-साक्षात सुशील-
तपाईंले बुझ्ने तपाई कै भाषा भन्दा, मैले बुझ्ने मेरै भाषामा खुल्ला पत्र लेख्दै छु। आवश्यक देखिएको खण्डमा यही पत्रलाई अङ्ग्रेजी भाषामा उल्था गरेर तपाईको टेबलमा पुग्ला भन्ने आशा लिएको छु। क्यामेरुन ज्यु, खै पत्रमा के के मात्र लेखौँ झैँ भएको छ। नेपाल-अङ्ग्रेज युद्धमा भएको अङ्ग्रेजी अमानवीय कार्यबाट सुरु गरौँ कि टायर फोर भिसा काण्डले ठगिएका नेपालीको आत्माहत्या र रोदनको बारेमा लेखौ ? कर्णेल कुमार लामालाई यातना दिएको आरोप गिरफ्तार गरेर नेपालको सार्वभौमतामाथि गरेको नांगो हस्तक्षेपको बारेमा लेखौँ कि अफगानिस्तान र इराकको नरसंहारको बारेमा लेखौँ ? कि पहिलो र दोस्रो विश्वयुद्धमा पक्ष राष्ट्र नरहेको नेपालका युवालाई युद्धमा होमेर हजारौँलाई मर्न बाध्य र बाँच्नेलाई पनि खाली हात अङ्गभङ्ग गरेर फर्काइएको बारेमा लेखौँ ?
चार कक्षामा नेपाली पाठ्यपुस्तकमा बढाइचढाइ पो लेखेको हो कि भनेर एक पटक गुगल गरेर हेरे, नालापनी युद्धको बारेमा। तर अहिले फेला परेका तथ्यहरूले पनि यही भन्दोरहेछ तपाईका पुस्ताहरूले नालापानीको किल्लामा अमानवीय तवरले नेपाली सेनालाई मार्नु भएको रहेछ। तीन हजारको संख्यामा आएका तपाईको पुस्ताले ६ सय नेपालीलाई जित्न नसकेर किल्लाभित्र जाने पानी बन्द गरेका रहेछ्न्। तीन दिनको ब्याकुल प्यासले नेपाली किल्ला बाहिर निस्किँदा जम्मा ७० जना बाँकी रहे। बाँकीको मृत्युको जिम्मा तपाईहरूको पुस्ताको अमानवीय कर्तुत हो कि होइन हजुर ? अरुको देशको स्रोत र साधनमाथि आँखा गाड्ने, आक्रमण गर्ने, भाषा, धर्म, संस्कृति सखाप पार्ने इत्यादि कर्तुत नै तपाईहरूको इतिहास हो कि होइन ? पानीको मुहान बन्द गरेर प्यासले तड्पाइ तड्पाइ मान्छे मार्ने देशले मानव अधिकारको वकालत गर्न सुहाउँछ ?
लु भैगो। इतिहासको गल्तिलाई अहिले किन कोट्याएको होला भनेर चित्त दुखाउनुहोला तर के गर्नु तपाईंहरुको कर्तुत अहिले पनि जस्ताको तस्तै छ। फरक यति हो पहिले नालापानीमा पानीको मुहान बन्द गर्नुहुन्थ्यो अचेल नाकाबन्दीको नाममा जनजीवन ठप्प पार्नुहुन्छ र त्यो देशको जनता तड्पाइ तड्पाइ मार्नुहुन्छ। हो कि होइन ? सद्दाम हुसेनले आम विनाशकारी जैविक हतियार राखेका छन् भनेर तपाईहरू प्रमुख मित्र अमेरिकाले भनेको आधारमा ‘हो मा हो’ मिलाउँदै आक्रमण गर्नुभएको थियो। त्यसैको निहुँमा सद्दाम हुसेनलाई झुण्ड्याएर मार्नुभयो। मुसलमान धर्म मै आधारित भएर विकसित भैसकेको एउटा समाज यसरी ध्वस्त पार्नु भयो कि अहिलेसम्म डेढ लाख इराकी जनता मरिसके। अझै मर्ने क्रम जारी छ। जैविक हतियार फेला पार्नु भयो त ? जेको कारण आक्रमण गरेर त्यत्रो बिघ्न मानिस मारिए त्यो नै फेला नपरेपछि आफ्नो आक्रमण तर्कसंगत थियो भनेर कसरी प्रमाणित गर्नुहुन्छ ? इराकमा रगतको खोला बगाउने तपाईंहरूलाई अमानवीय भन्न मिल्ने कि नमिल्ने हजुर ?
तपाईंहरूको रक्तपिपासु कदमको अर्को किस्सा बाँकी नै छ। तपाईंहरूको राजकुमार ह्यारी भर्खरै अफगानिस्तानबाट ‘ मैले तालेबानलाई गोली ठोकेँ ‘ भन्दै बेलायत फर्केका रहेछन्। एउटा कुरा के हजुर – अफगानिस्तानमा अल-कायदा नामको आतंकबादी सन्जालका सदस्यले २००१ मा बिश्व ब्यापार केन्द्रको दुई वटा भवनमा आक्रमण गरेको कारण देखाएर अफगानिस्तानमा आक्रमण गरिएको थियो। चार वटा नागरिक बिमान अपहरण गरेर ठोक्काएर आक्रमण गरिएको भनिएको थियो। तर हजुर अहिले बुझ्दै जाँदा ती सबै योजनाबद्ध रुपमा अमेरिका आफैले गरेको तथ्य पाइएको छ। अमेरिका मै खुलेको संस्था ‘ आर्किटेक्ट एण्ड एन्जिनियर्स फोर ९/११ ट्रुथ ‘ का संस्थापक रिचार्ड गेज लगायत १५०० जना इन्जिनियर्सले घटनाको फेरि अनुसन्धान हुनुपर्ने माग गरेका छन्। सोही आक्रमणमा खुल्न नसकेका तथ्य यति धेरै छन् कि यो पत्रमा अट्दैनन्। भन्नुको अर्थ के निस्कियो भने सो आक्रमणमा अमेरिका आफै संलग्न छ, त्यसमा या तपाईहरू पङ्गु बन्नु भयो या तपाईहरूको रक्तपिपासु हात मान्छे मार्न चिलाएर सहभागी हुनुभयो। अहिलेसम्म करिब १७ हजार अफ्गानी सर्वसाधारणको ज्यान गइसक्यो भने तत्कालीन सैनिकको त हिसाबै छैन। सन्तुष्ट हुनुहुन्छ मज्जाले मान्छे मार्न पाएकोमा ?
अफ्गानिस्तानबाट रसियालाई हटाउन १९८० दशकमा तपाईहरूले नै सर्वसाधारणलाई हतियार वितरण गर्नुभयो। त्यस मध्ये केहीलाई मिलाएर आफैले अल-कायदा नामको सन्जाल बनाउनुभयो। त्यस सन्जालको नेता बिन लादेन तोक्नुभयो। आफैले विश्व ब्यापार केन्द्रमा थर्माइट बम्ब जडान गर्नुभयो। आफैले षड्यन्त्रको जालो बुनेर प्लेन ठोक्काउनु भयो। दोष बिन लादेनलाई लगाएर अफगानिस्तानमा आक्रमण गर्नुभयो। पाकिस्तानमा बिन लादेनलाई मारिएको र उनको शव समुद्रमा फ्याकेको जानकारी गराउनुभयो। यो त बिस्तारै अनपढले पनि बुझ्दैछन तर तपाईको राजकुमारले नबुझेर तालेबानलाई गोली ठोक्न गएको ? कम्तिमा आफ्नो राजकुमारलाई भ्रममा नराख्नुस, असल शिक्षा दिने गर्नुहोस्।
तपाईहरु कै कारण ‘मानवअधिकार र प्रजातन्त्र’ शब्द कस्तो डरलाग्दो सुनिन थालेको छ। कुनै देशमा मानवअधिकार र प्रजातन्त्र छैन भन्नुभयो कि या त तपाईहरू कुनै पनि बेला आक्रमण गर्न सक्नुहुन्छ नत्र कम्तीमा नाकाबन्दीको तयारीमा हुनुहुन्छ भनेर बुझे हुन्छ। जुन देशको राज्य सत्ता संसारमा सबभन्दा बढी मानव संहारको जिम्मेदार छ उसैले मानव अधिकारको वकालत गर्दै हिंडेको सुहाउँदैन के क्यामेरुन ज्यु। यही बेला हाम्रो कर्णेल कुमार लामालाई थुनेर राख्नुभएको छ। तपाईहरूको तथाकथित यातनाविरुद्धको बिश्वब्यापी कानुन अन्तर्गत। तपाईले नबुझ्नु भएको हो कि मानवअधिकारको पक्षधर भएको ढोङ देखाउन हो उहाँलाई थुन्नुभएको ? कर्णेल लामा बहालवाला अधिकारी हुन्। उनले अनुसन्धानको क्रममा दुई जनालाई पक्राउ गर्न लगाए। पक्कै पनि सैनिक अनुसन्धान टेबल टेनिस खेल्दै गरिँदैन। दुई चार थप्पड लगाउनु स्वभाविक हो। विद्रोही पक्ष पनि नेपाली हुन् र सरकार पक्ष पनि नेपाली। यसमा तपाईलाई टाउको दुखाउनु आवश्यक थिएन। हजारौ मानव संहार गरेको रक्तरन्जित हातले नेपाली-नेपाली बीचको विवादलाई चलाउनु कतिको जायज छ, ऐना हेरेर आफैलाई सोध्नु होला।
पोप जोन पल दोस्रो त चिन्नु भएकै होला। आफूलाई गोली हान्नेलाई माफी दिएको आधारमा खुब प्रशंसा गर्ने तपाईहरू नै हो – हामी नेपाली पनि आपसी बिबाद आफै सुल्झाएर माफी दिनसक्छौ र दिन चाहन्छौ। यो याद राख्नुहोला।
तैपनि कुमार लामाले न तपाईहरूले जस्तो इराकको अबु घरेब बन्दी गृहमा जस्तो कैदीलाई नाङ्गै राखेर तड्पाउने, कुकुर लगाउने, चिसो सिमेण्टमा रातभरी नाङ्गै लडाएर राख्ने गरेका थिए न अपाचे हेलिकप्टरबाट साना केटाकेटी र पत्रकार माथि गोली ठोकेका थिए। तैपनि दादागिरी देखाउन कारवाहीको ढोङ रच्नुभयो। तपाईहरूलाई आफ्नो देशको कानुनको पालना गर्न त्यस्तो मन छ भने अरु देशको कानुनको पालनामा पनि भांजो हाल्ने काम गर्न भएन। भर्खरै इण्डोनेसियामा तपाईका नागरिक लिन्डसे स्याण्डिफोर्डले लागुपदार्थ वसारपसार गर्दा पक्राउ परेपछि त्यहाँको अदालत मृत्युदण्डको फैसला सुनाएको छ। तर अचम्मको कुरा आफ्नो देशको कानुन पालना गर्न कुनै कसर नछोड्ने भन्नेले इण्डोनेसियाको अदालतको फैसलाको भर्त्सना पो गर्नुभएछ। ए राता मकै, लाज लाग्दैन तपाईहरूलाई ? तपाईका नागरिकले अपराध गरे इज्जत साथ छोडिदिनु पर्ने अरु देशका कर्मचारीले आफ्नो काम गरे पनि कारवाहीमा पर्नुपर्ने कस्तो चलन आएको बा।
क्यामेरुन ज्यु, इतिहासदेखि नै तपाईहरू नाफा कमाउन मान्छे मार्ने र उपनिवेश बनाउने काम गर्दै अरुको सार्वभौमिकतामाथि गिद्दे दृष्टि राख्नुहुन्थ्यो। हाल आएर मानव अधिकार र प्रजातन्त्रको नाममा गर्दै हुनुहुन्छ। मानव अधिकार र प्रजातन्त्र निर्यात गर्ने सस्तो होलसेल कारोबार बन्द गर्नुहोला। ग्राहकहरू सचेत हुँदैछन्।
थप जानकारीको लागि तल लिंक दिएको छु, अन्य कुनै देशमा आक्रमण गर्ने तयारीको ब्यस्तता छैन भने अवश्य अध्ययन गर्नुहोला।
तपाईको शुभचिन्तक
साक्षात सुशील
स्रोतहरू
http://www.iraqbodycount.org/
http://www.bbc.co.uk/news/uk-
https://www.youtube.com/watch?
http://www.wtc7.net/articles/
http://www.bbc.co.uk/news/uk-
ठिक छ, कुनै पनि लेख कुनै बिषय वस्तुमा नै फोकस हुन्छ पूर्ण फेलेक्जिबल को अर्थ हुन्दैन
सुशिलजिले research नै नगरी लेख्नुभयेछ. तपैन्ले अजै धेरै अध्ययन गर्न जरुरि छ. यो लेख त माओवादी ठेट्ना नेताको चार क्लासमा पदने छोराले लेखेको निबन्ध जस्तो छ. Brainwash र पूर्वाग्रही भएर लेखेको छ. श्रोताको प्रतिकीर्यहरु पढ़ेरनै थापौनुभायो होला if you want to be get positive feed backs on your article do more research . I could not read more than two paragraphs because it is too much biased .Instead of researching only seven web sites , research 70 websites then you will know what truth and reality is. Take this as challenge and hope to read better article from you in future.
we can not agree on his on his point of supporting kumar lama, but when it comes to writing, his writing is really good
यो लेख त माओवादी ठेट्ना नेताको चार क्लासमा पदने छोराले लेखेको निबन्ध जस्तो छ.
Forget about a class 4 student, ask a master student or even read the writing in opinion page of our newspaper, u will hardly find any one who write nicely forget as nice as his.
I am saying this not to support all what he wrote but to appreciate what he has ( his quality).
If u do not agree with me, take a challenge, to write an article on anything you and let see how many people read it. I bet, u can not write even 1/10 of what mr shushil has done.
Also, u said माओवादी ठेट्ना नेताको चार क्लासमा पदने छोराले . maobadi did bad to country but they are not the only one to do this. NC and UML make a country in this situation. what NC and UML did in last 20 year ? why they make our country so vulnerable? why theydid not try to make system? why NC and UML are on a look out of gundas for party?
as party, no one can do as bad as NC who created to days situation.
I only have one intention. we have to learn to say white to white and black to black.
के काम नेतालाइ गालि गरेर……….तपाईं हामि त एउटा सानो कुरामा सहमत हुन सक्दो रहेनछौं……लेखकको उदेश्य के भन्ने कुरामा हामि छिर्ने सकेनौ…कतिले छिर्नै चाहेनौ…..जान्ने सुन्ने बनेर फेरि फिरंगीकै कानुनको वाहवाही गर्न लागेम…..प्रचण्ड नेपाल को राष्ट्रपति हुन हुने……बाबुराम प्रधानमन्त्रि हुन मिल्ने…..उति खेर युद्धका बेला तिनै सैनिक लाई गोलि चलाउन आदेश दिने…..नेताहरुको तपाईं हामि अझैं पनि भरौटे भएर हिड्न मिल्ने…..तर नेपाली स्वाभिमान प्रति गिद्दे नजर लगाउने फिरंगी हरुको बारेमा बोल्नै नहुने……वाह वाह नेपाली……वाह वाह नेपाल……अनि बधाई छ……सुतेरै नेपाल बनौन तल्लिन हामि सबैलाई………
साथीहरु धेरै किन बाद विवाद गर्ने हामीहरुमा ! हाम्रै देश बाट नै ( आफै झंग्करी , आफै बोक्सी भएको छ ) हाम्रै देशबाट संचालन भएको छ ,अरु देश लाई किन दोष दिने ,बरु को रहेछ येस्मा डबल रोल खेल्ने , त्यो पत्ता लगाएर ठिक पर्ने कुरा तिर लाग्यो ……
साक्षात सुशील जी, तपाईं हामि नेपाल को सत्ता रूस , चीन वा अमेरिका – अझ यति ठुलो पनि पर्दैन – त्यो फुच्चे इजरेल को जनता मात्र पनि भएका भए र अहिले बेलायतले कुमार लामाले भन्दा घोर यातना दिएका आरोप लागेका कसैलाई छिसिक्क छोएका भए हाम्रा बेन्जामिन नेतान्याहू जस्ता प्रधानमन्त्री ले पत्र लेख्नु पर्दैनथ्यो, रिसले हाछ्यु गरे पुग्थ्यो बेलायत हल्लिन्थ्यो. यहाँ अरु साथिहरुले नचाहिने हाइपोथेटिक कुरा गर्यो भन्नु होला तर यो सत्य कुरा मा आधारित हो –
http://en.wikipedia.org/wiki/Tzipi_Livni#UK_arrest_वार्रांत
तर हाम्ले त उल्टो आफुलाई भाग्यमानी भन्नु पर्छ साक्षात जी – हामि माथि उल्लेखित देशहरु जस्तो शक्तिशाली छैनौं. यदि भएको भए कुमार लामा हरु कसरि बाहिर पक्राउ पर्थे होलान र?
यो लेख कुनै एक नेपाली बाम नेताले मान्छे उल्लु बनाउन भन्ने गरेको ‘साम्राज्यवाद बिरुद्ध हाम्रो जनयुध्द भने जस्तो भयो |’ शुशिलमा तर्क्शिलता रहेछ तर यो दुइ विल्कुल फरक प्रसंग हो | तपाईं हाम्रो देशभित्र सशस्त्र द्वन्दको रापले के बेलायत किञ्चित बेलायत ,अमेरिका पोल्यो र ? भारत संग त दुवै पक्षको हार गुहार थियो | जे होस् एक नेपालीले अर्को नेपालीलाई मर्ने खेलको पारखी तपाईं नि हुनुहुँदो रहेछ | अनि क्यामरुनलाई तपाईंको डाइलग- के अमेरिका र बेलायतले अफगानिस्तान र इराकमा मान्छे मार्न पाउने तर नेपालीले आफ्नै नेपाली दाजुभाई मार्दा तपाइंको के टाउको दुखाइ रे ? धिक्कार होस् |
सुशीलजी, तपाई ले लेखेको लेख हेरे, नेपाली लाई अब देश लाई लुछि लुछि भित्र भित्रै
ब्वासोले जस्तो खादा हामी केहि नगरी हेरिरहेको छॊउ ,जुन पार्टी सरकारमा आएपनि
नेपालको सिछित हरु बेरोजगार छन् .देशमा बिजुली ,पनि ,स्वास्थ,मा केहि समय अनुसार गुणस्तर छैन .पेट्रोल ,खाद्यपदार्थ ,हरेकमा मिसावट छ,जसले जति लिएपनि
हुन्छा पैसा तिर्छु भन्दा देशिमल ,राम्रो उन्नत बिउ को लागि २ रात लाम बसेर पनि पाइन्न ,तेसैले अब आफुलाई ठुलो मान्छे ठान्नेहरु मैले जसलाई जे गरे पनि हुन्छ भन्ने हरु लाई भिसा (प्रबेस आज्ञा )समेत नदिएकोले हामीलाई खुसि लागेकोछ /
विदेश मा मात्रै भएपनि कारबाही मा परिएला भन्ने डर लाग्छ नि …….
बधाई साक्षात सुशील जी लाइ यति राम्रो बिस्लेशन राखिदिनु भा’को मा…
ब्रिटिश ले के गर्छ के गर्दैन भनेर कतै जानु पर्दैन हेर्नु होला http://www.guardian.co.uk/law/2012/dec/20/mod-iraqi-torture-विच्तिम्स
http://www.wikileaks-forum.com/index.php?topic=15470.०
http://www.bbc.co.uk/news/uk-england-२०८०९६९२
देरै देरै छ यस्ता प्रमाण ब्रिटिश बिरुद्द अनि कुरा गर्नु होला कसले के गर्यो के गरेन भनेर
सुशील जी को कुरा जो सुकै ले बुज्न सक्दैन किन भने उनि हरु संग बुज्ने सक्ति छैन
मानब अधिकार, न्याय र मानबीय सम्बेदना बिरुद्दको आवाज हो यो पत्र । सायद् लेखक शाही नेपालि सेना (हालै नाम् फेरिएको) सम्बद्ध वा कुमार लामाको आफन्त हो की जस्तो लाग्यो । लेखकलाई मानब अधिकारको बिस्वब्यापी घोषणा पत्र, Convention against Torture and Other Cruel, Inhuman or Degrading Treatment or Punishment १९८४, International Convention on Civil and Political Rights (१९६६) अध्ययन गर्न अनुरोध् गर्छु । न्यायलाई पक्षपाती आँखाले हेर्ने प्रयास कदापी राम्रो होईन । अपराधी बाबु नै किन नहोस् कारबाही हुनु पर्छ ।
सुशील जी! लेख राम्रो लाग्यो| तर यो लेख को लागि जुन मंच तपाइले प्रयोग गर्नु भयो त्यो चाहि अलि ठिक भएन जस्तो लाग्यो| लेखको सान्दर्भिकता माथि त मलाई कुनै गुनासो छैन तर यी कुरा सुनाउने चौतारी यो चाही होइन| अर्को भाषा मा भन्नु पर्दा तपैले उठाएका कुराहरु जायज छन् तर तपाइको प्रस्तुत गर्ने तरिका चाही अलि फरक हुनु पर्दथ्यो|
१. मा तपाइको खोज पत्रकारिता को सम्मान गर्छु| तर यो ब्लग का पाठक सबै राजनीति शास्त्र का बिद्यार्थी होइनन| तेसैले तपाइको भाषा समाजको हरेक क्षेत्रमा काम गर्ने मान्छे ले बुझ्ने खालको हुनुपर्ने थियो जुन छैन| सुर्यले पृथ्वी लाई घुम्छ भन्ने बाइबल मा लेखिएको कुरामा बिस्वाश गर्ने मान्छेहरुका अगाडी तेस्को ठिक उल्टो सिद्धान्त प्रस्तुत गर्दा रोम का पादरी जोर्दानो ब्रुनो जिउदै जलाइयेका थिए| यो लेख लेखेर तपाइले पाउने प्रतिक्रिया पनि तेस्तै किसिमको हो|
२. कर्णेल लामा काण्ड ले धेरै नेपाली लाई खुसि बनाको छ, तपाई ले तेस्को बिरुद्धमा कुरा गर्दा आफ्नो बचाऊ मा धेरै कुरा लेखेको भए राम्रो हुन्थ्यो| बुढी मरि भनेर खुसि हुनेहरुका अगाडी “काल पल्क्यो” भनेर बुझाउन धेरै गाह्रो हुन्छ| तेसैले तपाई यो बुझाउने काम मा असफल हुनु भयो|
३. समय संगै हामी नेपालीका मूल्यहरु पनि बदलिसके| हामीलाई आज देशको स्वाभिमान भन्दा पैसा को माया बढी छ, स्वाभिमान त पर को कुरा आफ्नो ज्यान भन्दा पैसा को माया बढी छ आज| यो कुरा त बेलायेती सेनामा भर्ति हुन जाने युवालाई हेरे नि थाह हुन्छ, इराक र अफगानिस्तानमा अबैधानिक तरिकाले काम गर्ने जानेहरुलाई हेरे नि थाह हुन्छ| हामि भिखारी भैसक्यौ सुशील जी, हाम्रा मान्यता, आस्था सबै बदलिसके| हुन त भोको पेट लाई भर्न भात चाहिन्छ खोक्रो रास्ट्रीयता को कुरा ले पेट को आगो निभ्दैन यो कुरा बुझ्नु नि जरुरि छ| अब का लेख लेख्दा नया मान्यतालाई आधार बनाएर लेख्नु होला|
४. अर्को कुरा हामि र हाम्रो नेपाल सार्बभौम छैन तपाइले सोचेजस्तो| बिर्सिनो भो! भारतीय सुरक्षाकर्मीले नेपाल को राजधानी बाट दिउसै नेपाली नागरिक लाई लतार्दै लगे र पनि कसैले केहि गर्न सकेन, हाम्रा चेलीहरु दिनहु बालात्क्रित भएर बिदेशी भुमि बाट नेपाल को विमानस्थल मा आइपुगछन तर हामी बिर नेपालीका सन्तान को दिमाग मा तेतिबेला मानाबधिकार भन्ने कुरा फुर्दैन| हाम्रो सार्बभौमिकता को याद आउदैन| कर्णेल लामाका के कुरा हरेक दिन भारतीय सुरक्षाकर्मी नेपाली भुमिमा पसेर नेपालीहरु लाई लात हानेर जान्छन| तेती बेला मन्दिरा शर्मा हरु facebook मा status update गरिराका हुन्छन| हामि बिदेशी का गुलाम भैसक्यौ सुशील जी हामि भित्र को स्वाभिमान भन्ने कुरा त facebook र twitter मा update गर्न का निम्ति मात्रै हुन्|
५. हामी नेपाली हौ| यो कुरा चै बिर्सिनु भएन| हामीसंग हाम्रो बारेमा सोच्ने अधिकार छैन हाम्रो लागि सोचिदिने बिदेशी हरु छन्| हाम्रो मानाबधिकार उल्लङ्घन को छानबिन बिदेशी ले गरिदिनु पर्छ, हाम्रो देश को प्रधानमन्त्री को बन्ने भन्ने कुरा दिल्ली ले सोचिदिनु पर्छ, हाम्रो बाटो ठुलो बनाउने कि नबनाउने भन्ने कुरा को निर्णय बिदेशी राजदुतावासले गरिदिनु पर्छ| त्यस्ता प्रभुहरु को बारेमा एती बकम्फुसे कुरा सोच्ने दुस्साहस तपैले कसरि गर्नु भो सुशील जी? यो तपाइको घोर पाप हो|
६. कुनै लेख लेख्नु भन्दा अगाडी सुशील जी एक चोटी पररास्ट्र को ढोका मा passport बनाउन लागेको लाम हेर्न जानुस, एडव फारम भर्ने ठाउँ हरु मा लाम हेर्न जानुस अनि एक चोटी घोत्लिनुस हामि कति स्वाभिमानी छौ र कति दरिद्र, अनि बल्ल आएर कुनै कुरा लेख्ने चेस्टा गर्नुस|
माफ गर्नु होला सुशील जी| भन्ने कुरा त धेरै थिए तर समय छैन रैछ म संग| प्रबाशी नेपाली न परे, मालिक को हजुर मा स्वस्ति चढाउन जाने बेला भएछ| समएमा स्वस्ति टक्र्याउन सकिन भने फेरी मेरो पेट मा नि लात पर्छ| बाकि कुरा हरु अर्को लेख लेख्नु भयेछ भने तेती गरौला| इति…..
भुवन जी को तर्कले मलाइ सुशील जी को लेखले भन्दा पनि भाबुक बनायो तर मोटो बुद्दि मेरो…भाबुक त बनायो तर मैले ति तर्क नबुझेर रहेछ ! त्यसैले केहि सोध्न मन लाग्यो भुवन जीलाई जसले बुढी मरेकोमा खुशी भएका मुर्ख देख्नु भयो सारा नेपाली लाइ ! भुवन जी तपाईं जस्तो काल पल्केकोमा दुखी, इराक-अफगानिस्तान पैसाको लोभमा ज्यान को बाजी लगाएर पस्ने लोभिहरुको भीडबाट बाहिर रहेको मान्छेले यत्ति भनिदिनोस न कुन कारणले खुशी नहुने कुमार लामा बेलायतमा पक्राउ पर्दा ? ति निरिह जनतालाई कालरात्रीमा टाउको छिनालेको बोकोलाई जस्तै घिसार्ने सामान्य मानवीयता सम्म नभएका माथि हामि अझै पनि ‘आ बैल मुझे मार’ को भाषामा किन उदार हुनु पर्ने ? जुन देशको प्रधानमन्त्रीले अपराधि संरक्षणको ठेक्का लिएको छ , जुन देशको प्रधानमन्त्रीले दण्ड हिनताको शिरानी हालेर निदाउँछ, जुन देशका प्रतिपक्षले केवल सत्ता-शक्ति र सम्पत्तिको लागि राजनीति गर्छन, फरक मत राख्ने लाइ तह लगाउन आफ्नो दलमा देशका कुना-कुना बाट गुण्डा खोजेर भर्ति गर्छन तिनीहरु बाट न्यायको आशा राख्ने आधार के ? अहिले बेलायती कानूनको बिरोधमा यति टाउको फुटाउने हरुलाई सोध्नोस् लक्षमण पुरमा हामि डुब्दा भारतलाई चिट्ठी लेख्न तपाईं हरु वा अहिले बेलायतीलाई पत्र लेख्ने कहाँ मरेका थिए ? सधै हाम्रो सिमा भारतले मिचेर हाम्रा गाउँ कब्जा गर्दा तपाईं हरुलाई काल पल्के जस्तो लागेन ? भारतका सामु भाडाकी बेश्याले जस्तो आफ्नो र सारा देशको अस्मिता सुम्पने यी बिना श्रीपेचका नयाँ राजालाई देख्दा तपाइलाइ काल पल्केको आभाष भएन ? देशमा अवसर भए को-किन जान्छ विदेश र तर अवसरको सिर्जना गर्ने प्रति तपाईं हरु जस्ता यस्तो महान विचारकको आज सम्मको भूमिका के रह्यो त्यो पनि सुनौं न ! तपाइंले देखे र व्यंग गरे जस्तो सजिलो पैसाको रुखले सजिएको छैन इराक-अफगानिस्तान अनि बेलायति सेनाको भर्ना ! देशमा सामान्य काम वा ब्यापार जे नै गरे पनि अहिले आफ्नो पारिश्रमिक लिन राजनीतिक आड चाहिने भयो, आफु अलि निर्धो भए आफ्नो पारिश्रमिक माग्दा ज्यान गुमाउने स्थिति भयो, ब्यापार गरेर २ पैसा कमाए घरको कुन सदस्य कतिबेला कहाँ बाट अपहरणमा पर्ने हो कि हत्या हुने भनेर भएको-कमाएको लाउन खान समेत नसक्ने अवस्था छ सुरक्षाको हिसाबले देशमा अनि तपाईं हरु जस्ता तर्क गर्न जान्ने हरु आफ्ना तर्कले सामान्य नागरीकको निरिहताको खिल्ली उदाएर दंग छन् अनि के आफै छाना बाट हाम्फाल्ने लामा जस्तालाई सजाए दिएन राज्यले भनेर ? यी तर्क गर्ने महान विद्वान हरुलाई लाज र इख छ भने बनाउ कडा कानून आम नागरीकको सामान्य बाँच्ने अधिकारलाई सुरक्षित गर्ने गरी र देउ सुरक्षाको अनुभूति अनि हेर देशको मायाँ ति इराक-अफगान बस्ने र बेलायति सेनामा हुने लाइ छ कि छैन ! होइन भने आफुलाई कुनै ब्लगको भिडमा विद्वान सावित गर्न हामि आम नागरिकको निरीहताको खिल्ली उदाएर यस्ता नयाँ स्वस्थानीको कुमार जी नबनेकै बेस !
शरद जी! तपाइको प्रतिक्रिया पाउदा खुसि लाग्यो, तर प्रतिक्रियामा तपैले मलाई समर्थन गर्नु भएको हो कि मेरो कुरा मा बिमति जनाउनु भाको हो त्यो चै अलि बुझ्न सकिन किनकि तपैका कुरा र मेरा कुरा को सार मा तेती फरक पाउन सकिन| फरक छ भने येति कि मैले मेरो रास्ट्रियेता आर्यघाट को मसान मा देख्दै छु तपाई को रस्ट्रियेता जिउदै छ भन्ने भ्रम मा हुनुहुदो रैछ| मैले कहिँ कतै आफुलाई बिद्द्वन भनेको त थिइन तर मैले म लगाएत लगभग सबै नेपाली लै मुर्ख चै भनेकै हु|
हो सरद जी! तपाई पनि मुर्ख म पनि मुर्ख| देश जलिराको छ, सिमाना भारत ले मिचिसक्यो, देश चलाउन सधै बिदेशी संग हात फ़ैलाइराख्नु पर्छ, र त्यो देश का युवाहरु एक अर्का लै बकम्फुसे साबित गर्न मै ब्यस्त छन्| सायद सज्जन ले एस्तो चै गर्दैनन् क्यारे|
अर्को कुरा, कर्नेल लामा पक्राउ पर्दा धेरै खुसि हुनु भयेछ, बधाई छ तपाइलाई| तर सरद जी, बेलायेत ले पक्राउ गरेको लामा भन्ने मान्छे एउटा नेपाली नागरिक हो| नेपाली सेना को एउटा उच्च ओहोदामा काम गर्ने मान्छे| एउटा सार्बभौम राष्ट्र को पदीय मर्यादा लै बिदेशीले कुल्चन मिल्दैन| बेलायेत ले पक्राउ गर्ने बेला त्यो मान्छे नेपाल सरकार को नजर मा एउटा सेनानी थियो, अपराधी होइन| मलाई लामा भन्ने व्यक्ति जेल पर्यो भनेर चिन्ता होइन, मेरो देशको सैनिक बिदेशी ले पक्रियो भनेर हो| अब त्यो व्यक्ति र पद को बीच को भिन्नता चै आफै छुट्याउनु होला| आज कर्नेल लामा परे, भोलि देश को एउटा राम्रो मान्छे लै पनि बिदेशी ले समाएर तेस्तै अपराधी को बिल्ला भिराइदिन सक्छ सरद ज्यु| किनकि कसैको नजरमा आतंककारी भएको व्यक्ति अर्का को नजर मा स्वतन्त्रता सेनानी पनि हुन सक्छ| २० वर्ष अघि जय देश जय नरेश भन्ने मान्छे हरु आज गणतन्त्रवादी छन्| तेसैले हतार म निर्णय गरेर फुर्सदमा पछुताउने बानि हामि नेपालीले छोड्नु जरुरि छ|
अनि अर्को कुरा सरकार एस्तो, नेता उस्ता भनेर नि लेख्नु भाको रैछ| सरकार र नेता को आज यो रुप बनाउनु मा पनि तपाई र म नै जिम्मेवार छौ| आफ्नो गल्ति लाइ अरु तिर पन्छाएर पानि माथि को ओभानो बन्ने हाम्रो प्रवृत्तिलाई नै मैले मुर्ख को संज्ञा दिएको हु| नेता बनाउने जनता ले हो सरद ज्यु, ऐले क देश का नेता छान्ने हामि नेपाली नै हौ| गणेशमान सिंह ले भने जस्तो हामि नेपाली भेडा नै हौ| कति निरिह र फुर्के रैछौ हामि बिदेशी ले हामीलाई न्याय दिने भो भनेर खुसियाली मनाउने? तेसैले एक चोटी आत्मालोचना गर्न सिकौ| तेसो गरे कसो होला?
भुवन जी मिठो जवाफको लागि धन्यवाद तपाईं लाइ !
अन्य मुद्दामा हाम्रो राय एकै हुन् सक्ला तर त्यो एउटा नेपाली सेनाको अफिसरको केशमा हाम्रो सोंच झन्डै नदीका दुइ किनार जत्तिकै रहेको स्पष्ट छ नै मैले त अहिले पनि खुशी व्यक्त गर्छु उनि बेलायतमा गिरफ्तार भए भनेर तर त्यो खुशी हाँसेर व्यक्त गरिने खुशीमा पर्दैन र त्यो खुशी कुमार लामा एउटा व्यक्ति पक्राउ परेकोमा होइन उसको त्यो शक्ति, आडम्बर-अभिमान को दुरुपयोग बापत गिरफ्तारीको खुशी हो ! हामीले यहाँ राष्ट्रियता फलाकेर के गर्ने जब हामि आफ्नै देशमा आफ्नै शाशक-प्रशासक बाट प्रताडित हुन्छौं भने अहिले हामीले उजुरी गरेर न्यायको गुहार गर्ने ठाउँ के अनि कुन त ? हरेक क्षेत्रमा राजनीतिक नियुक्तिले राज्य संचालनका सम्पूर्ण अंगका संरचना कच्याककुचुक पारे यी दल हरुले ! शान्ति सुरक्षा छैन दिन दुना रात चौगुना को रफ्तारमा हत्या-हिँसा,असुली, अपहरण अनि बलात्कार हुँदा पनि सरकार आफु र आफ्नो परिवारको सुरक्षा घेरा बढाएर देशको सुरक्षामा सुधार आएका प्रतिवेदन पढ्छ र मिडिया लाइ १-१ प्रति बाँड्छ, मिडियाले त्यसको वास्तविकता छाप्नु छाडेर महँगो विज्ञापनको लोभमा त्यसैलाई बढाएर छाप्छन, प्रहरीले आपसमा लासको मुल्य लिएर मिल्न दबाब दिएर आगामी बर्षको प्रतिवेदनमा मुद्दा दर्ताको अंक घटाउन पीडितका मुद्दा सम्म दर्ता गर्दैन न्यायको त कुरा छाड्नोस, कसै गरी मुद्दा दर्ता भए अदालत नापुग्दै बाट शुरु हुन्छ अपराधि कुन दलको लठैत हो वा कुन दलले उसलाई तान सक्छ अनि नेता बाट उसलाई कारवाही नगर्न ठाडो उर्दी हुन्छ ! अहिले हेर्नोस बिहान स्कुल गएका छोरा-छोरी साँझ घर नआउँदा ढुक्क हुने अवस्था छैन र यी सबै अपराधमा हाम्रा उच्च निकाय र नेताको संरक्षण छ ! म त भन्छु यिनलाई त हरेक देशले अब गिरफ्तार गर्ने स्थिति बनाउनु नै हाम्रो एउटा आशाको त्यान्द्रो हो ! यी गल्ति बाट पाठ सिकेर आफुलाई सुधार्ने हुन्थे भने खोइ त यो घटना पछि कुनै आवश्यक कदम चालेको ? खोइ त कानूनमा आवश्यक संसोधन गरेको ? खोइ त बालकृष्ण ढुंगेल, प्रभु शाह हरु गोलघर भित्र पुगेको ? हेर्नोस त केहि दिन अघिको दिल्लीमा भएको बलात्कारको घटनाले त्यहाँको सरकारले जनताको माग बमोजिम त्यस्ता अपराधीलाई फाँसी सम्मको सजायको कानून पारित गर्यो तर खोइ त हाम्रो देशमा जनता प्रति राज्य संवेदनशील भएको ? टि.आइ.ए.मा एउटा प्रहरी अधिकृतले काला ब्यापारी संग मिलेर तस्करी गर्छ, अनुसन्धानले पनि प्रहरी अधिकृत नै दोषी देखाउंछ तर पनि खोक्रो कानून र दलहरुलाई लेवी तिर्नेहरुको इजलासले एउटा गास-बासको जोहोको औकात नहुने हवल्दार संग करोडौं धरौटी माग्छ अब भन्नोस् उसले कुन राष्ट्रियताको कुरा फलाक्ने ? एउटा नेताको घरको कुकुर हराए प्रहरी परिचालन हुन्छन तर यहाँ दैनिक नागरिकहरु मर्दा आवश्यक छानविन गराउन नेताको भनसुन गराउन पर्छ अब भन्नोस् यहाँ म आफुलाई कुन नागरिक सम्झेर कुन राष्ट्रियताको कुरा फलाक्ने ?
भुवन जी अहिलेको यो चिथोरिएको खुशी हामि बिकल्प हिन, कुनै उपाय नास्ती भएर आफै उम्लिएर आएको आफैलाई गिज्याउने खुशी हो भन्ने हामीलाई राम्रो संग थाहा छ तर कसै गरी यहाँ विधिको शाशन शुरु हुनु पर्छ, हामि नागरिकको सामान्य रुपले काम गर्ने र बाँच्ने अधिकार सुनिश्चित हुनुपर्छ यी घटना नै घट्दैनन र घटे पनि यो एउटा राष्ट्रिय बिरोधको रुपमा प्रकट हुन्छ ती बिदेशी कानून हरु स्वत: निस्क्रिय हुन्छन ! होइन भने तपाइले बुढी मरेको चिन्ता होइन काल पल्केको चिन्ता भन्न खोजे जस्तै म भन्छु ‘मर्ता क्या नही कर्ता’************
शुशिल जी को लेखन को प्रशंसा गर्दा तपाई को पनि नगरी रहन सकिन्दैन | तपाई को पनि लेखन शैली राम्रो छ | शुशिल जीको लेख ज्यादै philosophical थियो तपाई को कमेन्ट ब्यबहारीक छ | शुशिल जी को ठुलो गल्ति भनेको कुमार लामा को समर्थन हो | तर वहा लाई फेरी नलेखौ भन्ने तरके ले कमेन्ट गर्दा चाहीअलिक न्याय भएन कि |
तेस्तै तपाई को “प्रबाशी नेपाली न परे, मालिक को हजुर मा स्वस्ति चढाउन जाने बेला भएछ ” भन्ने भनाइ सिट म पनि प्रबास मै बस्ने भएको नाताले सहमत हुन् सक्तिन – सायद मजदुरी गर्न जाने बेला भयो भन्नु भएको होला ? मलाई लागे सम्म प्रबासमा मालिक को हजुरमा स्वस्ति चढाउनु पर्छ जस्तो लाग्दैन | मैले नबुझेको पनि हुन् सक्छ |
जीवन जी! सायद मैले सब्द छनोट मा गल्ति गरे होला| तर गर्ने त नेपाल मा पनि स्वस्ति हो बाहिर पनि तेइ नै हो| हो! तरिका फरक हुन सक्छन|
डेभिड क्यामेरुना ले कनि कनि पढॆर दंग पर्यो होला!
कति डिस्कनेरि हेर्नुपर्यो होला शब्दार्थ लगाउनलाइ!
झन् त्यो अन्तिम अन्तिम तिरको,
‘ ए राता मकै, लाज लाग्दैन तपाईहरूलाई ? ‘
भन्ने पढेर यो ‘ए राता मकै’ भनेको केहो भनेर दिमाग सिनित्तै खायो होला के गरोस बिचरो त्यो केनाम क्यारे नेपालि टेलि सिरियल हेर्या नहुदो हो अनि के भेउ पाओस हो बिचरो!
बकबास!
काम नपाउदा सब माइसंसार पढ्नेलाई उल्लु बनाउन के गरु केगरू भयर लेख्या जस्तो छ!
सुशील जी
पहिलो कुरा त आफ्नु देश र जनता को भविस्य र उन्नति क लागि सजग नेतृत्व ले चनाखो हुनु/ समय मा सहि निर्णय गर्नु उक्त देश का निम्ति त राम्रो नै होला जस्तो लाग्छ |
तपाई ले अबु घरेब मा भएका यातना को कुरा गर्नु भयो तर ति सैनिक ले पाएको सजाए के बारे कुरा भन्न बिर्सनु भएछ | यो लिंक मा ति मद्दे एक जना ले पाएको सजाए का बारेमा लेखे को छ | हाम्रो देश मा जस्तो प्रोमोशन वा प्रसंसा हुदैन यहाँ तेसो गरे |
http://www.nbcnews.com/id/6795956/ns/world_news-mideast_n_africa/t/graner-gets-years-abu-ghraib-abuse/#.UQ6BrGf6acE
हाम्रो देश मा सुन्नु भएको छ एस्तो ?
तपाई लाइ राजकुमार ह्यारी ले तालिबान लाइ गोलि हान्दा पिर परेछ , मलाला लाइ तालिबान ले गोलि ठोक्द चै तपाई किन चुप ? युद्ध मा गयको शैनिक ले दुस्मन लाइ गोलि नहानी के गर्नु पर्छ त्यो पनि भानिदुनु भए राम्रो हुन्थियो |
तपाई ले भन्नु भयो ” दुई चार थप्पड लगाउनु स्वभाविक हो” त्यो दुई चार थप्पड/यातना तपाई ले वा तपाई का परिवार ले भोग्नु परेको भए सायद सहि बिस्लेशन गर्न सक्नु हुन्थियो |
अर्को कुरा तपाई ले भने जस्तै “हामी नेपाली पनि आपसी बिबाद आफै सुल्झाएर माफी दिनसक्छौ र दिन चाहन्छौ ” भन्ने भैदिएको भए डकेंद्र जी का आमा का आसु येत्रो वर्ष सम्म बग्ने थिएनन् | बस्नेत जस्ता पीडक बढुवा हुने थियनेन| लामा जस्ता मिसन जाने थिएनन् |
UK को Foreign Minister लेनागरिक लिन्डसे स्याण्डिफोर्ड आफ्नो देश को नागरिक भएका नाताले मृत्युदण्डको भर्त्सना गर्नुभएछ , कारण UK मा मृत्युदण्डको कानुन छैन र साथै इन्डोनेसिया को कानुन अनुसार कानुनी विकल्प कॉ बारेमा पनि भन्नु भएकोछ | हाम्रो देश मा सर्वोच अदालत को निर्णय पाखा लगईयेका थुप्रै उदाहरण छन्, निर्णय को भर्त्सना को त के कुरा |
सद्दाम हुस्सैन ले कति मान्छे मर्यो भन्ने हिसाब त सायद इराक संग पनि छैन| आफ्नै जुवई लाइ मर्ने ले कस लाइ को बाकी राख्यो होला ? त्यो जनावर को बारेमा थप कुरा बुझ्नु भए राम्रो होला, लेखेर साध्ये छैन |
अन्त मा US मा तपैले भने जस्ता गद्दार मान्छे छैनन्, नत्र देश एस्तो कहिले हुन सक्दैन | कुनै घटना घटे पछि तेस को छानबिन पछि आउने रिपोर्ट ले सयेदै सबै को चित्त बुझौन सकिन्छ होला | तर बिन लादेन US को देन हो जसको हर्जाना अहिले सम्म भर्दै छ |
Hello , you wasted your time by writing this non-sense and I wasted my time by reading this. My suggestion to you is it will be worthwhile to look into your own country rather than criticising others.
However, I must stress that you have very good quality to be successfull politicians in Nepal.
सुशील जी, लामो कुरा किन गर्ने, तपाई अहिले नेपाल मा कि यु के मा? बेलायत र यहाको सिस्टम को बारे तपाईलाई सारै रिस उठेको रहेछ जस्तो लग्यो. होइन, यदि त्यस्तै हो भने, नेपाल नै जानुस न, नेपाल मा गएर देश बिकाश मा साथ् दिनुस, सबै भन्दा राम्रो सिस्टम भएको देश बनाउन सहयोग गर्नुस. तपाईले बेलायत, अमेरिकालाइ जति भन्नुस, भोलि अमेरिका मा २ वर्ष बसे पी आर दिने रे भन्यो भने, अमेरिका जना तयार. तपाईको रिस सायद टिएर ४ को नियम परिबर्तनमा होला, तर के तपाइलाई यहाँ को सरकार ले घर मा चिठी पठायो बेलायत आउनुस भनेर. यहाँ काम गर्दै पाउण्ड कमाएर नेपाल पठाउने तपाई पनि होला. अरु देश ले के गर्यो किन गर्यो तिर नलाग्नुस, आफ्नो देश को बारे नबोल्ने, अरु को देश मा बसेर, त्यै देश को बारेमा टिप्पणी गर्ने. यो लेख camroon लाइ पठाउन मन छ भने, https://email.number10.gov.uk/ मा जानुहोस अनि पठाउनु होस्, प्रधानमन्त्री कार्यलायमा १ जना नेपाली दोभासे हुनुहुन्छ.
आफ्नो जिउ मा भैसी नदेख्ने अर्काको मा धादि भनेको येही होला…..अपराधीलाई कहिँ पनि छोड्नु हुदैन..चाहे जो कोहि होस्..जुनै देस को होस् ………….tara धन खाने मुसा चोट पौने भ्यागुता चै हुनु हुदैन…..नेपाल क सबै अपराधीलाई येसैगरि चखाउनु पर्चा…
शब्द संयोजन राम्रै भए पनि गुदी चाहिं क्रुरता र तानाशाहको पृष्ट पोशाक जस्तो लाग्यो | मानव अधिकार र न्याय कुनै व्यक्ति, कुनै देश वा कुनै नेताको खेलौना हैन जसलाई जसले जसरि पनि आफ्नै फाइदाको लागि आफू सुहाउँदो व्याख्या गरोस | गलत सधै गलतै हुन्छ चाहे त्यसलाई जो सुकैले गरोस |
सुशील साक्षात् जी, तपाई त पत्रकार रे , निष्पक्ष रूपमा लेख्नु पर्ने ठाउँमा , गल्ती लाई गल्ती देख्नुपर्ने ठाउँमा अरुले गरेको गल्तीलाई नजीर बनाएर अर्को गल्ती गर्नेलाई समर्थन गर्ने कस्तो पत्रकार पर्नु भयो ?? लेख्न जान्नु हुँदो रैछ | खोजपूर्ण लेख लेख्नु भएको रैछ | मेरो आग्रह छ राम्रो कुरा लेख्नु होला | तपाईको भबिष्य उज्ववल होस् !!!
धेरै राम्रो लाग्यो,यै चिट्ठी लाइ अंग्रजी मा उल्था गरेर त्यो क्यामरुन सम्म पठाउन पाए हुने थियो,हुन् त उहा को समय छैन होला येस्ता चिट्ठी पढ्ने तर उहाको कुनै आसे पासे ले पढेर नेपाल बाट एस प्रकार को एउटा चिट्ठी आएको छ है भनेर सुनाइदिन्थे कि,अनि कतै चेत खुल्थ्यो कि???लौ न तेसो गरौ…
हजुरबाउ ले गरेको अपराध को सजाय नाती लाई लाग्छ र ? नत्र भने २०० वर्ष अगाडी ब्रिटिश ले गरेका अपराध लाई लेख मा Cameron संग जोड्न बेकार छ | यो लेख mysansar को इतिहास मा सप भन्दा बकम्फुसे लेख को रुप मा जानेछ | त्यहि बेलायत ले हजारौ नेपाली लाई आवास, रोजगार , सम्मान देको छ | सक्नु हुन्छ भने आफ्नै देश का नेता हरु लाई प्रस्न गर्नुस |
मित्र डिल्लीराम ज्यु,तपाइँ को भनाइ संग म सहमत हुन् सकिन,त्यहि बेलायत ले हजारौ नेपाली लाई आवास, रोजगार , सम्मान देको छ भन्नु भएको रहेछ सायद तपाई को संकेत भूपू गोर्खा सैनिक र परिबार प्रति होला जस्तो लाग्यो तर मित्र एक चोटी गोर्खालि को इतिहास हेर्नुस त के मात्र गरेनन गोर्खाली ले बेलाएत को लागि??बेलाएत लाइ बिस्वो युद्द जिताउने नै गोर्खाली हुन् भनेर त उनीहरु आफै ले स्वीकार गरेका छन् नि,अनि तेत्रो योगदान को बदला मा बेलाएत ले के दियो गोर्खाली लाइ??ऐले जुन बसोबास,रोजगारी को कुरा गर्नु भएको छ त्यो त गोर्खाली ले लडेर लिएको कुरा हो,हक हो उनीहरु को तर त्यो पनि जति हुनु पर्थ्यो तेती हुन् सकेको छैन,अनि बाकि अरु सर्बसधार्ण नेपालि हरु जो बेलाएत मा बसेका छन् उनीहरु बेलाएत सरकार ले दया गरेर त्याहा राखेको होइन आफ्नै खुबी ले त्यहाँ बस्न ठाउ बनेका हुन्,बिस्व का अरु राष्ट्र मा हेर्नुस न कहा छैन् नेपालि??
बेलायत मा गोर्खाली को जुन सम्मान छ त्यो अरु देश बाट अको नागरिक को छैन | BNP जस्ता रंगभेदी नीति भाको पार्टी समेत गोर्खाली को मामिला मा लचिलो देखिएको छ | यो सबै सम्मान त हो नि हैन | अनि गोर्खाली ले लडेर अधिकार पायो भन्नु भा छ | कानुन को सासन भाको देश मा लड्न त पाइन्छ |
मित्र त्यति टाढा बेलायतीको के कुरा पहिला आज आफै बाट शुरु गरौँ न कि कसो ? तपाइले भन्नु भयो नि इतिहास हेर्नुस त के मात्र गरेनन गोर्खाली ले बेलाएत को लागि ? यी समय संग भिन्नै परिभाषाको कात्रो फेरेर जन्मेका तर्क हुन्, किनकी आज पनि हामि गोर्खाली बेलायति सेनामा भर्ति हुन् मरिमेटेका छौं, भर्ना भएकै छौं अब के यसलाई बेलायतीको चिन्ताले उनको रक्षा गर्न भर्ति भा हो भन्ने ? त्यसो गरे त हाम्रो नेताहरु जत्तिकै भैयो नि ! वास्तविकता हाम्रो इच्छा हो, चाहना हो अर्थात इच्छा र आवश्यकताको द्वन्दमा इच्छाले जितेको परिणाम हो यो जुन निजको आफ्नो अधिकार पनि हो ! अनि रह्यो कुरा बिश्व युद्द जिताएकोमा के नै गर्यो र भन्ने …यो त टाढाकोप्रसंग हो सोधेर पहिला उत्तर ल्याउनोस ति आफ्नै समाजको संरचना
सुधार गर्न सर्वश्व गुमाएर १२ बर्ष अनवरत रुपमा लडेर जिउभरी गोलि र छर्रा बोकेर बिच्छिप्त भै बाँचेका पदम कुँवरका दाजु-दिदि जस्ता हजारौं दाजु-दिदि, बाबु-आमा लाइ सोध्नोस् के दियो जनयुद्दले, के दिए त्यो रगतको होलि खेलेर सत्तामा पुगेर ४ अर्वमा अर्काको नाम राखी हेलो नेपाल बेच्ने हरुले अनि तपाइलाइ कुनै बेलायति संग सायद हिसाब माग्न नपर्ला ! होइन भने ठोकेर आजीवन काराबास हाल्नु पर्छ यस्ता मुला कुमार लामा जस्ता हरुलाई ! शक्तिको भरमा आफु बाहेक अरुलाई पशु लाइ भन्दा निच ब्यबहार गर्ने लाइ देशको इज्यत संग किन दाँज्ने ? के हामि जस्ता आम नागरिक सधै शक्तिवाला र तिनका दलालको त्रासमा दयाको जिन्दगि बाँच्नु पर्ने हो ? होइन भने लेख्नोस न तपाइंले पत्र हत्यारा बाचाउन मरिहत्ते गरेर लागेका आफ्नै देशका प्र.म. लाइ किन बेलायत पुग्नु पर्यो ?
हजुर्बौले गरेको अपराध नातिलाई जादैन तर यो हजुर्बौले नगरेको भएपनि हजुर्बौले बसालेको सिस्टम हो र नातिले पनि त्यहि सिस्टम अनुसार काम गर्दै आएको सबैलाई थाहै छ . ताजा उदाहरण भनेको उसले लिब्यमा गरेको आक्रमण हो। एउटा अनपढ़ले पनि बुझ्ने कुरा हो कि लिब्यमा बेलायतले अरु केहि नभैकन तेल आफ्नो बनौन र पुरानो ऋण तिर्न नपरोस भनेर गरेको हो। यस्ता कैयौ उदाहरण छन्। आधार कुरा के हो भने अंग्रेजले अझै पनि आफुलाई नै सबैथोक सम्झनछन।
केमरुनलए नबुझ्ने भए पनि बिस्वभरका आम जनताले बुझ्न जरुरि कुरा हो यो…
अरुले जे भने पनि लेख मलाई मन पर्यो
द्रोण जी हो त अमेरिकी बिस्तारबादी हुन् तर तपाईंले भने जस्तै मुसलमान र अरु राष्ट्र उनीहरु जति शक्तिशाली भएको भए के-के पो हुन्थ्यो होला ??
साक्षात जी अफगानिस्तानमा त्यो १२-१३ बर्ष पहिले ढालिएको संसारकै सबै भन्दा ठुलो बुद्दको मुर्ति कसरी बन्यो होला, जबकि त्यो त मुस्लिम राष्ट्र हो ? साक्षात जी घर तपाइंको हो तर घर आफ्नो भनेर मनपरी फोहर गर्दा हैजाले गाउँ नै पनि मासिन्छ फरक यत्ति हो असल छिमेकी भए बच्ने र बचाउने उपाए गर्छ स्वार्थि भए बाँच्ने मात्र ! तर तपाईं तपाइंलाई उसले नबचाउनु गल्ति हुनु भन्दा पनि फोहर गर्ने तपाई नै खराब हो नि ! कि कसो ? नाला पानीको त्यो युद्द थियो कुनै शान्ति वार्तामा बसेको बेलामा पनि थुन्या होइन युद्दको प्रकार आफ्नो सामर्थ्य, समय परिस्थिति र भूगोलमा भर पर्दो रहेछ भन्ने त हाम्रै आफ्नो आलो भोगाइले पनि बताउँदैन र यति मेहेनत गरेर क्यामरून लाइ ट्युसन पढाउने कष्ट गर्नु भयो ?
शुशिल जी !
राम्रो लेखन कला रहेछ यसलाई ठिक ठाउँमा लगाउनुहोला I म यहाँ केहि कुराहरु बुदागत रुपमा राख्छु, तपाइले त नेपालीमा लेखेको खुला पत्र बेलायतका प्रधानमन्त्रीले पढ्छन भनेर विश्वास गर्नुभएको रहेछ, झन् मेरो जवाफ त पक्कै पढ़नुहुन्छहोला, प्रतिउत्तरको प्रतीक्षा रहनेछ –
१) ठाउँ पायो भन्दैमा तिन बित्त उफ्री उफ्री गालि गर्ने नेपालि प्रथालाई प्रश्रय नदिनुहुन बिन्ति बिसाउछु इ यो ब्लगको उपयोगितालाई प्रथामिकता दिउ कि !
२) तपाइले ब्यक्तगर्न खोज्नुभएको कुरा अलि स्पस्ट भएन कि ! जस्तो सुकै अपराधीलाई पनि सम्बन्धित देशले फुकुवा गर्दैमा अन्तरास्ट्रिय रुपमा उ अपराध मुक्त हुन सक्दैन भन्ने सार्बभौम सिद्धान्तलाइ हजुरले बुझ्न जरुरि छ I
३) नेपालि सेनाले कुन स्तरको यातना दिन्छन, अनि नेपलामा सेना या प्रहरीले हिरासतमा लियिसकेपछी (केहि कुख्यात नेता र गुण्डाहरुमा यो नियम लागु हुदैन) कस्तो ब्यबहार गर्छन, हजुर लेखक हुनुहुदो रहेछ, कृपया अर्को लेख लेख्नु अघि यो कुराको अलि अध्यायन गर्नुहोला I
४) ट्विन टावरमा भएको आक्रमण अमेरिका आफैले गराएको हो भन्ने स्पस्ट प्रमाण र तथ्य के छ हजुरसँग ? यसरि बकम्फुसे कुरा गर्दै नहिड्नुहोला, अमेरिकाका आँखा र कान धेरै तिखा छन्, संसारका सबै भाषाहरुमा के के लेखिन्छ भन्नेकुराको लेखा जोखा राख्छ उसले, तपाई हामि त केहि पनि होइनौ I
५) आफ्नो देशमा अशिक्षा, बेरोजगारी, स्वास्थ्य समस्या, कुपोषण, सडक समस्या, खानेपानी को समस्या, बिजुलीको समस्या, सक्षम नेताको अभाब लगायत अनेकौ समस्या भैरहेको बेला यसरि अर्काको जिउको जुम्रा हेर्दै आफ्नो जिउको भैसी नदेख्ने प्रथाको अब अन्त्य गर्नुपर्छ शुशिल जी I मैले कमेन्टमा केहि मिनेट बर्बाद गरे, हजुरलाई एउटा सुझाब छ, अब चाडै केहि उत्पादक काममा लाग्नुस्, आफु र परिवारको भलो हुनेछ .
अस्तु !
सबैलाई आफ्नै बुद्धि ठुलो छ भन्ने लाग्ने रहेछ क्यार । एउटा लेख पढिसकेपछि आउने कसै कसैका केहि कमेन्टहरु बिचरा दया लाग्दा छन् । लेखकलाई जे कुरालाई प्रश्रय नदिनु भनेर सुझाब दिइएको छ आलोचकले त्यहि कुरालाई प्रश्रय दिइरहेको छ । ठाँउ पायो भनेर उफ्रि उफ्रि गालि गर्ने नेपालीको बानीलाई प्रश्रय नदिँउ भन्ने लेखक सुशिल जिलाई पुष्कर जि ले दिएको सुझाब कति आत्मग्लानीले ग्रसित छ । नेपाली हुँ भन्दैमा नेपालका सबै कुरा राम्रा मान्नुपर्छ र राम्रा छन् भन्नुपर्छ भन्ने होइन तर अलि कति नेपाली हुनुमा गर्व गर्न सिक्नुहोस् मेरा नम्र सल्लाह मात्र तपाईलाई । अनि आलोचनाको लागि मात्र आलोचना र तर्कको लागि मात्र तर्क गर्ने बानीलाई हटाउने पो होकी । कुतर्क गर्दै जाने हो भने अरुले पनि भन्न सक्छन् ‘ट्विन टावरमा भएको अमेरिका आफैले गराएको हो । हैन भन्ने प्रमाण के छ हजुरसँग भनेर’ ।
साक्षात सुशील जी,
अत्येन्त उच्च स्तर को बकम्फुसे लेख लेख्न माहिर हुनु हुदो रैछ I आशा गरौ, तपाइको लेख पढेर डेभिड क्यामेरुन को मन नै बदलियोस र कुमार लामा लाई सकुसल नेपाल पठाइदिने छन् I अमेरिका र बेलायेत ले गरेको कुकर्म को बारेमा त तपाइलाई त राम्रो ज्ञान पो रैछ त I तर आफ्नो देश भित्र भएको दण्डहिनता र कानुन को उपहास भैरहेको बारेमा त केहि पनि लेख्नु भएको छैन त I जति गुण्डगर्दी गरे पनि, जति भ्रस्टाचार गरे पनि र जति मानब अधिकार हनन गरे पनि हाम्रा नेपाली भ्रस्ट चोर हरु लाई देश र विदेश मा कहिँ पनि कारबाही हुनु हुदैन भन्ने तपाइको संदेश लाई डेभिड क्यामेरुन र बरक ओबामा ले सदैब मनन गरुन.
तपाई को लेखन शैली को प्रसंशा नगरी रहन सकिदैन | नेपाली छापा मा देखिने धेरै जसो द्रिस्तिकोन लेखहरु शुसिल कोइराला को भाषण जस्ता छन् | उदाहरण, माओबादी ले अति गरे अब मासिन्छन |राज तन्त्र जस्तै | तर उनले के बिर्सिए भने राज तन्त्र फ्याल्न धेरैलेसहकार्य गरेका थिए | तर यो उदाहरण मैले केबल कुतर्क को उदाहरण को अगि मात्र दिएको हु | तर शुशिल जी को लेखमा खोट देखाउने ठाउँ छैन | तर तर्क तर्क क लागि मात्र हुनु भएन तर्क मानब जीवन लाई उन्नत दिशा तिर डोहोर्याउन सहयोगी हुनु पर्यो साथै कुरो को चुरो पनि बुझ्नु पर्यो | यदि कुमार लामा लाई बेलायत ले कार्यबाही नगर्ने हो भने नेपाली शासक ले सधै कुमारलामा हरु लाई मात्र प्रोत्साहन गरि रहन्छन
हाती लाइ कमिलाले तर्साए जस्तो भयो | जसको जौ खानु छ उसैलाई ठुलो स्वर | ठुलो गफ गर्न छोडेर आफ्नै देश बनाइ हात नजोडी खान सिकौ त, क्यामरुनको बाउले पनि केहि गर्न सक्दैन | बिडम्बना, हामीलाई गफै प्यारो छ |
सधैभरि इतिहास कोट्याएर हुदैन | त्यो समय नै तेस्तै थियो | सत्र्हुहरु माथि जाइलाग्ने | भूगोललाई कब्जा गर्ने | नेपालमै पनि भएनर त्यो? के नेपालका राजा रजौटा बिचमा लडाई हरु भएनन् र ? पृथ्वी नारायण शाह, बहादुर शाह, भीमसेन थापाहरु ले नेपाल को सिमा लै टिस्टा देखि काँकडा सम्म पुरयानन र? रह्यो कुरा टिएर फोर वीसाको, त्यो college हरु को business हो. फस्नु त हाम्रो लोभ ले हो | पैसा धेरै कमैन्छा भन्दै इंगलैंड कुद्ने नेपाली नै होइनन र? सबै समस्या को जड लालच हो | लोभ त्यागौ, खुशी रहूँ!
शर्माजीको कुरा १००% सही छ, टियर फोर विसाको दुरुपयोग ब्यापक रुपमा भएको छ, क्यामरुनले जे गरे ठीक गरे | नेपालमा लाखौँ लाख ब्याङ्क ब्यालेन्स देखाएर यु के छिरेका हगेर गुहु पुछ्न पनि नजान्ने नेपाली विद्यार्थीहरु काम कै लागि यु के आएका हुन् , पढ्न त बहाना मात्रै हो | त्यो लाखौँ लाख ब्यांक ब्यालेन्स झुटो नभएको भए त्यहि पैसाले यु के मा राम्रो यूनिवर्सिटीमा डिग्री पढेर सिध्याउन सकिने थियो, तर छिरेकै कामको लागि हो, भुत्रो त्यो ब्यांक ब्यालेन्स थियो र ? अनि हरिबिजोक भएन त यु के मा? नेपाली विद्यार्थीको सम्मानमा पनि धेरै धक्का लाग्यो उनीहरुको करतूतले जस्तै ड्रग खाने, चोर्ने, झुन्डिएर मर्ने, डिपोर्ट हुने, जेल जाने, आदि आदि | लेखकले लामो लेख लेखेर पाठकलाई राम्रै मनोरंजन गरिदिनु भएकोमा धन्यवाद | अंग्रेजीमा अनुवाद गरेर ब्रिटिस हाइ कमिसन, दूतावास र डी एफ आइ डीलाइ पनि दिनु भएन ?
अनि अर्को कुरो, टायर फोर होइन, टियर फोर भनिन्छ | टायर भनेको त गाडी, साइकल रिक्शा आदिको चक्कामा पो जान्छ त ……
कुमार लामा उनीहरूका नागरिक भैसकेका हुन् भने हामीले टाउको दुखाइरहनुको तुक छैन । तर सुशीलजीले उठाउनु भएका अन्य कुराहरू भने माननीय छन् । खासगरी आफूलाई लोकतन्त्रको पूजारी देशको नगरीक भनेर नाक फुलाउनेहरू र त्यसैलाई सत्य ठान्दै उता लाग्ने हामीजस्ता देशका नागरिकहरूका लागि ।
अमेरिका महाशक्ति राष्ट्र होइन, महाआतंककारी हो र उसलाई साथ दिने अन्य देशहरू पनि त्यो कोटीभन्दा कम होइनन भन्ने कुरा अहिले बिस्तारै खुल्दै गएको छ । यदि बेलैमा उनीहरू नसच्चिने हो भने अरूतिर तेर्स्याएको हतियार आफैतिर नतेर्सिएला भन्न सकिन्न ।
You don’t have intelligence level to suggest, threat US, UK. They know what they are doing. They have policies which they think they are right to their National Security and they always follow.
मैले न कसैले सुझाव दिएको हुन्, न त कसैलाई धम्कि नै । आफूले उठाएको हतियार आफैतिर तेर्सिन सक्छ भन्ने आफूलाई लागेको कुरो मात्र व्यक्त गरेको हूँ । किनकि हतियार उठाउनु जायज वा नाजायज के हो भन्ने कुरा अहिलेका पीढीलाई राम्ररी थाहा छ, चाहे त्यो नेपाल होस् वा अमेरिका । ओबामालाई गोली ठोक्नु, सद्दामलाई झुन्ड्याउनुका पछाडी के रहस्य रहेछ भन्ने कुरा अहिले आएर सबैले बुझ्दैछन ।
सच्याइएको :
मैले न कसैलाई सुझाव दिएको हुँ, न त कसैलाई धम्कि नै । आफूले उठाएको हतियार आफैतिर तेर्सिन सक्छ भन्ने आफूलाई लागेको कुरो मात्र व्यक्त गरेको हूँ । किनकि हतियार उठाउनु जायज वा नाजायज के हो भन्ने कुरा अहिलेका पीढीलाई राम्ररी थाहा छ, चाहे त्यो नेपाल होस् वा अमेरिका । ओसामालाई गोली ठोक्नु, सद्दामलाई झुन्ड्याउनुका पछाडी के रहस्य रहेछ भन्ने कुरा अहिले आएर सबैले बुझ्दैछन ।
नेपालले गर्न नचाहेको कारबाही गरेर बेलायेतले नेपाली जनतामाथि न्याय गरेको छ ! अपराधीलाई चाहेजोसुकैहोस् कारबाही गर्नेपर्छ !
सुसिल जी, प्रयास राम्रो छ, येदि तपाई बिध्यार्थी पत्रकार हुनुहुन्छ भने मा तपाइलाई ९.९/१० दिन्छु | तर, full fledged पत्रकार हुनुहुन्छ वा freelance writer हुनुहुन्छ भने ०.५/१० दिन्छु. शब्द को जाल बुनेर हुने केहि होइन | तपाइको आरोपहरु अप्रमाणित छन्, कतै कतै लाग्छ Cameron र Obama बिचमा मा झुक्किनु भयो | “हामि नेपाली पनि आपसी विवाद आफै सुल्झाएर आफै माफी दिन सक्छौ…..” भनेर तपैले धेरै जसो नेपाली हरुको चाहना बिरुद्ध कुरो राख्नु भयो, तपाइलाई के लाग्छ, तपैले जे सोच्नु भो, सबै नेपालीले तेइ सोच्लान? येही ब्लग को प्रतिक्रिया हरु हेर्नुस, कमेन्ट लेख्ने कति प्रतिशत ले लामा पक्राउ घटना लाइ स्वागत गरेका छन्? यो घटना को बिरोध गर्ने हरु कि त आफु पनि परिएला भन्ने डरले गरेका छन् (जस्तै: माओबादि नेता हरु) कि भने सस्तो लोक्प्रियेता को लागि फोस्रो राष्ट्रियता छाटेका छन् | मलाई त कत्ति पनि बिस्वास छैन -एस्तो ताक न तुक को लेख पढ्न Cameron लाइ त के कुनै पनि diplomat लाइ फुर्सत हुने छ |
Please allow me to compare the whole scenario with a human body. A weak immune system in our body makes us prone to many diseases..it’s a universal fact. Instead of cursing the bacteria and viruses that attack us, I think it is rational to think about how to make our body stronger. Well, there are several ways- proper diet, exercises, even taking vitamins etc. etc. Bacteria and viruses are DESTINED to attack human bodies. It’s a natural law. Stronger bodies are able to defend themselves while weak fall prey to them.
Well, now I leave to the readers to think whether to sit idle whining about it or making an action plan to stay fit and healthy!
Good analysis, well and perfectly written with reference. Please kindly send this peace of articles to our foreign fed, corrupted, so called human rights group Mandira Sharma , Renu raj bhandary and others too.
निर्लज्जता र काल्पनिक अवधारणा बाहेक केहि छैन तथाकथित यस खुल्ला पत्र मा! इतिहास को नाम लिएर कतिन्जेल बाच्ने ? नेपाल ले गर्न नसकेको काम अपराधि लाई थुनेर बेलायत ले गरेको छ !
साक्षात सुशील जी गहीरो बस्ताबिक्ताको पर्दाफास गर्नु भयो , तपाई साहाशी र ज्ञाता हुनुहुन्छा ,तपाइको लेखले मेरो सरिर्कोरौँ ठादियो साएद सबै पाठकको येही हाल हुन्छ होला , तपाइलाइ मुरी मुरी धन्यबाद ,क्रीपा गरेर अझ अरु लेख्नु होला हामी आभारी हुने छौं
कुरा सहि नै छ तर यति तर्कले मात्र लामाको केश फिर्ता हुन सक्ने देखिदैन/ लामा पक्रिनु भन्दा अगाडी सम्मको लागि ठिक छन् यी तर्कहरु /
माओ बादी को विचार/ येदि होइन भने कुमार लामा लाई समात्ने ले प्रचण्ड र बाबुराम लाई पनि किन वारेन्ट न काटेको भनेर सोध्ने हिम्मत न गरेको , चेतना भया /
हे बकम्फुस मान्छे,
प्रचण्ड र बाबुराम लाइ वारेण्ट काट्न पहिले उनीहरुको बिरुद्दमा उजुरी दर्ता हुनुपर्यो नि! रिसै उठ्या भय गयर उजुरी गरे हुन्छ क्यारे!
नत्र के बेलायत को अदालतले दुर्बिनले हेरेर यो यो लाइ वारेण्ट काट्ने अनि समात्ने र मुद्दा चलाउने भनेर लनडन आइज को टुप्पामा दुरबिन लियर बसेको छ अकि क्याहो कोइ?
साथि तेस्तो झोक चलेको भय खुरुक्क जाने उजुरी लेख्ने र दर्ता गर्ने अनि उनीहरुलाई समात्दछ अनि मुद्दा लड्ने र तिनीहरुलाई जेल हाल्ने गरि मुद्दा जित्ने.
ओके!
white house मा fax गरेर एक प्रति बाराक ओबामा लाई पनि पठाइदिनु होला .
बडो दुख कस्ट गरेर लेख लेख्नु भयेछ सुशील जी तर एस्तो बकम्फुसे खेस्रा पढ्न शायदै क्यामरून लाई फुर्षद होला ,तै पनि मेरो सहानुभूति तपाइको साथ् मा छ
अरु हत्याराहरुले हत्या गरे र सजाय पाएनन् त्यसैले मैले पनि हत्या गरे बापत सजाय पाउनु हुदैन भन्ने माओबादीहरुको कुतर्क हो । बेलायतले गरेको नराम्रो काम देखाऊदैमा माओबादीले गरेको हत्या, हिंसा, आतंक, अत्याचार चोखिदैन । नेपालमा माओबादीहरुको सत्ता कब्जाको कारणले नेपालमा न्याय दिन नसकी बाल कृष्ण ढुंगेल जस्ता हत्यारालाई काखमा लिई माओबादी हिडीरहेको अबस्थामा बेलायतले न्याय दिन खोज्नु धेरै स्वागत योग्य छ र येसलाई राष्ट्रिय स्वाधीनता संग जोड्न खोज्नु उहिले एमालेले राष्ट्रियताको नाममा अरुण तेस्रो लाई लत्याएर अहिले सिंगो नेपाललाई अँध्यारोमा राखे जस्तै हो । दुख पाउने भनेको लेखक जस्तो साँघुरो घेरा बाट मात्रै हेरेर आफ्नो स्वार्थ अनुसार तर्क गरेर हिड्ने लाई हैन नेपाली जनतालाई नै हो । सजाय जहाँ नै भए पनि अपराधीले सजाय पाउनु भनेको शान्त पुर्बक जीवन जिउने चाहना राख्नेहरुलाई स्वागत योग्य कुरा नै हो ।
welldone ,,i am very proud of whoever have written it .this is actually the fackt and there are people like you who really knows the depth of world politics
क्यामरुनज्यू!
पौष शुक्लपूर्णीमा देखि माघ शुक्लपूर्णीमा सम्म कुमारजीलाई जतिसुकै युध्द अपराध गरे पनि थुन्न नहुने!
साक्षात् पत्र ! अति सटिक , यसलाई कुटनीतिक रुपमा प्रेश गर्नु पर्यो अब |
साक्षात सुशील सर,
हजुरको लेखन कला र प्रस्तुती शैली असास्धै मन पर्यो तर अफु
कम पढे लेखेको जन्तु भएर हो कि बिषयगत ज्ञान कम भएर हो कुरोको चुरो राम्ररी पत्ता लगाउन सकिन। हाम्रो देशको अपराधीलाई तिमीहरुले किन कार्बाही गर्यौ?हामी आँफै गर्थ्यौं, भन्न खोज्नु भएको हो?
त्यसो हो भने बेलायतले गरेको अपराध र ज्यादातीका प्रती गुनासो गर्नु र कर्णेल ज्युलाई कार्बाही गर्नु हुँदैनथ्यो का बिचको तालमेल कसरी मिलाउने?
अथबा मेरो लाटो बुद्धीले बुझेको कुरा- हामो मुलुकमा भएका ज्यादाती र अपराधका सुत्राधारहरुलाई कार्बाही गरेकोमा चाँही खुशी ब्यक्त गर्दै बेलायतको ज्यादातीको बिरोध गरेको भए लेखक पुर्बाग्रह बिनाको न्याप्रेमी सज्जन हुनुहुँदो रहेछ भनेर बुझिन्थ्यो कि?विद्वान पाठकहरुले मलाई कुरा बुझाई दिने हो कि?
तपाइँ ले अलि पश्चिमा हरु प्रति ,अमेरिकन प्रति पुर्बाग्राही भाबना राख्नु भयो ,निश्चय नै पनि अमेरिकी बिस्तारबादी हुन् तर कल्पना गरौ मुसलमान र अरु रास्ट्र उनीहरु जति शक्तिसाली हुदा के हुन्थ्यो होला ??
सम्झनुस मध्यपूर्व बाट आएका बाबर र औरंग्जेब को अत्याचार को किस्सा ?
चिनिया को बारेमा तिब्बती दाजुभाइ लाइ ,मंगोलिया र ताइबान को बासिन्दालाई सोध्नुस \
अधिकांस बैज्ञानिक ,लेखक गोराहरु छ र ह्वाइट सुप्रिम्यसी को इगो केहि हद सम्म राख्छ
जुन ठिक कुरा हैन तैपनि कमसेकम कारण त् छ |
उत्तर कोरिया को तानासाह ले कति लाइ मारेर दमन गरेर सत्ता टिकाएको छ ?
तेस्तै क्युबा ,इरान को कानुन ,तालिबान को पाकिस्तान को कानुन हेर्नुस ,मानबता लाइ नै झास्क्याउने खाल को छ |
गोराहरु ले राज गरेको को देस मा कसरि काले लाइ समेत रास्ट्रपति स्वीकारे ?त्यो दिल पनि हेर्नु पर्छ |
फेरी एसको मतलब गोराहरु ले जे गरेको पनि सहि भन्ने अर्थ न निकाल्नु होला ,सिक्काको दुइ पाटा हुन्छन |
द्रोण जी, कमेन्ट गर्दा खेरि कुनै वर्ग विशेष प्रति पूर्वाग्रह नाराखिकाना कमेन्ट गरेको ठिक होला…यहाँ माइसंसारमा कमेन्ट पढ्ने लेख्ने मुसलमान दाजुभाई हरु पनि हुनुहोला , सायद उहाहरुलाई तपाइको यो कमेन्टले अलिकति चसक्क पार्ला कि?
इतिहास पल्टाउनुस द्रोण जी, संसारमा नरसंहार गर्नेमा को अगाडी औछं थाहा हुन्छ. बुद्द को मुर्ति भत्काउने हरु को कुरा गर्नु भो तर एउटा आदिबासी समुदाय (“रेड इन्डियन” ) लाइ सखाप पार्ने को बारेमा लेख्नु भएन. प्यालेस्टाइन मा भैरहेको नरसंहार को कुरा बिर्सिनु भो . गोराहरूले राज गरेको देशमा कलाहरु लाइ स्विकारेको कुरा गर्नुभो तर ति गोराहरु कलाहरु को महादेशमा कस्रैपुगे बिर्सनुभो.
मैले इतिहास कोट्याएर कोइ भन्दा कोइ ठिक भन्न खोज्य हैन…तर कमेन्ट गर्दा सबै पाटो को कुरा गर्नुस र कुनै जति, राजनीतिक विचार वा देशप्रति पूर्वाग्रह सकेसम्म नराखी गर्नुस भनेको मात्र हो !!!!
हात्ती को चपाउने र देखाउने दांत हुन्छ कुमार लामाहरु जस्ता लाई मानब अधिकार को नाम मा समात्नु जेल हाल्नु यो देखाउने दांत हो अब चपाउने दांत चै प्रजातन्त्र को नाम मा अर्काको देश मा युद्ध गर्नु अनि गोपनियता खोलियको निहु मा अशांज जस्ता लाई झुट्टा मुद्दा लगाउनु अरुको देशको सार्भौमता माथि धावा बोल्नु यिनीहरुको चपाउने दांत हो भन्ने हाम्लाई लैरछा .