यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

विमान नचिन्‍ने मिडिया : बसको समाचारमा ट्याक्सीको फोटो राखे जस्तो !

इमेज च्यानल टिभी सञ्चालन गर्ने इमेज ग्रुप अफ कम्पनीजको न्युजपोर्टल इमेजखबर डट कममा आज बिहान एउटा समाचार राखिएको छ। ‘विमान अवतरणका क्रममा चरा ठोक्किएपछि नेपाल एयरलाइन्सको वाइडबडी जहाज ग्राउन्डेड’ शीर्षकको समाचारमा राखिएको फोटो भने वाइड बडीको होइन, चिनियाँ एम-६० (वाई सिरिज) विमानको हो। समाचार लेख्ने र प्रकाशन गर्नेलाई विमानको प्राविधिक कुरा धेरै थाहा नभए पनि कम्तिमा वाइडबडी भनिसकेपछि विमानको बडी त वाइड छ कि छैन हेर्नुपर्ने नि। यो त बसको समाचारमा ट्याक्सीको फोटो राखे जस्तो भो। गुड्ने सवारी साधनै हो भनेर भयो र। जसरी सवारी साधनका पनि विभिन्न प्रकार हुन्छन्, कम्पनी हुन्छन्, त्यसैगरी विमानका पनि हुन्छन्। विमान भन्ने बित्तिकै सबै विमान एउटै हुँदैन भनेर सबभन्दा पहिला बुझ्नु पर्ने भयो समाचार लेख्ने मिडियाले। इमेजखबरले राखेको फोटोमा विमान नामको रारा लेखिएको स्पष्टै देखिन्छ। रारा नाम  नेपाल एयरलाइन्सले 9N-AKQ कलसाइन रहेको MA-60 विमानलाई दिएको हो भन्ने कुरा त सामान्य गुगल सर्चबाट पनि थाहा भइहाल्ने कुरा हो।

नेपाल एयरलाइन्ससित वाइडबडीमा  एयरबसले बनाएको  A330-200 दुई वटामा छ। त्यसको फोटो यस्तो हुन्छ-

Nepal Airlines Airbus A330-200

यति धेरै डिटेल खोज्न अल्छी लागे पनि वाइडबडी विमान भनेको ठूलो हुन्छ भन्ने कमनसेन्स त हुनुपर्ने हो।

समाचार एउटा, फोटो अर्कै राख्नु त पाठकलाई झुक्याउनु हो। चरा ठोक्किएको विमानको फोटो नभए कम्तिमा वाइडबडी विमानको फोटो राख्नुपर्थ्यो, त्यो फेला पार्न नसके एयरलाइन्सको लोगो राखे भइहाल्थ्यो। २००+ सिटको विमानको साटो ५८ सिटको विमानको फोटो राख्न त भएन नि।

(यसअघि २४७ सिटे विमानको साटो लेखिएकोमा २००‌+ बनाइएको छ। एयरबसको नेपाल एयरलाइन्ससित भएको A330-200 विमान सामान्यतया २१० देखि २५० यात्रु बोकेर उड्ने र त्यसलाई ४०६ यात्रुसम्म बोक्ने बनाउन सकिने एयरबसको वेबसाइटमा उल्लेख छ)

3 comments to विमान नचिन्‍ने मिडिया : बसको समाचारमा ट्याक्सीको फोटो राखे जस्तो !

Leave a Reply

  

  

  

Enable Google Transliteration.(To type in English, press Ctrl+g)