यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

एकै दिन ८३ संक्रमित भेटिए, कूल २ सय नाघे, भक्तपुर र काठमाडौँमा पनि कोरोनाको ‘रि-इन्ट्री’

कोरोना संक्रमणको संख्याले आज नेपालमा रेकर्ड ब्रेक गरेको छ। आज एकै दिन ८३ जना संक्रमित भेटिएका छन्। दक्षिण एसियाको ट्रेन्ड अनुसार नै १ सय पुगेको पाँच दिनमै नेपालमा पनि संक्रमितको संख्या दोब्बर नाघेको हो। आज राति अबेरसम्म कूल संख्या २१७ पुगेको छ। लकडाउन खुकुलो भएर सडकमा धेरै गाडी कुदेसँगै काठमाडौँ र भक्तपुरमा पनि कोरोनाको रि-इन्ट्री भएको छ। काठमाडौँमा एक ३३ वर्षीया महिला र भक्तपुरमा २५ वर्षीय महिला र २७ वर्षीय पुरुष गरी दुई जनामा कोरोना संक्रमण भेटिएको हो।

त्यसैगरी आजै चार थप जिल्ला भक्तपुर, बारा, धनुषा र महोत्तरीमा पनि कोरोना संक्रमण भेटिएको छ।

काठमाडौँ र भक्तपुरमा कोरोना संक्रमण भेटिएकाहरुको कन्ट्याक्ट ट्रेसिङ हुन बाँकी नै छ। उनीहरुको पनि स्वाब संकलन गरी परीक्षण भएपछि यो संख्या थप बढ्न सक्नेछ।

राति सवा १० बजेको स्वास्थ्य मन्त्रालयको प्रेस विज्ञप्तिमा भेटिएका नयाँ २६ जना मध्ये १८ जना पर्साका हुन्। दिउँसोको विज्ञप्ति अनुसार ३९ जना पर्साका थिए। अर्थात् आज मात्रै ५७ जना संक्रमित पर्सामा भेटिएका छन्। पर्सामा कम्तिमा दुई जना पत्रकारलाई पनि कोरोना संक्रमण भएको पुष्टि भएको छ। त्यसैगरी कपिलवस्तुमा एक महिला स्वास्थ्यकर्मीमा समेत कोरोना संक्रमण भेटिएको छ। नेपालमा स्वास्थ्यकर्मी र सञ्चारकर्मीमा कोरोना पहिलो पटक पुष्टि भएको हो।

1 comment to एकै दिन ८३ संक्रमित भेटिए, कूल २ सय नाघे, भक्तपुर र काठमाडौँमा पनि कोरोनाको ‘रि-इन्ट्री’

Leave a Reply

  

  

  

Enable Google Transliteration.(To type in English, press Ctrl+g)