यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।

पूर्वराजाको भाइटीकामा चार फरक दृश्य


दरबार हत्याकान्डमा शान्ति र शारदाको हत्या भएपछि तत्कालीन राजा ज्ञानेन्द्रका दिदीबहिनीहरुमध्ये शोभा मात्रै जीवित छिन्। राजा महेन्द्रका जीवित सन्तान ज्ञानेन्द्र र शोभामात्रै हुन्। हरेक वर्ष पूर्वराजा ज्ञानेन्द्र टीका लगाउन बहिनीको कमलादीस्थित शोभागृह पुग्ने गर्छन्। अरुको भन्दा के फरक हुँदो रहेछ त शाह परिवारको भाइटीका? चार फरक दृश्य यस्तो छ-

१) साइत फरक
पञ्चाङ्ग निर्णायक समितिले बिहान ११ बजेर ५५ मिनेटको साइत शुभ रहेको बताएको थियो। यही समयमा प्रधानमन्त्रीदेखि राष्ट्रपतिसम्मले टीका लगाए। तर पूर्वराजाका लागि अलग्गै शुभ साइत निकालिएको थियो। बिहान ९ बजेर ५१ मिनेट अर्थात् अरुको भन्दा दुई घण्टा अगाडि नै साइत अनुसार ज्ञानेन्द्रले टीका लगाए।


२) गाई र फूलको घेरा
पूर्वराजालाई बीचमा सोफामा राखेर चारैतिर घेरा बनाइएको हुँदो रहेछ। त्यो घेरामा गाई र फूलको आकृति बनाइएको हुन्छ।


३) जल परिक्रमाको यन्त्र
अरुले भए करुवाबाट पानी चुहाउँदै गर्ने जल परिक्रमा आफै निहुरेर गर्छन्, यहाँ भने एउटा गजबको यन्त्र हुँदो रहेछ। भ्याकुम क्लिनरको स्टाइलमा घुमाउन मिल्ने रहेछ।


४) मसला प्लास्टिकको प्याकेटमा हैन सुनको बाकसमा
भाइटीकाको एउटा विशेषता विभिन्न मसलाहरुसहितको पोका हो। कागज र प्लास्टिकको प्याकेटमा अरुले यस्ता मसला पाउँछन्, शाह परिवारले सुनको बाकसमा मसला पोका पाउने रहेछन्।

5 comments to पूर्वराजाको भाइटीकामा चार फरक दृश्य

  • manoj

    गाई चै राप्रपा पाटी को होला

  • Sonam

    It’s really pathetic to see that you feel inferior to other humans just because you were born in other family than so called “shah”.
    Whether it is dog or lion it is again animal.
    And is it bad to progress in life? What’s wrong with earning more money and getting rid of “chappal”?
    And don’t get started about corruption and all. Royal family has far long list of corruption of 200 years than these leaders who are in power for not even few decades.
    You need to change your slavery mindset and believe that you are the king of your own life not some person who claims to be the king just because he was born in some family.

  • राजन

    ऊ बेलामा भन्ने चलन थियो, जनताले “शुभ घडी” मा टिका लगाउछन् र राजाले “दमन घडी” मा । राजा र रैतीमा फरक भई हाल्छ नि ।

  • आशिष जी

    बाघ बूढो भए पनि बाघ नै हो। राजसी परम्परामा हुर्केको मान्छे सधैं त्यही परम्परामा जिउँछ। हिजो चप्पल ल्याउन न पाउने कावडीहरु आज महलमा बस्या छन्। कुकुर जाती नै उन्नत जातको किन न होस् त्यसले गु खान छोड्दैन र बाघ जाती बूढो भए पनि घाँस खाँदैन।

    • राजन

      तपाईंलाइ त राजदरबारको सबै थाहा रहेछ ।
      पहीलेको त्यहाँको च्यामे त पर्नु भएन?
      नेताको रीस किन गर्नु । ज्ञाने-पारे ले चुनाव लडेर जितेर देखाओस् न ।