यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

यी हुन् ६३६ फोटोबाट छानिएका साक्षरतासम्बन्धी सर्वोत्कृष्ट पाँच फोटो

देशभरबाट १ सय ८२ फोटोग्राफरका ६ सय ३६ फोटोमध्येबाट साक्षरतासम्बन्धी पाँच सर्वोत्कृष्ट फोटोको घोषणा भएको छ। युनेस्को नेपाल र नेपाल सरकारको शिक्षा, विज्ञान तथा प्रविधि मन्त्रालयअन्तर्गत शिक्षा र मानव स्रोत विकास केन्द्रसँगको सहकार्यमा फोटोपत्रकार क्लबले आयोजना गरेको नेपाल Literacy and Multilingualism (वहुभाषिक परिवेशमा साक्षरता अभिवृद्धि) फोटो प्रतियोगितामा सर्वोत्कृष्ट पाँच फोटोहरु हेरौँ।


काठमाडौँको अटिजम एजुकेसनमा पढाउँदै गरेकी शिक्षिकाको यो फोटो पंकज श्रेष्ठले खिचेका हुन्। यो फोटो प्रथम भएको छ।


पाटनकी जीवित देवी कुमारी निहिरा बज्राचार्यलाई घरैमा पढाइरहेकी शिक्षिकाको यो फोटो सुनीता डंगोलले खिचेकी हुन्। यसले दोस्रो पुरस्कार पाएको छ।


गैरीधाराको स्कूलमा सांकेतिक भाषा प्रयोग गर्दै कुराकानी गरिरहेका विद्यार्थीहरुको यो फोटो अनिश रेग्मीले खिचेका हुन्। फोटो तेस्रो भयो।


मुस्लिम समुदायकी छात्राको प्रतीक गुरुङको यो फोटोले अनरेबल मेन्सन पाएको छ।


बर्दियाकी एक छात्राले शिशाकलम बोक्दै गरेको सुजन श्रेष्ठले खिचेको यो फोटोले पनि अनरेबल मेन्सन पाएको छ।

फोटो पत्रकार नरेन्द्र श्रेष्ठ नेतृत्वकोे पत्रकार उज्ज्वल आचार्य र संचारिका समूहकी अध्यक्ष नितु पण्डित सदस्य रहेको निर्णायक मण्डलले विजेतासहित उकृष्ट ५४ फोटोहरु छानेको हो। विजेताले ७० हजार रुपैयाँ पुरस्कार पाउनेछन् भने उपविजेताले ५५ हजार र तेस्रो हुनेले ४० हजार रुपैयाँ पाउनेछन्। यसैगरी अन्य दुई सान्त्वना विजेताहरुले २५ हजार रुपैयाँ प्राप्त गर्नेछन्।
विजेताहरुलाई यही २०७६ भदौ २२ गते अन्तर्राष्ट्रिय साक्षरता दिवसको अवसरमा प्रज्ञा भवन कमलादीमा आयोजना हुने विषेश कार्यक्रममा पुरस्कार प्रदान गरिने छ। विजेतासहित उत्कृष्ट फोटोहरुको प्रर्दशनी २०७६ भदौ २२ गतेदेखि २८ गतेसम्म नेपाल आर्ट काउन्सिल (नेपाल कला परिषद) बबरमहलमा गरिने छ।

1 comment to यी हुन् ६३६ फोटोबाट छानिएका साक्षरतासम्बन्धी सर्वोत्कृष्ट पाँच फोटो

  • It is amazing one! Each photo reminds us to look everywhere and every corner of our society!

    मन परे हरियो नपरे रातो ! Thumb up 0 Thumb down 0