यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

राष्ट्रपतिको सवारी हेलिकप्टरबाट भए पनि सडकमा एक घण्टा जाम


पहिलो पटक राष्ट्रपतिको सवारी शितलनिवासदेखि एयरपोर्टसम्म हेलिकप्टरबाट चलाइएको खबर आयो। राष्ट्रपति आजदेखि म्यान्मारको भ्रमणमा जान लागेकी हुन्। त्यस क्रममा शितल निवासदेखि एयरपोर्टसम्म पहिले भए दुई तर्फी बाटो बन्द गरेर सवारी चलाइन्थ्यो। तर आज भने हेलिकप्टर प्रयोग गरियो। नेपाली सेनाका प्रवक्ताले मिडियालाई बाइट दिए– ‘सर्वसाधारणलाई ट्राफिक समस्याबाट मुक्त राख्न हेलिकप्टरको प्रयोग गरिएको हो।’ अनि सडकमा जाम भएन त यो पटक? किन नहुनु!

राष्ट्रपतिको शितल निवासदेखि एयरपोर्टसम्म जाने रुटमा पक्कै सवारी जाम भएन। तर राष्ट्रपतिलाई विदाइ गर्न उपराष्ट्रपति पक्कै जानु पर्‍यो। अनि उपराष्ट्रपति हेलिकप्टरमा गएका हैनन् फेरि।

राष्ट्रपति विदेशमा भ्रमणमा गएपछि राष्ट्रपतिको रुपमा गर्नुपर्ने सबै कामहरु गर्ने उपराष्ट्रपतिले हो। त्यसैले कार्यवाहक राष्ट्रपतिको रुपमा उपराष्ट्रपति हुने भयो।

अनि जाँदा उपराष्ट्रपति भए पनि फर्कँदा त कार्यवाहक राष्ट्रपति ! सुरक्षा त हुनै पर्‍यो।

त्यसैले उपराष्ट्रपति एयरपोर्टदेखि आफ्नो निवास लैनचौरसम्म फर्कँदा बाटोमा एक घण्टा जाम हुन पुग्यो। त्यो पनि पिक आवरमा- अफिस टाइममा।

महानगरीय ट्राफिक प्रहरी कार्यालयले बिहान १० बजेर १५ मिनेटमा सवारी आवागमन प्रभावित हुने सूचना जारी गर्‍यो-

कार्यालयले सवारी आवागमन खुलेको सूचना भने ११ बजेर १५ मिनेटमा जारी गर्‍यो।

मतलब हेलिकप्टरमा राष्ट्रपतिको सवारी चलाएर के गर्नु, तल बाटोमा त एक घण्टा जाम त बेहोर्नै पर्‍यो उपराष्ट्रपतिको सवारीका कारण।

 

2 comments to राष्ट्रपतिको सवारी हेलिकप्टरबाट भए पनि सडकमा एक घण्टा जाम

  • ऋषि अधिकारी

    नेपालमा सबै भन्दा शक्तिशाली पद भनेको प्रधान मन्त्रि को हो, त्यसैले पक्कै पनि प्रधान मन्त्रि नै ज्यादा सुरक्षा मा तारो हुन्छन होला, राष्ट्रपति भन्दा। यदि प्रधानमन्त्री दिनहुँ बालुवाटार बाट सिंह दरबार गाडीमै आवत जावत गर्छन भने, राष्ट्रपति चाही किन आवत जावत गर्दा कि त बाटै बन्द गराउनु पर्ने कि त हेलिकप्टर चढ्नु पर्ने ? के राष्ट्रपति सामान्य नागरिक झैँ गाडी बाटै बाटो नरोकी हिड्न हुदैन?

    मन परे हरियो नपरे रातो ! Thumb up 0 Thumb down 0

  • anjan

    Khoe Nepal ko samachar negative ko negative nai, kahile sunna paula postive khabar…? Kahile aaula neta ko hos, morality, humility, kahile bujhidela neta harule janatako pida, kahile byuntela janata pani?

    Pray for Nepal forever…

    मन परे हरियो नपरे रातो ! Thumb up 0 Thumb down 0

Leave a Reply

  

  

  

Enable Google Transliteration.(To type in English, press Ctrl+g)