्जमा सुरक्षाकर्मीका पत्नी र छोराछोरीहरुले लोकतान्त्रिक आन्दोलनमा भाग लिएका छन्। सिमरामा आन्दोलनकारीले राजधानीतिर एस्कोर्टिङ गरी ल्याउन लागिएका ६ वटा गाडी ध्वस्त पारेका छन्।
अपडेट (साँझ 630 ) भोलिको विशाल जनप्रदर्शनका लागि भव्य तयारी भएको छ। सबै पेशागत संघसंस्थाहरुले पनि यसलाई सघाउने भएका छन्। आज दिनभर यसको प्रचार भयो। २० लाख जनतासहितको ऐतिहासिक शान्तिपूर्ण जनप्रदर्शनलाई बिथोल्न सरकारले आजै रातिबाट कर्फ्यु लगाउन सक्नेछ। तर अब त्यस्तो कर्फ्युलाई कसैले मानिरहने देखिँदैन। एक जना पत्रकार साथीले मलाई आजै रातिबाट नेताहरुलाई गिरफ्तार गरेर संकटकाल लाग्नसक्नेछ ‘अलर्ट’ रहनू भनी भनेको भए पनि मलाई चाहिँ उसको कुरामा विश्वास लागेको छैन। बल्लतल्ल शक्ति जनतालाई दिएको भनेर विश्व समुदायमा भ्रम छर्न सफल भएका राजाले त्यसो गर्यो भने त्यो उनकै लागि आत्मघाती कदम हुनेछ। तर राजासित अरु विकल्प पनि छैन। हेरौं अब के हुन्छ ? अहिले सात बजे भने सबै घरबाहिर निस्केर थाल चम्चा ठटाउने र भोलि १२ गते १२ बजे चक्रपथ जाअौं भन्ने नारा लगाउँदै छन्। त्यसबारेमा जानकारी र अस्तिको भिडियोको पूर्ण अंश लिएर म छिट्टै नै आउनेछु।
अपडेट (राति 905 ) एकछिन बाहिर घुमेर आएको थिएँ। त्यसबेलाको अडियो रिपोर्ट म एकै छिनपछि एडिट गरेर राख्नेछु। आज छिट्टै सुत्नुछ किनभने म भोलि हुने ऐतिहासिक जनप्रदर्शनमा सहभागी हुँदैछु। अहिलेसम्म राजाले त्यसलाई बिथोल्न भोलि कर्फ्युको घोषणा गरिसकेको छैन।
अपडेटः (राति १०२०) राजाले अहिले केही बेरमा नयाँ सम्बोधन गर्दैछन्। यस सम्बन्धी लाइभ अपडेट म यहाँ गर्नेछु। त्यसो त अघि नै मैले यो खबर पाएको थिएँ तर कन्फर्म नभएकोले यत्तिकै बसेको थिएँ। तर अहिले एकजना साथीले नेपाल टेलिभिजनमा नै रहेका एक साथीको हवाला दिँदै सम्बोधनको भिडियो टेप त्यहाँ पुगिसकेको र केही छिनमा नै सम्बोधन हुने दावी गरेको छ। सात दलले भोलि राजाको अहं र घमण्ड तोडिने गरी विशाल जनप्रदर्शन गर्ने कार्यक्रमको तयारी सकाइसकेको बेला राजाको सम्बोधन आउन लागेको हो। कस्तो सम्बोधन आउने हो ? संकटकाल लाग्ने हो कि संसद पुनर्स्थापना हुने हो ? प्रतीक्षाको विषय बनेको छ।
अपडेटः (राति १०२४) नेपाल टेलिभिजनले अहिले स्क्रोलिङमा देखाउन थालेको छ -अहिले केही बेरमा राजाबाट राष्ट्रका नाममा शाही सम्बोधन बक्स हुनेछ भनी। टिभीमा अहिले शान्तिसम्बन्धी गीतहरु बजाइएका छन्।
अपडेटः (राति १०२८) अहिले नेपाल टेलिभिजनले राजाले नै लेखेको गीत नजरले मात्र….नेपाली हेराइ नेपाली बुझाइ बजाइरहेको छ। के होला त अहिलेको सम्बोधनमा ? संकटकाल कि संसद पुनर्स्थापना ? एनी गेसेज ?
अपडेटः (राति १०३५) नेपाल टेलिभिजनमा अंग्रेजी समाचार पो आयो। भन्यो राति ११३० मा सम्बोधन हुने रे। हैन चालामाला त ठीक छैन नि- राति हुँदो अझ मध्यरातमा पो सम्बोधन रे। के हुने पो हो खोइ ? अहिलेसम्म फोन, इन्टरनेट ठीकै छ।
अपडेटः (राति १०४२) म त कुनै अनुमान नै गर्न सकिरहेको छैन। जे पनि हुनसक्छ। म दाजुजस्तो हैन भनेर त राजाले पहिले नै भनेकै थिए। एक जना साथीले त संकटकाल नै लाग्ने संभावना छ- मिडियाहरुलाई टाइट गरिन्छ, सत्ता दिन्छु भन्दा पनि नमानेर आतंककारीसित मिलेर देशलाई अशान्तितर्फ डोर्याउन लागेकोले संकटकाल लगाउँछु भनेर आउँछ भन्दैछ। म आफै भने केही भन्न सक्दिन। अर्को एउटा पत्रकार नै साथीले भने गिरिजालाई प्रधानमन्त्री बनाउने अनि त्यो सरकारले संसद पुनर्स्थापना गर्छ भनेर उसको सूत्रको हवाला दिँदै ठोकुवा पो गर्छ त। उसका अनुसार गिरिजाले केही अघि राजासँग भेटेका थिए रे। अहिले देउवालाई भेट्दैछ रे। गिरिजालाई प्रधानमन्त्री बनाउने बारे एमालेले भने केही बोलेको छैन रे। खै के हो के ? म त तपाईँहरु जस्तै नै उत्सुक मात्र छु। केही भन्न सक्ने स्थिति छैन। दुवैका कुरा ठीक जस्ता लाग्छन्।
अपडेटः (राति १०५६) तपाईँहरुलाई इन्टरनेट ठीक छ र म पनि ठीक नै छु भनेर भन्न मात्र यो अपडेट गरेको 
अपडेटः (राति ११०४) यो मेरो एक साथीले उसको तथाकथित सूत्रको हवाला दिँदै भनेको गिरिजालाई प्रधानमन्त्री दिने भन्ने कुरामा तपाईँहरुलाई कतिको विश्वास लाग्यो ? गिरिजाले राजालाई पनि भेट्यो भन्छ। खै, गिरिजाले राजालाई भेट्ला जस्तो त लाग्दैन अघिपछि स्टायण्ड लिएर कुरा गरेको हेर्दा त। तर यी मुला नेताहरुको के भर र ! एक जना साथीले तल कमेन्टमा लेख्नुभएको पनि ठीकै लाग्यो- अमेरिकाको इन्टेलिजेन्सको कुरा र एम्बेसी स्टाफलाई फर्काउनुको कुरा। खै के हो के…..
अपडेटः (राति १११४) लेख्ने कुरा केही छैन। लौ न तपाईँहरु केही लेख्नुस्। म तपाईँहरुले लेखेको पढ्छु बरु।
अपडेटः (राति ११२०) कस्तो हुस्सु म। एउटा नेताको मोबाइलमा पो फोन गरिरहेको रिडायलका रिडायल हानेर। एउटा साथीले देउवा दरबार गएको हो कि हैन सुँइको पाउन देउवा निवासमा फोन गर्दैछ। हेरुम् के हुने हो।
अपडेटः (राति ११२२) अब त ८ मिनेट मात्र बाँकी छ। म कसैका कुरा सुन्दिनँ। अब राजा कै मुखबाट सुन्छु।
अपडेटः (राति ११२५) आम्मै नि सीजीआई एरर देखाउन थाल्यो। कृपया अहिले केही बेर कमेन्ट नलेखिदिनुस्। अपडेट गर्नै नपाइने होला फेरि। प्लिज है। केही बेरसम्ममात्रका लागि। धेरैले कमेन्ट लेख्दा त सीजीआईले नठामेर मैले अपडेट नै गर्न नपाइने हुने डर भो क्या।
अपडेटः (राति ११३०) राजाको सम्बोधन सुरु भयो। म टिपोट लिन थाल्छु है त
जनआन्दोलनलाई सम्बोधन
संसद पुनर्स्थापना
वैशाख १५ शुक्रबार संसदको बैठक बस्ने
शहीदमा समवेदना पनि
घाइतेलाई स्वास्थ्यलाभको कामना
सार्वभौमसत्ता नेपाली जनतामा नै रहेको स्वीकार
अपडेट (1248) सबैभन्दा पहिला ताजा खबर सुनाइ हालुँ है त- अहिले काठमाडौंका ठाउँ ठाउँमा जुलुसहरु निस्किरहेका छन्। देशबाहिर पनि विजय जुलुस निस्किएको छ। एक साथीले एमालेका प्रदीप नेपालसित कुरा गर्दा उनले सात दलले यसलाई मान्ने बताए। त्यसैगरी प्रजातान्त्रिक काँग्रेसले पनि स्वीकार गर्ने भनेको छ।
राजाको आजको यो सम्बोधन अस्तिको सम्बोधन जस्तो छैन। अस्तिको सम्बोधनमा जस्तो मै हुँ भन्ने भाव यसमा छैन। राजाको मनमा के छ त्यो त थाहा भएन, तर जुन शब्द यसमा प्रयोग गरिएका छन्। त्यसलाई हेर्ने हो भने राजा साँच्चिकै झुकेको जस्तो देखिएको छ। किनभने यसमा जनआन्दोलनका कुरा गरिएका छन्। सार्वसौमसत्ता जनतामा निहीत भएको भनी भनिएको छ। मार्ने बेलामा आफैले आदेश दिएर मारेको भए पनि शहीदहरुलाई शहीद नभनी ज्यान गुमाएकाहरु भन्दै श्रध्दाञ्जलि र घाइतेलाई शीघ्र स्वास्थ्य लाभको कामना पनि गरिएको छ। अनि आन्दोलनरत सात दलको मार्गचित्र अनुसार गर्ने पनि भनिएको छ।
तर दलहरुले माग गरे जस्तै संविधान पुनर्स्थापना त भएको छ तर यसको वैधता के हो भन्ने चाहिँ निश्चित छैन। कुनै धारालाई उद्धृत गरिएको छैन। धारा १२७ अनुसार संसद पुनर्स्थापना भएको पनि भनिएको छैन, पहिले भने झैं हामीमा निहीत राज्यसत्ता अनुसार पनि भनिएको छैन। खैर जे होस्, आन्दोलनरत दलहरुको माग अनुसार नै संसद पुनर्स्थापना भएको छ। भोलि हुने भनिएको विशाल जनप्रदर्शन अगाडि राजा यसरी झुक्नुले कतै चाल त हैन भनी शंका गर्न पनि मिल्छ।
राजाले आफ्नो मुखबाट संविधान सभाको कुरा त गरेका छैनन् तर सात दलको मार्गचित्र अनुसार नै गर्ने भनिएको छ। अनि नेपाल अधिराज्यको राज्यशक्तिको स्रोत नेपाली जनता नै भएको र नेपाल अधिराज्यको सार्वभौमसत्ता र राजकीय सत्ता नेपाली जनतामा नै निहीत भएको भनी स्वीकार पनि गरिएको छ।
त्यसैले निश्चय नै यो जनताको जीत हो। अनि राजावादी र मण्डलेहरुका लागि एउटा ठूलो हार ! यति नगरेको भए राजा जनआन्दोलनका बलमा नै फालिन सक्थे।
तर अब निकै चुनौतिपूर्ण स्थिति आएको छ। देशमा स्थायी शान्तिका लागि दलहरुले प्रयास गर्नुपर्नेछ। टुटाउने फुटाउने काम हुनसक्छन्। त्यसप्रति सजग हुनुपर्छ। माअोवादी र राज्यले अब देशभर युध्दविराम घोषणा गर्नुपर्छ। अनि सात दल र माअोवादीबीच भएको १२ बूँदे समझदारी अनुसार नै संसदबाट अन्तरिम सरकारको गठन गरी संविधान सभामा जानु पर्छ।
यस्तो बेलामा नेताका बोली फेरिन सक्छन्। नेताहरु बहकिन सक्छन्। त्यसैले उनीहरुलाई खबरदारी नागरिकहरुले गर्नुपर्छ। हामीले मै हुँ भन्ने एउटा राजालाई त पाठ पढायौं भने नेताहरुलाई बाँकी राख्नुहुन्न यदि उनीहरुले जनभावना विपरीत काम गरेमा। अनि एउटा ज्यादै महत्त्वपूर्ण कुरा, यो आन्दोलनमा जति दमन भएका थिए, ज-जसको यसमा हात थियो- कमल थापा, तुलसी गिरी, शिरिष शमशेर अनि माधव थापा, दुर्जकुमार राई जस्तालाई कारबाही गर्नै पर्छ। खबरदार, हुनुहुन्न मल्लिक आयोगको रिपोर्ट जस्तै।
अनि अब ००७ सालमा खुकुरी दल जन्मिए जस्तै अराजकता निम्त्याउन भिजिलाण्टेहरुको प्रयोग हुनसक्छ। माअोवादीमा अतिवादी धारणा हावी हुनसक्छ। राजावादीहरुले नयाँ चाल चल्न सक्छन्।
यसरी एउटा खड्गोमात्र यसले पार गरेको हो, चुनौति अझै धेरै बाँकी नै छन्। हामी नागरिकहरुले पनि अब निकै खबरदारी गर्न बाँकी नै छ। जनआन्दोलन टुंगिएको हैन, यसलाई स्थायी शान्तिका रुपमा रुपान्तर गरी देश निर्माणका कार्यमा पनि आन्दोलनै सरी जुट्नु पर्ने भएको छ।
अपडेट (बिहान १) सात दलको बैठक अहिले बिहान ७ बजे कोइराला निवास, महाराजगञ्जमा बस्दैछ। काँग्रेस प्रवक्ता कृष्ण सिटौलाले पुनर्स्थापित संसदको निर्णयले संविधान सभामा जाने बताएका छन्।
अपडेट (बिहान १) शाही घोषणापछि मध्यरात नै सहरभरी जुलुस निस्किएका छन्। कपनको जुलुसमा रहनुभएका साथी मणि दाहालले युटिएलको वायरलेस फोनबाट दिएको जानकारी सुन्न क्लिक गर्नुस् (अहिले चल्दैन)
अपडेट (बिहान २१५) एमाले महासचिव माधव नेपालले राजा जनताका अगाडि झुकेको भन्दै संविधानसभासम्म जानका लागि दवाबमूलक आन्दोलन जारी राख्नुपर्छ, आन्दोलनबाट पूरै विश्राम लिने हैन भनी भनेका छन्। त्यसैगरी काँग्रेस महामन्त्री रामचन्द्र पौडेलले २०४६ सालको उपलब्धिमा नयाँ इँटा थपेर अगाडि जानुपर्ने बताएका छन्। त्यसैगरी सदभावना पार्टीका ह्रदयेश त्रिपाठीले सात दलको मार्गचित्रको पहिलो खुडकिलो पार गरिए पनि संविधान सभामा नगई त्यो पूरा नहुने बताएका छन्। भोलिको वृहत् प्रदर्शनको कार्यक्रम यथावत छ। भोलि त्यो विजय जुलुसका रुपमा परिणत गरेर सैनिक मञ्चमा कार्यक्रम गर्न पाए हुने हो। जन्मका आधारमा कसैले ठूलो भनाउन पाउने व्यवस्था कतिको उपयोगी छ, अब देशभर यस विषयमा बहस हुन जरुरी छ। अनि अब प्रहरी र सेनामा पनि आमूल परिवर्तन गरेर जनताप्रति उत्तरदायीहरुलाई नेतृत्वमा ल्याउनतर्फ कदम चाल्नै पर्छ। संविधान सभामा गएर गणतन्त्र ल्याएर अग्रगामी कदम चालेमात्र यो आन्दोलन सफल भएको मानिनेछ।
अपडेट (बिहान ३०८) शाही घोषणाको लगत्तै काठमाडौंमा ठाउँठाउँमा विजय जुलुस निस्किरहेको छ। जुलुसले कमले चोर देश छोड, संविधान सभा बाँकी छ जस्ता नारा लगाइरहेका छन्। विजय जुलुसको आवाज सुन्न यहाँ क्लिक गर्नुस अथवा यहाँ राइट क्लिक गरी सेभ टार्गेट एज गर्नुस्। (लिङ्कले अहिले काम गर्दैनन्)
अपडेटः भोलिपल्ट नेताहरु होसियार भन्दै निस्केको जुलुस-
आज निस्किएको विजय जुलुसको भिडियोका मुख्य अंश निकालेर एउटा भिडियो ब्लग बनाएको छु। यसमा सुरुमा कलंकीका दृश्य छन्। १२ बजे कलंकीमा पूर्वनिर्धारित चक्रपथ घेर्ने कार्यक्रमलाई विजय जुलुसमा रुपान्तर गर्ने भनिएको भए पनि नेताहरु कोही नदेखिएका कारण जुलुस टुँडिखेल जाने भनी स्वस्फूर्त त्यतातर्फ लागेको थियो। नेताहरुले पछि चक्रपथका विभिन्न ठाउँमा लाखौंको उपस्थितिमा सभा गरेका भए पनि नेताका भाषण सुन्न नचाहने अर्को लाखौंको समूह टुँडिखेल पुगेको थियो।
भिडियो तलको प्लेयरमा हेर्न सकिन्छ।
No related posts.
कम्प्युटरको हार्ड डिस्क फरम्याट गरे जस्तै नेपालको राजनीति लाइ पनि क्लिन फरम्याट गर्नु पर्छ / सबै चोर भतुवा नेता हरु भनेका भाइरस हुन् , देस काम नै नलाग्ने गरि बर्बाद गरे यी भाइरसहरु ले / एती सार्हो कि, कुनै एन्टी भाइरस ले काम नै गर्दैन अब / सबै देशमारा नेता हरुलाइ एउटा लाइनमा राखेर एउटा गोलि ले सबै लाइ सखाप पार्नु पर्छ किनकि यी पिपासुको लागि धेरै गोलि खर्चनु पनि देश लाइ घाटा हुन्छ /
एस्तो बेथिति त पन्चायेतीकाल मा पनि थिएन / थुइक्क माकुने, रजिनाम नदिने रे – दुइ दुइ बाट हारेको तेरो येत्रो हुंकार ? लाज लाग्दैन ?
मन परे हरियो, नपरे रातो
1 
0
त्यो दिन हरु मेरो जिम्दगी को सबै भन्दा दिक्क लाग्दो दिनहरु थिए. मलाई थाहा थियो जुन तन्त्र आए पनि नेपाल मा केहि हुने छैन किनकि हाम्रा नेपाली दाजुभाई दिदीबहिनी ति कुहेको नेता को लागि आफ्नो अमुल्य समय फाल्दै थिए . तेसैले यी नेता हरु क कुरा नासुनौ र अब देखि एस्त नेता क लागि आफ्नो अमुल्य समय खेर नफालौ.
मन परे हरियो, नपरे रातो
3 
0
यो ब्लग मा जति कराए चिच्याए पनि जति दुख गुनासा पोखे पनि हुने केहि होइन अनि व्यर्थ को समय खेर फाल्नु भन्दा नेताहरुलाई नै (माओबादी को भाषा मा) भौतिक कारवाही गर्नु पर्छ चाहे कालो मोसो दलेर होस् या जुत्त्ताको माला लगाएर होस् चुनाव मा हरौदा त डाडु पनियो समौना आइ हाल्दो रहेछ अब माकुने ले पर्चंद बाहेक को नेतृत्व भए राजिनामा दिन्छु भन्छ बजियाले , थुक्क माकुने तलाइ जनता भन्दा प्रचण्ड को चिन्ता बढी लाग्यो ?
मन परे हरियो, नपरे रातो
4 
2
हरे नेपाली को गति यो सब नेता को फाइदा को लागि आज को नेपाल भन्दा त हिजा को नेपाल राम्रो लाग्छ नेता हरु पनि सब हिजा क हुन् आफुले भाग नपायर जनता उचालेका राजा बिगार्ने यहि चोर हरु हुन् इनेता लै त अब सबेई मीलेर टुडिखेलमा मार हान्नु पर्छ
मन परे हरियो, नपरे रातो
8 
0
मुलुक हुरीले उदाजतई पार्यो प्रचण्ड ले नेपाली लाई बस्न त् के खान पनि दियाँ यस्पापिले मुलुक १०० बर्ष पछाडी धकेल्यो
यसको सट्टा मोहले नेपाली जनताले पाउनु दुख पाय यसको आशा गरेर देश बन्छ भन्नु वा यसले नेपाल बनाउछ भन्नु बालुवा पेलेर तेल निकाल्छु भानु वा कल्पना गर्नु समान्नै हुने छ यसका हट ले मुलुक ले नेपाली तव नै गुमाउने अबस्ता भैसक्यो यो भन्दा मुर्ख र पद लिप्सा मानिस सायद नेपालमा जन्म अ ब लिदैनन होला. यसका कारण ले दुनियाको उठिबास भयो .यसले जसरि नेपाली जनताको रगत पियको छ त्यो हेर्दा यसको मरण पनि जंगेको जस्तै होला कि
मन परे हरियो, नपरे रातो
3 
1
संबिधान नभएर अराजकताले चरम नाघिसक्यो| हिजो म सुन्दरीजल गएको थिए त्यहाँ केहि स्थानीय केटाहरुले गा. बि. स को नाम मा पैसा उठाई रहेका रहेछन त्यो भन्दा अगाडी गोदावरी जादा पनि सामुदायिक बन लाइ १० रुपया तिरेको थिए विभिन्न कलब खोल्दै पार्किंग सुल्क भन्दै पैसा उठाउदा रहेछन
मन परे हरियो, नपरे रातो
3 
0
द्रोण पौडेल
नेपाल मा कानूनी राज्य को स्थापना नभयर राजनैतिक गतिरोध ले गर्दा देश जटिल अबस्था मा छ
मन परे हरियो, नपरे रातो
3 
0
राजा बिरेन्द्र को बंस बिनाश, माघ १९ को गाय्नेंद्र को कु , पार्टी हरु को बार्ह बुदे देल्ही सम्झौता अनि कथित् जनान्दोलन भाग १, २ सबै इंडिया ले गरेको हो.आज हाम्रा नेता भनौदा हरु आची गर्न जना सम्म इंडिया लाई सोधेर जान्छन भने एस्त हरु बाट नेपाल मा केहि हुदैन. हुन्छ ता नेपाल आब १-२ वर्षा मा सीक्किम .
जदौ
मन परे हरियो, नपरे रातो
9 
1
Do you believe or not all the bloody game was done by India. Neither the congress, nor Maoist or UML . They are only the medium to do those kind of things. Because India never wants to see the stability in Nepal. All the time he is doing some Bakheda in Nepal
मन परे हरियो, नपरे रातो
4 
0
अहिलेको मुद्धा मावोबादी को हो नाता सेरमनीकिंग कांग्रेश लाई चिएको हो नाता धार नै नभएको एमालेलाई चिएको हो चुनाब केको लागि जनमत धेरै कसको हातमाछ उसलाई दिनुपर्छा नत्र देश आब उथल पुथल हुदैछ कसको लागि????????
मन परे हरियो, नपरे रातो
1 
4
यो अवश्थामा प्रचण्डले राजनैतिक निकाशको पहल गरेर जनताको मन जित्नु पर्ने हो,
र आफूलाई राजनेता साबित गर्नु पर्ने हो!
तर उनले त्यो महत्वपूर्ण मौका गुमाउदै छन्! “काम गरेर काजी” हुने हो,
कुराले होइन! माधव नेपालको झर्ला र खाउँला भनेर कुर्दा देशलाई
र उनको आफ्नो पार्टीलाई समेत् धेरै ढीला (too late) हुने छ!
चेतना भया!
मन पराइएको प्रतिक्रिया। तपाईँलाई नि:
20 
4
मलाई यो सबै देखेर हास उठिरहेको थियो मुर्ख मानिस हरु को भिड देखेर फाइदा लिने हरु भिड उचाली रहेका थिए / मानिस हरु के को लागि लडेका होलान के पौने होलान जस्ती लग्थियो.
मन पराइएको प्रतिक्रिया। तपाईँलाई नि:
17 
3
परिबर्तन कस्तो परिबर्तन? देखाईएको कुरा र भएको कुरा ठ्याम्मै उल्टो छ/ हामीले साँच्चै भनु भने अग्रगामी परिबर्तन पाएकै छैन अधोगामी परिबर्तन मात्रै पाएको छ/ जलश्रोतको धनि नेपाल आज टुकी युगमा बाच्न बाध्य भए/
राना भन्दा शाह भन्दा तानाशाह नेताहरु पाए/ दिन रात मेहनत गर्ने जनता झन् झन् कङ्गाल बन्दै गए फताह नेताहरु केहि नगरिकनै धनि बन्दै गए/ रानाहरु राजाहरु तानाशाह थिए येस्मा दुई मत छैन तर के यी नेताहरु मात्रै प्रजातान्त्रिक छन् र? उनीहरुको पार्टी भित्रै नै प्रजातन्त्र छैन र यिनीहरु मै प्रजातान्त्रिक प्रबिती छैन/
२०१७ सालमा महेन्द्रले यिनीहरुलाई थुने झैँ अहिले पनि यिनीहरुलाई थुन्न सक्ने सच्चा लोकतन्त्र बादी कुनै नेताले नेपालमा अब केहि समय सम्म देशमा जात जाति र पहाडी मधेसी को राजनीति गर्ने हरुलाई सिस्नो पानीमा लगाउंदै शासन गर्नु पर्छ/
जात-जाति र पहाडी-मधिसे भनि नेपाली नेपालीमा विभेद गर्ने, लोकमतलाई लात मार्ने कुरा पनि कहीं लोकतान्त्रिक हुन्छ? येस्ताको भर परे नेपाल र नेपालीको परिचय समेत मित्न सक्ने छ/ यी दलहरुमा भएको लोकतान्त्रिक प्रबिती भएको रास्ट्र्बादी नेताहरु कता गए? के उनीहरु अगाडी आउँन सक्दैनन्?
मन परे हरियो, नपरे रातो
10 
2
“आज संविधान समयमा नबनाएर जनताको नजरमा दोषी देखिएका दलहरुका भाषणबाजी सुन्ने दिन हैन आज, कत्रो उत्साह, कति आशा लिएर नयाँ नेपाल बनाउने अभियानलाई साथ दिन आन्दोलनमा उत्रिएका थियौँ, त्यो सम्झने दिन हो आज।” तर के गर्ने ??????????????? ६३ सालमा जसरि प्रजातन्त्र बादीहरू एक जुट भएका थिए त्यसै गरि आज संबिधान बनाउन एकजुट हुनुपर्ने हो, तर पार्टी हरुमा संबिधान बनाउने भन्दा सत्तामा जाने होड चलेको छ. १४ मा त संबिधान बन्ने त भएन झन् देश एक गृह युद्द तिर लम्किरहेको छ
मन परे हरियो, नपरे रातो
6 
1
लोकतन्त्र जनताले जन्माएको बच्चा हो, यसलाइ जनताले नै हुर्काउनु बढाउनु पर्ने हो तर …….. यो बच्चा ठेकेदारहरुको कुर्सीको खेलौना भै बस्न बाध्य बनाइएको छ….
मन परे हरियो, नपरे रातो
7 
1
Mantra for the end of current deadlock is dialogue, persuasion, consensus and healing. King was out for not embracing this mantra. The leaders of the political parties will also have the same fate. Leaders of all parties are to blame, should a civil unrest erupt. The country probaly is heading towards a civil conflict for a gross change in the country. May God Help Nepalese!
मन परे हरियो, नपरे रातो
2 
1
Hi hello Ladies and Gentlemen from allover the world, just I’ll requested one things isn’t big deal let change again Maoists, what they can do? This is truth ladies and gentlemen NCP and UML can’t do anything, since late King Birendra after going to hell our Nepal because of them.
मन परे हरियो, नपरे रातो
4 
12
त्यो बलिदानि दिन साच्चै युगको एउटा दिन थियो तर देशमा नेताहरुले यसलाई बिर्सेर आफ्नै स्वार्थकै लागि, कुर्सिकै लागि तछाड मछाड गरे । अब आउने जेठ १४ भित्र संविधान नबने राज्यले ६०१ जना सभासदहरुलाई महिनाको चालिस हजार गरि खर्चेको करोडौ रुपैया यिनिहरुबाट ब्याज सहित असुल्नु पर्छ,अनि यि सबै चोरहरुलाई एउटै काल कोठरीमा थुनेर सजाय दिनुपर्छ । अब जनताहरु जाग्ने बेला आएको छ साथिहरु !!
मन पराइएको प्रतिक्रिया। तपाईँलाई नि:
18 
4
सालोक्यजी,
सार्है खुसि लाग्यो हिजोको त्यो जनताको बलिदान,पार्टी र नेताहरुको मिलन तर आज तपाइले इंकित गरेका कुराहरु जो जनान्दोलनका दोषीहरुलाई कार्यबाही नहुनु,नेताहरु नसचिनु,उद्दण्ड हुनु,सरकार बाहेक देश र जनताका सरोकार नदेख्नु अब त् देश र जनताको बाध्यता र आबस्यकता भै सक्योकी एक तन्त्रिय शाशन ! चाहे त्यो माओबादीको होस् या राजाको, चाहे त्यो कांग्रेशको होस् या एमालेको या सेनाको होस् या नया जंगेको तर १० बर्षको लागि अनिबार्य एकतन्त्रीय शाशन चाहियो एउटा सिस्टम बसाउनु पर्यो यो भिडतन्त्र चाहिएन दुइ पार्टी सिस्टम हुने बाताबरण बनाउनु पर्यो \ साचो रुपमा राज्य नागरिकको लागि नागरिक राज्यको लागि सहयोगी बन्ने आधार बनाउनु पर्यो \ राजनीतिको नाममा अपराध र ब्यबसाय गर्ने आजको स्थितिमा परिबर्तन ल्याउनु पर्यो \
मन पराइएको प्रतिक्रिया। तपाईँलाई नि:
28 
0
साथीहरु सुन्दर र समृद्ध नेपाल बनाउने राजनेताको जन्म गोर्खा जिल्लामा भैसकेको छ . हामीसबैले वहालाई आफ्नो तर्फ बाट सक्दो सहयोग गरौ र नेपाल आमालाइ समृद्ध बनाएर पुण्य कमाऊ . जय नेपाल .
गरमागरम बहस। तपाईँ के भन्नुहुन्छ?
10 
14
चार बर्ष मात्र बितेको छ, अझ भोकाहरुलाई धरै खानु छ.
फेरी मौका कहिले पाउने हो ?
बल्ल बल्ल पाएको मौका किन खेर गर्ने ?
काशी कास्मिर अजब नेपाल !!!
सुरज श्रेष्ठ
मन परे हरियो, नपरे रातो
9 
1
४ वर्ष पहीला को जना आन्दोलन चाही ती पीपासु नेता हरु र ६०१ सभासद हरु को मात्र रयछ हामी जनता को चाही रएनछ तो तराई को घाम मा धुलो मा बाजा संगै लोकतन्त्र को लागी भनि नाच गान अनि नारा जुलुश लगाउदा आफु संग भय को को mobile हराय को हिजो हो की जस्तो लाग्छ तर ४ वर्ष भै सको नेता भनाउदा चोर देश दोरही हरु ले अहिले सम्म को प्रगती चै देश लाई पहरी युध मा लैजाने भय!!!!!! अब यी ६०१ लाई एउटा खाल्टो मा जीउदै गाडदा कसो होला साथी हरु ??
मन पराइएको प्रतिक्रिया। तपाईँलाई नि:
35 
1
लोकतन्त्र जिन्दबाद भन्दै हामी पनि हिंडेका थियौ कती दिन सम्म काठमाडौंमा तर के थाहा लोकतन्त्र को मुख एस्तो हुदो रहेछ भनेर ।।। ब्यर्थ भयो मेरो हिडाइ ब्यर्थ गयो नाराबाजी …
मन पराइएको प्रतिक्रिया। तपाईँलाई नि:
15 
1
आज बल्ल मनका कुरा पोख्न पाउने भए/ ए बाबा, पछिल्ला ४ वर्ष कति कहाली लाग्दो गरि बिताइएछ, अन्योल, अशान्ति, अराजकता, अशंतुस्ति, आदि, आदि/
एक दशक खर्चेर कमाएको लोकतन्त्रले त खुत्रुक्कै नै पर्यो भन्या हजुर राजतन्त्र, पंचायत, र प्रजातन्त्र भन्दा पनि/
‘धोति न टोपी, जुत्ता ट्याप-ट्याप’ यसै भन्न मन लाग्यो भन्या मलाइत हजुर यो बिग्र्या घरको भत्केको चालामाला देख्ता त, के भन्नु हुन्छ नि तपाई चाहिँ!!!
हेर्नुस त, हिजो पंचायत रहुन्जेल घरमा पाकेको ढिडो र गुन्द्रुक त खोस्न कोहि पनि आउदैन थियो, आज त त्यो पनि रहेन/ प्रजातन्त्र रहुन्जेल सानै कुरा गर्ने हो भने पनि रात बिहाल आफ्नै गाउघरमा हिड्न सकिन्थ्यो निर्धक्कसंग, आज त्यो अवस्था मध्यान्न को घाम मा पनि रहेको छैन, के भन्नु हुन्छ तपाई यस बारेमा, के यो मेरो गलत निस्कर्ष हो?
पहिला पारि (cross boarder) का डाकाको डर थियो केहि हदसम्म सिमा क्षेत्रमा; आज उपत्यका भित्रै लुटपाट, डकैति, हत्या हुन्छ; खोइ त के गर्न सक्या छ र यो लोकतन्त्रले/
हेर्नुस, म एक सर्वसाधारण जनताको हैसियतले के मात्र चाहन्छु भने मेरो धनजनको सुरक्ष्याको प्रतिभुती म बाट कर लिने सरकारले मलाई गराउन सकोस मलाई, चाहे त्यो लोकतन्त्र होस्, प्रजातन्त्र होस्, या फेरी राजसंस्था नै किन नहोस; चाहे जोहोस, मैले मेरो मौलिक हक पाउनु पर्छ, चैनसंग बाच्न पाउनुपर्छ/ जसले मलाई यी कुरा को प्रतिभुती गराउन सक्छ, उसैलाई मेरो समर्थन छ/
आज को परिस्थिति हेर्दा त हजुर, चाहे रिसाउनुहोस, खुसाउनुहोस, लान्छना लगाउनुहोस मलाई राजावादी भनेर यध्धपी म मुलतः कम्निस्ट विचारधारा बोक्ने मान्छे; मेरो नजरमा नेपालमा राजसंस्था नै उपयुक्त छ/ शक्ति समीकरण को हिसाबले, राजनीतिक हिसाबले, राष्ट्रियताको हिसाबले, र बिबिध डंगले/
हेर्नुस त, ६०४ जनाको जम्बो टिम; ९०% भन्दा बढी अशिक्षित छन, न ढंगले नै बोल्न आउछ; संसद्को महत्व नै थाहा छैन तिनलाई; छिमेकका लोग्ने=स्वास्नी को झगडाको छिनो फानो गरि पाउ भनि संसदमा बोल्छन, अब भन्नुस के उपलब्धि पाउनु हुन्छ यिनीहरुबाट/ कमसेकम म एक सर्वसाधारण नेपालीको हैसियत भएको मान्छेले त आश गर्न छाडी सके, तपाई के भन्नु हुन्छ!!!
दुई वर्षम़ा जनताले चाहे जस्तो संबिधान बनाउने प्रतिज्ञा गर्ने यी तथाकथित नेताहरुको यो चालामाला हेर्दा अझै पनि हामी भेडो नेपाली, स्वर्ग्यीय गणेशमान को भनाइ अनुरुप, को बुद्धि फिर्या छैन है प्रतिकार गर्ने; उलटै आज पुनः तिनै एकथरी नेताहरुको बुइ चढेर सडकमा पुन आन्दोलन गर्न तयार हुँदैछौ बर्तमान सरकारको विरुदमा; यद्दपी यिनी हरु पनि उतिनै दोषी छन् संबिधान समयमा बन्न नसक्नुम़ा/ खोइ बुझेको हजुर, कहिले बुझ्ने? तब बुझ्ने जब आफ्नो अस्तित्व नै मेटिने बेला आउछ (सिक्किम या भुटानको जस्तो) यिनीहरुकै कारण ले गर्दा?
के का लागि संघियता चाहियो नेपालमा यदि संबिधान ले सबैलाई समान अधिकार प्रधान गर्ने, निशुल्क शिक्ष्या को व्यवस्था गर्ने, चौतर्फी बिकाश लाई प्राथमिकता दिने, रोजगारीको प्रतिबद्दता सरकारले गर्ने, नागरिकको जिउ धनको सुरक्ष्या को ग्यारेन्टी गर्ने हो भने?
ए हजुर हाम्रो उखाननै छनि, “भाइ फुटे, गवार लुटे” कहिले बुझ्ने हो हाम्ले यसको अर्थ; अझै त केहि बिग्रिहाल्या छैन सम्हालिन जान्ने जो भने/
अन्तिममा, ए बाबा, मेरो त यति नै भन्नु हो कि, सयौ लोथर्के र स्यालहरु को लुछाचुडी मा परेर तड्पी तड्पी मर्नु भन्दा जंगलको राजा सिंग को एकै झपटम़ा मर्न बेश छ मेरा लागि त; कमसेकम कठिन बेदना को त अनुभूति गर्न पर्दैन लामो समय सम्म/
मन पराइएको प्रतिक्रिया। तपाईँलाई नि:
34 
2
जुन आशा र उत्साह हामी नेपालीमा थियो आज आएर सब माटोमा बिलिन भयो “उडायो सपना सर हुरीले……”
मन परे हरियो, नपरे रातो
10 
0
जे गरेपनि जनता लाई फसाउने यी नेताहरुलाई गोलि हानी नमारेसम्म नेपाली जनताले कहिले सुख को सास फेर्न पाउदैनन
मन परे हरियो, नपरे रातो
6 
1
साथि हो गनेंदारा पनि गयो अनि गिरिजा पनि गयो अब देश मा केहि हुन्छा पक्का १० वर्षा मा देश अर्कै हुने छ
मन परे हरियो, नपरे रातो
3 
10
त्यो दिन सम्झदा गल्ति गरियछ जस्तो लाग्छ! १९ दिन सम्म मात्र कहाँ हो र त्यो भन्दा धेरै दिन हिडियो आफु संगै हिडेका साथीहरु लै गोलि लाग्यो! गोलि खाने हरु अझै घाइते छन् ! नेता हरु लदे झैँ गरेर हामी लै murkh banaudai chhan !teti timema कुनै कर्फुले छोयन, सातदोबाटो मा सबभन्दा पहिले कर्फु हामीले नै त्योदेका थियो तेस पछी GARKHU मा जाँदा संगै को साथीलाई गोलि लागे को थियो ! घरमा फर्केर आउने हो गोलि लागेरमर्ने हो थाहा थियन ! तेसो हुँदा पनि जोश लै घरका परिवारले रोक्न सकेका थियनन! गल्तिको महसुस त २०४६पछी पनि भयको थियो !२०४६ को आन्दोलन मा हिडेर ल्याको प्रजातन्त्र को खिल्ली यी हाल का कांग्रेस, एमाले,माओबादी लगायतका अन्य पार्टीहरु ले उड़का थिय तर पनि अब बुद्दी पलायो होला भनेर अब त केहि गर्छन र शान्ति को अनुभूति गर्न पाइन्छ कि भनेर फेरी जीवनलाई धारमा राखेर आन्दोलनमा होमियो ,तर अहिले सबै पार्टी का नेताहरुलाई जनता र शान्ति भन्दा प्यारो सत्ता र कुर्शी रहेछ भन्ने फेरी एक पटक स्पस्ट बनादियका छन् हाम्रो आँखा खोलि दियका छन् ! यदि तपाई सच्चा देस प्रेमी नेपाली हो भने यी सबै पार्टी ले अब्बाहन गरेको आन्दोलन र सभा मा जानु भय को खण्ड मा मार्तुभुमि माथि यी नेताले झैँ बलात्कार गरियको ठहरिने छ ! तेसैले अब उप्रान्त आफु पनि तेस्तो नगर्ने बाछा गर्दै सबै जनसमुदायमा छोर र नेमाल आमा क बलात्कारी को पछी नलाग्न अनुरोध गर्दछु!
मन पराइएको प्रतिक्रिया। तपाईँलाई नि:
16 
2
आफुलेत त्यो दिन यहि इन्टरनेट मा नेपालसम्बन्धि विभिन्न खबर पढ्दै थाहा पाइयो अनि तपाहिको ब्लग बाट पनि झनै धेरै, अझै भन्नु पर्दा त मुख्य माध्याम नै तपाहिकै ब्लग भयो भन्नु पर्ला, धन्यबाद तेस्कोलागी!
आशा गरियाको थियो नेपालबाट बुख्याचाहरु हट्नेछेछ, नया जागरुक नया नेपालको लागि नबिन बिचार बोकेका अध्यायनशिल र संघर्षशील बिद्दत्ता ब्यक्तित्वोको हातमा नेपाल जानेछ अनि नया नेताहरुले समाज र जनतालाई हृदयमा राखी जनताको लागि अनि देशको स्वोतान्त्रता लाइ शिर मा राखी नैतिक मुल्यको राजनीति गर्ने छ भन्ने सोचेको थिया र अब देशले काचुली फेर्ने छ भन्ने सोचेको थिय! तर खासै फरक त भयान! अलिकति जनताको नया शक्ति उदयमान हुने क्रममा थियो त्यो रोकिन खोज्दै छ! नेपाल प्रगतिशील पथमा द्रुत गतिले जानेछा भन्ने सोचेको थिय तेस्को लागि अबरोध भै रहेको छ! आशा छ अब बिस्तारै अबरोध हट्दै जानेछ, घाडोहरु हट्ने छ, बुख्याचाहरु र नालायक हरु पाखा लाग्ने छ र नया नेपालको सुरुवात हुनेछ!
हालसम्म पनि यहि प्रतिक्षामा छु!
मन परे हरियो, नपरे रातो
5 
2
त्यो दिन भनेर, सम्झिनु पर्ने बेला आइसकेछ, हेर त हाम्रो देशको हविगत के भइसक्यो ! के सोचिएको थियो, के भइरहेछ !
मन परे हरियो, नपरे रातो
9 
1
नेताहरुको इतिहास हुदैन होला सायद फर्केर हेर्ने फुर्सद छैन ! देसको लागि ज्यान-बलिदान दिने देसभक्त्तहरुलाई सलाम I धर्तीमा’ले ‘नेपाल’ बनाउने छोरा जन्माउनै सकिनन् या हुनै सकेनन् त्यो त माथिका लेखले पुस्टि गरेको छ I म त साथि हो – लाजले………. ति तितो अतित सम्झिदा !
मन परे हरियो, नपरे रातो
8 
0
नेपाल मा क्रान्ति हो कि गाइजात्रा ??
बिकसित देश,भारत् ,र अरु साना मुलुकहरुमा पनि एक चोटी क्रान्ति र आन्दोलन हुन्छ तेस्पछी देश बनाउन तिर लागिन्छ र लागेको छन् |
हाम्रो देश मा हरेक १० ,१० बर्ष मा क्रान्ति ,प्रजातन्त्र ,आन्दोलन ,सहिदै सहिद |
बेला बेलामा उनलाई नोबेल प्राइज पनि चाहिएको छ | टिभी मा गच्ह फुलेर आखा चिम्लिदै अन्तर्वार्ता दिन्छन , बोले को सबै उल्टो उल्टो हुन्छ |
मन परे हरियो, नपरे रातो
12 
0
बितेका चार वर्ष मा हामी नेपाली ले के पाएउ, लोकतन्त्रको नाम मा राजनैतिक पार्टी ले गरेको जनताको उपहास कि गरिबीको उपहार ?
मन पराइएको प्रतिक्रिया। तपाईँलाई नि:
37 
0
म त्यो बेला प्रदर्शनी मार्गको निमा पुस्तक पछाडि बस्थे । नामै प्रदर्शनी मार्ग भए पनि हामीले प्रदर्शन गर्न सकेका थिएनौ किनभने त्यो स्थान रेसिडेन्सियल एरिया थिएन । जममा ७-८ वटा घर भएकोले मास पुगेको थिएन । अन्यत्र भएको प्रदर्शनमा प्रहरी दमन हेरेपछी भ्रिकुटी मन्डपको एउटा पसले दाईले भन्नु भएको थियो ” नामर्दै भैयो नी यार यो ठाउमा , केही गर्न सकिएन । ” त्यसपछी हामीले भोली देखी सके जति गर्ने निधो गर्यौ । र प्रदर्शन सुरु गर्यौ । राजाको सम्बोधनपछि म उफ्रिदै बाहिर गएको थिए । अर्को गल्लीको साथीहरुलाई बोलाएर सडक तिर गयौ । पद्मोदय मोडमा धेरै मान्छे जम्मा भएका थिए । स्टार न्युजले अन्तर्वाता लिदा मेरो साथीले बोलेको हिन्दी सुनेर पत्रकार आफै हाँस्दै थियो । मलाई अझै याद छ । अनी राती नै सहिद गेट गयौ र मौन धारण गर्यौ । सहिद गेट माथि चढ्दा निकै सस्ती भोग्नु परेको थियो ।
मन परे हरियो, नपरे रातो
3 
4
खोइ के कमेन्ट लेख्ने होला| देशमा फेरी गृह हुने होकी भन्ने चिन्ताले केहि लेख्ने नै मन छैन| हाम्रा नेताहरुको बुद्धि कहिले पनि नआउने भयो| कसैले पनि आफ्नो आफ्नो घमण्ड र दम्भ नछोड्ने भयो| सबै जन “मेरो गोरुको बाह्रै टक्क” भन्छन| मुखले सहमतिको राजनीति गर्ने भन्छन ब्यबहारमा चाही ठ्याक्कै उल्टो काम गर्छन| नत माओबादी युद्धको धन्धंगीबाट माथि उठ्छन नत अरु पार्टीहरुले आफ्नो व्यवहार सुधार छन्| सबैलाई कुर्सि प्यारो छ|
मन परे हरियो, नपरे रातो
6 
0
यी चोर हरुले यी दिन बिर्सिसके ..यिनीहरुलाई जुत्ताले हानेर परी याद देखाउनु पर्चा ति दिनहरु …
मन पराइएको प्रतिक्रिया। तपाईँलाई नि:
36 
0
त्यो आन्दोलन को परिणाम येही हो ????????????? नेताहरु ले नेपाली जनता लाई लोप्पा खुलाई दिये . भोग जनता हरु तेस्को परिणाम……………..including me……….
मन परे हरियो, नपरे रातो
7 
1
येती सुन्दर देशलाई नेताहरुले लुटे, बिगारे , भत्काए येतिले नपुगेर अहिले आएर सहिदको सपनालाई समेत चकनाचुर पर्दै छन् अब यिनीहरुलाई टुडिखेलमा जम्मा परेर गोलि हान्नु पर्छ . देशलाइ लुटेरा अकुत सम्पत्ति कमाएर मोटाएका इनिहरुलाई देशको गोलि कम्ति प्रयोग गर्नु पर्छ सबैलाई लाईनमा राखेर निधारमा गोलि हान्नु बेश हुन्छ. सके सम्म यीकुनै पनि
नेताहरूलाइ छोड्नु हुन्न तब मात्र मुक्ति पाइन्छ
.
मन परे हरियो, नपरे रातो
7 
0
I’m totally agreed with this article… We’re the main problem and only we have the solution. Firstly, we have to shake our hands. We are NEPALI first, then only of other parties people.. Change our self, the country will change by it self. Jay Nepal
मन परे हरियो, नपरे रातो
5 
0
नेता पनि नेपालीकै छोरा छोरी त हुन् नि नेपाली जनताहरु बीच बाट निस्केका
नेताहरु ले जैले पनि जेसुकै कार्यक्रम लायुने पनि जनताहरुको समर्थन पौने हिसाबले ल्यौछंन,
बन्द फोड को समर्थn मा पनि लाखौ को संख्या मा मान्छे निस्केकै छन्, बन्द ले हुदैन भन्ने बुज्न पनि कति न सकेको हो ?
तेसैले नेता हरु लै मात्रै दोष दिएर hudaina
मन परे हरियो, नपरे रातो
3 
5
परिवर्तन चाहने जनता र बलिदान हुने शहीदहरुको घोर अपमान गरी, चोर डाँका र घुस्याह नेता हरुले, सत्ता र पदका निमित्त जनताको जनादेश विपरीत् संविधानसभा लाई बन्दी बनाएकाले, जेष्ठ १४ गते संविधान नबन्ने निश्चित भै सक्यो! यो नेपाली नागरिक र नेपाल प्रती गद्दारी र राष्ट्रघात हो! राष्ट्र र राष्ट्रियता माथी गद्दारी गर्ने यी गद्दार हरुले अब गर्ने सबै क्रियाकलाप हरु बहिस्कार गरौ! यी संविधान विरोधी राष्ट्रघाती हरुलाई कालो मोसो दली, चार पाता मुडी, जुत्ताको माला पहिराई नेपालको सिमाना कटाउ!
मन परे हरियो, नपरे रातो
4 
0
यस जना आन्दोलन बाट नेपाल र नेपाली ले लोक तन्त्र र गण तन्त्र त पाए.. तर ये घुष खोरी नेता हरु जसले मा यो गर्छु र त्यो गर्छु भन्ने हरु सबै कुर्शी क पछि नै दौडे.. कोहि नेता हरु गतिलो हुदैन.. माओबादी ले ने यो गर्छु र त्यो गर्छु देश लै सान्ति को बाटो मा लान्छु भने तर एस्त जंगली जनावर जो त वन मा बस्दै आएका हरु लाइ देश चलाउन आउछ भन्ने त्यो चै नेपाली हरु ले ठुलो भूल गरे.. यसै त सबै नेता हरु ले आफ्नु पर देखी सके क थिए.. यी माओबादी हरु ले केहि गर्ला भनेको तिनी हरु ने सत्ता मा आए पछि घुष खोरी र स्वार्थी भई. अब नेपाली जनता हरु झन् रुन्चन
अहिले नै नेपाली जनता हरु ले केहि गरेन भने नेपाल र नेपाली को भबिष्य के हुन्छ भनेर आफै आनुमन लगाए हुन्छ.
मन परे हरियो, नपरे रातो
5 
1
नेता हरु को ताल यही नै हो भने फेरी यिनै नेता हरु को बिरुद्द यही जनसागर उर्लिनेछ ख़बरदार नेता हरु जनता माथि खेलबाड नगर फेरी तिमिहरुको हालत पानी ज्ञानेंद्र को जस्तो हुनेछ .
मन परे हरियो, नपरे रातो
3 
1
१९दिने जुलुस को भिडियो हेर्दा हामी जस्तो आम जनता ले जुन जोस जागर र उत्साह का साथ नेता हरु लाई साथ दिएको थियो तेस लाई नेता हरु ले अलिकति मात्र आत्मा साथ गरिदिएको भए जनता हरुले केहि राहत पौथ्यो /तर तेतिखेरको भिडिओ र अहिलेको नौतंगी हेर्दा सिनेमा हल मा गएर टिन घन्टे सिनेमा हेरेजस्तो मात्र लाग्छ /
मन परे हरियो, नपरे रातो
2 
0
कत्रो उमङ्ग र उल्लासका साथ अबत नेपालमा ठुलो परिवर्तन होला कि भन्ने आश गरेको थिए तर त्यो आश आशैमा मात्र सिमित भईदियो . अब त यी चोर नेताहरुदेखि दिक्क लाग्न थालिसक्यो . केहि आश बाकि रहेन . नेताहरुले केवल नेपाली जनताहरुलाई आन्दोलनको लागि मात्र प्रयोग गर्यो तर तिनीहरुको केहि पनि आधारभूत आवश्यकताहरु परिपूर्ति गर्न खोजेन . केवल कुर्सिको मात्र झगडाले बर्बाद पर्यो नेपाललाई यी चोरनेताहरुले . १९ दिनको जनान्दोलन अनि ति नेपाली शहिदहरुको बलिदान अब त सायद खेर जाला जाला जस्तो लागि रहेछ तैपनि आश चाही मारेको छैन है .
मन परे हरियो, नपरे रातो
3 
0
एमाले दरवारको पाले भन्ने कसैले सुइंको सम्म पाएको थिएन,शैनिक जर्नेलहरु संग को गोप्य बार्त भनेको ज्ञानेलाई कसरी दरवार फर्काउन सकिन्छ भन्ने बारे,”शैनिक ब्यारेकमा मात्र सिमित रहेर खुम्चिएर बस्न हुँदैन”भन्ने अभिब्याक्तिले स्पष्ट पारेको छ! के नेपाली शैनिक देश र नागरिक को शुरक्षा को लागी हो?वा सिमित ब्याक्तिको स्वार्थको लागी देश कै नागरिक मार्नको लागी स्थापना गरिएको हो ?यसको जवाफ कसले दिने? “एमाले दरवारको पाले”नेपाली कांग्रेस संबैधानिक राजतंत्र को पांग्रेस,जनमोर्च रापतीमा दुवेर मर्छ,फोरम ने.भा जता ढल्के नि गए नि हुने दोहोरो,अव कमल.सूर्ये,पशुपति को भाग एमाले र कांग्रेसले
खोसेर खाने भयो,
मन परे हरियो, नपरे रातो
3 
5
आनोद्लानका दृश्य हेर्दा पनि रुन मन लाग्छ! आखिर के पाए त यी निर्दोष जनताले आफ्नो ज्यानको बाजी लगाएर? स्वोर्गीय गिरिजा पर्साद कोइरालाको नेत्रितोमा सम्पन्न त्यो आन्दोलनले निरंग्कुश राजतन्त्र लै त पाखा लगायो र प्रचण्डको नेत्रितोको सरकार पनि बनायो! धेरै आशा गरेका थिए जनताले प्रचण्ड बाट तर उनि पनि अर्को माधब कुमार नेपाल भएर निस्किए! सत्ताको मात लगेर आफ्नो नेत्रितो बाहेक अरु कसैको नेत्रितो स्वीकार्न नसक्ने भैसके! सरकारमा हुदा भारतको जय जयकार गर्ने अनि सत्ताबाट निस्किने बित्तिकै भारतको खेदो खन्ने बाहेक उनीबाट जनताले केहि आशा गर्न सक्दैनन् अब!
सबै पार्टी मिलेर संबिधान सभा बनाउनु पर्ने बेलामा आफ्नै नेत्रितो खोज्नु पनि रहश्यमे देखिन्छा! आखिर जसको नेत्रितो भए पनि के फरक पर्छा र संबिधान बनाउन? माधब नेपाल एक्लैले बनाउने पनि होइन प्रचण्ड एक्लैले बनाउने पनि होइन! सबै पार्टी मिल्ने पर्छ! संबिधान सभाको मुखैमा आएर एस्तो आन्दोलन किन? जबकी प्रचण्ड आफै अल्पमतमा छन्! बहुमत भएता उहिल्लेनै ल्याई सक्थे आबिश्वसको प्रस्ताब!
तेसैले अब संबिधान नबन्ने स्थिति आयो भने तेस्को जिम्बेबार प्रचण्ड हुनु पर्छा!
गिरिजाको अन्त्य पछी एउटा राजनेताको खोजि भैरहेको बेलामा आगाडी बढेर नेत्रित्यो लिएर संबिधान बनाएर इतिहास रच्ने सुनौलो अवसर प्रचण्डले गुमाउदै छन्! अन्त्यमा आतंकारीको बिल्ला भिरेर नै बस्न रुचौदै छन् प्रचण्ड! अब त संका लग्न थाल्यो के प्रचण्ड अरु कतै बाट संचालित त छैनन्?
मन परे हरियो, नपरे रातो
2 
1
सबै नेता हुरु लाई सात दिन सम्म यकै ठाम मा भात खान न्दीकाना पानी मा मात्र दियर राके पछी हम्र नेता को बुद्दी औंछा अनि मात्र सच्चा १९ दिंने आन्दोलन को सार paiyala नर्त इ सबै फाटाह सुध्हा फटाह नेताहरु को केहि काम छैन अब को अन्दोला नेता chidina भन्न बेर लाग्दैन..
मन पराइएको प्रतिक्रिया। तपाईँलाई नि:
38 
4
Its really painful to see the situation today. we are always cheated since many years first by kings, then by Rana’s and now by these political leaders.i still remember that days when thousands of people have surrounded whole ring road and how they make king to finally surrender. I felt very bad for those citizens who lost their life or became handicapped, because now we can’t see these leaders doing anything for citizens in fact they r one step ahead than king to bring us in this condition. We need one more revolution to get rid of all these leaders and lead this country in new direction.
मन परे हरियो, नपरे रातो
2 
1
नेपाली जनता लाई नेता हरु ले भेडा नै बनाएका छन् नि…उनीहरुले जता भन्यो तेतै दौडाउना पाएकै छन् कैले एउटा ले दौड़ौछा कैले अर्को ले कैले के को नाम मा कैले के को नेपाली जनता असिछित भएर तेस्तो गर्न पाएका हैनन् तर नेपाली जनता को सोचाई नै असिछित हुने बेला भैसक्यो ऐले सम्म नि बुद्धि आएन भने कैले आउने हो……हाम्रो रगत ले आएको लोकतन्त्र हो कुनै नेता भनौदा को रगत ले हैन…..नेता भनौदा त सबै भ्रस्टचारी देश लुटेरा र बिदेशी संग मागेर आफ्नो खल्ती भर्न बसेका मगन्ते हुन् जसले देश हैन आफ्नो र आफ्नो परिवार को मात्र बिकाश गर६अन् / तेसैले अब तिनीहरु को पछि लाग्ने हैन तिनीहरुलाई उल्टो खेद्नु पर६ हाम्रो देश बाट…..जो आए पनि हामी निमुखा जनता नै पिसिनी साला भातमारा चोर नेता हरु आफुहरु पजेरो चढेर हिद्चन देश दिन दिनै अर्बौ को ऋण मा डुब्दै छ …..कसैको नभाको बथान लिएर हाम्रो कर को पैसा मा विदेश जन६अन् सुंगूर साला हरु….क्रान्ति गरेर गोलि खाएर देश मा शान्ति र सुब्यबस्था आउछ भनेर लड्नेहरु सधै मर्न पर्ने यी साला सुंगूर हरु चै सधै मोज मस्ती हामीले तिरेको कर मा नत कुनै बिकाश को काम भाको छ देश मा न त शान्ति छ न त सुब्यबस्था नै…..थुक्क भातमारा सुंगूर चोर हरु….तिमीहरु जस्ता नेता हैन मान्छे नै नेपाल आमा को लागि भार हौ….सम्पूर्ण जगत को लागि भार हौ…..सबै नेपाली जनता मा यो भावना पलाए हुने हो….कसैको नभए पनि देश र आफ्नो देशबाशी को बारेमा सोचौ है नेपाली दाजु भै तथा दिदि बैनी हरु…..अब चै सबै नेता भनौदा हरु लाई खाल्डो कह्नेरा जिउदै टाउको तल खुट्टा माथि पारेर गाड्नु पर्ने बेला आएको छ…..तेस काम को लागि सबै नेपाली जनता फेरी जुटौ…..अनि बल्ल थाह पौछां ति भातमारा नेता हरुले देश को बागडोर भनेको सधै जनता कै हात मा हुन्छ भनेर……जय नेपाल…..
मन परे हरियो, नपरे रातो
6 
1
अब यी समाचार हरु को अर्थ नै के रह्यो र जनता को त्यो बलिदान लाई उपेक्षा गर्ने यी पापी नेता हरुले देश जनता सबैलाई खाल्टोमा हाले अव्योल्मय भविस्यको सिर्जना गरे uuuuffffffffffffffffffff के भन्ने अब नेता जति सबै लाई यौटै खाल्टोमा हालेर मारे आनन्द बरु देश को त्यो ठुलो अभिभारा सुम्पेको पाजी नेता हरुलाई व्यक्तिगत स्वार्थमा डुबेर देश जनता सबैलाई अनिश्चित भविष्यतिर धकेले अब पशुपति नाथले सबै नेताको भष्म गरुन भविष्यमा जनतालाई रक्षा गरुन
मन परे हरियो, नपरे रातो
2 
1
०४६ सालमा बहुदल थापना हुँदा ताका १६,१७ वर्ष को जोश जगरिलो हात पाखुरीमासंग रहेको सपनाको कसरि बयान गर्नुर खै /ति सबै सपनाहरु कतै रुइरहेको वास्तविकहरु बर्तमानमा आफु मा भैरहदा,मलाई भन्न मन la
मन परे हरियो, नपरे रातो
4 
0
आजको दिन बैसाख ११ र २०४६ को आन्दोलन नेपाली इतिहासको कालो दिन को रुपमा लिन सकिन्छ| जसले गर्दा नेपाली जनताको बर्बादी सुरु भयो|
मन परे हरियो, नपरे रातो
7 
1
खै के खै के !!!! प्रजातन्त्र लोकतन्त्र के के तन्त्र हो !!! हामी सोझा सिधा जनतालाई जे आय पनि जस्ता को तस्तै !!! महंगी, भ्रस्टाचार, आतंक बढ्दो छ !! टाठा बाठा ले लुटेको लुट्यै छन् !!
मन परे हरियो, नपरे रातो
9 
1
मलाई त कमेन्ट गर्न नै मन लागेन चोर नेता हरुले जनता को भावना बुझेन नी रुनु न हास्नु लग्यो मलाई त
मन परे हरियो, नपरे रातो
5 
0
–४६ सालको आन्दोलनमा बिरेन्द्रले (६३ सालमा ज्ञानेको तुलनामा) अलिक सजिलै प्रजातन्त्रको घोषणा गर्यो, तर त्यसलाई गिरिजाले लगेर मध्यावधि खोलामा बगायो अनि माओबादी जन्मायो!
–६३ सालमा नाफा खाने ज्ञाने चुत्को, घरबारै फुत्को! ज्ञानेको हातबाट खोसेको नरिवल ६०० भन्दा बढि बादरहरुको हातमा छ , अब त्यसलाई दिल्लीले खोस्ने हो कि कसले खोस्ने हो!??
–४६ सालमा काठमाण्डौमा निरन्जन र मरिचेको अश्रुगास खूब खाइयो- कहिले चिल्लो टुरिस्ट
बसभित्र त कहिले अपरिचित भएपनि कसैको घरभित्र छिरेर ज्यान जोगाइयो!
–६३ सालमा त काठमान्डौ भईएन– बिबिसी र मेरो संसारमालाइ कोखमा च्यापेर
ज्ञाने र कमले लाइ धारे हात लगाइयो!
गरमागरम बहस। तपाईँ के भन्नुहुन्छ?
14 
4
नेता गणेशमानको शब्द सापट लियर भन्नु पर्दा नेपाली जनता ‘भेडा’ नै हो. यी नेताहरुले यो सोझा जनतालाई जति धोका दियतापनी यी मान्छे भएर जन्मेका ‘भेडा’को आँखा कहिले खुल्दैन . यी ‘भेडा’लाई त अलि मिठो बोल्दिनुपर्छ र नपुगे एक छाक खुवाउनु पर्छ गोलि खाना पनि यी नेताका पछाडी दौडी हाल्छ . एउटा कुरा हामी नेपाली जनता ले बुझ्नु पर्ने कुरा हो धोकेबाज लाई कहिले बिश्वास गर्नु हुन्न, एउटा भनाइ छ “नेता र सुँगुर लाई कहिले बिश्वास नगर्नु, यिनीहरुले कहीं पनि कुनै पनि बेला फोहर गर्न सक्छ”
मन परे हरियो, नपरे रातो
13 
0
सशस्त्र युद्धमा रहेको माओवादी र सात राजनीतिक दलबीच भारतको मध्यस्थतामा १२ बुँदे समझदारी भई जनआन्दोलनबाट राजा ज्ञानेन्द्रको प्रत्यक्ष शासनको अन्त्य गरेको आज चार वर्षपूरा भएको छ ।
२०६२/०६३ को आन्दोलनको निर्ण्र्ााभारतमा भएको थियो । १९ माघअघि भारतसँग सुरुङ युद्ध गर्ने अभियान चलाएको माओवादीले अन्ततः भारतकै मध्यस्थतामा अन्य दलसँग मिलेर राजाको प्रत्यक्ष शासनविरुद्ध आन्दोलन गर्ने निर्ण्र्ाागर्यो ।
माओवादीले भारतपरस्त भएको आरोपमा आफैले कारबाही गरेका नेता डा. बाबुराम भट्टर्राईलाई दिल्लीमा दूतका रूपमा पठाएर त्यो निर्ण्र्ाालिने कामको सुरुवात गरेको थियो भने अन्य दलले पनि भारतकै डिजाइनअनुसार माओवादीसँग वार्ता गरेर निर्ण्र्ाालिने काम गरेका थिए । २०६२ साउनमा तत्कालीन कांग्रेस सभापति गरिजाप्रसाद कोइराला र एमाले नेता बामदेव गौतम दिल्ली पुगेर त्रिपक्षीय सहमतिका रूपमा १२ बुँदे समझदारीको खाका तयार पारेका थिए । अन्ततः २ मंसिर २०६२ मा १२ बुँदे समझदारीको घोषणा भयो ।
तत्कालीन राजा ज्ञानेन्द्रले पहिलो पटक १ वैशाख ०६३ मा सम्बोधन गरे । आन्दोलन चर्किंदै गएपछि भारतीय प्रधानमन्त्री डा. मनमोहन सिंहका विशेषदूत करण सिंह ६ वैशाखमा नेपाल आए । उनीसँग परामर्शपछि ८ वैशाखमा ज्ञानेन्द्रले दलहरूलाई सत्ता लिन आह्वान गरे । तर, त्यसले पनि आन्दोलन नरोकिएपछि अन्तर्रर्ााट्रय समुदाय, सेनालगायतको परामर्शमा ११ वैशाख, ०६३ मा संसद् पुनःस्थापनासहित राजाले दलहरूलाई सत्ता हस्तान्तरण गरे ।
त्यतिबेला अन्तर्रर्ााट्रय समुदाय, राजनीतिक दललगायतबाट ज्ञानेन्द्रले राजसंस्थाको सुरक्षा र निरन्तरताको आश्वासन पाएका थिए । सोही आश्वासनको भरमा दलहरूले पठाएको वक्तव्यलाई जस्ताको त्यस्तै ज्ञानेन्द्रले घोषणा गरे । शाही घोषणाबाटै संसद् पुनःस्थापना भयो । संसद् पुनःस्थापनासँगै माओवादी भूमिगत राजनीति त्यागेर र्सार्वजनिक रूपमा प्रकट भयो ।
नेपाली जनताले पनि हत्या र हिंसाको शृखंलाबाट मुक्ति पाउन माओवादीलाई शान्तिपर्ूण्ा लोकतान्त्रिक जीवनको सुरुवातका लागि स्वागत गरे । तर, यो समयसम्म आइपुग्दा परिस्थिति बदलिएको छ । र्सार्वजनिक गरिएकाबाहेक अदृश्य सम्झौता लागू नहुँदा समस्या जटिल बन्दै गएको छ ।
तत्कालीन राजा ज्ञानेन्द्रलाई शाही घोषणामार्फ दलहरूको आग्रहलाई मान्न सुझाव दिएको नेपाली सेनाले महत्त्वपर्ूण्ा विषयमा जनमत संग्रह गर्नुपर्ने सुझाव सरकारलाई दिनुले पनि त्यस्ता अदृश्य सम्झौता उल्लंघन भएको पुष्टि गर्छ । तत्कालीन प्रधानसेनापति रुक्मांगद् कटवालले राज्य-व्यवस्था समितिमा बुझाएको प्रतिवेदनमा महत्त्वपर्ूण्ा विषयमा निर्ण्र्ाालिइँदा जनमतसंग्रह गर्नुपर्ने उल्लेख छ । सो प्रतिवेदन हालका प्रधानसेनापति छत्रमानसिंह गुरुङको अध्यक्षतामा बनेको समितिले तयार पारेको थियो ।
ज्ञानेन्द्रलाई दलहरूको माग सम्बोधन गराउन महत्त्वपर्ूण्ा भूमिका खेलेका तत्कालीन प्रधानसेनापति प्याराजंग थापाले त्यतिबेलाको परिस्थितिमा सेनाले संस्थागत रूपमै महत्त्वपर्ूण्ा भूमिका खेलेको अभिव्यक्ति दिन थालेका छन् । थापाको यस्तो दाबी र वर्तमान सैनिक नेतृत्वको जनमत संग्रह सुझावले अदृश्य समझदारी उल्लंघनको पाटोलाई उजागर गरेको छ ।
त्यतिबेला १२ बुँदे सम्झौता गराइदिएवापत माओवादीले भारतलाई दिएको आश्वासन के थियो – त्यसको उत्तर पनि खोजी हुनथालेको छ । माओवादी र भारतबीच चिसिएको सम्बन्धले समेत उत्तर खोजी गरेको छ । विगतमा भारतको विरोधमा निष्त्रिmय रहेको माओवादी यतिबेला युद्धकालीन शैलीमै भारतको विरोधमा तल्लीन छ । यसले भारतको नेपाल नीतिको असफलतालाई प्रस्ट पारेको छ ।
तत्कालीन समयमा १२ बुँदे समझदारी गराउन भूमिका खेलेका मुख्य दर्ुइ खेलाडी तत्कालीन भारतीय विदेश सचिव श्यामशरण र ‘रअ’ प्रमुख हरभिज थाराकम्न भारतीय नीति निर्माणमा प्रभाव पार्ने हैसियतबाट बाहिरिसकेका छन् । र, उनीहरूले बनाएको नीतिअनुरूप चल्दा भारत नेपाल मामिलामा असफल मात्रै होइन नेपालमा भारतप्रतिको सम्मान र साख पनि गुम्दै गएको भारतीय संस्थापन पक्षको बुझाइ छ ।
र, ०६२/०६३ को आन्दोलनले चार वर्षपार गरिसक्दा पनि राजनीतिक दलहरूले कुनै ठोस बाटो तय गर्न नसक्दा मुलुक संविधानविहीनताको खतरामा पुगेको छ । यसले कतै मुलुकलाई जहाँको त्यहीँ अवस्थामा छाडेको त होइन -
मन परे हरियो, नपरे रातो
10 
1