आजको एउटा राष्ट्रिय दैनिकको लास्ट पेजमा एउटा विज्ञापन छापिएको रहेछ। समाचारभन्दा विज्ञापन हेर्न रमाइलो हुन्छ कहिलेकाहीँ। जिम्मी हेन्ड्रिक्सको जस्तो जिङ्ग्रिङ्ग कपाल अनि सुन्तले रङ्गको लुगा लगार हाम्लाई आशीर्वाद दिए जस्तो गरी हात ठड्याएको फोटो झट्ट देख्दा ‘साई बाबा मरेको नि एक वर्ष भएछ है, समवेदना छापेको होला’ भन्ने लाग्यो।

अलि ध्यान दिएर हेरेको त के खाएर समवेदना हुनु, जन्मदिनको शुभकामना पो रैछ। ए बाब्बै, के अचम्म। अस्ति नै इन्डियामा आफ्नो मृत्यु सन् २०२२ मा मात्र हुन्छ भनेर आफैले घोषणा गरे पनि ११ वर्ष अघि नै कालको मुखमा गएका थिए एक साई बाबा। यिनी त हाम्रो आफ्नै नेपाली साई बाबा रहेछन्। साई बाबा जिउँदै भएको भए भगवान कै पाइरेसी भो भनेर रिसाउँथे कि। अहिले चर्चामा रहेको SOPA जस्तो GOPA (गड अनलाइन पाइरेसी एक्ट) कानुन बनाउनु पर्थ्यो भन्थे कि !

सञ्जय साई बाबा रे यिनको नाम चाहिँ। विज्ञापन अनुसार भर्खर २४ वर्षका रहेछन्। भगवान रे अनि उनी त। थाहा थिएन भाइ मलाई त यिनको बारेमा पहिले। तर राष्ट्रिय दैनिकमा विज्ञापनै छापिएपछि भने यिनले अब राष्ट्रिय स्तर कै चर्चा खोजे जस्तो लाग्यो।

के रहेछ यिनको बारेमा भनेर खोज्दै जाँदा केही जानकारी हात लाग्यो। केही भिडियोहरु पनि हात लाग्यो। हेरौँ न त नेपाली साई बाबा भनाउँदाको चुरीफुरी पनि एक पटक। कति नेताको पछि लाग्ने, यसो भगवानको पनि पछि लागौँ कहिलेकाहीँ। Continue reading नेपाली साई बाबा रे

पूर्वमन्त्री तथा सभासद् अनि सदभावना पार्टी (आनन्दीदेवी) का अध्यक्ष श्यामसुन्दर गुप्ता अहिले प्रहरी थुनामा छन्। उनलाई अनुसन्धानका लागि चार दिनसम्म हिरासतमा राख्‍न काठमाडौँ जिल्ला अदालतले मंगलबार अनुमति दिएको हो। म्याद केही दिन थप्न मिल्ने प्रावधान छ तर तोकिएको समयभित्र प्रहरीले बलियो प्रमाण पुर्‍याएर अदालतमा पेश गरिहाल्नु पर्छ। अपहरण तथा शरीर बन्धकको अभियोग उनीहरुमाथि लगाइएको छ, जुन प्रमाणित भयो भने उनलाई बढीमा १६ वर्षसम्म कैद हुनसक्छ। चिकित्सक उपेन्द्र देवकोटाकी छोरी अपहरण गर्ने मुख्य दोषी दुई जना कृष्णछारा राई र सिद्धार्थ लामालाई काठमाडौँ जिल्ला अदालतले यस्तै मुद्दामा १६ वर्ष कारावासको सजाय सुनाएको नजिर छ। ६५ वर्ष पुगिसकेका गुप्ता यत्रो सजाय पाए भने उनको राजनीति मात्र हैन जीवनै अन्त्य भित्रै हुनसक्छ। के के छ त उनीविरुद्ध प्रहरीले जुटाएको प्रमाण ? उनी सजायबाट बच्ने संभावना छ कि छैन ? Continue reading गुप्ता सजायबाट बच्ने संभावना छ कि छैन ?

व्यापारी अपहरण कान्डमा पूर्वमन्त्री तथा अहिलेका सभासद अनि एउटा राजनीतिक पार्टीका अध्यक्ष श्यामसुन्दर गुप्ता फँसेको देख्दा धेरैलाई अचम्म लाग्न सक्छ। राजनीतिक आवरणमा अपराधको विषय धेरैलाई नौलो नभए पनि यसरी प्रत्यक्ष देखिने गरी अपराधमा संलग्न होलान् भन्ने धेरैले अनुमान नगरेका हुनसक्छन्। यो केसमा गुप्ताले अपहरणको व्यवस्था मिलाउनेदेखि लिएर एस्कर्टिङ गरी बन्धकलाई घरमा पुर्‍याउने अनि फिरौतिका लागि मध्यस्थकर्ता बन्दै पैसा लिएर आफै समेत गएका थिए, प्रहरीका अनुसार। उनले बन्धकलाई आफै घरमा पुर्‍याउने व्यवस्था पनि गरेका थिए।

पवन संघाई राजधानीका एक व्यापारी थिए। र, गुप्ता एक सभासद्। अपहरण राजधानी काठमाडौँमा भएको थियो। त्यसैले यो घटनामा प्रहरीले बढी चासो देखायो। व्यापारीहरुको संस्था नेपाल उद्योग वाणिज्य महास‌ंघले त हिजो सुरक्षा व्यवस्था सुधारेको भन्दै एआईजी कुबेर सिंह रानालाई सम्मान गर्दै कदरपत्र समेत दियो। तर के सुरक्षा व्यवस्था साँच्चै सुध्रिएको हो त ? के छ काठमाडौँ बाहिरको स्थिति ? गुप्ताजस्ता सभासद् त एक दर्जनभन्दा बढी रहेछन्। उनीहरु कसरी अपहरण कान्डमा मध्यस्थताको नाटक गर्न जान्छन्? पढ्न भित्र आउनुस्। Continue reading गुप्ताजस्ता नेता अरु धेरै रहेछन्

पूर्वमन्त्री तथा सभासद श्यामसुन्दर गुप्ताकै प्रमुख योजनामा व्यापारी पवन संघाई अपहरण गरेको दावी गर्दै प्रहरीले आज पत्रकार सम्मेलन गरी प्रमाणहरु सार्वजनिक गरेको छ। प्रमाणका रुपमा प्रहरीले अपहरणकारी र संघाई परिवारबीच भएको टेलिफोन संवाद र गुप्ताकै अगाडि आरोपीहरुले बकेको भिडियो प्रस्तुत गरेको हो। (भिडियो प्रमाण हेर्न भित्र आउनुस्)। भिडियोमा गुप्ताले आफूमाथि राजनीतिक षड्यन्त्र भएको र ६५ वर्षको उमेरमा यस्तो कुनै आपराधिक कार्यमा संलग्न नभएको बताएका छन्।

पत्रकार सम्मेलनमा दिइएको जानकारी अनुसार अपहरणको सबै योजना बनाउनेदेखि लिएर लास्टमा मध्यस्थकर्ता बन्दै छुट्याउनलाई फिरौती वापतको १ करोड रकम लिएर गएर संघाईलाई घरसम्म छाड्ने व्यवस्था मिलाएका रहेछन् यिनै गुप्ताले। कमलादीबाट संघाइलाई माइक्रो बसमा राखेर अपहरण गरी लग्दै गर्दा यिनी चाहिँ भद्रकालीमा आफ्नै गाडीमा बसेर निगरानी गर्दै रहेछन्। अपहरण गर्ने व्यक्तिलाई यिनले आफ्नै गाडीमा बालाजुबाट ल्याएर कमलादीमा छाडेका रहेछन्। अपहरित संघाईलाई आफ्नै गाडीबाट एस्कोर्ट गर्दै भक्तपुरदेखि धुलिखेलसम्म पुर्‍याएका रहेछन्। Continue reading पूर्वमन्त्रीको पोल यसरी खुल्यो (भिडियो प्रमाणसहित)

अपडेटः प्रहरीले आज गुप्तालाई अदालतमा पेश गरी अनुसन्धानका लागि चार दिन हिरासतमा राख्ने अनुमति लिएको छ।

अक्सर फिलिमहरुमा हामीले देख्दै आएको कुरा हो- अपराधी नेताहरु। पैसाका लागि मन्त्री भइसकेका नेताहरु गर्छन् व्यापारीको अपहरण।

तर यो फिलिमको खबर हैन, आज आएको नेपालको वास्तविक खबर हो। एक मन्त्री भइसकेका व्यक्ति, जो अहिले एउटा राजनीतिक दलका अध्यक्षसमेत हुन्- ले एक व्यापारीलाई अपहरण गराएछन् र पैसा असुलेछन्।

८५ लाख रुपैयाँका लागि राजधानी काठमाडौँबाटै एक व्यापारी अपहरण गर्ने ती नेता हुन्- श्यामसुन्दर गुप्ता। तल उनी हाँसिरहेकोको फोटो उनी आपूर्ति मन्त्री हुँदाताकाको हो। अहिले उनी प्रहरी हिरासतमा छन्। मंगलबार हुने छोरा राकेशकुमार गुप्ताको बिहेको तयारी गरिरहेका बेला उनलाई प्रहरीले सिद्धार्थनगर नगरपालिकास्थित घरैबाट आज पक्राउ गरेको हो। Continue reading फिलिम हैन, साँच्चिकै ! पूर्वमन्त्रीद्वारा व्यापारी अपहरण