यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।

एक्लो छैन माइसंसार, साथ दिन उठे ७७ हात

अपडेट (अक्टोबर १२): ‘जतिबेला पत्रकारिता अखबारका रुपमा सुरु भयो, त्यतिबेलादेखि नै यो स्थापित शक्तिहरुको शत्रु, वैरी बन्यो’, आरआर कलेजमा पत्रकारिता पढ्दा हाम्रो एउटा रातो किताब हुने गर्थ्यो- डेनिस मक्वेलको मास कम्युनिकेसन थ्यौरी। मक्वेलले यसमा ज्यादै सरल भाषामा पत्रकारिताका सिद्धान्त र व्यवहारलाई बुझाउँदै लेखेका छन्, ‘त्यसैले पत्रकारिताको इतिहास छापाखाना सञ्चालक, सम्पादक र पत्रकारहरुविरुद्ध हिंसाबाट सुरु हुन्छ। पछि हिंसाको स्थान कसिलो कानुनले लियो। अहिलेको बजार प्रणालीमा भने आधुनिक पत्रकारिताले यसका पूर्वजभन्दा बढी दबाब र हस्तक्षेपको सामना गर्नुपर्छ।’ निश्चय पनि आर्थिक रुपमा सक्षम हुन मिडियालाई विज्ञापन चाहिन्छ, त्यही विज्ञापनलाई हतियार बनाएर मिडियालाई आफू अनुकूल बनाउन शक्तिमा रहेकाहरु र ठूला व्यापारीहरु लागिपर्छन्। जतिसुकै नराम्रा काम गरे पनि मिडियाले त्यसलाई लेख्न सक्दैन, किनभने उनीहरु ‘खबरदार, विज्ञापन नपाउलाऊ’ भन्दै तर्साइरहेका हुन्छन्।

ठूला मिडियाले ठूला हाउसको विपक्षमा केही पनि लेख्न नसक्ने कारण यही हो। तर उनीहरुले कति हदसम्म आफू अनुकूलका समाचार राख्न दबाब दिन्छन्, पत्रकारहरुले सुनाएका यी उदाहरणबाट प्रष्ट हुन्छ-

-पोखराको हिमाललाई छेकिने गरी होर्डिङ बोर्ड राखेको एउटा फोटो राखेको थिएँ। एकैछिनमा कर्पोरेटबाट फोन आयो- अस्ति भर्खर विज्ञापन डिल भएको छ त्यो कम्पनीसँग। फोन गर्दै थियो फोटो हेरेर। हटाइदिनु पर्‍यो। मलाई त झोँक चलेर क्याप्सन परिवर्तन गरेर ‘उसै त राम्रो पोखरा, यी होर्डिङ बोर्डले झनै सुन्दर देखिएको छ’ लेखिदिन मन लागेको थियो।

-मनी ट्रान्सफर लुटिएको विशुद्ध अपराधको समाचारसमेत नहालिदिनु, हाम्रा ग्राहकलाई असर पर्छ भनेर फोन आयो।

-बैँकको शाखा खोल्नु, एटिएम उद्‌घाटन गर्नु, एउटा कम्प्युटर कुनै स्कूललाई दिनु र २ हजार रुपियाँ छात्रवृत्ति दिनु पनि कुनै समाचार हो? बैँकको कामै शाखा खोल्नु हो। एटिएम उसको सेवा हो। विज्ञापन नदिनेले ठूलै रकमको छात्रवृत्ति दिँदा सानो समाचार पनि नआउने अनि विज्ञापन दिने ठूला हाउसको ठूलो समाचार र फोटो छापिनुको कारण यही हो।

-एनसेलको गलत काम र ठूला हाउसका गैर कानुनी काम अनि बहुचर्चित भ्याट कान्डबारे पत्रिकाले केही लेख्न नसक्नुको कारण यही हो।

ठूला मिडियाको खर्च पनि ठूलै हुन्छ र यसलाई धान्न उनीहरुको विज्ञापन नभई हुन्न पनि। त्यसैले सानो लगानीका वैकल्पिक पत्रकारिता प्रभावकारी हुनसक्छन् भन्ने अवधारणा आएको छ। तर ठूला हाउसहरु यसको पनि मुख थुन्न लागिपर्ने नै भए। माइसंसारको कमजोर मोर्चा आर्थिक पक्षलाई धराशायी पार्ने काम यही नियतबाट भएको प्रष्ट छ। यसविरुद्ध पाठकहरुलाई सहयोगका लागि आह्वान गरेको चार दिनमा ७७ पाठकले हात उठाएका छन्। (पछिल्लो पटक ४५ जनाको हात उठेका थिए, यो अपडेट गर्दासम्म ७७ हात उठिसकेका छन्) यसले ठूला हाउस र विज्ञापनको आश र त्रासबाट आफ्नो गलत कामको खबर सार्वजनिक हुनबाट सेन्सर गराउन खोज्ने प्रवृत्ति हतोत्साही हुने निश्चित छ। अहिलेलाई प्राविधिक खर्चमात्र यसबाट धान्ने माइसंसारको लक्ष्य हो। भविष्यमा कुनै विशेष रिपोर्टिङका लागि लाग्ने खर्च पनि यसरी नै आह्वान गरेर धान्न सकिने हो कि हैन, प्रयास गरी हेरिनेछ खर्च। अथवा यसरी धान्न सक्ने हो भने वैकल्पिक मिडियाको रुपमा टिमैसहित व्यवसायिक रुपमा माइसंसारलाई वैकल्पिक पत्रकारितामा होम्याउने संभावना हुन्छ कि। अहिलेलाई भने त्यतातिर नगई त्यसलाई संभावना र सोचमा मात्र सीमित राखी कम्तिमा १० महिनासम्म सर्भर खर्च धान्ने गरी स्रोत जुटेको छ। खबर सेन्सर गर्ने शर्तबिना विज्ञापन दिनेहरुबाट पनि स्रोत खोज्ने क्रम जारी राखिनेछ। तर जीविकोपार्जनका लागि जागिर खाने, अध्ययन गर्ने र एक्लो प्रयासमा ब्लग पनि लेख्ने काम गर्नुपर्ने हुनाले मार्केटिङको यो पक्ष सँधै कमजोर रहिआएको छ। बिना शर्त विज्ञापन दिने स्रोतको खोजीमा पनि कसैले सहयोग गर्न सक्नुहुनेछ। आफू वरपरका घटनाको, अरु पाठकलाई रुचि हुने, कसैको गलत काम आदि विषयमा लेखेर वा टिप्स दिएर पनि तपाईँ माइसंसारलाई सहयोग गर्न सक्नुहुन्छ।

एक्लो छैन माइसंसार, साथ दिन उठे हात

अपडेट (अक्टोबर ११): माइसंसारको लोकप्रियता र यसको बढ्दो प्रभावबाट जल्नेहरुले यसको घाँटी निमोठ्ने दुष्प्रयासका रुपमा आर्थिक पक्ष धराशायी बनाउन खोजेका थिए। तर प्राविधिक खर्च जुटाउन पाठकहरुलाई गरिएको सहयोग आह्वानमा विगत ४८ घण्टामा प्रत्येक घण्टा एक हात उठिरहेका छन्। संविधान सभाको निर्वाचन ताका थप क्षमताको सर्भरमा खर्च नभए अहिलेसम्म उठेका सहयोगले कम्तिमा छ महिनाको प्राविधिक खर्च धान्नेछ। आफूहरुको विज्ञापन बिना मिडिया चल्न नसक्ने बिग हाउसको घमण्डलाई यी उठेका हात र अभ्यासको क्रममा रहेको वैकल्पिक पत्रकारिताले तोड्ने छ। विज्ञापनको लोभ, त्रास र धम्कीमा आफू अनुकूलका समाचार मात्र सार्वजनिक गर्ने/गराउने प्रवृत्तिमाथि अब प्रश्न उठ्नेछ। यी उठेका हातले केही समयको प्राविधिक खर्च धानिएको छ। अब तपाईँहरुले पनि हात बढाउनु पर्नेछ- आफूसित भएका सूचना र जानकारीहरु बाँडेर। नैतिक समर्थन गरेर। तपाईँका एक-एक शब्द कमजोर मोर्चामा प्रहार गरी विजयको उन्माद मनाउन खोज्नेहरुको मुटुमा सुइरो बनेर घोचिनेछ।

माइसंसारको समर्थनमा उठेका हात (१२ अक्टोबरमा अपडेट गरिएको सूचिसहित)

(सहयोग गर्नेहरुको नाम र उहाँहरुले गर्नुभएको सहयोग रकमको जानकारी प्रकाशन गर्ने वा नगर्नेबारे उहाँहरुसँग अनुमति नलिएको हुनाले छोटकरी नाममात्र राखिएको छ। ४८ घण्टासम्म सहयोग गर्नुहुने सबैको उपलब्ध इमेलमा सहयोग प्राप्त भएको सूचनासहित जानकारी पठाइसकिएको छ। प्राप्त रकम र खर्चको बारेमा जानकारी पनि यथासंभव सोही इमेलमा दिइनेछ।)
K. Adhikari (सबैभन्दा बढी $ १५५)
B. Gautam
P. Prasai
A. Shrestha
S. Karki
K. Dixit
M.K. GURUNG
D. L. tamang
S. Shrestha
V. K.C
S. Niraula
L.S.Kandel
R. Koirala
N. Rai
M.Shakya
C.Thapa
B. Gurung
P.Shrestha
M. Pradhan
R. Dangol
D. Dhakal
B. SUBEDI
S.Shrestha
M. Pradhan
B. Dahal
S.Musyaju
PB Shahi
B. Pun
K.Shrestha
B. Rajbhandari
P. Shrestha
S. Niraula
N.Khadka
D. Adhikari
BuildCircuit
P.Acharya
S. Niroula
U. Poudel
N.Prasai
T.Poudel
B.Shrestha
P.Rijal
A. Shrestha
A. Lamsal
B. Nepal

१२ अक्टोबरमा अपडेट गरिएको
• L. A. Giri
• H. Dahal
• B. Regmi
• K. Wosti
• B. M. Nepal
• M.Acharya
• S. Uprety
• R. Gurung
• Luintel D.
• D. Upadhyaya
• A. KC
• L. Rijal
• B. Shrestha
• N. RISAL
• D. Adhikari
• D. Ranjitkar
• K. Wosti
• A. Rajbanshi
• A. Gurung
• M. Nakarmi
• B. Tamang
• S. Karki
• H. L. Shrestha
• M. Lama
• B. Bhattarai
• M. Pahadi
• P. MOKTAN
• N. Thapa
• P. Ghimire
• S. Adhikari
• B. Regmi
• I. Bhattarai

एकै जनाले एकै पटक $ १५५ सहयोग गर्नुहुनेले इमेलमा पठाएको भनाई जस्ताको तस्तै

सालोक्य जी,

यो कलियुग हो र गलत असल जे कार्य गरे पनि यही युगमा त्यस्को नतिजा देखिनेछ। यी सहयोगी हातहरु त्यसै उठेका छैनन्। सोचे होलान ती पापीहरुले कि mysansar.com को एउटा स्रोत बन्द गर्दैमा तपाईंको हात काटिनेछ। ती पापीहरुको सोचाइ कति गलत छ भनेर यी उठेका सहयोगी हातहरुले देखाइसके। तपाईं निडर हुनुहोस्। परेको बेला जे नै गर्न परे पनि हामी तपाईंको साथमा छौं।

म आफै पनि एउटा वेबसाइट सन्चालन गर्ने भएकाले मलाई ज्ञान छ यसका प्राविधिक कठिनाई र खर्चको बारेमा। त्यो माथि mysansar.com कुनै संस्था वा मान्छेसँग बिकेर उनीहरुको जयजय कार गाउने न्युज साइट नभै पाठक सामु निस्पक्ष जस्ताको त्यस्तै समाचार पस्किने एउटा ब्लग हो। हो, यो दौरान धेरै दुश्मन कमाउनु भयो होला। असल काम गर्दा यो देशमा मात्र नभै बिश्वको जुनै कुनामा पनि यस्तो हुन्छ। तर नबिर्सनुस् कि ती दुश्मन आइ लागे तपाईंको साथ दिनको लागि कयौँ पाठकहरु पनि कमाउनु भएको छ। निस्पक्ष समाचार दिन्छु भन्ने धेरै पत्रिका र वेबसाइटहरु छन् तर बिज्ञापन नपाउने डरले वा राजनैतिक डरले वा अरु केही स्वार्थले आफूले लिएको जिम्मेवारी धेरैजसोले पूरा गरेको देखिदैन। सत्य तथ्य जान्न पाउने हाम्रो अधिकार mysansar.com ले नै पुरा गरेको छ। यो ब्लग तपाईं एक्लोको हैन। अब त यो ब्लग सबै नेपाली जनताको हो। अब त झन तपाईंको जिम्मेवारी पनि बढेको छ।
मैले सहयोग स्वरुप $१५५ पेपालमा पठाएको छु। भबिस्यमा पनि सक्ने र मिल्नेको आर्थिक र बाँकी नैतिक हातहरु अबस्य उठ्नेनै छन। आफ्नो स्थान बाट कत्ति पनि नडग्मगाइ सधैं झै सत्य तथ्यको खोज गर्दै हामी सामु राख्न सक्नुहोस्। तपाईंलाई शुभकामना। साथै mysansar.com परिवार र सम्पूर्ण पाठकहरुमा विजया दशमी २०७० को शुभकामना। देशमा खुशी छओस। नेताहरुलाई सद्बुद्दी आओस। जनताहरु घुस्खोरी नेताको पछि लाग्न छोडुन्। युवाहरु बिदेशको कमाइ भन्दा आफ्नो देशको बिकास रोजुन।
जय नेपाल।
केय्रुन अधिकारी

नैतिक समर्थनहरु पनि जारी छ

माइसंसारको कमजोर मोर्चामा शत्रुको प्रहार

Published on: Oct 9, 2013 @ 1:26
mysansar एन्टोनियो ग्रामसीले भनेका थिए- युद्धको मैदानमा अक्सर दुश्मनको सबैभन्दा कमजोर मोर्चामा प्रहार गर्ने प्रयास गरिन्छ। त्यस किसिमको रणनीतिबाट लडाइँ जितियो भने रणनीति त सफल मानिन्छ तर बौद्धिक हिसाबमा विजयको यस्तो तुच्छ उपायलाई उचित मानिन्न। बौद्धिक हिसाबमा त दुश्मनको सबैभन्दा मुश्किल मोर्चामा प्रहार गरी जितिएको युद्धलाई मात्र सही अर्थको विजय मानिन्छ।

माइसंसारको लोकप्रियता र यसको बढ्दो प्रभावबाट जल्नेहरुले धेरैअघिदेखि यसलाई विभिन्न किसिमले प्रहार गरिरहेका थिए, गर्न खोजिरहेका थिए। उनीहरुले पनि आखिर त्यही कमजोर मोर्चामा प्रहार गरेका छन्। र, अन्ततः सफल पनि भएका छन्।

माइसंसारका नियमित र असल पाठकहरुलाई राम्रैसँग थाहा छ- यसको सबैभन्दा कमजोर पक्ष भनेकै आर्थिक पक्ष हो। अरु कुनै पनि पक्षमा यो कमजोर साबित भएको छैन, बरु एक्लैले ठूला मूलधारका मिडियालाई समेत कतिपय अवसरमा चुनौति दिएको छ। तर यसको भविष्यमा प्रश्नचिह्न उठाउने कारण आर्थिक नै हुन आउनेछ।

यही आर्थिक मोर्चालाई केही हदसम्म भरथेग गरिरहेको गुगलको विज्ञापन त्यही माइसंसारका शत्रुहरुको निशानामा परेको छ। उनीहरुको केही दिनदेखिको यो प्रयास अन्ततः आज सफल भएको छ। र, आजदेखि गुगलका विज्ञापन यो साइटमा बन्द भएका छन्।

त्यसो त यो अप्रत्याशित थिएन। केही दिनदेखि निरन्तर आएका धम्कीपूर्ण कमेन्टहरु, इमेलहरुबाट मैले अनुमान लगाइसकेको थिएँ। तर बिचराहरुलाई थाहा भएन, सात वर्षअघि पनि यस्तै प्रहारबाट माइसंसार गुज्रिसकेको छ। पाठकको भरथेगबाट सन् २००५ देखि आठ वर्षसम्म माइसंसार कहिल्यै पनि कसैसँग झुकेको छैन। भविष्यमा पनि झुक्ने छैन।

विगत केही समयदेखि माइसंसारले लगातार ठूला भनाउँदाहरुको गैर व्यवसायिक र गलत कामको पर्दाफास गर्दै थियो। वाइवाइको नेपाल गुणस्तर चिह्नको होस् कि रारामा भेटिएका घुन किरा हुन्; अथवा कतारका सप्लाइ ‘दलाल’। माइसंसारले कुनै गलत लेखेको थिएन। त्यसैले वैधानिक बाटोबाट उनीहरुले विरोध गर्नै सकेनन्। फलस्वरुप उनीहरुले रोजे- कमजोर मोर्चामा प्रहार। तर यी मध्ये कुन चाहिँले गरेको रहेछ त प्रहार ? यो थाहा पाउन खुल्दुली लागिरह्यो। आफ्नो सम्पूर्ण विवरण पठाएर मैले गुगलसित जानकारी मागेँ। अहिले भर्खरै जवाफ आयो, जसमा कसैले कम्प्लेन पठाएकोले छानबिन गर्दा यस्तो कदम चालिएको लेखिएको छ। के रहेछ त कम्प्लेनमा ? इमेलको केही अंश हेरौँ-
khate

जुन पेजका लागि कम्प्लेन आएको थियो, त्यसको वेब ठेगाना यो हो-
http://www.mysansar.com/2013/09/7731/

‘बाठोले तीन बल्ड्याङ खान्छ’ भन्ने उखान जसरी नै माइसंसारको कमजोर मोर्चामा प्रहार गर्ने शत्रुले अलिकति चलाखी नअपनाउँदा उसले आफ्नो पर्दापछाडिको अनुहारको संकेत छाड्न सफल भयो। अर्थात् जसलाई माइसंसारको काम मन परेको थिएन, उसलाई सबैभन्दा बढी पीडा माथिको पेजले भयो। के छ त त्यो पेजमा ?

त्यो पेजको शीर्षक यस्तो छ-

टेलिकमको मोबाइल बन्द हुनु बदनियत कि लापरवाही?

त्यो ब्लगमा गत सेप्टेम्बर २८ मा बिहान ६ बजेदेखि ९:३० सम्म देशभर नेपाल टेलिकमको जीएसएम मोबाइल सेवा अवरुद्ध भएपछि बदनियतको कारणले हो कि लापरवाहीको कारणले हो पत्ता लगाउन सरकारले छानबिन आयोग गठन गरेको बारे लेखिएको थियो। त्यसैमा नेपाल टेलिकमका कर्मचारी नै प्रतिस्पर्धी एनसेलले किनेर राखेको र उनीहरुले जानाजानी आफ्नै संस्थाको गुणस्तर बिगार्न उद्दत रहेको आरोप लाग्ने गरेको पनि लेखिएको थियो। त्यसमा लेखिएको थियो- ‘केही अघि बानेश्वरमा आफ्नो अप्टिकल फाइबर एनसेलले नै काट्न लगाएको प्रमाण नै सञ्चार मन्त्रीलाई देखाएको र पनि केही कारबाही नभएको दुखेसो टेलिकमका महानिर्देशक अमरनाथ सिंहले पत्रकारहरुलाई सुनाएका थिए।’ यही ब्लगमा एउटा कडा वाक्य पनि लेखिएको थियो- ‘विज्ञापनका कारण फिटिक्क केही नकारात्मक लेख्न नसक्ने मिडिया, सोसल मिडियामा खित्तिक्क केही नकारात्मक कुरा कसैले लेखे आक्रमण गर्न तम्तयार रहने भाडाका टट्टुहरु परिचालन गर्न सक्ने क्षमता भएको एनसेल चुप लागेर बस्छ भनेर सोच्नु मूर्खता मात्रै हुनेछ।’

गुगलले आफूलाई जुन पेजका लागि कम्प्लेन आएको हो, त्यसबारे दिएको जानकारीले के संकेत गर्छ, त्यो स्पष्टै छ। विज्ञापनले किन्न नसकेपछि विज्ञापन नाकाबन्दी लगाएर सत्य कुरा उजागर गर्नबाट कसैलाई रोक्न सकिन्छ भन्ने सोच कसैले राखेको भए त्यो भ्रमबाट मुक्त भए हुन्छ। कुनै पनि ठूला हाउसका विज्ञापन र हन्डी नलिएरै माइसंसारले वैकल्पिक पत्रकारिता गरी नै रहनेछ। जसलाई यस्तो पत्रकारिता समाजमा आवश्यक छ भन्ने हुन्छ, उनीहरुले सहयोग गरेरै पनि माइसंसारलाई जोगाइ नै रहनेछन्।

हो, कमजोर मोर्चामा माइसंसारले कमजोरी गरेकै हो। गुगलको नियम अनुसार नेपाली भाषाको वेबसाइटमा गुगलको विज्ञापन राख्न पाइन्न। तर अधिकांशले राखिरहेकै छन्। कसैले उजुरी नगरेसम्म विज्ञापन हटाइँदैन। उजुरी परेपछि छानबिन हुने रहेछ। माइसंसारको केसमा पनि यस्तै भयो, कसैलाई रिस उठ्यो, कसैको बोली बन्द गर्छु भन्ने भ्रम भयो, र उजुरी गर्‍यो। पेट पाल्न नियमित समयमा गर्नुपर्ने जागिर, त्यसबाट फूर्सदको समयमा बिहानको ३/४ बजेसम्म जागै भएर माइसंसारका लागि गरिने ब्लग र भविष्यमा व्यवासायिक ब्लगर बन्ने मेरो निश्चयलाई अनि मेरो लगनलाई पनि केही हदसम्म खर्च धानेर सहयोग गरेको थियो गुगलको विज्ञापनले। अब त्यो स्रोत बन्द भएको छ।

उनीहरुलाई थाहा थियो- सबैभन्दा कमजोर मोर्चा यही हो। र त उनीहरुले यसैलाई प्रहार गरे। आज पक्कै पनि माइसंसारका सयौंको संख्यामा रहेका शत्रुहरुका लागि खुसीको दिन हो। तर उनीहरुको खुसीको दिन धेरै रहने छैन। किनभने मलाई विश्वास छ- माइसंसारका शत्रुको तुलनामा मित्रको संख्या पक्कै पनि बढी छ। म आफैलाई पनि विश्वास छ, कमजोर मोर्चामा गरिएको प्रहारबाट क्षणिक विजयको अनुभूति गरे पनि उनीहरुले माइसंसारलाई झन् कठोर रुपमा प्रस्तुत भएको देख्नेछन्। जसले प्रहार गरे उसले के बुझेन भने माइसंसारलाई गुगलको विज्ञापनको पैसाबाट कोही स्टाफ पाल्नु छैन, माइसंसारमा कुनै तलबी कर्मचारीले काम गरेका छैनन्। प्राविधिक काम हेरिदिने साथी प्रमेय र कमेन्ट मोडरेसन गर्ने साथीहरुको स्वयंसेवी समूह बाहेक माइसंसारमा कोही पनि तलबी कर्मचारी छैनन्। त्यसैले विज्ञापन रोकेर बोली रोक्छु भन्ने दिवास्वप्न मात्रै हो।

म आशा गर्छु, माइसंसारका असल पाठकहरुले सक्षम भए आर्थिक रुपमा र नसक्नेहरुले नैतिक रुपमा भए पनि माइसंसारलाई सुचारु राख्न योगदान दिनु हुनेछ। तपाईँको सहयोग बिना माइसंसार यही गतिमा जान सक्दैन। अहिलेलाई माइसंसारलाई कम्तिमा मासिक १५० डलर होस्टिङ सर्भरको खर्च तपाईँहरुबाट आवश्यक हुनेछ। मैले यसमा लगाउने समय अरुभन्दा पनि मेरै रुचिका कारण हो। राम्रो काम भए तपाईँहरुले दिने तालीमा नै म सन्तुष्ट हुनेछु। त्यसैले प्राविधिक खर्च धानिएसम्म माइसंसारका अशुभचिन्तकहरुले चिताएको कुरा कहिल्यै पूरा हुनेछैन, माइसंसार बन्द हुनेछैन। माइसंसारले सचेत गराउने क्रम जारी राख्नेछ।

माइसंसारको प्राविधिक खर्च धान्न सहयोग गर्ने इच्छा हुनेका लागि पेपाल ठेगाना
donation@mysansar.com

क्रेडिट कार्डबाट दिन यहाँ क्लिक गर्नुस्
नैतिक सहयोगका लागि
तल कमेन्ट लेख्नुस्। अथवा आफू वरपर भएका घटना/फोटोलाई माइसंसारमा पठाउनुस्- blog@mysansar.com मा

अपडेटः आर्थिक र नैतिक सहयोगका लागि धन्यवाद। सहयोग गर्नेहरुको सूचि पनि यहाँ राख्नेछौँ। केही साथीहरुले नेपालबाटै सहयोग गर्ने उपायबारे पनि सोध्नुभएको रहेछ। नेपालमा जम्मा भएको रकम अमेरिकाको होस्टिङ कम्पनीलाई तिर्न गाह्रो हुने हुँदा त्यो विकल्प नराखिएको हो। माइसंसारप्रति ऐक्यवद्धताका लागि सहयोग गर्न चाहनुहुन्छ भने तलको ब्याङ्क ठेगाना प्रयोग गर्न सक्नुहुन्छ। यो रकम इन्टरनेट लगायत अन्य प्राविधिक खर्चका लागि उपयोग गरिनेछ।
A/C Name: Umesh Shrestha
Bank Name: Nabil Bank
A/C Number: 0110017503962

137 comments to एक्लो छैन माइसंसार, साथ दिन उठे ७७ हात

  • Khem Dahal

    बडा दशैं को सुभकामना उमेश ज्यु र my sansar team
    हामी my sansar को नियमित पाठक हौँ / तपाई को निस्पक्ष्य विश्लेषण ले विश्व कै पत्रकारिता को उचाई बढाएको छ / तरवार भन्दा कलम बलियो हुन्छ भन्ने सानो हुदा पढेको कुरा my sansar ले पुस्टि गरेको छ/ हाम्रो थुप्रै थुप्रै सुभकामना/ आफ्नो आत्माबल नघताउनु होला किन कि इच्छा हुन्जेल उपाय संधै हुन्छ/ तपाई को जागर, तपाई को साहस, अनि तपाई को निस्पक्ष्य समाचार को प्रोत्साहन को लागि नैतिक समर्थन को अलावा US $100 पठाएको छौं / आशा छ आगामी दिन हरु मा my sansar अझ ससक्त हुनेछ/
    खेम तथा मीनु दाहाल
    Metro Vancouver
    Canada

  • Krishna K Shrestha"kals"

    माई संसार को कम्जोर मोर्चा माथिको प्रहार भनेको कुनै पनि अर्थमा सह्य छैन सम्पूर्ण नेपाली हरुको लागि / किनकि जसले नेपाल का बिबिध क्षेत्र हरुमा हुने गरेको लापरबाही, भ्रस्टचार, कमजोरी हरुलाई सपुत प्रमाण सहित नेपालीहरु माझ सुसुचित गरेको छ / अझ भन्नु पर्दा मेरो संसारले अरु पत्रिका हरु जस्तो नडराएर यथार्थ समाचार सम्प्रेसन गर्न सकेको छ/
    यसैले माईसंसार ले अझै पनि यस्ता धेरै समाचारहरुको उजागर गरेर समाजमा हुनेगरेको समस्या, भ्रस्टाचार , कर्तुत हरुको भण्डाफोर गर्नु पर्छ /
    त्यसैले अब माईसंसार नेपालको लागि एउटा http://www.wikileaks.org जस्तै बनेर देखाउनु पर्छ/ अनि यस्तो अवस्था आओस कि कुनै पहि ठाउंमा केहि घटना घटोस या कतै भ्रस्टाचार होस् , त्यस बारे सरकार लाई जानकारी होइन कि माईसंसार लाई जानकारी गर्नु पर्ने दिन आओस / जसले नेपालको सरकारले भन्दा पनि बडी असरदार काम गर्नेछ /
    त्यसैले नझुक माइसंसार अझ धेरै गर्नुछ ….. साथ दिने हामी छौ …

    कृष्ण के श्रेष्ठ “काल्स”
    योकोहामा जापान

  • Ramesh babu

    उमेश जी दसैं पछाडी म लगाएत केहि साथीहरु तपाई संग भेट्ने छौ I

  • kedar

    MySansar लाइ Android, iPhone, Windows जस्ता मोबाइल फोनहरुका सबै खाले मोडेल र भर्सनहरुमा सजिलो संग पढ्न तथा कमेन्ट लेख्न सक्ने गरि Application को रुपमा बिकास गर्न सके एसको ससक्तता अझ बढ्ने थियो /

  • नयन

    मेरो नैतिक समर्थन छ !, सके सम्म आर्थिक सहयोग गर्ने कोसिस गर्छु,

  • बसन्त

    बिचरा त्यो विज्ञापन काट्न लगाउने ब्यक्ति अहिले निधारमा हात राखेर सोच्दैहोला की बेकारमा बन्द गर्न लगाएछु, विज्ञापनबाट आउने पैसा भन्दा ज्यादा त पाठकहरु बाट सहयोग स्वरुप उठ्यो भनेर।

  • Chamling

    यहाँ मधुसुदन क्यानाडा भन्ने मित्रकोसुझाव राम्रो लाग्यो हामीले गुगल्लाई request पठाउनु लै सिग्नेचर क्याम्पेन गर्नु पर्यो

  • Shreedhar

    सालोक्य जी,
    मैले पनि CAD 20 paypal बाट पठाएको छ. लक्ष्मी को नौ मा छ.
    बिजय दसमी २०१७० को सबै लाई सुभकामना छ है.

  • Narayan

    म पनि छेउ मै छु है जे सक्छु गर्छु

  • rabi

    मैले यहा दिइएको address अनुशार मास्टर र्कार्ड बाट केहि रकम donate गर्दा मरिगए पनि accept गर्दैन किन होला? र तरिका पनि त्यति थाहा नभएर पनि होला .. किनकि यो नै मरो पहिलो donate प्रयाश हो .अब के गर्ने होला? बरु cash नै दिन पाए हुन्थ्यो त्यसको लागि के गर्नु पर्ला?कृपया कसैले भनि दिनु भए आभारी हुने थिए किनकि तपाइँ हरु जस्तै म पनि my संसार को नियमित पाठक र यसको निस्पछ्यता बाट अतिनै प्रभावित भएको साथै यस्तो समयमा केहि गर्न नपाउदा आफु दुखि भएको ले होस्टेमा हैसे गर्न खोजेको हु .यो ब्लग निरन्तर चलि रहोस र सबै साथी हरु तथा समस्त नेपालि हरु लाइ बडा दशैं को पावन अबसरमा हार्दिक मंगलमय सुभकामाना /////////////

  • Deepak luintel

    $२० मेरो तर्फ़बाट

  • माइसंसार प्रति मेरो पनि नैतिक समर्थन छ.

  • Ashok KC

    Solokya ji
    I also sent u a small help of $20.
    Thanks for your job.
    Ashok

  • pemdorje pakhrin tamang

    मेरो संसार लाई आर्थिक सहयोग गर्नु नसकेपनि मेरो नैतिक समर्थन छ मलाई धेरै बिस्वास लाग्ने नै मेरो संसार हो तपाईको सधै जित हो र पाठक माज सधै सत्य तथ्य खुराक पस्किनु होला सुभकमाना

  • anoj

    we are all with you dude. You are doing an amazing job. Keep up the good work. The first news that I read everyday is mysansar.com

  • Bantawa

    हामी हजुर को साथमा छौ, अघि बढ्दै जानुहोला हामी सके धन नसके नि तन र मनले सदाही सहयोग गर्नेछौ

  • Nishan Limbu

    सालोक्य जी,
    माथीको सहयोगी हातहरुले प्रष्ट पार्छ माई संसारको लोकप्रियता र यसको आवश्यकता.
    म यो ब्लगमा कमै कमेण्ट गर्छु तर नियमित पाठक भने पक्कै न हो.
    एउटा निष्पक्ष पत्रकारिता र यसको जोखिम हामीलाई थाहा नभएको होइन तर यो सबैको वाबजुद तपाईले गर्नु भएको निर्भिक पत्रकारितालाई मेरो सलाम.
    यस्तै निर्भीकताको आशा गर्दै आगामी दिनमा पनि निरन्तर यस्तै समाचारको आशा गर्दछौ.
    यदि कतै यो ब्लगलाई निरन्तरता दिन कठिनाइ भएमा मलाई सुटुक्कै इमेल पठाउनु होला.
    म त्यति धनि त होइन तर पनि ३ महिनासम्मको होस्टिङ्ग मेरो जिम्मा तपाईको निर्भिक पत्रकारिताको लागि.

  • सोलक्य जी म इको नेपालको साम्पादक हुँ । तपाँइको यो वावसाइट विश्वकै नमुना छ । इको नेपालमा म जति रमाउँछु तपाईको वेवसाइट पढ्दा पनि त्यतिनै रमाऊँछु । तापाँइको यो पोस्ट पढ्दा दुख लाग्यो , तर आफ्नो यो कार्यलाइ निरन्तरता दिनुहोस । मेरो सुभकामना छ । ,

  • अर्जुन

    माईसंसार को म सुरुवाती दिन देखि को पाठक हो – सायद २००४ तिर हुन पर्छ . सरकार ले सबै इन्टरनेट बन्द गर्दा नि proxy साइट बाट हेर्थे . सुरुमा फोटो लाइ तोड-मोड गरेर हालेको व्यंग नि निकै राम्रो लगेर हेर्थे. म माईसंसार को लागि नैतिक समर्थन गर्न सक्छु – आवस्यक परेमा प्राबिधिक सहयोग गर्न सक्छु . आर्थिक सहयोग को लागि मेरो आफ्नै हालत अहिले माईसंसारको भन्दा नाजुक छ . स्थिती म सुधार आउने बित्तिकै पे-पाल बाट सक्दो सहयोग गर्ने छु .

    मुल्धारे एकपक्षीय पत्रिका भन्दा सशक्त माईसंसार निरन्तर चल्नु पर्छ .

  • Tenzing Gaba

    “mysansaar apps”
    for
    iOS, Android, Windows बनाएर पनि apps download गरे बापत केहि अर्थोपार्जन गर्न सकिन्छ कि ?
    साथै apps मा पनि त् add. को सुको त आउछ होला /
    लौ न कम्प्युटरबेत्ता मित्रगणहरु अलिक डिमाग लगाउ ट
    ……………………….. जदौ !!

  • Dhanesh Ranjitkar

    Dear Mysansar team
    We people around the world are with you.

  • Mohan Kumar Gupta

    सालोक्य जी
    You have thousands of supporters ……………….union pay (बैंक ओफ china ) बाट पे गर्न मिल्छ कि?

  • Dear Umesh Jee

    I am one of the regular reader/visitor of mysansar although I do not comment much beside clicking on green/red to register my liking or disliking. We need unbiased, free and fair media like your to bring about the positive changes in our society! I am very pleased to hear your commitment to stand against the evil of the society and my personal support is always with you. Please keep me in reserve to host the web site once you are in financilly difficult situation, I will pay for 3 months at least. Keep your spirit up! we are always with you for good cause!

  • ल गुड छ । सहयोग गर्ने साथिहरूलाई धन्यवाद । नैतिक समर्थन र साथ छ मेरो पनि ।

  • Milan

    मैले पनि $50 “दशैं को शुभकामना” सहित पठाएको छु / mysansar अझै सशक्त रुपमा प्रस्तुत हुनेछ भन्ने कामना गर्दछु/

  • Sanjeev Karki, Sydney

    मैले त भर्खरै आर्थिक सहयोग गरे! तपाईंहरुले गर्नु भो?

  • Anupam, from Melbourne Australia

    तपाइँ ले बेलबारी या यस्ता थुप्रै घटनाको समाचार दिएर समाज मा जुन गुण लगाउनुभएको छ, तपाइँ लाइ परेको बेलामा गर्ने हातको के कमि होला र ? म आफुले सक्दो गर्छु .

  • amrit subedi

    ए हजुर म पनि पठाउछु नि, कतार आको चार महिना मात्र भयो, पेपाल अकौन्ट छैन, आइडिया छैन , क्रेडिट काड पनि छैन, कतार कमर्सिअल बैंकको डेबिट काड छ , तर माइ संसार प्रतिको माया छ ! लौन उपाए पाम ! धेरै त सक्दिन ५० रियल पठाउछु !

  • Daya

    विकिपिडिया जस्तै हरेक वर्ष निश्चित महिनामा अथवा ६-६ महिना मा एकपटक सहयोगको अपिल गर्नुस. यदि तपाई निस्पक्षता पुर्वक मेरो संसार लाई अगाडी बढाउनु हुन्छ भने, सहयोगी हात अघि बढी हाल्छन नि.

  • बिराज सुबेदी, Fougeres, france

    सालोक्यज्यु/
    तपाइं हाम्रो माइसंसारलाई सयौ होइन हजारौ नेपालीले माया गर्छन, यो सहयोग येसैको प्रमाण हो/ तसर्थ तपाइंलाइ हाम्रो जुनसुकै सहयोग (आर्थिक, नैतिक) निरन्तर हुनेछ किनकि तपाइं र माइसंसार एस्को लायक हुनुहुन्छा

  • Bijaya

    सालोक्यजी माईसंसारले देश तथा बिदेशमा बस्ने नेपालीबाट पाएको माया केहि व्यक्ति वा समूहलाई नपचेको हुदाँ यस्तो भएको हुनुपर्छ| धैर्य गर्नुस तिनीहरु आफैं उजागर हुनेछन|
    आर्थिक सहयोग कसरि गर्न सकिन्छ भन्ने जानकारी अलि सरल रुपमा उल्लेख गरिदिनु भए वा आफ्नो होमपेजमा पनि सो को व्यवस्था भए धेरैलाई सहज हुने थियो| धन्यबाद

  • जीबन थापा

    सालोक्य जी तपाइको साथमा हजारौ सुभचिन्तकहरु र हजारौ सहयोगी हातहरु छन् तपाई निस्पक्ष्य पत्रकारिताको धर्म निभाईरहनुहोला | साथै mysansar को सफलताको कामना गर्दछु |

  • Ram Babu Adhikari

    सालोक्य जी,
    असल कामको परिणाम सुखद नै हुन्छ . सहयोगी हातहरु जताततै छन् मात्र निस्पक्ष समाचार को आशा गर्छौं.

  • kale krishna

    सबै नराम्रो काम गर्ने हरुको बारेमा लेख्नु सानो तिनो आँटले सकिदैन, ठुलो नै हिम्मत चाहिन्छ! यसै गरि सत्य तथ्य प्रस्तुत गर्दै जानुस, हामी नैतिक रुप र आर्थिक रुपले तपाइको साथ दिनेछौ र दिदै जानेछौ!!!

  • Jeevan Thapa

    सालोक्य जी ,
    UnionPay बाट पे गर्न मिल्ने कुनै उपाए छ कि?

    • Deepak luintel

      Jivan ji,
      1. First go to paypal site and create username. Just piece of cake! 2 minutes of work.
      2. Go to Send money tab, Type to(email) donation@mysansar.com and amount you wish to send.Then click continue and connect to your card. Here I suggest you to use Debit card or credit card (not visa or mastercard, paypal supports all Chinese Banks). Alipay is very common these days. As both Chinese and English version of paypal sites are available, you can use according to your own choice.
      3. Then send. As simple as that!!!
      4. Still got problem? Ask someone around you. Or call your friend nearby.

  • Binod

    दाई चिन्ता नलिनु ……तपाई लाई सहयोग गर्ने मानिस धेरै छन् … म माई संसार ब्लग को लागि १० यूरो नगद नै दिन चाहन्छु…. कहाँ र कसरी दिने हो भन्नु होस्

  • Krishna Suwal

    साथी हरुको कुरा साह्रै मन पर्‍यो। पेपल को साथ् साथै अहिले नेपालमा भएको ESEWA बाट Transfer र गर्न धेरै सजिलो छ। म हेल्प गर्न चाहन्छु तर ESEWA को अकाउन्ट बाट। स्वोछ पत्रीकारित गरिरहनु होल हाम्रो शुभकामना साथै सहयोग सधैं रही रहेने छ।ढन्यबद

  • praladh acharya

    यो ब्लग चलाउन तेती गार्हो भयो भने अनि हामी २ करोड नेपालि को के काम ? हामी सबै नेपालि ले एक -एक रुपैया सहायोग गर्यौ भने कम्तिमा २ करोड हुन्छ , चिन्ता गर्नु पर्दैन हामि छौ , तपाइँ भन्नुस हामि सहयोग गर्छौ .

  • Rudra

    सालोक्य जी,
    मेरो पनि केहि आर्थिक सहयोग रहने छ नबिल बैंक मार्फत, तत्काल नभए पनि एक आध महिना मा. निस्पक्षता कायम रहोस.

  • Bhuwan

    म त खाडीको कामदार हुँ , धेरै सहयोग गर्न नसके पनि ५ $ पेपल बाट पठाएको छु।

  • Rabindra Dangol

    let’s help in a way we can……
    ——-x——
    tons of moral support, and monetarily can’t do much but 5€
    &
    keep up the clean journalism.

  • jitu

    सालोक्य जी यबं माई संसार परिवार, तपाईको यो प्रयास सराहनीय छ, हामी सबै को सहयोग रहनेछ तपाईलाई. यथार्थ लेख्न र सत्य अनुसरण गर्न कहिल्याई पछि नपर्नुस .

  • Bhaktapure

    उमेशजी, तपाईको लगन, जोश, संकल्प र परिश्रम यस्ता कुनै शत्रुको कारण डगमगाउनु हुँदैन । तपाई होस्टेमा हैंसे गर्ने हामी जस्ता मित्रुहरु धेरै छौं । धन्दामान्नु पर्दैन ।
    होष्टिंग सर्भरको खर्च अलि महंगै हुँदो रहेछ । तैपनि माईसंसारका सहृदयी मित्र धेरैछन् भन्नेमा दुईमत नहोला । तसर्थ नेपालमै रहेका साथीहरुलाई सजिलोको लागि कुनै नेपाली बैंकको पनि खाता नं. प्रेषण गर्नु भए सजिलो हुने थियो । गलत कामगर्नेलाई सिस्नूपानी लगाउने माईसंसारको काम कदापी रोकिनुहुन्न ।

  • यस्तै छ यहाको चलन , म पनी यस्तै प्रहार बाट पिडित छु , ब्लग चलाउनै छोडें 🙁

  • madan bajracharya

    सालोक्यज्यु/
    तपाइंको माइसंसार सयौ होइन हजारौ नेपाललाई माया गर्नेको बोलि नै बनि सकेकोछ र उहाहरु बात तपाइंले निश्चय पनि सहयोग पाउनु हुनेनैछ/ सालोक्यज्यु तपाइंले अमेरिका लगायतको मुलुकहरुमा कसै बात माइसंसारलाई दिने सहयोग संकलन गर्ने ब्यबस्था गर्नु भयमा सजिलै सिट माइसंसार निमित रुपमा अझै बलियो सिट संचालन गर्ने खर्चको ब्यबस्था गर्न सकिन्छ जस्तो लाग्छ/ किन भने व्यक्ति व्यक्तिले दिने सानो सानो रकम सिधै नेपालमा पठाउँनु भन्दा सबै बात संकलित रकम यक मुस्ट नेपालमा तपाइंको खातामा पठाउँदा कम खर्च लाग्ने र रकम पनि बढी संकलित हुने हुन्छ/ सानो सानो रकम अमेरिका बात अमेरिकामै सिधै तपाइंको निमित सहयोग संकलन गर्ने व्यक्तिकोमा सजिलै सिट पठाउन सकिन्छ/ अनि माइसंसार को निमित तेस्तो रकम संकलन गर्ने व्यक्तिले संकलित रकम यकि मुस्ट तपाइंको खातामा पठाउँदा कम खर्च लाग्ने पनि हुन्छ र धेरै सहयोग गर्न नसक्ने तर सानै रकम बात सहयोग गर्न चाहनेलाई पनि सहयोग गर्ने अवसर मिल्छ/

    यो बाहेक सालोक्यज्युले इच्छुक प्रतिक्रियाकारलाई उहाले लेख्नु भयको प्रतिक्रियाहरुको संगालो पनि केहि शुल्क लियर उपलब्ध गराउने ब्यबस्था गरे पनि राम्रै रकम संकलित हुने जस्तो लाग्छ/

  • shreesh thapa

    जसले प्रगति गर्छ उसकै दुश्मन बढ्छ भनेको यहि हो… समाचार त जुनसुकै पत्रिकाले लेख्छ सुनेको भरमा समाचार बनाउने पत्रिकाहरुको कमि छैन नेपालमा अझै कपि पेस्टको कुराको त भनि साध्य छैन जुन समाचार लेखेको हुन्छ त्यहि समाचार भोलिपल्ट अर्कै समाचार बन्न जान्छ हजुवाको भरमा समाचार बनाउने कस्तो पत्रकारिता……….
    सालोक्य जी को सबैभन्दा मन पर्ने पक्ष भनेको जुन कुरा उठाउनु हुन्छ त्यसको भित्रि तहसम्म स-प्रमाण सहित ब्लगमा लेख्नुहुन्छ त्यहि कुराले नै आज धेरै भन्दा धेरै माइसंसारको नियमित पाठक बनिसक्नुभएको छ..एक थुकी सुकी धेरै थुकी नदि भन्ने उखानको साथ जसले जे जसरि जस्तो सहयोग गर्न सक्नुहुन्छ हातमा हात काधमा काध मिलाऔ र यो ब्लग बन्द होइन अझै समाजमा लुकिछिपी रहेका पर्दा पछाडिका कुराहरु प्रदाफास गर्दै जाऔ र ति ब्लग माथि डाहा गर्नेहरुलाई गतिलो पाठ सिकाऔ ……जय माइसंसार …

  • विृरोध

    एउटा यस्तो उपाया निकाल्नु पर्यो जसबाट रु १ देखी माथी कसैले सहयोग उपलब्द गराउन चाहयो भने प्रविधिको प्रयोग गरेर तुरुन्तै दिन सकोस् । थोपा थोपा जोडेर माइसँसारलाई अगाडी बढाउन सकिन्छ र त्यो गर्नु जरुरत पनि छ .

  • Ashta

    कुनै पनि हालतमा यसलाई बन्द गर्न दिनु हुँदैन हामी सबैले सहयोग गर्नु पर्छ ।

    • madan bajracharya

      अस्तज्यु
      माइसंसारलाइ सहयोग गर्छु भनेर लेखियको प्रतिक्रियाहरुमा रातोमा टिक लगाउने को होला?

      • Vijay

        चिन्नु भएन र? उनै क्या त…फाइबरवाला !!

      • Ramesh babu

        त्यो रातो टिक लागाउने तिनीहरु नै हुन् जो मंच मा कहिलेइ आउन सक्दैनन् I

  • suraj

    bank account paye bhane ma pani sahayog garchu…..

  • Mithu

    Wikipedia संसारको सबै भन्दा बढी हेरिने websites मा छैठौ स्थानमा पर्छ र तेस्मा कुनै प्रकारको ad हुदैन!!!

    • nabin

      Wikipedia donation बाट चल्छ सो तेस्लाई ad को जरुरत पर्दैन..

  • bibek dhakal

    खै मैले माथिका प्राबिधिक कुरा हरु चाही केहि बुझिन तर समग्रमा कसैले पुरानो रिसिबी फेर्न यस्तो अवस्थाको सिर्जना गरेको भन्ने निस्कर्ष निकालें. तर सालोक्यजिले याहाँ डिस्प्ले भएका र तपाइले डिस्प्ले गर्न बाँकी कमेन्ट हरुबाट पक्कै निस्कर्ष निकालिसक्नु भयो होला कि १००यौ पाठक हरु , १०००औ नभएपनि, तपाइंलाई सहयोग गर्न तयार छन् (आर्थिक रूपले सहयोग गर्न असमर्थ मित्रहरुको नैतिक समर्थन पक्कै पनि रहनेछ. ) . यो सलिड्यारिटिको प्रमुख कारण मेन्स्ट्रिम मिडियामा नछपिएका समाचार हरु, जुन जनतासंग प्रत्यक्ष सरोकार राख्छन, त्यस्ता समाचार र लेखलाई तपाइको ब्लगले प्रस्रय दिनु हो. आशा छ भविस्यमा पनि चाहे जस्तो सुकै कठिन परिस्थिति किन नआओस तपाइँको ब्लगमा सत्य तथ्य सामाग्रीले स्थान पाइरहनेछन. नेपालीहरु एकजूट भएर इन्डियामा , इन्डियन आइडलमा एउटा औसत स्वर भाको नेपालीलाई जिताउन सक्छन भने त्यो गूगलले बिज्ञापन हटाउदैमा केहि हुदैन ; ढुक्क हुनुस र आफ्नो “सूचना सम्प्रेषण” कर्तव्यमा नडग्मगाइ अघि बढ्नुस !!!

  • rajesh, Nepalgunj

    यो त समान्ने प्रतिक्रिया मात्र हो . उ एक ब्यापारी हो . उसका बिरुद्दमा जो बोल्छ त्यसको मुख बन्द उसले अनेक हत्कन्डा अपनौउछ . यो सत्य हो कि उसले गरेको यो प्रहार चाही घृणित नै हो . तपाई यो बिषय मा निर्धक्क हुनुहुन्छ र हुनु जरुरि पनि छ किनकि तपाई संग हातेमालो गर्न लाखौ हातहरु तयार छन् तपाई लाई टेका दिन लाखौ तेकासा आतुर छन् .

  • Tee yes

    हामी सधैं तपाइको साथ् रहने छौँ !पछि नहाट्नु होला!

  • थोपा थोपा मिलेर समुन्द्र बन्छ भने जस्तै
    हामी सबै रेगुलर मेरो संसार ब्लग मनपराउने
    नेपालीहरु मिलेर आझै ससक्त बनाउन सहयोग गरौ!

  • Resham

    म माई संसार को नशामा एडिक्ट नै भैसकेको छु कुनै दिन यो साइत न खोलेको दिन खाना न खाय जस्तो अनुभूति हुन्छ. धेरै सुभचिन्तकहरु बिकशित मुलुकमा भयकोले आर्थिक समस्या नपर्ला जस्तो लागछा नेपालमा हुने सुभचिन्तक हरु को लागि ABBS सुबिधा भयको बैंक खाता दिय सजिलो हुन्छ प्रतेक कमेन्टमा मन पराउने र मन न पराउने को संख्या हेरेरै थाहा हुन्छ कि यो साइत कत्तिको लोकप्रिय छ भनेर. धैर्य धारण गर्नुहोस हाम्रो नैतिक समर्थन संधै रहनेछ. जय माई संसार.

  • Dinesh Shrestha

    सुन्दा दुख लाग्यो तर माइसंसारले जसरि पाठक सामु सत्यतथ्य कुरा उजागर गर्ने गरेको छ त्यसको लागि सलाम गर्छु म।माइसंसार बन्द हुने भन्ने कुरै आउदैन सालोक्य जी सक्दो सहयोग म पनि गर्ने छु। पर्दाफास अरू पनि गर्नु पर्छ । सहयोग गर्ने हामी छैा

  • krish

    उमेश जी,

    हामीहरु छौ नि किन टेन्सन लिनुहुन्छ. सक्दो सहयोग गरौलानी.

  • suzee

    BLOGER साथी हो , थोपा थोपा मिलेर समुन्द्र बन्छ भनेजस्तै , गच्क्ष ले सकेजति अलि अलि भएपनि सहयोग गरौं हो ,

    अनि सबै जना मिलेर गूगल मा mail लेख्ने हो कि,
    केहि कदम त चाल्न पर्यो नि ,
    we should never forget one thing, GOOGLE isnot a nepali sarkari office, jaha bharsta haru ko manomani chalcha,

    सत्य तथ्य थाहा पाएपछि गूगल ले बिज्ञापन रोक्दैन, सो सबै मिलेर केहि गरम,

    salokya jee , dont feel alone , we all blogger are with u,
    all the best
    and happy vijaya

  • बिराज सुबेदी, Fougeres, france

    खबर सुन्दा दुख लाग्यो,माइसंसारले अहिलले सम्म गरेको काम निक्कैनै सर्हानिय छ र त्यसको लागि सलाम गर्छु म।माइसंसार बन्द हुने भन्ने कुरै आउदैन सालोक्य जी सक्दो सहयोग गर्न म पनि तयार छु कसरि गर्ने हो भन्नुहोस, म फ्रान्समा छु सायद वेस्टर्न union बाट पठाउदा ठिक हुन्छ कि ??? कृपया मलाई मेल गर्नुहोला

    • jeevan verma

      उहाले “paypal” को अद्द्रेस दिनु भनेको छ नि माथि

  • kumar mahat

    Mysansar लाई प्रत्यछ रूपमा सहयोग गर्नु भन्दा पनि एसको दिगॊपनमा ध्यान दिने हो कि ? प्रोफ़ेस्नल हिसाबले दाया भाग को बिज्ञापन तिर जोड दिदा राम्रो होला .

  • Bir Pun

    दिनको २/३ चोटी mysansar नहेरी बस्न सकिन्न. Mysansar जुन बाटो हिन्दै छ तेयो एकदम सहि बाटो हो. तपाइको दुस्मन भन्दा मित्र धेरै छन्.

    मेरो तर्फ बाट पनि सहयोगको लागि paypal बाट तुरुन्तै पैसा पठाए है हजुर.

  • pawon

    how to donate from nepal.please make a bank A/c for this purpose.i am regularly following ur blog since 2008.its my oppurtinity to contribute something for this blog.ll happily do it.

  • kusan sharma

    सालोक्यजी,

    तपाइले आफ्नो असल नागरिकको धर्म राम्रैसंग पुरा गर्नु भएको छ l
    तपाईले आफ्नो परिवारलाई दिनु पर्ने अमुल्य समय निशुल्क रुपमा
    समाजका लागि दिनु भएको छ l

    समाजले तपाइको सहि मुल्यांकन गरिरहेको छ,भविष्यमा पनि गर्ने नै छ l
    समाजका दुश्मनसंगको लडाईमा हामी अ-आफ्नो क्षेत्रबाट तपाइलाई साथ् दिन तयार छौ l

  • Lokendra Budhathoki

    जानकारी को लागि धन्दयबाद, सायद दुनिया मा कमजोरी माथि प्रहार गर्ने महान श्याल हरु को कमि छैन होला तर तिनीहरु भन्दा सत्य र तथ्य कुराहरु को लागि कलम चलाउने माइ संसार को लागि कुनै पनि ठाउँ बाट सहयोग को लागि तत्पर हुने सहायोगी हातहरु धेरै छन् भन्ने कुरा भुझाउनु पर्छ हामीले .

  • Alikhit

    महिना भरिमा शुभचिन्तकहरु बाट आएको रकमको बिवरण एउटा पेजमा राखेमा कसो होला ? रकम नपुग भएको खण्डमा भने नपठाएका ले पनि पठाउने छन् | अनि विकिपीडिया ले जस्तो समय समयमा डोनेशन आव्हान पनि गर्न सकिन्छ वेबसाइटको ब्यानर तल |

  • Nirmal

    सालोक्य जी नमस्कार
    हजुरको यो काममा सधै हाम्रो साथ हुनेछ .

  • माइसन्सारको अभियानमा ऐक्यवद्धता । मानिसहरुले बुझ्नुपर्ने कुरा के हो भने सबैकुरा पैसाका लागिमात्र गरिँदैन । भलै ब्लग सञ्चालनका लागि आर्थिक पक्ष नभै नहुने कुरा हो । सालोक्यलाई सलाम जो भनिरहेका छन्- “कमजोर मोर्चामा गरिएको प्रहारबाट क्षणिक विजयको अनुभूति गरे पनि उनीहरुले माइसंसारलाई झन् कठोर रुपमा प्रस्तुत भएको देख्‍नेछन् ।” माइसन्सारलाई आफुले सकेको आर्थिक सहयोग गर्न तथा ब्लग लेखेर पनि सहयोग गर्न तयार छु । मेरो ऐक्यवद्धता ।

  • पुष्प

    हामीबीच सैद्धान्तिक, व्यवहारिक आदि विविधता भएपनि सबैको भावना एउटै हो – नेपाल । यो भावना भएका सबैले आर्थिकरूपमा नसके नैतिकरूपमा भएपनि समर्थन दिने कुरामा दुइमत छैन उमेशजी ।

  • Sunil Shrestha(belgium)

    I am with you Mysansar and sure help with financially .

  • जंगली माइलो

    सालोक्य जी ,,,चिन्ता नगर्नुस मेरो संसारका लाखौ पाठक छन् र तपाइंले गरेको राम्रो कामको सबैले सह्राना गरिरहनेछन | देश लुट्नेहरुसंग डराउन पर्दैन | आर्थिक र नैतिक सहयोगको लागि हामी तयार छौं | बरु तपाइंले पारदर्शी बिधि अपनाउनु होला | तर ठग बदमास र देश का लुटेरा हरुलाई नाछोड्नुस |

  • Mahesh Mahaseth

    बल्ल कुरा प्रस्ट भयो कसले Nepal telecom को तार काटेको हो भनेर/ यदि Ncell ले होइन भने किन बिज्ञप्ति निकालेर खण्डन गर्न सकेन?? आफैले नेपाल टेलिकमको तार काटेर मैससर को तार काटिदिने??? कति तल्लो स्तरमा गिरेको होला यो Ncell ???? दया लागेर आयो NCell को / अब अरु विकल्प हरु पनि रोज्नुपर्छा.

  • gy

    सालोक्य,
    Just made a donation of $10. I will be making it a monthly donation. Thanks for your work.

  • gyanendra

    यदि यो खबर साँचो हो भने ज्यादै खुसीको कुरा हो /किनभने हाम्रो देशका मिडिया हाउसहरु,साना ठुला सबै पत्रिका,रेडियोहरुको बिशेष गरेर आर्थिक गतिबिधि संखाशपद छन् /राज्यले छानबिन गर्नुपर्ने भैसकेको छ/ नाजायज सर्तहरु मानेर देश र जनता प्रति बेजिम्मेवार बन्नु भन्दा यसरी नै सहयोग र चन्दा मागेर इमान्दारीका साथ स्वच्छ पत्राकारिता गर्नु धेरै राम्रो /गलत श्रोतबात नचल्ने मिडिया पनि यो देशमा रहेछन भन्ने देखियो/

  • Dinesh Sk

    नमस्ते ! म माइ संसार को फ्यान हुँ,
    नैतिक र आर्थिक रुप दुवैमा माइ संसार को सहयोग गर्ने मौका पाउँदा धेरै खुसि लाग्यो /
    तपाई यसलाई सकरात्मक लिनुस र उर्जा संचय गर्नुस अझै राम्रो हुनेछ /
    I would like to support by providing Rs. 5000.00 to mysansar, please let me know how can i reach your a/c number.

    Keep Well
    Dinesh Sapkota
    dinesh1801@gmail.com
    Malaysia

  • Dev

    Namaskar Salokya JI

    Many people are not familiar with paypal. I would recommend you to give the Bank details, as with it people from Nepal won’t have problem and the one from abroad too won’t have any problem as long as you provide the swift code and full bank details.

    Best Regards,
    Dev

  • ajeya

    नेपाल बाट आर्थिक सहयोग गर्न कसरि सकिन्छ कृपया लेखिदिनुस न .

  • Diwakar

    Don’t worry.
    We millions of readers are with you!

  • ramzi

    आफुलाई त दिनको कम्तिमा पनि एक्पतक B.B.C, aljazeera and म्य्संसर नहेरी चित बुज्दैन। हामी सबै तिम्रो साथ् ६औ।

  • Sailendra Thapa

    सालोक्य जी, सहयोग गर्न को लागि बिस्तृत बैंक खाता नम्बर वा अरु कुनै अँनलाइन माध्यम छ भने निसंकोच उल्लेख गर्नु होला . एक थुकी सुकी, हजार थुकी नदि हुन्छ . हामी छौ तपाई को साथ् मा .

  • pemdorje pakhrin tamang

    मेरो संसार मलाई निकै मन पर्ने ब्लग हो दिनमा २/४ पल्ट घुम्ने गर्छु तपाईको सफलता निरन्तर होस् भन्ने कामाना राख्दछु र उत्तर उत्तर प्रगतिको कामना छ बचेको समयको सधुपयोग निकै लोकप्रिया काम गर्नु भएकोमा धन्यबाद

  • binod thapa

    मा पनि दिने भए usd 5. यदि bank account भए becuase i have no paypal account.

  • khagendra Kandel

    उमेश जी नमस्कार
    मेरो तपाईं संग व्यक्तिगत कुनै सम्बन्ध नभएपनि यान्हाले उठाएका धेरै बिषय बस्तु हरु आम नेपाली जनता का प्रति जीर्म्मेवार भए र प्रस्तुत भै रहेको पाउदा आजको दिनसम्म यान्हाकै समिप मा रहेरहे को जस्तो लागि रहे छ / आज यो प्रहार माई संसार या यंहा लै मात्रै भएको छैन / यो प्रहार त सम्पूर्ण आम सर्बसाधारण नेपाली जनता जो अन्नाया र अब्यबेस्था को बिरुद्ध मा छन् तिनीहरु माथि समेत् को प्रहार हो / भबिष्य मा पनि येस्तै वा तेस्तै प्रकार का अन्य तरिकाले प्रहार गर्ने छन तर तपाईं एक्लै हुनुहुनेछैन / जबसम्म तपाईं आफ्नो प्रतिबद्दता मा लिन भएर लगिरह्नुहुने छ तब सम्म हामी सम्पूर्ण पाठक हरु नैतिक , आर्थिक रुपले सहकार्य गर्ने छौ /

  • Madhusudan Acharya

    मधुसूदन आचार्य, क्यानडा

    उमेश जी, तपाईले प्रकाशित गरेको लेखलाई लिएर यदि गुगलले विज्ञापन बन्द गरेको भए, हामी सबै माइसंसारका पाठकहरुले गुगललाई इमेल लेखी माइसंसार सदैव निस्पक्ष र निडर भई यथार्थ खवरहरु प्राकशित गर्नेगरेको हुनाले गुगलले पुन विज्ञापन दिनुहोला भनी इमेल लेख्दा कसो होला ? यसो दश विस हजार इमले गयो भने गुगलको पनि चेतना खुल्ने थियो कि ?

    तपाई जस्तो शाहसिक, निस्पक्ष, निडर पत्रकारले स्वतन्त्र पत्रकारिताको मर्यादाअनुरुप समयमा समसामयिक बिषयबस्तुहरुका समाचारहरु, रोचक जानकारी मूलक बिषयबस्तुहरु माइसंसारमा प्रकाशित गरी नेपाल लगायत विश्वभरका हामी पाठकहरुलाई सुसूचित गरिरहनु भएको हुनाले यो साइटको निरन्तरताका लागि सबैले यथासक्य आर्थिक सहयोग अवश्यै गर्नेछन् । कृपया तपाई आफ्नो कार्यलाई दृढ भई निरन्तरता दिनुस, तपाईलाई कसैले हल्लाउन सक्ने छैन, म लगायत लाखौ नेपालीको तपाईलाई समर्थन र सहयोग रहनेछ ।

    • kedar

      मैले तेही सोचेर Google लाइ येस्तै खाले कमेन्ट पठाउनका लागि इमेल अथवा कमेन्ट रुम खोजेको भेट्दै भेटिन, खाली Ad Sense मार्फत आफ्नो account को बारेमा लेख्ने मात्रै भेटिन्छ / Google लाइ सबैले इमेल पठाउन सक्ने खालको तेस्तो कुनै Address जानकारी हुनेले पोस्ट गरिदिए राम्रो हुनेथियो /

  • सालोक्य जी,
    इ-सेवा तपाइलाई सहयोग गर्न तयार छ | हामि दोंनेशन लिंक बनाएर माई संसारलाई सहयोग गर्न चाहन्छौ | एकपल्ट मेल हेर्नुहोला | सुचित गर्दिनु भएकोमा मीत्र आशिष गौतमलाइ धन्यबाद | इ-सेवा टीम |

  • sanjay

    पर्दाफास अरू पनि गर्नु पर्छ । सहयोग गर्ने हामी छैा ।

  • रामचन्द्र

    सालोक्य जि, माईसंसारको नियमित, सच्चा र भरपर्दो कमाई भनेको हामी जस्ता रेगुलर पाठक र तिनले दिने सपोर्ट हो । शत्रु संग भिड्ने हाम्रो मोर्चा थप बढी शसक्त र जुझारु हुँदै जानेछ भन्ने कुरामा दुई मत छैन । तपाईंको हिम्मत,लगन र ईमान्दारितालाई सबैले बुझेका छन् । तपाईं अगाडी बढ्दै जानोस् । सहयोगी हातहरुको कमी कहिल्यै हुने छैन ।

  • Tenzing Gaba

    नैतिक होस्टे सहित आर्थिक हैसे गर्न म पनि तम्से अब…………….. जदौ !!!

    • इश्वर चन्द्र आर.

      माइ संसार अपरेसनल फन्ड बनाउ साथि हो ! सक्दो सहयोग गरोउ र ब्याज बाट १५० यु यस डी आउने बनाऊ जसले एस्ता बेइमान हरु को पर्दाफास गर्न सजिलो होस् !

      • Dip

        इश्वोर जी को कुरा एकदम सहि लग्यो. सबैजना ले एक चोटी सक्दो सहयोग गरेर तेस्बात आउने ब्याज ले नै mysansar को monthly खर्च चलाउने उपाय धेरै राम्रो हुनेछ.
        सबै जना लै एकचोटी सक्दो सहयोग गर्न अनुरोध गर्दछु.

    • Tenzing Gaba

      Paypal वाट भर्खरै मात्र हंगकंग डलर १११.११ पठाए है उमेस जी
      ( “तेन्जिंग गाबा” मेरो Pen Name हो, त्येसैले पैसा पठाउनेको नाम फरक छ है, रिसानी माफ पाउ— जदौ !!! )

  • kailash

    बालै भएन नि त्यो मुला GOOGLE को पैसा ! हामी छौ ब्रो ! अरु कुरा को बाल नदिनुहोस !

  • Sk

    Umesh ji,

    Google Adsense sabai bhanda ramro ad network bhaye pani aru alternatives ta chan ni. Google jasto ramro ta kunai chaina..tehi pani you can try media.net.

  • Jit

    सालोक्य जी , यति हजुर संग esewa account छ भने मलाई दिनु होला म पनि हजुर लै आफुले सक्नी सहयोग गर्ने छु …..

  • Suprim

    Mysansar Blog कसैको एक्लो सम्पति नभई अब हामी सबैको हो | हामी सबै मिलेर एस्को सुरक्षा गर्नु पर्छ | Mysansar Blog लाई निरन्तर रुपमा संचालन गरिराख्न सक्दो सहयोग गर्नेछु |

  • PREM MOKTAN, California

    माइसंसारलाई सहयोग गर्न हामी शुभ-चिन्तकहरु तयार छौं / माइसंसार long term सम्म संचालनको लागी माइसंसारको core team मिलेर भाबी रणनीतीहरु बनाउनुअ पर्छ / यसको आर्थिक पक्ष कसरी बलियो पार्ने र ती स्रोतहरु कसरी जुटाउने भन्ने बारे brainstorm गर्नु पर्छ /

    अब भन्नुस; donation@mysansar.com मा पैसा कसरी पठाउने? अली बिस्तृत जानकारी पाउँ न /

    • Vijay

      पेपाल अकाउन्ट खोल्नु पर्छ होला नि त ! त्यसपछि अकाउण्टलाइ आफ्नो डेबिट/क्रेडिट कार्ड संग लिंक गरेपछि पठाउन मिल्छ त्यो आइडि मा !! कि त कार्ड बाट आफ्नो अकाउन्ट मा पैसा सेन्ड गरेर अकाउण्ट बाट डाइरेक्ट पठाएपनि भयो, चार्ज कम लाग्छ ! अमेरिका बस्नुहुदो रहेछ, यसबारेमा त थाहा हुनुपर्ने हो अलि अलि, हैन र भन्या !!

    • Tenzing Gaba

      यदि तपाईसंग Credit Card छ भने पैसो पठाउन धेरै सजिलो हुन्छ
      त्येसको लागि तपाइले Paypal Account खोल्नु पर्ने हुन्छ त्येसको लागि २ minute पनि लाग्दैन

      १. Paypal को website खोल्नुस
      २. Get Started Now थिच्नुस
      ३. Personal मा गएर फेरी Get Started थिच्नुस
      ४. त्येस्पछी मागेको detail भर्नुस (तपाइले प्रयोग गरेको passwordरemail address सम्झनुस)

      त्येस्पछी त्येही email address र password प्रयोग गरेर Paypal मा login गर्नुस र send money लेखेको प्रेस गर्नुस त्येस्पछी
      To ………….
      amount ……
      मा खाली ठाउँ भर्नुस…………जदौ !!!

    • क्रेडिट कार्डबाट पे गर्ने लिंक रखिदिनु भएकोमा उमेशजी र Admin लाई धेरै धन्यवाद /

      सल्लाहको लागी साथी Vijay र Tenzing Gaba जीलाई धन्यवाद सहित माइसंसार परिवार र माइसंसारका सम्पूर्ण साथी-भाई तथा दिदि-बहिनीलाई विजया दशैंको हार्दिक शुभकामना..!

  • नेपाली मिडियामा अदम्य साहस, वैाद्दिकता, सूचना र ज्ञानकोसंगम बनेको माइसंसार प्रति अरू अाक्रमण हुँदै जाँनेछन, र मिडिया काबुमा पार्ने शक्तिको सामना अझ गरिरहनु पर्नेछ । सवतन्त्र मिडियाको विषाय कुरा गर्दा त्यसको व्यस्थापन प्रमुख पाटो हो । स्वामिच्व र स्वतन्त्रता एकै ठाँउमा जोडिएर हेरेनैाँ भने मिडया यसमा पनि करपोरेट मिडिया र वैकल्पिक मिडया छुटयाउन सक्दैनैा । विगतमा सूचना र ज्ञान मिस्रित जुझारू मिडियाकर्म तपाइका सम्पति हुँन । त्यसलाइ रक्षा होस् र सहयोगी हात हुँन पाइयोस्,यही एक्यवद्दता ।

  • prithak

    esewa account भए त्यो पनि दिनु होला/ सक्ने जति सहायो गर्नेछु /

  • Niranjan Khadka

    mysansar लाइ प्राविधिक खर्च धान्न को लागि मेरो तर्फ बात सानो सहयोग ,maysansar को लेख बाट तर्सिएका हरुले गरेको adsense बन्द गराउने कार्य बन्द गराउने कृत्य सफल भए पनि ,यिनी हरु को कर्तुत कहिल्यै लुक्ने छैन र पर्दाफाश भई रहने छ .

  • rabi

    म गेछेले भ्याए सम्म मद्दत गर्न तत्पर छु तर कसरि गर्ने भन्न जानेको नभएर भनि दिनु भए बेश हुने थियो र क्याश नै दिनु पर्दा के गर्नु पर्छ होला?

  • बिजय तामाङ

    अर्थिक र नैतिक दुवै सहयोग रहनेछ मेरो माइसंसारलार्इ ।

  • Sanjay,USA

    हामि छौ नि किन डर्र मान्नु पर्यो?

  • AbhiyanP

    I would recommend registering a non-profit organization, opening a bank account and publishing that here so that we may directly deposit there. For people like me who are here in Nepal and wish to help, paypal, or credit card, or anything else does not help much….

    Good Luck. Been a big reader for years and years, and hope to continue doing so.

  • हामी सबै साथमा छौ my sansar सधा साथ दिन, प्रहार बाटै बलियो भैन्छ

  • सालोक्य जी तपाई नेपाली पत्रकारिता मा निस्पकछ्य र आतिलो ब्यक्तित्वोको हुनुहुन्छ भन्ने सबैलाई थाहा छ तपाई येस्ता कति चुनौतिहरुको सामना गरिसक्नुभएकोहोला तर ति पाजिहरुलाई के थाहा सुनलाई आगो लगाउदैमा खरानी हुन्छ र सुन त झन् निखारिन्छ …धैर्य राख्नुस तपाइलाई हातेमालो गर्ने धेरै छन् ….

  • Prakash

    नडराउनुस उमेशजी, तपाईंलाई समर्थन गर्ने धेरै छौं | भर्खर 15 USD donate गरेँ माइसंसारलाई|

  • लारा

    प्रिय उमेश भाइ,
    बास्तवमा तपाईंको सफलता हो, उनीहरुले तपाईंलाई भयङ्कर नै ठानेछन् नत्र ऐरे/गैरे नत्थु खैरेको कसले बाल गन्छ??? यसलाई सकरात्मक लिनुस र उर्जा संचय गर्नुस। गच्छे अनुसारको आर्थिक सहयोग यो दिदिबाट पनि हुनेछ।

    लारा दिदि।

  • रबिन्द्र राज गिरी

    अरुको राम्रो देख्न नसक्ने र खुट्टा तान्ने प्रवृति हाम्रो समाजको एउटा विशिष्ट चरित्र हो | हाम्रो समाजमा हुने अनैतिक काम-कारबाहीहरुको उजागर गरेर यो ब्लगले धेरै राम्रो काम गरेको छ भन्ने मेरो व्यक्तिगत बुझाई छ | जस्तोसुकै कठिन परिस्थिति आईपरे पनि माईसंसारको यो मिसन कहिल्यै असफल नहोस/बन्द नहोस भन्ने मेरो कामना छ |

  • Sabin Shrestha

    … निस्पक्ष पत्रकारिता माथि भएको एस्तो लज्जास्पद प्रहार माथि घोर निन्दा गर्दछु आशा छ तपाइँहरुको निस्पक्षता लाइ निरन्तरता दिन भरथेग सहयोग गर्लान नै… just keep it up you guys rocks

  • विज्ञापनले किन्न नसकेपछि विज्ञापन नाकाबन्दी लगाएर सत्य कुरा उजागर गर्नबाट कसैलाई रोक्न सकिन्छ भन्ने सोच कसैले राखेको भए त्यो भ्रमबाट मुक्त भए हुन्छ। जसलाई यस्तो पत्रकारिता समाजमा आवश्यक छ भन्ने हुन्छ, उनीहरुले सहयोग गरेरै पनि माइसंसारलाई जोगाइ नै रहनेछौँ ।

  • Sushil

    I donate $10.00 just now from pay pal. Every month you get $10.00 from me via pay pal. Please keep us update throh you blog. thanks.

  • sam sundar

    We are with you morally as well as economically , salokyaji keep it up !!

  • Dipak

    भनिञ्छ जहाँ सफलता हुञ्छ त्यहाँ सत्रुहरु बद्छन. अनेक सफलता संगै असफ्ल्ताले पच्छायुछ . तपाइको उत्कृत विचार मर्न दिनु हुदैन भन्ने हामि सम्पूर्ण पाठक हरुको मनोकामना हो ! अर्को कुरा नेपाल जस्तो बिकासिल मुलुकमा एउटा सच्चा पत्रकारिता पाउन मुस्किल परेकोछ . अहिले पत्रकारको खोलमा कुनै न कुनै राजनैतिक छत्र छाया मा लागेका पत्रकारिता छन् . तर ,माइसंसार ले कहिले पनि धनि या गरिब को बिचमा खाडल राखेन , सायद यो नै हजुरको उत्क्रिस्त विचार हो .खुट्टा तान्नेले तान्दै तान्दै गर्छन तर हामि जस्तो सुभ चिन्तक पाठकले जहिलेनी हजुरको सफलता चहाञ्छोउ .स्वदेश देखि विदेश सम्म पपुलारिटी कमाएको ,माइसंसार ले कहिले पछि हट्ने छैन भन्ने आत्मबिश्वाश छ . जय ,माइसंसार एंड जय पाठक बृन्द ……..!!!

  • Narayan

    नेपालमा सत्य बोलेर बाच्न कति गारो छ भनेर एसले देखौछ/ माइसंसार को यो प्रयास सर्हानिय छ / अहिले एकदम थोरै मान्छे ले मात्रै यो बाटो रोज्छन / तर ति थोरै प्रयास पनि समाज र रास्ट्रको अधोगति रोक्नलाई केहीमात्रामा सक्षम हुन्छन /माइसंसार लै साधुबाद /

  • नरेन्द्र

    सुन्दा दुख लाग्यो तर माइसंसारले जसरि पाठक सामु सत्यतथ्य कुरा उजागर गर्ने गरेको छ त्यसको लागि सलाम गर्छु म।माइसंसार बन्द हुने भन्ने कुरै आउदैन सालोक्य जी सक्दो सहयोग म पनि गर्ने छु।

  • Laxman

    How much does it cost just to maintain the site?

  • avi

    No matter what we are always there to support you, every morning this is my 1 or 2 website i open.

    Who is culprit in Nepal Telecom…..he gets pay from Nepal Telecom but work for NCell…..????

    Lets get into depth ….

  • महेश लामिछाने

    यो त हुनु नै थियो । गुगलको विज्ञापनलाई नै मुख्य बनाएर नेपालीमा ब्लगिङ गर्नु भनेको निकै गाह्रो कुरा हो कम्तिमा आजको मितिसम्म । यसैले अन्य विकल्प खोज्नु आवश्यक थियो । अंग्रेजीमा भएको भए निकै उपायहरु थिए । अनलाइनखबरले म्याड एडको प्रयोग गरिरहेको छ, धर्मजीसँग बुझ्नु होला कतिको कमाइ हुन्छ भनेर । रहर भएर पनि चन्दा दिन नेपालीहरुसँग पेपल हुन्न । र उनै ब्यक्तिहरुले सँधै दिनु व्यवहारिक पनि हुन्न । उमेशजी लोकल विज्ञापनहरुको खोजी गर्नुहोला अलिक भरपर्दो सम्झौता पत्र बनाएर । तर विज्ञापनदाताका विरुद्धमा लेख्दिन भन्ने चै सम्झौता नगर्नुहोला ।

  • kedar

    थोपा थोपा सहयोग गरौँ MySansar बचाउँ /

  • i will pay u 100€ every month via paypal

    • samip

      “श्री राम ब्रो ले नै पुर्याईदिने भो होस्टिंग खर्च महिनावारी” | Great. 🙂
      सय जनाले मात्रै महिनावारी हल्का सयहोग गरे पनि निस्पक्ष (छ भन्ने मेरो मान्यता हो र भबिष्यमा पनि कायमै रहनेछ भन्ने आशा छ) तवरले राजनैतिक, सामाजिक र अन्य विभिन्न बिषयबस्तुमा समाचार सम्प्रेसन गर्ने यो ब्लग जिवितै राख्न धेरै मुस्किल नपर्ला | हामी संगठित होवौँ |

  • Suresh Gautam

    म धनि मानिस त होइन तैपनि mysansar को रेगुलर पाठक अनि एसको गुणस्तर बाट प्रभावित छु तेसैले मेरो तर्फ़ बाट १ महिना को खर्च १५० dollar को सहयोग गर्न चाहछु तर मैले mysansar को Nepal को कुनै बैंक account छ भने १५० USD बराबर को रुपैया जमा गर्न चाहन्छु कृपया नेपाली बैंकको account details दिनुस
    धन्यवाद

  • geek

    solution: use nepali and english in same page. English beneath the nepali page. You can just give summary of the entire page for the shake of google. I guess it will not violate google adsence rule.

  • prem,Dharan



    सatya ko bato kathin vaye pani safalta नइसचित छ
    i am ready 2 help you financially n morally टू

  • अशोक खड्का, क्यानडा

    उमेश जी,असल र निर्दिष्ट उदेस्य लिएर अगाढी बढिरहको मान्छे यस्ता साना, तिना, झिना,मसिना धम्की, डर, त्रास र अबरोधले रोकिदैनन् र रोकिनु पनि हुँदैन । तसर्थ हामी सम्पूर्ण माईसंसारका सुभेच्छुक पाठकहरु तपाईंको साथमा छौं । आबस्यक परेमा सबैखालका सहयोगको निम्ति तयार छौं । फेरिपनि माईसंसारलाई सफलताको शुभकामना !!

  • samrat~

    हाम्रो माइ संसार अब दैनिक जिबन को दैनिक एक अम्स जस्तो भै सक्यो ..दिन को एकताल न पढी बस्नै न सक्ने लत परि सक्यो. जस्तो गजौड़ी हरु लाइ गाजा को 🙂 . सालोक्ये ब्रो , सत्य को लडाई मा सधै अगाडी बढी रहनु अनि जनता लाइ सचेत गराई रहनु. हामि मद्दत गरम ला. मातृ भुमि नेपाल मा केहि भयो कि भनेर जान्न को लागि बिहान आखा मिच्दै सबै भन्दा पहिले खोलिने वेब साइट नै माइ संसार हो. प्रचण्ड को पतन संगै एन सेल को पतन हुनेछ. तेस्को सुरुवात उसको आफ्नै देश मा भै सक्यो. धैर्य भएर बसे हुन्छ.. हजारौ लाखौ सुभ चिन्तक हरु संसार भरि छरिएर रहेका हामि छम.