ओबामाले नोबेल पुरस्कार पाउनुको गोप्य रहस्य

बालकृष्ण दाहाल
नोबेल पुरस्कार समिति नर्वेले यस वर्षको नोबेल शान्ति पुरस्कार आठ महिनाअघि मात्र पद सम्हालेका अमेरिकी राष्ट्रपति बराक ओबामालाई प्रदान गर्ने निर्णय गरेपछि धेरै मानिस अचम्म परे। यस बारेमा माइसंसारमा राखिएको ब्लगमा आएका प्रतिक्रिया पढेर लाग्यो, बाराक ओबामाबाट धेरै अपेक्षा राख्‍ने वर्ग ठूलो रहेछ। यो देखेपछि केही त लेख्‍नु पर्छ भन्ने लाग्यो र मैले जानेको सुनेको अनुसार सिक्काको अर्को पाटो प्रस्तुत गर्ने जमर्को गर्दैछु।

आउनुस् विश्व राजनीतिमा केही गन्थन गरौँ भिन्न ढंगले, जुन तपाईँ हामीले संसारका ठूला मूलधारका मिडियाहरुमा देखे, सुनेको र पढेको भन्दा फरक हुनेछ।

प्रश्न उठ्न सक्छ के बाराक ओबामा(जो संसारका सबभन्दा शक्तिशाली देशका राष्ट्रपतिका रुपमा छन्) ले चाहेर संसारमा परिवर्तन ल्याउन सक्छन्? युद्ध रोक्न सक्छन्? कि उनी एउटा पात्र मात्र हुन् जसले गर्ने कामको योजना अरु कसैले बनाउँछ?

ओबामालाई राष्ट्रपति उम्मेदवारको रुपमा जतिबेला देखाइयो त्यस बेलासम्म अमेरिका(जसले आफूलाई संसारको शक्तिशाली बनाइ राख्न चाहन्छ हरेक तरहले) संसारभर अलोकप्रिय हुँदै गइरहेको थियो। दिन पर दिन विभिन्न देश र समूहहरु अमेरिकाविरुद्ध संगठित भइरहेका थिए। इन्टरनेटको प्रयोग सँगसँगै विश्वका ठूला संचार माध्यम (जो कर्पोरेट मेडिया वा लबिंग मेडियाको रुपमा काम गर्छन्) हरुको प्रभाव कम हुँदै गइरहेको थियो। यसले थोरै मान्छेहरुको हातमा संसारको आर्थिक, राजनीतिक र सैनिक नियन्त्रण गर्ने योजना धरापमा पर्ने स्थिति थियो। किनकि उनीहरुद्वारा संचालित मेडियाहरुबाट मानिसहरुको दिमागलाई नियन्त्रण गर्ने उपाय (mind control technique) कम प्रभावकारी हुँदै गइरहेको थियो। हो, त्यही बेला त्यो समूहले संसारका मानिसहरुको सोचाइलाई अन्यत्र मोड्न एउटा कार्ड फाल्यो बाराक ओबामा।

बाराक ओबामालाई उनीहरु निर्वाचित अधिकारी(elected official) भन्ने गर्छन्। उनीहरुले भन्ने गरेको संसारको सरकार (government of the world) दर्जा (hierachy) मा तेस्रो स्थानमा पर्छन् उनी। बाराक ओबामा उनीहरुको लागि उपयुक्त अस्त्र बने किनकप उनी काला जातिका हुन् र सेता जातिको मिश्रण पनि छ उनीमा। उनी क्रिस्चियन हुन् तर मुस्लिम पृष्ठभूमिबाट आएका हुन्, अफ्रिकन मूलका हुन् तर एसियामा हुर्किएका।

यिनै विशेषताका कारण त्यो समयमा अमेरिकाविरुद्ध संगठित भइरहेकाहरुका विरुद्ध उनी भन्दा सुहाउँदो व्यक्ति अरु हुन सक्दैनथ्यो। अझ ओबामासँग गजबको बोल्ने क्षमता छ, जसले उनीहरुको योजनालाई कार्यान्यन गर्न, विश्वका जनतालाई योजनाको पक्षमा उभ्याउन सक्छन्।

यही कारणले ओबामालाई राष्ट्रपतीय चुनावमा उठाइयो र त्यस समूहले प्रचारप्रसारमा धेरै लगानी गर्‍यो। ओबामालाई चर्चामा ल्याउनलाई उनीहरुका संचार माध्यमहरु बडो बाठो तरिकाले प्रयोग गर्‍यो। अन्ततः उनीहरुको योजना सफल भयो। ओबामा अमेरिकाका राष्ट्रपति बने। सर्वसाधारण जनता बीच लोकप्रिय पनि छन्। जनताको दिमागलाई ब्यस्त बनाउन सफल छन्। यो देख्दा त्यो समूह फेरि सफल भएको छ। धेरैलाइ बिजोगमा राखेर थोरैको स्वर्ग जोगाउने उनीहरुको अभियान सफल भएको जस्तो देखिन्छ। उनीहरुलाई अरु षड्यन्त्रका योजना बनाउन पर्याप्त समय पाए जस्तो देखिन्छ।

त्यसैले ओबामालाई बहुचर्चित र लोकप्रिय बनाइराख्नु उनीहरुको एउटा महत्वपूर्ण काम हो जसको कारण ओबामालाई संसारको महत्वपूर्ण पुरस्कार नोबेल शान्ति पुरस्कार पनि थम्याई दियो त्यो समूहले जुन कुरा सुनेर ओबामा आफै ‘चकित र कृतज्ञ’ भए। ह्वाइट ह्वाउसको रोजगार्डेनमा निस्केर दर्शकहरुलाई हात हल्लाएर भित्र पसेर अफगानिस्तानमा अरु सैनिक थप्ने बैठकमा ब्यस्त भए।

अब मैले भन्ने गरेका ‘उनीहरु’ को हुन् त जो पर्दापछाडि बसेर संसार चलाउने योजना बनाउँछन् ?

सन् १९५४ मा नेदरल्याण्डका राजकुमार बेर्न्हार्डको अध्यक्षतामा सुरु भएको संगठन बिल्दरबर्ग समूह (Bilderberg group) को नाममा गोप्य रुपमा सञ्चालन हुँदै आइरहेको बताइन्छ। यस समूहमा १३० जना सदस्यहरु रहेको प्रकाशमा आएको छ जसमा व्यापार, बैंक, राजनीति र सञ्चार माध्यममा प्रभाव पार्न सक्ने मान्छेहरु पर्दछन्। यो समूहले संसारका आर्थिक, राजनीतिक गतिविधिको योजना बनाउनुका साथै उनीहरुको योजनामा कुनै देश र त्यहाँको सरकारले बाधा पुर्‍यायो भने सरकारबाट त्यस्तो व्यक्तिलाई हटाउने वा हत्याको योजना बनाउने समेत काम गर्छ भन्ने आलोचकहरुको भनाइ छ। विस्तृत जानकारीको लागि गूगल गर्नुस। यो बारेमा केही लेखकहरुले किताब लेखेका छन्, वृतचित्र पनि बनेका छन्। संचारकर्मीहरुले सूचना संकलन गरेका छन्।

यो समूहले अत्यन्त गोप्य रुपमा यसका बैठकहरु सञ्चालन गर्दै आएको भएता पनि केही वर्षदेखि यसको गोपनीयता भंग भएको छ र बैठक स्थलबाहिर धेरै प्रदर्शनको सामना गर्नुपरेको छ। केही महिना अगाडि भएको बिल्दरबर्ग समूहको बैठकमा प्रदर्शनकरीहरुले ओबामा त्यस बैठकमा गोप्य रुपमा सहभागी भएको भन्दै “ओबामा तिमी यहाँ छौ, बाहिर आऊ” भन्दै प्लेकार्ड देखाउने र नारा लगाएका थिए।

मैले प्रस्तुत गरेको कुरा आइसबर्गको टुप्पो मात्रै हो। यस ब्लगको उद्देश्य सत्य पत्ता लगाउन सहयोग पुगोस् भन्ने हो। जो ओबामाका फ्यानहरु हुनुन्छ मर्माहत बन्नु पर्दैन किनकि अब हामीले के मन पर्छ के मन पर्दैन भन्ने भन्दा माथि उठेर मूल्यांकन गर्ने बेला भएको छ। यसको लागि पक्ष विपक्ष दुई तिरकै सूचना संकलन गर्नु जरुरी छ। भावनामा बहनु भन्दा वास्तविक भएर सोच्ने बेला आयको छ। संसार जसरी अगाडि बढिरहेको छ, यो शान्ति स्थापना गर्ने तरिका हैन। बरु एक अर्कालाई लडाएर केही मुठी भरका मान्छेले आर्थिक फाइदा लिनेतिर मात्रै अगाडि बढिरहेको छ।

अमेरिका, जुन देशले सबभन्दा बढी हतियार उत्पादन र निर्यात गर्छ, त्यस्तो देशको राष्ट्र प्रमुखलाई शान्ति पुरस्कार त्यो पनि काम गरेर देखाउनु भन्दा अगाडि आफैमा कति हास्यास्पद छ।

मैले भलादमी वा लोकप्रिय बन्ने भन्दा मैले जानेको सत्य बोल्ने रणनीति लिएको छु। राजनीतिक नेताहरु र तिनका पार्टीहरुले जुन विषयमा बोल्न सक्दैनन् वा भोटको संख्यामा गिरावट आउँछ भन्ने लागेर त्यस्तो विषयमा बोल्न चाहँदैनन त्यस्तो विषयमा लेख्ने निर्णय गरेको छु, जुन लोकप्रिय हुने भन्दा केही नयाँ ढंगले सोच्ने कुराको सुरुवात गर्नु हो। केही मान्छेहरुको स्वर्ग जोगाउने शब्दजालमा पर्नेहरुको लागि अतिवादी लाग्न सक्छ। अरुलाई अतिवादी आरोप लगाएर मुख बन्द गराउने उनीहरुको उदेश्य नै हो। त्यतिले पनि पुगेन भने उनीहरुको भाषामा मान्छे मार्दैनन् तर तटस्थ (neutralise) बनाउँछन्। रचनात्मक प्रतिक्रिया, आलोचना र सुझावलाई स्वागत छ।
[email protected]

128 Comments

  1. यो कुनै शक्तीगुटले ओबामा लाई हाम्रो विरुद्धमा केहि अनिष्ट हुने कुरा नबोल भनेर दिएको पुरस्कार हो र यसलाई “विश्व शान्ती नबोल पुरस्कार” भन्दा पनि हुन्छ |

  2. last one…
    As i did already mentioned that my informations about these things r amateur.its a day went by since i wrote my last comment.during this time i tried to explore the news related to BB group.while doing so i happened to came across other news linked up with BBG.new world order,fema detention camp,rockefellers,cybersecurities…etc….
    i dont claim that i knw the fact but i certanly think there is lots to know as things can be quite different than it appears.
    can be even scary or horrifying than one can imagine ,in another way not that surprising in term of human deep rooted power lust nature or barbarious heritants.
    whatever the truth is,i would like to thank mr writer for appetizer.

  3. यसै सन्धर्भमा आज १५ अक्टूबरको हिन्दुस्तान टाइम्सको अनलाईन संस्करणमा तलको समाचारले के भन्छ पढ्नुस |

    ‘नोबेल कमिटी के ज्यादातर मेंबर्स ओबामा के खिलाफ थे’
    ओस्लो ।। नॉर्वे की नोबेल प्राइज देने वाली कमिटी के पांच में से तीन सदस्यों को अमेरिकी राष्ट्रपति बराक ओबामा को प्राइज देने पर एतराज था।

    गैंग (वीजी) नामक एक टैबलॉयड का कहना है कि उन्होंने कई सूत्रों से बात की जिन्होंने पुष्टि कर दी कि नोबेल कमिटी के ज्यादातर सदस्य बराक ओबामा को नोबेल पीस प्राइज नहीं देना चाहते थे।

    पिछले हफ्ते सारी दुनिया को हैरत में डालते हुए नोबेल कमिटी ने बराक ओबामा को शांति के लिए नोबेल देने की घोषणा की थी। ओबामा को अमेरिकी राष्ट्रपति बने एक साल भी नहीं हुआ है।

  4. जासूसी उपन्यास लेख्न थाल्नुस,सफल हुने पुरा सम्भावना छ / गूगलमा लेखेका कुराहरु लाई ब्रम्हावाक्य मानेर manpari निस्कर्ष निकालेको लेख,

  5. बाल कृष्णजी,
    तपाइको लेख राम्रो लाग्यो . नेपाल जमिन मुनी भास्न लागेको बेला जल, जंगल, र जमिनको by गैर सरकारी संस्थानबाट राम्रो ब्यबास्थापन भएको (ठिक सब्द आएन ) भनि इलिनोर ओस्त्रम लाइ नोबेल पुरस्कार दिएकोमा पनि बेल्दरबर्ग समूहको पृष्ठभूमि बाट पनि बिस्लेशन हुन सक्छ कि ? किन भने नेपालमा अहिले बिस्वोलाई देखाउन सक्ने कूनै चमत्कार छ जस्तो लाग्दैन .राम्रो सामुदाइक बन संचांलन संसारै चमत्कारिक हो जस्तो लाग्दैन

  6. यस्ता हावादारी लेखलाई के ठाउँ दिएको होला ?

  7. लेखकजी संग अर्को कुरा,
    के ओबामाले मात्रै शान्ति कायम गर्न सक्छ भनेर प्रस्न राख्नु भा को छ! ओबामा एक्लै ले गर्न सक्छ भनेर त सायदै कसैले सोचेको होला!
    तर एउटा सक्तिसाली राष्ट्र को नेता ले पहल गर्नु भनेको धेरै नै आशा लाग्दो कुरा हो!सोच्नुस त.जर्ज बुश जस्तो रास्ट्रपति अमेरिकामा दोहरी रहने हो भने,बिना काम मा दुनियाको कतिपय देशले अनाहक मा दुख पाउछन!
    कसैले पनि,ओबामा संग जादु को छडी छ र उसले रातारात पृथ्वीलाई स्वर्ग बनाउँछ भनेर उसलाई समर्थन गरेको त पक्कै हैन!
    बाताबरण प्रदुसन ,आणविक हतियार को भण्डार,बढ्दै गैरहेको अन्तरास्ट्रिय वैमनस्यता आदि ले,आधारभूत आवस्यकताको पूर्ति का साथ शान्त संग बाँच्न पाउने मान्छेको अधिकार लगायत पृथ्वी कै भविस्य माथि प्रस्नचिन्ह खडा भै रहेको अवस्थामा ति सबै बुंदा हरुलाई सम्बोधन गर्दै लाखौँ करोडौं अमेरिकीहरु र शान्ति चाहने असंख्य गैर अमेरिकीहरुको मन जित्दै रास्ट्रपति हुन् पुगेका मान्छे हुन् ओबामा !
    माथि एक जना साथी ले भन्नुभय जस्तै म पनि लेखक महोदयलाइ सोध्न चाहन्छु ओबामा नभयर को त ?त्यस परिस्थिति मा लेखक जी ले कसलाई देख्नु भयको थियो त?बिरोध को लागि मात्र बिरोध गर्ने हो भने त मेरो भन्नु केहि छैन,हैन भने बिरोध गर्दा बिकल्प समेत प्रस्तुत गर्दा अलि नतिजामुलक हुन्छ!
    हो,bilderberg group माथि थुप्रै प्रस्न चिन्ह हरु ठ्दीयका छन्!यो अत्यन्तै शक्तिसाली अन्तरास्ट्रिय व्यक्तिहरुको समुह रहेछ र यिनीहरुको निर्णय ले पुर्याउन सक्ने असर हामीले सोच्नै नसक्ने हुन् सक्छ भन्ने पनि मलाइ लाग्दछ!
    यस ग्रुप को बारेमा सचेत पत्रकार,लेखक तथा अन्य व्यक्तिहरुको प्रस्न नै यहि रहेछ कि ,बिस्वभरिका यत्रो सक्तिसाली व्यक्तिहरु बसेर गोप्य बैठकमा आखिर के को छलफल गर्छन?
    यदि यिनीहरुको नियत आम जनताहरुको हित हो भने,यिनीहरुको कुराहरु किन बाहिर आउंदैन?
    यिनीहरुको बैठकमा किन मेडियालाइ जान अनुमति हुँदैन?
    बिसेस रुपमा आर्मी ले नै टाइट सेकुरिटी दिएर हुने बैठक साधारण gafgaaf को त पक्कै हैन ?
    हो,one world community को nara lagaundai biswa को arthatantra मा aafno pakad sadhai majbut rakhne यिनीहरुको policy हुनसक्छ भन्ने kuralaai nakarn sakindain !
    तर ओबामा लाइ यस ग्रुप संग link garaun khojnu chahin buddimani पूर्ण kadapi हैन!
    जुन manchhele सुरु देखि नै wall street का 500 dhanadhya भन्दा पनि main street का sana byapari र working middle class को बारेमा aawaj uthayo,tyaslaai dhanadhyaharuko conspiracy ma samel छ भन्नु अलि bias कुरा हुन् jaanchha.

  8. साथीहो,
    जती देखिन्छ तेती त द्रिस्य हो! द्रिस्ट्री त्यो भन्दा टाढासम्म हुन्छ! अनी द्रिस्ट्री भन्दा पनि परसम्म बिचार हुन्छ! बिचार भन्दा पनि परसम्म सोंच हुनुपर्छ!
    र त्यो भन्दा ठुलो कुरा आफ्नो द्रिस्य,द्रिस्ट्री,बिचर,सोंच र क्षमता भन्दा पनि टाढा पर कतै घटना परी घटनाहरुको संयोग र निर्माण भाईरहेको छ भन्ने कुराहरुलाई आत्मासाथ गर्नसक्नु उचित हुनेछ।
    कतिपय साथीहरु द्रिस्यलाई नै सर्बसत्य मानेर तेसैमा रमाउन छोड्नु उप्युक्त होला। किनकी सत्यहरु तपाईंको सोंच र क्षमता अनी पहुंच भन्दा धेरै पर छ।

  9. के हो ब्रो पाएँ भन्दैमा जे मनलाग्यो त्यहि लेखेर त भएन नि

  12. फेरी जे मन लाग्यो तै होइन हौ यो मान्छे को दिमाग किन जैले पनि उल्टा चलको/ लेख्ने कुरा कै छैन भने चूप लागर बस्नु नि .

  13. Just another Conspiracy Theory! वैयात !
    ओबामा को धेरै जस्तो चुनाब खर्च सानो डोनेशन बाट आएको थियो . हाम्रो देस मा जस्तो यहाँ (अमेरिका मा) स्रोत नदेखाई चुनाब खर्च निकाल्न पायिन्न .

  15. ओइहात, जे पायो तेही | बाराक ओबामा लाई इरान मा लड़है नहोश भनेर देको| यौदी को सुप्पोर्ट नगर भनेर देको |

  16. जासुसी उपन्यास पढे जस्तो लाग्यो मलाइत |

  17. लेखक जी को कुरा ठिकै लाग्यो हरेक कुरा को दुइ पाटा भने जस्तै सकारात्मक र नकारात्मक जसले सकारात्मक को पछ्य लियो, बर्णन गर्यो त्यहि जस्तो लाग्छ पाठक लाई तर जसले नकारात्मक पछ्य लियो त्यहि सत्य जस्तो अनुभूति पनि हुन्छ, बास्तबिकता आफ्नो ठाउँ मा रहस्यमय रहन्छ……………हुनपनि अमेरिकनहरु धेरै बाठा र दुरदर्शी हुन्छन यिनीहरु लाई हरेक कुरा को परिछ्यन गरे पछी त्यस को परिणाम पनि अनुमान गरि सकेका हुन्छन सायद बुश को परिणाम स्वरूप ओबामा को सिर्जना पनि हुन सक्छ ……….जे होस् लेखक जी को कुरा मा दम छ

  18. कमेन्ट लेखने मात्र कि काम पनि गर्ने हो | ल म चाही हिडें gas station मा घण्टा हान्नलाई |
    के गर्नु जिन्दगि नै यस्तै छ नत्र college fee कसरि तिर्ने ?

    नोबेल prize को कुरालाई लिएर कति कचकच हो ? ल सबैजना आ-आफ्नो काम गर्न जानुस् |

  19. This is nothing more than a conspiracy theory. Suggestion for the writer- when writing about such a controversial issue you should have enough idea of what you are talking about. Your writing is merely based upon assumptions. There are not enough facts to prove your hypothesis and there is no reason for the reader to believe in such a writing. Why the writer is writing if he cannnot make suffeeient arguments to prove his points. Think before you write and think what impact it’s gonna leave on your readers.

  20. बालकृष्णजी , तपाइको लेखले अझै तपाइको बालापन गएको रहेनछ जस्तो देखिन्छा!
    सानोमा बेद प्रकाश शर्माको हिन्दी उपन्यास खुब पढ्नुहुन्थ्यो कि क्या हो????
    गूगल ले असल खराब भनेर फरक गर्न जानेको छैन. जसले जे खोज्छ त्यहि पाउँछ!
    असल कुरा खोजेर तपाइको लेखन क्षमताको सदुपयोग गर्नुस नकी खराब खराब कुरा खोतल्दै !
    तपाइको यस्ता बकम्फुसे लेखले ओबामाको केहि लछार्दैन. किन बिचरा नेपालीहरुको र आफ्नो पनि अमुल्य समय बर्बाद गर्नु हुन्छ??????

  21. दाहालजी,
    Bilderberg group को बारे तपाईं धेरै डराउनु भयो जस्तो छ; त्यसको बारे पढे तर मलाई त त्यो ग्रुप त केहि न केहि जस्तो लाग्यो | त्यसताले संसार चलाउनु भनेको दन्त्यकथा मात्र हो |

  22. अमेरिकामा त नेपालमा जस्तै गरि चुनाब हुन्छ भनेर लेखकले सोचेको होला/ नेपालमा जस्तो जो पाए त्यहि याहा भिड्न पाउदैन/ बिचरा लेखक ज्युले इन्टरनेट संसारको कुरा लेख्नु भएको होला त्यो हस्यद्पद छ/
    इन्टरनेट संसार कै भरमा लेख तयार पार्नु हो भने नेपाल त भारतको एक जिल्ला र सगरमाथा चिनको हो / अब के यो पनि सत्य हो त ? लेखक ज्यु यसो प्रमाण पनि भए हुने थियो कि ????

  23. बकम्फुसे कपोलकल्पित लेख . जे भने पनि पत्याई हाल्छन क्यारे मान्छेहरु . यदि त्यो समूह तेत्रो गर्न सक्छम छ भने यत्रो इकोनोमिक क्रैसिस हुँदा किन रोक्न सकेन ? ९८ वटा ठुला ठुला बैंकहरु एक पछी अर्को गर्दै ढले, करोडौ मानिसहरु घरबार एबम रोजगार बिहिन भए अमेरिकामा, त्यस्तै युरोपका सैयौं वर्ष पुराना बैंक एवं कम्पनिहरु धरासायी भए . के हेरेर बस्यो त्यो समूह ? ओहियत लेख ……

  24. धेरै राम्रो लेख तर Hypothetical मात्त्र लग्यो.

  26. रिसर्च गरेर मरी मरी किन ब्लग मा लेखि रहनु नि तातो न छारो. बिचरा त्यत्ति लेख्न त अलिकति पढ्नु पर्यो , सब्द समायोजन गर्नु पर्यो, प्रस्तुति मा ध्यान दिनु पर्त्यो. कति गाह्रो छ लेख्न, भयानक रिसर्च गरेको पढ्न लाइ फोकट को सम्बाददाता को हैन, चोम्स्की को आर्टिकल खोज्नु पर्छ साथी हो. पढियो रमाइलो भयो सकिहालियो, अर्का ले लेखे पछि गुगल मा गएर खोजेर अनि त्यहि बिषय मा उपबुज्रुक भएर लेख्नु भन्दा लेखक लाइ अलि बरु एस्तो रमाइलो बिषय मा लेख्न लै अझै प्रेरित पो गर्ने हो कि ….

  27. बालकृष्णजी,
    तपाईलाई Bilderberg group को बारेमा कलम चिलाएको भए तेसैको सामान्य
    जानकारी बनाएर छुट्टै पोस्टिंग पठाएको भे हुने थियो| ओबामा, नोबेल पुरस्कार,
    यो Bilderberg ग्रुप, मेडिया पावरहाउस, सबैलाई एकै ठाउमा राखेर
    गुरुत्वाकर्षण जस्तो नया सिद्धान्त प्रतिपादन गर्न खोज्दा त
    “उँट”
    पो बन्न पुगेछ त, हगी?
    मैले ताकेको मुडोमा, बन्चराले बजायो घुडोमा!!!

  28. नोबेल पुरस्कारको कुरामा त तर्क बितर्क आफ्नै ठाउमा छन् तर
    दाहालजीले रास्त्रपतिको उमेदवारी को सबालमा ओबामालाई कसैले “फेक्ने कार्ड” भनि दिनु भो-
    भने पछि यहाँले
    -जोर्ज डब्लु बुश लाई के उपमा दिनु हुन्छ त?
    -अनि ओबामा त कार्ड भै हाल्यो, अनि तेती खेर तपाइले देखेको आदर्श उमेदबार को थियो
    या हुनु पर्थ्यो?
    -self-made man भन्ने बारेमा के धारणा राख्नु हुन्छ?
    – एउटा फूललाई भमराले मन परायो, भन्ने तथ्यलाई लिएर मैले
    “भमरा हरुको समुहले महान conspiracy theory लगाएर त्यो फुललाई फक्रने
    बनाए” भन्ने दर्शन प्रतिपादित गरें भने तपाइँ के भन्नु हुन्छ? फूल पहिले कि भमरा?

  29. मलाई के लाग्छ भने यो popular र कालो भाको ले नै यो prize दिन लागे को हो | ८ महिनामा को राम्रो नराम्रो भनेर कसरी थाहा पायो ? अर्को वर्ष देखि एशले नै गर्दा नया war सुरु हुन्छ कि, के थाहा , मलाई लाग्छ एश्मा केहि setting छ |

  31. यो लेख, केवल इन्टरनेट स्रोतमा आधारित छ, तर बास्तबिकता भन्दा धेरै टाढा…यहाका केहि कमेन्टहरु पढ्दा लाग्यो कि, नोबेल पुरस्कारको कमिटीमा, यिनीहरुलाई राख्नु पर्ने…बसी बसी संसार हाँक्नेहरु…यो लेख भन्दा, माथि BHUSAN भन्ने साथीले गरेको कमेन्ट एकदमै राम्रो छ…

  32. हरे के बएको नेपाली लाई फरक तरिकाले सोच्न नहुने ?

  33. बालकृष्ण जी को ब्लग एकदम ठिक छ मलाई रेअल्ली राम्रो लागो ……तर मेरो विचार मा बराक ओबामा लाही आहिले नै नोबेल पुरस्कार नदिएको भएपनि क हि hune थिएन ….किन कि उसलाई कुना अधर्म दिएयो यो पुरस्कार ..usle गरे को कम त हेर्न बाकीनै थियो नि …..हुन सक्छा सबै ले बलेकै आगो ताप्ने परि पति नै छ सक्तिसाली अमेरिका भए को ले गर्दा तेह को रास्ट्रपति लै यो पुरस्कार दियियो.

  34. नेपालीलाई आफ्नो घरको छाना चुहिएको थाहा हुन्न तर ओजोन तह प्वाल परेको चिन्ता हुन्छ भन्थे …..हो माने मैले …………ओबामाले कसरी नोवेल पायो तेस्को भित्रि कुरा पनि नेपालीलाइ नै थाहा रहेछ ! धेरै जान्नेसुन्ने भएरै नेपाल बिग्रिएको जस्तो लाग्यो.

  35. कुरा काटेर मात्रै हुदैन है , ओबामा ले नपाएको भए अरु कुनै बेबकुफ ले पाउथ्यो होला, त्यसैले ठिकै लाग्यो.

  36. बालकृष्णजी अरु जे भए पनि तपाइको दिमाग लै मान्ने पर्चा बा ] घुमौनुस भेडे जनता हरुलाई सके सम्म ] Congratulation!

  37. यो लेखमा केहि सत्येता छ जस्तो मलाई पनि लाग्छ

  38. यो लेख ले केहि पनि पुस्टि गर्दैन!सिर्फ bilderberg group को नाम नसुनेकाको लागि जानकारी गराउछ !
    बाँकि सब लेखक को आफ्नो व्यक्तिगत विचार हो,अनुमान हो !जुन वहाँ लाइ सोच्ने र भन्ने पूर्ण अधिकार छ,तर bilderberg group को अनुमान को कुरालाई जसरि वहाँ ले ठोकुवा गरेर लेख्नु भो त्यो चाहिं अलि काँचो भो!
    यस बारेमा अनुसन्धान त मेरो पनि काँचै छ,र बन्द कोठा भित्र हुने कार्यक्रम हरुको जति अनुसन्धान गरे पनि आखिर ठोकेरै भन्न गारै हुन्छ !

    *to say we are striving for a one world government is exaggeretad,but not wholly unfair.those of us in bilderberg felt we couldnt go on forever fighting one another for nothing and killing people and rendering millions homeless.so we felt that a single community throughout the world would be a good thing*
    यो भनाइ हो bilderberg group को founding member Denis Healey को!
    खबर अनुसार,२००८ को यिनीहरुको मीटिंग को एजेन्डा मा nuclear free world,cyber terrorism आदि थियो रे!
    के nuclear free world,one world goverment हुनु घातक कुरा हुन्?
    यदि biderberg group को एजेन्डा यहि हो भने ओबामा यसको मेम्बर हुनु कुनै आश्चर्य को कुरा होइन!यो त झन राम्रो कुरा हो !
    ओबामा को रास्ट्रपति हुनु मा थोरै मान्छे को हातमा आर्थिक राजनैतिक सक्ति जानु हो भन्ने लेखकको अभिब्यक्ती संग मेरो पूर्ण बिमती छ! बरु यसको उल्टो पो ठिक हो जस्तो लाग्छ मलाइ उसको योजनाहरु हेर्दा!
    अमेरिका को दादागिरी रवैया देखि वाक्क हामी सबै लाइ अमेरिका लाइ गाली गर्न बश कुनै कारण भर चाहिन्छ,चाहे त्यो झुठो होस् या साँचो!त्यहि झोकमा हामी व्यक्तिलाई देख्दै देख्दैनौं,सिर्फ अमेरिका नाम भय पुग्छ!त्यसै को सिकार ओबामा हुन् पुग्छन!प्राय गाली गर्ने साथीहरु ले ओबामा लाइ भन्दा पनि *दादागिरी देखाउने अमेरिका* ले गाली गरेका हुन् जस्तो लाग्छ मलाइ!तर सबै मान्छेलाइ एउटइ श्रेणी मा राख्नु न्यायोचित हुन्छ र ?कमसे कम benifit of doubt को सुबिधा त दिनु पर्छ नि हैन र ?

    यस बिसयमा निरजजी को टिप्पणी जानकारी मुलक छ!वहाँ को लेख को केहि अंश यहाँ राखेको छु,निरजजी अनुमति चाहन्छु!
    *Yes there is a yearly meeting of Bilderberg and it is top secret but almost every international diplomacy is. Most normal people never know what is going behind the scenes; just the smiles or jabs in front of the television. But that doesn’t necessarily mean they basically control how the world is run. You must show some evidence to back what you are saying, not just speculate whatever you want to because it is other people’s opinion that they control the world; especially American and European government.*

    *Read some more on how he ran his campaign and how he won. Your assumption that Corporate Media is used for mind control is just preposterous. Yes no one can argue that channels like Fox uses media as a tool to make people more dumber and further someone’s agenda but there are a lot of big media house that are clearly neutral and do not certainly try to control your mind but lets you develop your own conclusion by showing the news. There can always be mistakes but to suggest that it is all some grand plan to control and subject the masses is just incorrect. *

    .

  39. “बाराक ओबामालाई उनीहरु निर्वाचित अधिकारी(elected official) भन्ने गर्छन्। उनीहरुले भन्ने गरेको संसारको सरकार (government of the world) दर्जा (hierachy) मा तेस्रो स्थानमा पर्छन् उनी। बाराक ओबामा उनीहरुको लागि उपयुक्त अस्त्र बने किनकप उनी काला जातिका हुन् र सेता जातिको मिश्रण पनि छ उनीमा। उनी क्रिस्चियन हुन् तर मुस्लिम पृष्ठभूमिबाट आएका हुन्, अफ्रिकन मूलका हुन् तर एसियामा हुर्किएका।”

    गुरुजीले बडो राम्रो fiction पड्नू भएछ | तेसो भए John McCain र ओबामा को प्रतिस्पर्धा अउटा नाटक मात्र थियो होइन त? तेसो भए conspiracy theory का ठेकदार हरु को के प्लान छ त २०१२ को लागि? कि त्यो पनि result आइसके पछि मात्र खुलस्त गर्ने हो? अनि अहिले अमेरिका मा भैरहेको health care reform मा ओबामा लाई त्यो reform पास गर्न कस्तो गार्हो भएको छ, त्यो पनि प्लान अन्तरगत नै होला नि होइन?

    तपाई को कुरा सुन्दा जस्तो धेरै जस्तो organized religion मा पृथ्वी को जिबन एउटा नाटक हो जस्तो गरेर ब्याख्या गरिन्छ, तेसै गरि अहिले जे भै रहेको छ त्यो पनि तेस्तै तेस्तै हो भन्न खोज्नु भएको जस्तो लाग्यो महोदयको कुरा सुन्दा !

  40. यो बिषयमा यसरि काहिल्यै सोचेको थिइन | तपाइका प्रत्यक सब्द सत्य र लाखौ टन ओजन दार लागे |
    सोच्ने नया खुराक दिनु भएको मा धन्यवाद |

    गणेश प्रसाद ढकाल
    बर्लिन जर्मनी

  41. यो लेख अर्धसत्य छ र लेखकले केही कुरा केबल हचुवाको भरमा लेखेको जस्तो लाग्यो | यध्यपि अन्य प्रसङमा केही सत्यता पनि छन | मेरो मुख्य असहमती चाँही उन्लाई योजनाबद्ध रुपमा अमेरिकालाई संसारकै शक्तिशाली देशको रुपमा देखन चाहने केही संगथित तत्वहरुले उठायका हुन भन्ने कुरासँग छ | उन्ले यती छिटो यती ठुलो छलाङ् लगाउनुमा मुख्य भूमिका शुरुमा उन्को छालाको रङ्ले खेल्यो, त्यसपछी उन्को बोल्ने कला र शैलिले भूमिका खेल्यो | किनकी राष्ट्रपती उम्मेद्बारीको दर्ताको बेला उन्लाई प्राय कसैले चिन्दैन थिए, चिन्दथे त उन्को गृह राज्य इल्लिनोइसकाले जहाँ उनी गवर्नर थिए | त्यतिबेलाकी hot favourite त हिलारी क्लिन्तन थिईन | तर जती जती डेमोक्राटिक उम्मेद्ववारहरुको छनौट प्रकृया अगाडि बद्ढै गयो काला र युवा जमातको सहयोगमा उन्को लोकप्रियता बद्ढै गयो, अन्तमा हिलारी क्लिन्तनलाई पराजित गरेर उन्ले शुरुमा कसैले नचिताएको पारीणाम ल्याई डेमोक्राटिक पार्तिको उम्मेद्बारी जिते |त्यसपछी जोन मक्कैनलाई जित्नुमा मुख्य कारण बुश प्रशासनबाट अमेरिकाका जनता यती वाक्क भएका थिए कि शायद त्यस्बेला एउटा कुकुरलाई रिपब्लिकन पार्टिको बिरोधमा उठाएको भए पनि शायद जित्थ्यो होला, जस्तै एक पटक नानीमैया दाहालले काठमाडौंबाट जितेकी थिईन भने ओबामाको त कुरै छोडौ | अनी उन्को चुनाव प्रचार प्रसारमा यती धेरै युवाहरुले volunteer भएर साथ् दिए कि जुन आज सम्म कसैले पाएको थिएन, साथै उन्को चुनाव अभियानको लागि यती धेरै गरीब र सर्बसाधारणले आर्थिक सहयोग गरे कि त्यो पनि एउटा रेकर्द नै कायम भयो |साथै शुरुमा डेमोक्राटिक पार्टीका धेरै जसो नेताहरुले हिलारीलाई समर्थन गरेका थिए तर पछी ओबामालाई हिलारिले कुनै हालतमा नजित्ने छाट्काट् देखे पछी मात्रै अरुले पनि ओबामालाई समर्थन गरेका हुन | अब रिपब्लिकन नेताहरुले समर्थन गर्ने त झन कुरै भ्एन | त्यसकारण ओबामालाई कुनै संगथित तत्वहरुले उठायका हुन भन्ने कुरालाई म मान्दिन | उनी आँफैले भनेका छन उन्को श्रीमतिको हौसलामा राजनीतिमा लागेका हुन र राष्ट्रपतीमा पनि त्यही अनुसार उठेका हुन र जनताले उनलाई जितएका हुन न कि कुनै संगतहित समुहले | जे जस्ले जितयता पनि आखिर उन्ले अमेरिका र अमेरिकनका स्वार्थका लागि काम गर्ने हुन क्यारे, नेपाली नेताले झै आफ्नो स्वार्थका लागि मात्र काम गर्ने छैनन |अरु देशहरुले केही गरि देला र खाउला भनेर नचिताउदा हुन्छ |

  42. हास्यास्पद लेख!! कुनै आधार नभएको लेख . लेखक जी you know nothing. and people writing comment and supporting on this article “bullshit’ know nothing about america.

  43. यो ब्लगमा मैले बालकृष्ण दाहाल जीलाई कमै देखेको छु,किनभने म नियमित पाठक हुं-यस ब्लगको।तर उहाँको प्रस्तुतीकरण तगडा रहेछ।विषयसँग सहमत हुनु-नहुनु बेग्लै कुरा हो;तार्किक विश्लेषण गजबको छ।धर्मका नाममा,जातिका नाममा,रानीतिका नाममा,
    “मास”लाई एकोहोर्याएर हिडाउँने यस्तै तर्क त हो नि!!!

  45. Bilderberg group is nothing but another conspiracy theory. And yes, I’ve seen movies related to them they are all fiction. They are considered of making so called world changing master plans just because they don’t allow any “introverts” into their meetings for reporting. Don’t try to fool the readers by pretending what you say is the real truth. You are just one of the small group of cynics who thinks that a group of 150 people can do anything they want in the world.

  46. ओबामालाई नोबेल पुरस्कार दिएको कुरा आचम्म नलाग्ने सस्था वा व्यक्ति सायद होलान तर मा प्रणयजी संग सहमत छु है साथी हो ……………………………………..

  48. बालकृष्णजीले भने जस्तो ठुलो राजनीतिमा ठुलै सांठगाँठ र दिमागै रन्थनाउने चलखेलहरु हुन्छन| तर संयुक्त्त राज्य अमेरिका जस्तो विधिको शासन भएको ठाउँमा, सचेत मतदाता भएको ठाउँमा Bilderberg समुहले चाहान्दैमा कोहि राष्ट्रपति बन्ला र ? मा त पत्याउन्दिन| ओबामा अमेरिकी यथार्थले जन्माएको हो | Internet मा लेखिएका सबै कुराहरु सहि हुँदैनन| यस्ता मनगढ़न्त कुराहरुले मानिसलाई दिग्भ्रमित पार्नु राम्रो होइन |

    शशांक लामा

  49. By the way prize should be awarded to those who did something for peace , not to someone who had intentions to do something for peace. Its just like awarding “best director” cineawards to a promosing director whose direction although was horrible.

  50. वाहियात लेख , येस्ता छेउ न तुपपाको लेख हरुले येश ब्लगमा स्थान नपाउदा नै बेश. फेरी सकिनसकी अर्को कन्स्पिरेसी थिओरी को रचना .

  51. *
    *
    मलाई लेखकको विश्लेषण क्षेमताप्रति दया लागेर आयो | अमेरिकाको राजनैतिक घटनालाइ थोरैमात्र नियालेर (बिशेषगरि गत निर्वाचन अभियानदेखि मात्र भए पनि) हेर्नेले ओबामालाइ आफ्नो गूदी केहि नभएको अर्काको कठपुतलीको रूपमा चित्रण गर्ने येस्तो बकम्फुस्से निर्णयमा पुग्नै सक्दैन |

    *
    *

  52. स्वयम भएको कुरा लाई आफ्नो interest मुताबिक् Influential People हरु ब्याखिया गरिदिन्छन . — यो भनेको तपाईंले कतै बेसुरमा ढुङ्गा फाल्नु भो अनी छेउको साथी लाई “ढुङ्गाले जेमा लाग्यो त्यसलाई नै पहिला ताकेर हनेको थिए” भने जस्तै हो ।

  53. पहिला कुरा यहाँ बाट सुरु गर्छु की,
    Obama तपाईंको जस्तै मेरो पनि कोही होइनन ।
    अमेरिकाको नितीले हाम्रो जस्तो मुलुकलाई कहीले फाईदा पुराको छैन ।
    अमेरिका आज जस्तै भोली पनि सक्तिसाली बनी रहन चाहन्छ ।
    सबभन्दा बढी हतियार उत्पादन र निर्यात पनि अमेरिकाले नै गर्छ ।

    यि कुराको बहसमा अरु नै दिन समय फालुला । किन भने Theory मा जतिनै Communism र Capitalism हाकेपनी तपाईं हाम्रो हरेक जिबन त उसको प्रभावमा छ नी । नहुनु पर्थियो भएको छ ।

    अब फर्कम Obama तिर,
    यदि Politics footbal खेल होभने Obama टीम क्याप्टेन हुन । उनको जिम्मे वारी Goal गर्ने/गरौने हो । उसले मैदान टेक्नु भन्दा अगाडि देखिनै खेलको नियम बसिसकेको थियो । अब उसको Job नियम बनाउले भन्दा Goal गर्न्ने नै हो । मैदानमा बसेर बिचार नै नपुराइ नियम बनाउन थाल्दा उ आँफै बहिरिनु पर्ने हुन्छ । त्यहि भएर उसको Goal गर्ने रणनिती लाई गाली गरे पछी मात्र उसलाई गाली गर्दा राम्रो, त्योपनी यसको भागिदार उ मात्र पनि होइन ।

    मुख्य प्रसँगमा आवौ,
    जो कोही जतिनै माथि पुगे पनि (सफल भएपनी)यो संसार मा उ भन्दा माथि कोही न कोही हुन्छ नै । यो स्वयम सिद्द थत्य हो । Obama लाई पनि निर्देश गर्न सक्ने कोही छन् भन्दा नौलो लागेन ।
    जहाँ सम्म Senator Obama देखि president Obama सम्मको दुरी कसैले निर्धारण गरेको योजना मुताबिक थियो भन्ने जबर्जस्ती प्रमाणित गर्न खोज्नु भाछ,
    त्यो पूर्ण भएन ।
    Politics ले राजनैतीक दिसा निर्देश गर्छ । Politician हरु लगायत अन्य Influential People हरु दिसा निर्देश गर्न अग्र स्थानमा हुन्छन । तर भोली देशले (अझ भनु न संसारले) कुन दिसा लिने भन्ने कुरा संसारको कनै पनि सक्तीको योजना मुताबिक हुँदै हुदैन । म किटान गरेर भन्छु ।
    यदि मलाई इतिहास को केही उदाहरण दिनु भयो भने पनि मेरो जवाफ त यही हुनेछ की – स्वयम भएको कुरा लाई आफ्नो interest मुताबिक् Influential People हरु ब्याखिया गरिदिन्छन । अन्तत: हामीलाई जेभयो उनीहरुकै करणले भयो जस्तो लाग्छ ।
    आजभएका कुरा र भोली हुने कुरा बीच सम्बन्ध हुन्छ भन्ने खालको ” Abosolute Science ” Theory बाट पनि आफ्नो कुरा पुस्टी नगरेकै राम्रो । किनभने तपाईंको प्रसँग उभिएको आधारनै कम्जोर छ ।

    Bilderberg group जस्तो ग्रुप त म google सर्च मा कती पाउछु कति,अब के म त्यो सबैको प्रभाव सँग जोडेर मन पर्ने आधारहिन ब्याख्या गरु?
    जुन कुरा Under the surface हुन्छ त्योकुरा surface बाहिर सँग जोडदा यथेस्ट Research चहिन्छ । खोइ Research ?

    अन्तियमा तपाईंको बहुमत भन्दा फरक बिचार् फरक तरिकाले राखने साहस लाई कदर गर्छु । यो भन्दा बडी त के भनु ?

  54. ह्या मुला बकम्फुसे कुरा | इन्टरनेट को कुनै साईट मा कल्ले गफ हानेको कुराको बिश्वास गरेर के के न होला जस्तो गरि लेखेको |

  55. Conspiracy theory…

    Pepople used to say; WTC destroyed by USA itself so as the theories abt the Moon Landing Triumph…..nothing to tell to those who have such a boolish mind…the write is the one of the mind….

    Writer, in this context, who is the right person to be awarded the nobel peace price??

    Pls don’t draw attention by publishing such a rubbish articles from a person who has such ideas similar to those who developed somne conspiracy theories!!!

  57. पुरस्कार ठुलो अनि शक्तिशाली मानिस लै दिदा पुरस्कार कै महत्वो पनि त बढ्छ नि होइन र ?

  61. आठ महिना को काम हेरेर ओबामा लाइ पुरस्कार दि इएको होइन किन कि नोबेल पुरस्कार को नोमिनेशन दर्ता गर्ने समय ओबामा निर्वाचित भएको १० दिनमा सकिएको थियो !
    यो पुरस्कार तेही १० दिन को काम को आधारमा दिएको !

  62. त्यो बिल्दर्बर्ग ग्रुप को बैठक को महत्वपुर्ण हिस्सा लौ पढौ………..
    No reporters are invited in and while confidential minutes of meetings are taken, names are not noted… In the void created by such aloofness, an extraordinary conspiracy theory has grown up around the group that alleges the fate of the world is largely decided by Bilderberg. अनि यो षडयन्त्रकारी हरुको अखडा हैन त? संसारमा हुने अरु कुनै पनि बैठक मा पत्रकार हरुलाई पूर्णतया प्रवेश निषेध गरिन्छ त ? कुरो मननिय छ है……

  63. यो कुरा सहि र गलत के हो छुट्याउने मेरो चाहिं गिदी छैन है साथी हो !

  64. म सहमत छैन यो लेख संग, मनगणते लेख हो यो , गुगल मा त जे पनि छन नि,
    अनि अर्को कुरा मलाई मन नपर्ने, अमेरिका बेलायत र अरु युरोप का देश लाई पुजीबादी देश भनेर गाली मात्र गर्ने अनि तेही देश मा गयर बस्ने साथी हरु लाई उत्तर कोरिया र क्युबा मा गयर बस्न चुनाती दिन्छु मा.
    सक्छौ साथी हो कमुनिश्र्ट देश मा गयर जीवन बितौना?

  65. अहिले को अवस्था मा ओबामा नै शान्ति पुरस्कार पाउनु पर्ने व्यक्ति हुन् जस्तो लाग्छा मलाई त किनकि भोलि पनि आउछ, भोलि को शान्ति ओबामा कै हात मा छ | ओबामालाइ शान्ति पुरस्कार दिएर तिमीले नै शान्ति ल्याउन केहि गर्नु पर्छ है भन्न खोजेको होला यो पुरस्कार दिएर | सोचाई सबै को आफ्नै हुन्छ | टिप्पणी सकारात्मक नै गर्नु पर्छ |

  66. यो bilderberg group त साच्चै खतरनाक पो रहेछ हौ सबै कर्पोरेट भनौदा हरु को अखडा…… ओबामा तिनीहरुको गोटी हैनन भन्न लाई (गूगल सर्च गरेर हेरे पछी ) अलि गारो भो मलाई त मित्र हरु,तपाई हरु पनि एक पटक त्यो ग्रुप को बारेमा अध्ययन garnus अनि छलफल गर्दा कसो होला ?

    ज्ञानु गौतम
    काठमाडौँ

  67. These are the groups who run the world secretly.
    1. The Fed Reserve
    2. Carlyle Group
    3. Bilderberg Group
    4. Council on Foreign Relations
    5. Wall Street Bankers (Goldman Sachs,Hedge Funds, JP Morgan)
    And few More..
    Their plans are assisted by CIA, MI5, Mossad, ISI, RAW,KGB etc.

  68. राजनीतिक नेताहरु र तिनका पार्टीहरुले जुन विषयमा बोल्न सक्दैनन् वा भोटको संख्यामा गिरावट आउँछ भन्ने लागेर त्यस्तो विषयमा बोल्न चाहँदैनन त्यस्तो विषयमा लेख्ने निर्णय गरेको छु, .
    खै तपाईले कुन besai को कुरा गर्नु भएको अंतरास्तेया पार्टी को ke nepal ko ? पहीलो चोटी बोलेको देख्दै छु .

  69. पुरस्कार सधै पछाडी किन आगाडी दिउ जसले गर्दा भविष्यमा केहि राम्रो होला कि?? हैन र

  70. गर्नु नगर्नु सबै गरिसकेपछि शान्तिको घोषणा के काम ? ईराक र अफगानिस्तानमा सेना पठाएर पुराना सत्तालाई विस्थापित गरेपनि अहिले आएर शान्तिको घोषणा गरेर शान्तिका पक्षमा हैन कि खर्च जोगाउने र जिम्मेवारीबाट सुटुक्क पन्छिने नीति लिएकाछन् ओबामाले । सायद यसैका लागि ओबामालाई नोबेल शान्ति पुरस्कार दिईयो । मिठा भाषण गरेरै शान्ति पुरस्कार पाउने भए त हाम्रा नेताहरुले पाउनु पर्ने हो ।

    उठेको बन्दुक बिसाएर शान्ति अंगाल्ने नेपालका माओवादी, उनिहरुलाई मूलधारमा आउन सहयोग गर्ने दलहरु र शान्तिका लागि राजगद्दि छोड्ने पूर्व राजा हुँदा हुँदै भाषण मात्र गर्ने ओबामालाई नै किन दिनु पर्या हो कुन्नि ?

  71. लेखमा दम छ. तर हामी नेपालीहरुलाइ आफ्नो देश कसरि बनाउनी अनि यी भ्रस्ट नेताहरुलाई कसरि सफा गर्ने कुरानै ठुलो छ. त्यसर्थ हामीले चाहेर पनि केहि गर्न सक्ने अवस्ता छैन के गर्ने.
    अर्काको अंग को जुम्रा हेर्नु भन्दा आफ्नो अंगको भैसी हेर्नु भन्थे बुदा पाका ले…..
    जानकारी गराउनुभएकोमा धन्यवाद

  72. कुरा सोचनीय छ!

    हिजोको हिलारी क्लिन्टनको russiya संग को इरान सम्बन्धि बार्ता ले पनि तेतै संकेत गर्छ.

  73. सायद हुन सक्छ. तर पयाप्त प्रमाण पुगेको छैन जस्तो लाग्यो..अजै अद्याँन गर्नु होला………………………………….

  76. मा पनि tapaiko लेखमा purana rupma sahamat छु sir. America baheeri rupma aasal तर vitri rupma dusta देश हो, हुन्sakcha tapaile vane jhai केहि मानिसको chitta nabujla तर hamile viswa को paristhiti lai niyalne हो र yasma novel prize को prasaagha jodne हो vane usle fizauna khojeko vitri jaal esspasta dekhna sakincha.

  77. This is not an analysis of facts. Just a conspiracy theory that is going on for years now. Just do some Google and you will get tons of this kind of crazy theory of some sort of World Government, hidden power and such. How can you have creative dialogue when you base your argument on some something that is unfounded.

    Yes there is a yearly meeting of Bilderberg and it is top secret but almost every international diplomacy is. Most normal people never know what is going behind the scenes; just the smiles or jabs in front of the television. But that doesn’t necessarily mean they basically control how the world is run. You must show some evidence to back what you are saying, not just speculate whatever you want to because it is other people’s opinion that they control the world; especially American and European government.

    Read some more on how he ran his campaign and how he won. Your assumption that Corporate Media is used for mind control is just preposterous. Yes no one can argue that channels like Fox uses media as a tool to make people more dumber and further someone’s agenda but there are a lot of big media house that are clearly neutral and do not certainly try to control your mind but lets you develop your own conclusion by showing the news. There can always be mistakes but to suggest that it is all some grand plan to control and subject the masses is just incorrect.

    Finally, everyone including Obama is confounded that they won the Nobel Prize. The white house press corps was not even aware Obama had been nominated and their surprise was as massive as the people around the world. People think it is too much too soon but Nobel committee is betting their hope on the hope of Obama.

    In the end, don’t write some crappy conspiracy theory as news and/or analysis unless you have some hard fact backing what you are saying. You can indeed publish your opinion but you can’t be serious about discussion let alone a creative one. We have got enough real issues to discuss about in this site. Thank you.

  79. सहि भन्नु भो
    ह्वाइट ह्वाउसको रोजगार्डेनमा निस्केर दर्शकहरुलाई हात हल्लाएर भित्र पसेर अफगानिस्तानमा अरु सैनिक थप्ने बैठकमा ब्यस्त भए।

    अहिले हेर्नुस अफगानिस्तान मा कति सेना छन् अझै थप्दै छन् उनि

  80. म पनि यस लेखसंग सहमत छु | बाराक ओबामा भनेको पूँजीपति वर्गको प्रतिनिधि पात्र मात्रै हो | अमेरिका भनेको पुंजी बादी राष्ट्र हो र अमेरिकी नीति भनेको त्यहाँका पुँजीपति वर्ग को हित मा कार्य गर्नु हो | सम्पूर्ण संचार माध्यम पुँजीपति को नियन्त्रण मा हुन्छ र उनीहरुले आफ्नो हित सोच्छन |
    नेपालमा नै पनि त हरेक संचार माध्यम कुनै न कुनै रुप मा कसैको पक्ष लिएर आफ्नो समाचार प्रस्तुत गरिरहेको हुन्छन | कम्तिमा मलाई त्यस्तो लाग्छ |

  81. सहि भन्नु भो. अमेरिका नै हो नेपाल को शान्ति प्रक्रियाको बाधक पनि. जसरि भए पनि नेपाली सरकार मुट्ठी मा लिएर चिन बिरोधि अभियान चलाउनु छ यिनीहरुलाई.

  83. ह्वाइट ह्वाउसको रोजगार्डेनमा निस्केर दर्शकहरुलाई हात हल्लाएर भित्र पसेर अफगानिस्तानमा अरु सैनिक थप्ने बैठकमा ब्यस्त भए।

    यो भने मन पर्यो।

  84. यो यौटा राम्रो यथार्थ उधाहरण हो तर नोबेल पुरस्कार दिनु मा अर्को ठुलो कारण अरब मा अमेरिकन ले अधिपत्य जमायको तेल र ग्यास मा युरोपले नजानिदो पाराले आफ्नो भाग खोजेको हो ,किनकि रसिया ले युरोप लाई धेरै पटक थर्कयको छ तेल र ग्यास को लागि ..अनि आफुहरु पनि अमेरिकन को होस्टे मा हैसे गरेर युरोपेअन युनिओन को नाम मा सक्ति बढाउने प्रयासमा छ भने नर्बेको आफ्नो व्यापार को लागी पनि ठुलो स्वार्थ छ भन्नेमा छापा हरु मा पढियो ..
    ….नत्र यत्रो विवाद हुने नै थियन ,,,,प्राय सबै बिस्व मिडिया हरुले नकारात्मक समाचार नै प्रसारण गरेको र राजनैतिक तवर ले पुरस्कार दियको भन्ने भनाइ नै धेरै देखियो …..

Comments are closed.