ज्ञानेन्द्र अधिराजकुमारबाट प्रमोशन भएको यो दिन

दीपेन्द्र राजा, ज्ञानेन्द्र राज्यसहायक बनेको यो दिन
जेठ २० गतेदेखि नै ज्ञानेन्द्रको हातमा सत्ता आइसकेको थियो। सिकिस्त घाइते भएका युवराज दीपेन्द्रलाई राजा घोषणा गरिए पनि राज्य सहायक भने ज्ञानेन्द्र भएका थिए। घण्टौँको अन्यौलपछि राजपरिषद्को बैठकले राजा वीरेन्द्रको मृत्यु भएको अ‍ौपचारिक घोषणा गरेको थियो। त्यो दिन सेनाले कू गर्छ भन्ने निकै हल्ला थियो। दरबारको समाचार छाप्ने समाचारपत्रको कार्यालयमा सेनाले घेरा हाल्यो भन्ने हल्ला फैलिएपछि हामी पनि बिहानको विशेष संस्करण निकालेर केही पनि हुनसक्ने भन्दै कार्यालयबाट निस्केर सुरक्षित हुन खोजेका थियौँ। राजपरिषद्को बैठक बसेको भवनबाहिर उत्तेजित भीडले दीपेन्द्रलाई हत्यारा भन्दै समाचार प्रसारण गरेको रिसमा जीन्युजका नेपालस्थित संवाददातालाई झण्डै कुटेका थिए।

जताततै अन्यौल थियो। रेडियो र टेलिभिजनले समाचार नै प्रसारण गरेको थिएन। खाली एकोहोरो धूनमात्रै बजाइरहेको थियो। विदेशी सञ्चारमाध्यमहरु भने लगातार समाचार दिँदै थिए। अन्ततः आजको दिन यति नै बेला अर्थात् दिउँसो १ बजे राजपरिषदका अध्यक्ष केशरजंग रायमाझीले यस्तो घोषणा गर्दै दीपेन्द्र हिजैदेखि अर्थात् जेठ १९ गतेदेखि नै राजा बनाइएको बताए।

राजपरिषदमा विवाद
राजपरिषद् बैठकमा श्री ५ युवराजाधिराजलाई श्री ५ महाराजाधिराज घोषणा गर्नुअघि केही विवाद उत्पन्न भएको थियो। श्री ५ युवराजाधिराज दीपेन्द्रले नै गोली चलाएको भन्ने आधार के हो र यदि गोली चलाएकै हो भने मौसुफलाई कसरी श्री ५ महाराजाधिराज मान्ने भन्ने प्रश्न राजपरिषद्का सदस्यहरूले उठाएका थिए।

राजपरिषद्का सदस्य जयप्रकाशले घटनाको वास्तविकता के हो थाहा पाउनुपर्यो, त्यसबारे मुलुकले नै जान्न चाहेको छ भनी बैठकमा आवाज उठाएका थिए र त्यसमा कतिपय सदस्यले सहमति जनाएका थिए।

श्री ५ महाराजाधिराज दीपेन्द्र वीर विक्रम शाहदेव शारीरिक रूपमा अशक्त होइबक्सेकाले कार्यभार वहन गर्न अर्समर्थ होइबक्सेको कारण जनाई नेपाल अधिराज्यको संविधानको धारा ३४ को उपधारा (७) बमोजिम मौसुफका काका श्री ५ अधिराजकुमार ज्ञानेन्द्र वीर विक्रम शाहलाई नेपाल अधिराज्यको राज्य सहायक घोषणा राजपरिषद्को बैठकमा डा. रायमाझीले गर्नुभएको थियो।

त्यही बैठकमा सभापति डा. रायमाझीले औपचारिक रूपमा पहिलो पटक श्री ५ महाराजाधिराज वीरेन्द्र वीर विक्रम शाहदेव शुक्रबार सवा नौ बजे राति नारायणहिटी राजदरबारमा स्वर्गारोहण होइबक्सेको घोषणा गर्नुभएको थियो। मौसुफका मुमा श्री ५ बडामहारानी ऐर्श्वर्य राज्यलक्ष्मी देवी शाह तथा भाइ श्री ५ अधिराजकुमार नीराजन वीर विक्रम शाहको पनि स्वर्गारोहण होइबक्सेको घोषणा गर्नुभएको थियो। राजपरिवारका अरू सदस्यका बारेमा भने समितिको निर्णयमा केही उल्लेख छैन।

बिहान नौ बजेका निम्ति बैठक निर्धारित गरिए पनि औपचारिक रूपमा सवा बाह्र बजे मात्रै बैठक सुरु भएको थियो। सभापति रायमाझीको कार्यकक्षमा प्रधानमन्त्री, प्रधानन्यायाधीश, सभामुख, राष्ट्रिय सभाका अध्यक्ष, विपक्षी दलका नेता र पूर्वप्रधानमन्त्रीहरूबीच दुइ घन्टा लामो अनौपचारिक छलफलपछि राजपरिषद्को औपचारिक बैठक बसेको थियो। त्यही अनौपचारिक बैठकमा प्रस्तावको मस्यौदा तयार गरिएको थियो।

कान्तिपथ बहादुर भवनस्थित राजपरिषद्को भवनअघि राजदरबारमा भएका घटना सुन्नका निम्ति बिहानैदेखि ठूलो जनसमूह एकत्रित भएको थियो।

त्यो दिन गोरखापत्रले छापेको समाचार यस्तो थियो-

श्री ५ युवराजाधिराज दीपेन्द्र महाराजाधिराज घोषित
मौसुफ उपचार्रार्थ अस्पतालको सघन कक्षमा/श्री ५ अधिराजकुमार ज्ञानेन्द्र राज्यसहायक

काठमाडौँ, जेठ २० गते। परम प्रजावत्सल परम आदरणीय श्री ५ महाराजाधिराज वीरेन्द्र वीर विक्रम शाहदेव गएराति ९.१५ बजे नारायणहिटी राजदरवारमा स्वर्गारोहण होइबक्सेको हुँदा नेपाल अधिराज्यको संविधान, २०४७, राजगद्दी उत्तराधिकारीसम्बन्धी कानुन, रीत र परम्पराअनुसार मौसुफका ज्येष्ठ सुपुत्र श्री ५ युवराजाधिराज दीपेन्द्र वीर विक्रम शाहदेव हिजोको मितिदेखि श्री ५ महाराजाधिराज होइबक्सेको छ।

राजपरिषद्को आज बसेको आकस्मिक बैठकले सो घोषणा गरेको हो।

साथै, श्री ५ महाराजाधिराज दीपेन्द्र वीर विक्रम शाहदेव शारीरिक अशक्तावस्थाका कारणले हाल वीरेन्द्र सैनिक अस्पताल छाउनीमा सघन उपचार अवस्थामा होइबक्सेकाले नेपाल अधिराज्यको महाराजाधिराजको हैसियतले कार्यभार वहन गर्न अर्समर्थ होइबक्सेको, मौसुफका मुमा श्री ५ बडामहारानी ऐर्श्वर्य राज्यलक्ष्मी देवी र भाइ श्री ५ अधिराजकुमार निराजन वीर विक्रम शाह स्वर्गे होइबक्सेकोले आजै बसेको राजप्रतिनिधि परिषद्को बैठकले नेपालअधिराज्यको संविधान, २०४७ बमोजिम र्स्वर्गवासी महाराजाधिराजका माहिला भाइ मौसुफका काका श्री ५ अधिराजकुमार ज्ञानेन्द्र वीर विक्रम शाहलाई नेपाल अधिराज्यको राज्यसहायक घोषणा गरेको छ।

नेपाल अधिराज्यको संविधान, २०४७ को धारा ३४ -५) अनुसार बसेको राजपरिषद्को आकस्मिक बैठकले सो निर्ण्र्ाागरेको हो।

आफ्ना प्यारा राजा र राजपरिवारका अन्य सदस्यहरूको स्वर्गारोहण भएको अनौपचारिक जानकारी पाएका राजधानीवासीहरू राजपरिषद्को आकस्मिक बैठक बिहान ९ बजे बस्ने सूचना रेडियो नेपालबाट थाहा पाउनासाथ राजपरिषद्को कार्यालय भवन अगाडि जम्मा भएका थिए।

तर, राजपरिषद् सदस्यहरू जम्मा हुन केही समय लागेका कारण बैठक दिउँसो १२ः१५ बजे मात्र शुरु भएको थियो। सो बैठकले गरेको निर्ण्र्ााराजसभा स्थायी समितिका सभापति डा. केशरजंग रायमाझीले सुनाउनु भएपछि मात्र श्री ५ महाराजाधिराज वीरेन्द्र वीर विक्रम शाहदेव, श्री ५ बडामहारानी ऐर्श्वर्य राज्यलक्ष्मी देवी शाह र श्री ५ अधिराजकुमार निराजन वीर विक्रम शाहको दुःखद् स्वर्गारोहण भएको र वर्तमान श्री ५ महाराजाधिराज अशक्तावस्थामा सघन उपचारमा रहिबक्सेको औपचारिक जानकारी र्सार्वजनिक भएको थियो।

त्यसअघि राजपरिषद् स्थायी समितिको बैठक बसेको थियो। त्यसपछि परिषद्को बैठकमा श्री ५ महाराजाधिराजको घोषणा तथा राज्यसहायकको घोषणा गरिएको थियो।
राजपरिषद् स्थायी समितिका सभापति डा. केशरजंग रायमाझीको अध्यक्षतामा बसेको बैठकमा प्रधानमन्त्री गिरिजाप्रसाद कोइराला, प्रधानन्यायाधीश केशवप्रसाद उपाध्याय, सभामुख तारानाथ रानाभाट, राष्ट्रियसभाका अध्यक्ष डा. मोहम्मद मोहसिन, मन्त्रीहरू, प्रमुख विपक्षी दलका नेता माधवकुमार नेपाल, पर्ूव प्रधानमन्त्रीहरू, प्रधान सेनापति, प्रहरी महानिरीक्षकलगायत परिषद्का पदेन र अन्य सदस्यहरूको उपस्थिति थियो।

बैठक बस्नुअघि परिषद् भवनमा उपस्थित हुनुभएका सदस्यहरू अत्यन्त शोकाकुल मुद्रामा हुनुहुन्थ्यो। कतिपय सदस्यहरू सो अवस्थामा रोइरहनुभएको देखिन्थ्यो।

राजपरिवारमा हिजो राति भएको दुःखद काण्डको पीडादायी समाचार थाहा पाएपछि आज बिहानैदेखि राजधानीबासीहरू नारायणहिटी राजदरबार तथा छाउनीस्थित वीरेन्द्र सैनिक अस्पताल आसपास पुगेका थिए भने धेरैजसो सो घटनाको विस्तृत जानकारी पाउनका लागि विभिन्न सञ्चार उपकरणहरूको समीपमा रहेका थिए।

मौसुफहरूको स्वर्गारोहण भएका कारण राजधानी स्तब्ध थियो। पसलहरू सामान्य मात्र खुलेका थिए भने सवारीका साधनहरू ज्यादै नै कम चलेका थिए। राजधानीका हरेक गल्लीहरूमा समेत शोकाकुल जनसमुदायको भीड लागेको थियो।

2 Comments

  1. One thing we have observed for last six years if we observed everything what happened and how the political, economical situation went down hill from the day of Gyanendra was declaredd king of Nepal. What it tells all of us the name gyanedra as a ruller has been most unfortunate moment for Nepal and Nepali. Whther we analyse this situation spiritually, religiously, politically or economically it defamed nepal and nepalese to lowest in the history. So he was “Afab sidda” “Abhisap” “biggest curse” who dragged so many people even nations. Who can show one sigle good thing from the day he took the power. The list of misfurtune and miseries are countless.
    1. No body was ready to accept him as king but he did not want to give it up and at all cost of nation and people he wanted to hang into the position making million unhappy.
    2. Whether it is misfutune he brought for both shaha dynasty or he planned and did under his own grand design neither that brought happiness for himself, his family, his relatives nor for Nepal and Nepali.
    3. Niether he could prove he did not have any greed, cowardise attitude all what happened was one unfutunate accident and he was trying to sacrifice everything to prove that rather he kept defending his wrong position and he agravated people’s anger.
    4. He tried to rule the country with most infamous, corrupt, deadwood and practically murdered all the recognised political system and started ruling with his own decre.
    5. Nepal’s news started coming in interanational news only in bad news no any good news.
    6. No where in the world, police and army started dancing their naked dance bringing more and more misery to peole of Nepal.
    7.He kept proving again, again he knew no respect to any body and he has not got over that yet.
    7. He wanted to have everything for himself and nothing for anybody
    8.He was determined to give his skill of dirty businessman and smugling everything to political system and started running the country in the same style.
    9. He wanted to wipe out evrybody who does not respect his cruelty.
    10. He shaw himself as world conquerer and to establish a new world oreder of 2000 BC not knowing even his own salary come from begged money and he wanted to everything of it for himself. He was not able to control his criminal son, another in famous his son in laws
    So it is clear that as long as he is alive or his existence influence Nepalese politics and Nepalese life Nepalese people never experiece any happiness. He has been real curse for Nepal.

    Biggest question is how do we get rid of our bad luck.

  2. नेपालीहरुलाई अलक्षिन लागेको दिन!
    नेपालीहरुको जीवनमा ज्ञानेले प्रबेश गरेको दिन!
    १२औँ अँक अनिष्ठ हुने भएकोले १२औ पूस्ता दिपेन्द्र्लाई बनाएर ,पहिले राज्य सहायक अनि १३औँ पूस्तामा आफू राजा बनेको हल्ला त्यतिखेरै चलेका निकै हल्ला मध्येको एक हो.
    SMRITI,BELGIUM

Comments are closed.