नेपालीले माया मार्ला बरी लै!

गत साता CNN को लोकप्रिय टक शो ‘Larry King Live’ मा एउटा विशेष अन्तर्वार्ता प्रसारण भयो। त्यसमा एसियन अनुहारको एक हिसंलो युवा आफ्नो कथा सुनाइ रहेको थिए। जब स्क्रिनमा उसको नाम देखियो- तब मेरो छाती गर्वले ढक्क फुल्यो। किनकि उसको अंग्रेजी उच्चारणबाट प्रष्ट हुथ्यो कि ऊ नेपाली भाषी हो। उसको नाम थियो- राज क्षेत्री।

कार्यक्रम हेरिसकेपछि थाहा भयो हलिउडमा छोटो समयमा नाम दाम र सम्मान पाउन सफल चौबिस वर्षीय ‘नेपाली मूलका भुटानी अमेरिकन’ रहेछन् उनी। सन् २००५ तिर अविभावकसँगै अमेरिका छिरेका राज न्युयोर्क फिल्म एकेडेमीबाट एक वर्षे एक्टिंग कोर्स सिध्याएर हलिउडमा हाम फालेका रहेछन्। संयोग, क्षमता र अवसर तीनै चिजले साथ दिएपछि बितेका तीन वर्षमा उनले एड फिल्म, डकुड्रामा, टेलिफिल्म तथा फिल्म गरी दुई दर्जनमा काम गरिसकेका रहेछन्।

उनले जुन जुन फिल्ममा हात हाले ती अधिकांशले नाम र दाम दुबै दिए। जेम्स क्यामरुन, रोनाल्ड इमेरिच ,कोइन्टिन टारान्टिनो जस्ता सफल निर्देशकहरु राजलाई आफ्ना फिल्ममा लिन तँछाड मँछाड गरिरहेका छन्। हलिउड फिल्मका एसियन दर्शकहरु तान्ने बलियो हतियार यिनै ‘नेपाली मूलका भुटनिज अमेरिकन’ रहेको ‘न्युयोर्क टाइम्स’ले उल्लेख गरेको छ।



राज अहिले संसारका चर्चित कलाकार ब्यापारी तथा खेलाडीको निवास क्षेत्र बेभर्ली हिल्समा बसोबास गर्दछन्। लस एन्जलसको ‘बेभर्ली हिल्स’ अत्यन्त महंगो सुरक्षित तथा सुविधासम्पन्न ठाउँको रुपमा चिन्निछ। उनको सुरक्षा गार्डको रुपमा काम गर्ने केन्याका रबर्ट ह्युस्टन टुटेफुटेको नेपालीमा भन्छन्- ‘राजले आफ्नो घरलाई नेपाली संस्कृतिको केन्द्र तथा परिवारमा बोल्दा नेपाली भाषाको थलोको रुपमा राखेका छन्।’

अहिले अमेरिकाको एसियन कम्युनिटीहरुको सम्मान थाप्न भ्याइ नभ्याई छ उनलाई। छोटो समयमा करोडपति बनेका यी कलाकारले ‘राज हेल्प फाउण्डेसन’ नामको च्यारिटी संस्था खडा गरेका छन् जसले हाइटीका भूकम्प पीडितकालागी १९ लाख डलर राष्ट्रपति बाराक ओबामालाई हस्तान्तरण गर्‍यो। भेटका क्रममा उनले राष्ट्रपतिलाई विशेष धातुजडित खुकुरी प्रदान गरेका थिए। हुन त हलिउडका केही आलोचकहरुले उनलाई चाहिनेभन्दा प्रचार गरिएको तथा एसियनहरुले जबर्जस्ती चर्चित बनाएको आरोप पनि नलगाएका हैनन् तर पनि राष्ट्रपति ओबामाले राजलाई हौसला दिँदै भनेका थिए- ‘इष्ट अर वेष्ट राज इज बेष्ट !’


अहिले उनीसँग सुविधासम्पन्न गाडीहरु, एउटा निजी हेलिकप्टर, हलिउडका निर्माणाधीन स्टुडियोहरुमा
करोडौंको लगानी रहेको छ। अपत्यारिलो ढंगले सपनानगरी हलिउडमा लोकिप्रय सफल तथा चर्चित बन्न पुगेका यी तन्नेरीलाई लारीले सोधे- ‘तिमीलाई सँधैभरी दुखी बनाइरहने विषय के हो ?’

भुटानको गेलेफुका डम्बरबहादुर क्षेत्री र सुनितादेबी घलेको अन्तरजातीय विवाहबाट जन्मिएका राज भुटानबाट लखेटिंदा साढे एक वर्षका मात्र थिए। नेपाल आएर १४ वर्ष शरणार्थी क्याम्पमा बसे, नेपाली माटोमा हुर्किए, त्यहींको रहनसहनमा घुलमिल हुनपुगे। भुटानको सम्झना उनका लागि ‘अरे’ मात्र छ।


त्यस्तो वियोगान्त इतिहास भएका राजले जवाफमा एकछिन दुवै हातले आफ्ना आँखा छोपे। लामो स्वास ताने। भारी मनका साथ अंग्रेजीमा भने- ‘मेरा मातापिता भुटानका हुन्,भुटानबाट नेपाल छिर्दा म झन्डै चार वर्षको थिएँ, तर भुटानको बारेमा मलाई त्यति थाहा छैन। अहिले अमेरिकी नागरिकता लिएको छु। भुटानले मेरो नागरिक हैन भन्छ, नेपालले शरणार्थी मात्र ठान्छ, अहिले अमेरिकी नागरिक भएपनि मेरो रगत रगतमा नेपाली भाषा र संस्कृति दौडिरहको छ। मलाई सँधैभरी पोलिरहने प्रश्न यही को कि आखिर म को हुँ !?’ यसो भनी रहंदा राजको अनुहारमा एक खालको अन्योलपूर्ण पीडाको भाव दौडिरहेको थियो।

माफ गर्नुस्, यो मेरो कल्पनामात्र हो, तर केही वर्ष वा दशकपछि सम्भव हुनसक्ने कल्पना हो।
कुनै भुटानीले भोलि यो वा यस्तै कुनै सफलता पाएपछि हामीलाई गर्व हुनेछ नेपाली, गोर्खाली खुकुरी वा टोपीको साइनो जोडेर उसलाई ‘हाम्रो मान्छे; भन्न थाल्नेछौं। अभिनन्दन र सम्मानका भारी बोकाउने छौं। उसलाई नेपालमा लगानी गर्न आह्वान गर्नेछौं। किनभने हामी समयमा माल चिन्दैनौं पहिल्यै गर्नुपर्ने कुरा चाल पाउंदैनौं !


उनीहरुलाई नेपाली झण्डामुनि गोलबन्द पार्न सकिँदैन र हुँदैन पनि। तर हामीलाई जोड्ने बलियो डोरी हाम्रो भाषा र संस्कृति हो। अल्मोडा, कुमाउं, गढवाल, नेपाल, दार्जिलिङ, सिक्किम, भुटान आसाम -जहाँ जहाँ नेपालीभाषी छन् तिनीहरुलाई भाषाले जोड्न सकिन्छ ! वर्मा, मलेसिया, थाइल्याण्ड,फिजी, बेलायत, अमेरिका -जता रहेपनि ‘संस्कृति’को बलियो डोरीले कस्न सकिन्छ।


यो सत्य हो, केही दशकभित्र माथि कल्पना गरिएझैं थुप्रै ‘राजहरु’ तेश्रो मुलुकमा जन्मिने छन्।
यो यथार्थलाई बुझेर नेपाली भाषालाई जीवन्त राख्न, संस्कृतिहरुलाई कालान्तरसम्म संरक्षण गर्न, नेपालमा लगानीको सम्भावनाको ढोका सधैंभरी खुला राखिरहन- नेपाल देशले ‘विशेष नीति’ बनाउन र ल्याउन जरुरी छैन र ?! कि ‘कुचोले बढाउनु पर्ने कसिंगर हावाले उडायो’ भनेर दंग पर्ने हो !!

151 Comments

  1. मनोज जी
    तपाइको लेख एकदमै काल्पनिक लेख भनि तपाइले प्रस्टसंग भन्नु भएको छ तर धरै पाठक ज्यु हरुले गरेको तर्क पदन पौड सारै खुशी लग्यो.
    कुनै कलाकारले आफ्नु कला कृति प्रस्तुत गर्नु एकदामी राम्रो हो जसलाई राम्रो लाग्ला उस्ले राम्रो प्रतिक्रिया देला जसलाई नराम्रो लाग्ला पलिस नराम्रो प्रतिक्रिया दिनुको सट्टा त्यो भन्दा राम्रो लेख्ने सैली अथवा सुजाव दिए कस्तो हुन्थियो होला? अन्त्यमा
    मनोज गजुरेललाई समया समयमा नेपालमा प्रोग्राम चलाउदा दार्जीलिंग, सिक्किम, हंग्कोंग अमेरिका आदि सबै तिरका नेपाली भासी हरुलाई समेटेर हास्य बंग्या प्रस्तुत गरिदिनुहुन अनुरोद गर्दछु

    देव शर्मा
    ळेक्षिन्ग्तन्, केंतुच्की, USA

  2. cool….i was reading this all with great curiosity like all here but alas this was an imagination..
    but wait there is a good news …. jus few days back i read in times of india that the dress Mrs Michell Obama was wearing during the auction of her dress she wore on the oath taking ceremony of Obama was designed by a nepaese designer….
    its true n he is alumni of NIFT delhi

  3. मित्रले लास्ट झुक्यैदिये यार ……..आम्मो …….

  4. manoj dai,
    I guess it’s very healthy to imagine, dream that leads to success. This is proven theory, high goals needs to be dreamed to reach milestone. I had a verbal diarrhea at the same time really happy and surprised amazed to read a success by nepali identity in city like new york. Then suddenly feeling bit low as i continue to read thats just a made up story. But i reckon thats still nice.
    I bet the shape of nepal would change in no time with couple more people like you. anyways, nice work dai, keep it up. All the best ….

  5. this is just a waste of time .I thought it was real n checked in google but didn’t find anybody named raj chettri .

  6. मनोज जीको प्राय लेख राम्रा हुन्छन, यो पनि राम्रो छ तर यो घटना सांचिकै भयको भय पो !

  7. मनोज दाई, प्रयास राम्रो छ / गर्न खोजेको पनि राम्रै होला / तपाइको विचारमा तर यहाँ एक किसिमको मान्छे हरु मा खिन्नता भयो / जुन रुप ले मानिस ले पड्दै गए त्यही किसिम को एक कल्पना , उत्साह, कौतुहलता ,अनि खुसि बढ्दै थियो तर तलका केहि शब्दले सबै नै चकनाचुर बनायो … अनि पछी मनोज ले हाम्रो भावना संग कतै कतै नाईन्साफ गर्यो कि जस्तो लाग्यो …..

  8. हेल्लो,
    मेरो विचार मा यो राज इस अ स्पाम.
    मैले गूगल मा रेसेअर्च गर्दा …i dont even see his name..
    if anyone has his link post it…
    he is not legit..
    i don’t find his inteview on larry king and obama….bullshit…

  9. भुटान छाड्दा साढे १ बर्षको मान्छे नेपाल आइपुग्दा झन्डै ४ बर्षको हुन्छ भने उक्त व्यक्ति अमेरिका आइपुग्दा १०० वर्षको हुन्छ होला र उक्त १०० वर्ष नाघेको बुढालाई हलिउडमा कसले हिरोमा खेल्न देला र तपाइको कल्पना साकार होला खै ? तपाइको कल्पना मनको लड्डु घिउसग खानु सरह हो |
    कि राज भुटानबाट नेपालसम्म बामीसर्दै आएको हो हँ साढे २ वर्ष लागेर ?

    • कथा, कबिता र साहित्य गणित होइनन, तेसैले अंकमा अल्झिनु जरुरि छैन ! तेस्ले दिन खोजेको संदेश र बाड्न खोजेको सपना एकदम सहि छ ! फेरी कथामा कुरो क्लियर देख्छु ! ‘राज’ भुटानबाट डेढ बर्षका थिए , १४ बर्ष सरनार्थी भए, २००५ मा अमेरिका आउदा उनि १६, १७ बर्षका भै सकेका छन् . अहिले २०१० मा २२ , २३ बर्षका मात्र छन् ! कुरो क्लियर छ ! खोइ कुरा बुझेको ?

      हौ गजुरेलजी, यो आर्टिकल लेख्न कति घण्टा, दिन वा हप्ता लाग्यो, यशो जानकारी पाम न है ! यु आर रिअल्ली जिनियस यार !

      • लेखको ७औं अनुच्छेदको दोस्रो हरफमा उक्त पात्र भुटान छाड्दा साढे १ वर्षको भनिएको छ भने सोहि लेखको अनुच्छेद ८ को तेस्रो हरफमा सोहि पात्र अन्तर्वार्ता दिदा भनिरहेको छ कि उ नेपाल आउँदा झन्डै ४ वर्षको थियो |
        महोदय एक पटक फेरी लेख पढी चिन्तनमनन गरि हिसाबकिताब गर्नु र ठिक बेठिक आफै छुट्टयाउने कस्ट गर्नु होला र अर्को कुरा २१औं शताब्दीका पाठकले जे लेखेपनि पत्त्याउछन् भन्ने पुरानो विचार त्यगदा नै उत्तम हुन्छ |
        साहित्य गणित हैन तर झुटको खेति पनि हैन हावाको भरमा मनोगढ़ंते अशुद्द कुरालेखेर पाठकको समय बर्बाद गर्ने | साहित्य समाजको त्यो ऐना जसले यथार्थ छर्लंग पार्छ |

    • मनोज गजुरेलको काल्पनिक लेखलाइ साच्चैको जस्तो गरि प्रकासित गर्ने mysansar को इज्जत र बिस्वसिनायता घटेको छ!

  10. कुरा त कल्पनाको संसार नै हो तर एथार्थ प्रक छ मनोज जी को कला लाई पनि मान्नै पर्छ बा गजबको प्रस्तुति | धन्यबाद तपाइलाई मनोज जी हामीहरुको दिमागमा केहि मात्रामा भएपनि राम्रो कुरा घुसौन खोज्नु भएको मा |

    राज
    ठमेल
    काठमाडौँ

  11. मनोज जि ले कल्पना गरेको पात्र राजु छेत्रीको सफलताको कथालाई नेपाली भाषी भएकै कारण पनि नेपालीले गर्ब गर्नु पर्ने ठाउँ छ।किनकी उ नेपाली भाषा बोल्छ,नेपालको संस्क्रितीलाई माया गर्छ र नेपाललाई आफ्नो ठान्छ,यस अर्थमा पनि उसलाई सबै नेपालीले माया गर्नु पर्ने र नेपाल प्रतिको समर्पणलाई सलामका लागि सही पात्र हो उ ।राष्ट्रियता र सार्बभौमिकताको नाममा खबर्दार बोल्दै आगो बाल्न तयार हामीहरुले राज क्षेत्रिको सफलताको कथालाई भबिस्यको सम्भाबित पात्रका रुपमा स्विकार्नै पर्छ र उ जहाँ सुकैबाट पनि हुन सक्छ।
    मनोज जिको कलम तिखो छ,देश बेच्ने नेताहरुको भन्दा राज क्षेत्रिको नेपाल सँगको नाता हज्जार गुणा गहिरो र निस्वार्थ देखिन्छ ।

    मनोज जि, नियतपूर्ण रुपमा गरिएका बिरोधहरुको सामना गर्न तपाईंलाई कसैको साथ चाहिदैन किनकी तपाईं आँफैमा पूर्ण हुनुहुन्छ।देश बोली रहनुस्,तपाइले कल्पना गरेको देस एक दिन बन्ने छ।
    संसार भरी छरिएर रहेका नेपाली भाषीहरुलाई एक सुत्रमा बाध्ने यो एक मात्र निर्बिकल्प माध्यम हो। सिमान भन्दा भाषाको नाता गहिरो हुन्छ यथार्थमा।कती साथीहरुको मन दुख्यो होला तर बिचारको स्वतन्त्रता सबैलाई छ भन्ने पनि नभुलौं।
    फरक बिचार राख्नेलाई गाली गर्दैमा ठुलो हुने भए नेपालका नेताहरुले गाली बिधामा नोबेल पुरस्कार पाइ सक्थे।कसो हजुर?

  12. i appreciate his success. But its useless to expect of getting help/investment just because he is from nepali origin. Lots of Tibetian people who were born here,fled here and sheltered in NEPAL for 1-2 generations, till now never expressed any sympathy of help for NEPAL after moving abroad(US). This is the nature of refugee. So similar is the case for RAJ as well. They are here as a refugee and will not contribute evenif they spent 2-3 generations. So its worthless for a country to accept refugees.

  13. राम्रो सोच्ने ले राम्रै बुज्चा! he was telling this story yesterday while we were having dinner, and i was like really? never really thought he was telling this story from his imagination. But i do really appreciate this. and i surly will try to take some lession from this.
    “one who does not imagine, he/she will never seccess.”
    Let your Imagination flow

    and some of u who have posted comments in here; i think ya”ll should read the whole article (esp. ending of the article) to find the theme of the story. (no offence)

  14. When manoj started get dolllars from bhutanese refugee re-settled at America conducting programs..then he has started writting this kind of note..thinking that he can get more bhutanese audience.

    • शिव, अमेरिकामा नेपाली रुपया पाइन्दैन होला . डलर नै त लिने हो नि . खोइ कुरा बुझेको ?

  15. मनोज गजुरेलको तारिफ वा खुट्टा तान्न छोडेर उनले उठाएको सहि बिसयमाथि बहस गर्न जरुरि छ ! दौरा सुरुवाल लगाउछु, मात्रिभासा बोल्छु , दशैँ तिहार ,लोसार मान्छु भनेकै कारण उनीहरु खेदिएका हुन् ! भासिक र संस्कृतिक रुपले नेपालबासि नेपाली भन्दा भुटानी नेपाली हरु “नेपाली”हुन् ! पित्रिदेश नेपालले उनिःरुलाई कुनै न कुनै डोरीले बाधी रहनु पर्दछा! नेपाल र नेपालीको हित पछि सम्ममा यसै मा छ . जय भुटान,
    भुटानी नेपाली

  16. मनोज गजुरेलका लेख रचना बुझ्न दिमाग चाहिन्छ . नवायुवाको लुखास्ता देखिको फ्यान हु . उनि स्टेजका कमेडी हिरो त हुदै हुन् , अब्बल दर्जाका व्यंग्य लेखक पनि हुन् . २०७५ सालको नेपाल, इन्टरनेट भन्दा पहिले इन्द्रनेट को सुरुवात, पारश संग च्यातिंग जस्ता कल्पना शिल रचना पस्किने गजुरेल्जिको यो अर्को दिमागी लेख हो . अर्को कुरा उनले आफ्नो सिर्जनामा पोजेटिभ मेसेज पनि दिने गर्दछन .

  17. मनोज गजुरेलले यो लेख लेखेर आफ्नो height घटाए/ खै अरु के कमेन्ट गरु……मनोज को लेख दामी हुन्छ भनेर आध्यो-पान्त पढेको त ………..हरिया दात!!

  18. तेश्रो देशमा बसेका नेपाली भासी भुटानीको पक्षमा विचार लेख्नु भएको मा गुजरालजीलाइ हाम्रो मनदेखिनै माया .

    • एकदम सही | आखिर गुजरालहरु पुर्बी पहाडबाट झरेका गजुरेलहरु नै त होलान !! गजुरेलका ‘निबन्ध’मा व्यङ्ग देख्न सगरमाथाबाट हेर्नु पर्छ | छतबाट हेर्नेहरु ‘जय राज’ भन्न थालिसके !!

  19. मनोज भाइ,
    कतिपय आफै हावा जस्ता मानिसहरुले मात्र तपाईको यति राम्रो लेखलाई हावादारी भनेका हुन् |कमेडी पछिलेखन साहित्यमा पनि तपाई रम्नु मात्र होइन जम्नु पनि भएको छ | भाइको सफलताको शुभकामना !
    जगेन्द्र दाइ

  20. राईटर जी ले यो दश बर्ष मा हुन सक्ने कल्पना को कुरो भन्नु भो ! तपाई सार्है पछाडी सोच्नु हुदो रैछ ब्रो, यो त अहिले नै भैरछ नि , लुक याट Kiran chhetry, she is so popular all over amerika and around the world for that matter. She was already a top news presenter in Fox news which is Amerika’s and probably world best news telivision channel and now she is with CNN. She is not only of nepali origin, she actually is a nepali girl. She is so famous in us that while she was with fox one mum put her child name “kiran” as they were so impressed with her.

  21. मनोज जी, राज छेत्री चै होइन किरण छेत्री ले काम गर्नुहुन्छ सी एन एन मा. तपैको लेख राम्रो छ तर, बाघ ले बाख्रा खायो भनेर झुक्यौदा साचै को बाख्रा खाला है.

    • बिजय,
      किरण क्षत्री केटि हो, राज छेत्री केटा हो . किरण को बिहे भएर बच्चा पनि भै सक्यो. उनि नेपाली बाउ र अम्रिकाने आमा कि पुत्री हुन् . उनकी आमा ६०’ को दशक मा नेपाल मा peace core मा काम गर्दा उनका पिता संग प्रेम परेछा जसको उपहार किरण छेत्री हुन् .

      अब एस्त कुरा हरु अब हामीले धेरै सुन्न सक्छोउ किन कि नेपाली हरु पनि विभिन्न देश हरु मा राम्रो गर्दै छन् .

  22. जे होस् नेपाली पन लाई देखाउनु भयको छ खुसि को कुरा हो नित!!!!!!

  23. यो कुरा त सत्य हो कि नेपाली ले आँखा ढिलो देख्छ. बी ईस . नैपौल (नोबेल पुरस्कार बिजेता) ले ‘मेरो पुर्खा नेपाल बाट आको हुन् भन्दा नेपाल सरकार ले कान ठाडो पारेन. बिन्दु लोहनी लाई इन्डियन भन्दा कसैले प्रोटेस्ट गरेन. तेंजिंह शेर्पा लाई इंडिया ले नागरिकता दियो. उसको नाम इंडिया मा चर्चित छ. नेपाल मा धेरै कम्ति मात्र होला. अब कति बैज्ञानिक जन्मिन्छन , अरू देश मा भासिंछान , तर नेपाल मा नेता कुस्ती खेल्न फूर्साद छैन, देश कहिले सप्रिंचा, नेपाली र नेपालीत्व को के हाल होला नि.

    • ‘…………हाम्रो मान्छे; भन्न थाल्नेछौं। अभिनन्दन र सम्मानका भारी बोकाउने छौं। उसलाई नेपालमा लगानी गर्न आह्वान गर्नेछौं। किनभने हामी समयमा माल चिन्दैनौं पहिल्यै गर्नुपर्ने कुरा चाल पाउंदैनौं ! ###

      यति चाहिँ सही हो ।

      लेख कौतुहलता जगाउन सफल छ । भुटानी नेपाली मात्र होइन, प्रवासमा रहेका/गएका जो कोही नेपालीमा यस्तो सम्भावना रहन्छ र यसखाले सुन्दर सपनाहरु साँचिएका हुन्छन् । भविष्यमा ती भुटानीहरुले यस्तैखाले महान् सफलताहरु प्राप्त गरेमा उनीहरुले आफू नेपाली भएकोमा गर्व गर्न सक्लान् कि नसक्लान् तर सक्छन् र सकून् सक्नुपर्छ है भन्ने एक आग्रह पनि हो यो लेखको आशय । अतीतमा पृष्ठभूमि जति दु:खद भएपनि ।

  24. गजुरेल जी,
    सपना त मैलेपनि देख्छु तपाइले जस्तै र तपाइले भन्दा पनि राम्रो, तर के गर्ने ब्युझिदा येही लथालिंग र भताभुंग देश नेपाल कै एउटा सानो झुपडीमा हुन्छु / के गर्ने तेही सपना देख्दा देख्दै हाम्रा बजे बराजु पनि मास छर्न गए अब हामी पनि त जाने होलानी / मेरा सपना त बालुवाको महल भैगए, हजुरको त्यो भविष्य को सपना साकार होस् , येही नै कामना छ /

  25. कला र सान्स्किर्ती हामी हरु लाई पुर्खा देखि चली आयको एक धरोहर हो ,,र सात समुन्द्र परि गयर पनि एशिया र नेपाली सभ्यता को परचम लहरायाको मा हामि गौर्वान्तित महसुश गरि रहेका छौ ! र उन लाइ भविष्य को लागि पनि अग्रिम सुभकामना छ ……….

  26. देश, सिमाना, झन्डा फेरिइ रहन्छन, भाषा र संस्क्रिती बची रहन्छ । तपाईंको भबिस्य पुरान राम्रो छ । मनोज गजुरेलको सिर्जना बुझ्न दिमाग चाहिन्छ , जाडको घ्याम्पा होईन । अग्रम्गामी सोच चाहिन्छ, यथास्थितिबादी सोच होईन । मनोज दाई , हामी सबै भुटानीहरुको सलाम छ तपाईंलाई । बिमल गुरगाइ

  27. मनोजजी को कल्पना शक्तिलाई चाँही मान्नै पर्छ, क्या मक्ख पार्नु भो

  28. मनोज गजुरेल एभ्रेज लेखक भन्दा मथिका लेखक हुन, बिशिस्ठ दिमागका कलाकार हुन । सकारात्मक सोच्का कलाकार हुन । उन्का हरेक प्रस्तुती मनन योग्य छन् । नेपाल र नेपलिका लागि प्रेनणा दायक छन् । बिचारहिन हरुको कोमेन्ट्सको kunai अर्थ छैन । मनोज दाई, तपाईंको यो लेख बिस्वोमा छरियेका नेपलिकालागी आतमा विश्वाश जगाउने खालको छ ।

  29. मनोजजीको कल्पना र भावना सही हो । तर कस्तो खालको व्यवस्था गर्नुपर्ने हो ? ५०० डलरको आईडीले नपुगेर दोहोरो नागरिकताकै वकालत गर्न खोज्नुभएको त होइन ? मनोजजी, आफ्नो देशलाई माया गर्नेहरूलाई नागरिकताले छेक्दैन । अनि नागरिकता पाउँदैमा कसैले देशका लागि केही गर्लान् भन्न पनि सकिन्न । हेर्नुस् न, नागरिकताधारीहरूले कसरी देशलाई कुन हालतमा पुर्याइसके ।

  30. ये यो त उदाहरण हो हामी नेपाली को लागि आफु पुग्न नसके पनि प्रसंसा त गर्ने पर्यो…. well done …keep it up …

  31. सार्है मन छुने खालको कल्पना रहेछा मनोज जी तपाइको र अन्तमा तपाइले जे भन्नु भयो सार्है राम्रो भन्नु भयो. त्यो सत्ते हो.
    येस्तई येसतई मिठा मिठा कल्पना हरु हामीलाई बाड्दै जानुहोला धन्यबाद.

  32. बुज्ने मान्छे ले त राम्रै बुज्छा नि.
    जब मैले यो कल्पनात्मक कथा सुने , मलाई आचाम्मा लग्यो. मैले त सोचेको पनि थिएन यो यौटा बनाएको कथा मात्र हो बनेर. आक्दम राम्रो लग्यो!
    One who does not have imagination, he/she can never be success.
    Let your imagination flow>>>>>>>>>>

  33. बज्ज्याले त काल्पनिक पो लेख्या रहेछ त!
    अप्रिल एक त आएको छैन त!

  34. ‘ काम पाइनस बुहारी, पाडोको ……….’
    काम छैन मनोज गजुरेलको मान्छेलाई उल्लु बनाउने
    येसो विदेश गएको थिय भनेर देखाउनको लागि भूमिका चाहिएको थियो कि

  35. एती नै चर्चित भएको भए विकिपेदीया मा उसको नाम भेटिन्थ्यो होला नि ! मनोज गजुरेल एती हावा रहेछन भन्ने थाहा थिएन.

  36. थुप्रै भुटानी सरनार्थिहरु तेस्रो मुलुक काएको मा एक जना को हालखबर थाहा भयो अरु हरुको पनि लेख्दै गर्नु होला. है.

  37. सपना देख्न सबैलाई छुट छ , कुनै सपना यथार्थको नजिकैको अग्रिम सूचक पनि हुनसक्छ भने कुनै बिना तुकको, देख्यो सक्यो कुनै माहिने राख्दैन/ मनोज गजुरेलले देखेको सपना हामीलाई सुनाउनुभएको हो, मान्नु नमान्नु हाम्रो कुरा हो , आपत्ति जनाउनु पर्ने छैन, इतिहासमा सुकरात , प्लेटो को कथा सुनेकै हो तेतिखेर पनि उसलाई पागल नै भनिएको थियो. कमसेकम हामी तेस जमानाका चाही पक्कै होइनौ . अस्तु …….

  38. गजुरेल जी, “जेम्स क्यामरुन, रोनाल्ड इमेरिच ,कोइन्टिन टारान्टिनो जस्ता सफल निर्देशकहरु राजलाई आफ्ना फिल्ममा लिन तँछाड मँछाड गरिरहेका छन्।” यो त अति नै भन्नु भो तपाइले|

  39. आफ्नो त कमेन्ट गर्ने ढङ्ग त छैन, अर्काको तेत्रो मेहनतलाई के भन्ने?

  40. मनोज भाई राम्रो लेख लेखेकाचौ, गूद जोब.? राम्रो छ. ?मलाई मन पर्यो तर पहिले त रेअल जस्तो पनि लग्यो तर पछि लेख भन्दा व्हत? छक्क परे ta ?

  41. मनोज भाई के लेख, लेखेको हो? अलिकति त बुझे तर खाशै त बुझिन,न त?

  42. मनोजजी, एउटा नेपाली ठिटा को सफलताको कथाको कल्पना गर्ने तपाइको बिचारको म हार्दिक प्रसंसा गर्दछु./ जो मान्छे संग कल्पना हुँदैन, त्यो मान्छेसंग सफलताको आकाशमा उड्ने पखेटा पनि हुँदैन र उ उड्न पनि सक्दैन/ हामीलाई मनोज गजुरेल जस्ता कहिले पनि नवएका कुराहरुको कल्पनागर्ने मान्छेको खाँचो छ/

    • त्यो ता हो,
      तर काम कुरो एकातीर कुम्लो बोकी ठिमी तीरको जस्तो अनुभब गरायो है मलाईत यो लेख ले !!
      भनिन्छ नि बादरको पुछार लौरो न हतियार तेस्तै होयो लेख !! के कुरा गर्नु ? के लेख्नु ?
      हाम्रा बाजेहरुले सानो नातिलाई बाबु एताआइज त म यो चुरोट तान्छु अनि धुवाजति आखा बाट निकाल्छु भनेर भन्दा नाति चाहिं होलानित भनेर आफ्नो नजर बाजेको आखामा के पार्न मात्र पाएको हुन्छ तलतिक्रातिर चुरोट ले चुस्स फोकट्या पोलेको जस्तै वाईहाती,बेमत्लबी,तातोन छारो,अर्थरहित पानीमा पादेर उडाको जस्तै लेख हो !!
      कहाको कुन हावाले छोयछ हाम्रा यी गजुरेल दाइलाई हँ ???

  43. Manoji, I really appreciate your imagination and thinking about the success story of a Neplease boy. “The man who has no imagination has no wings”.We need the men like Manoj Gajurel who can dream of things that never were.

  44. कमेन्ट गर्नु अगाडि लेख रचनाहरु राम्ररी पढौ, एउटा लेखकले रचनालाई रुचिकर बनाउन बिभिन्न प्रतिकहरु प्रयोग गर्छ, जुन मनोज गजुरेलले गरेको छ, रुचिकर छ, यो कथामा उठाइएको बिषयबस्तु गम्भिर छ र नेपाल सरकार र नेपाली जनताले मनन गर्नु पर्ने खालको छ। भुटानिहरु हावाले उडएका कसिङर होइनन उनिहरु भोलिको नेपालको भाषा र सस्क्रिती बोक्ने सम्बहाक हुन, यो सबैलाई ज्ञान हुनु जरुरी छ।

  45. आज सम्म पढेको लेख मा झुर लेख , के मनोज ग ले मा अम्रिका मा छु भनेर भन्न खोजेको कि मेरो लेखन सैली यस्तो छ भनेर देखौना खोजेको??? यो संसारमा कस्ता कस्ता मान्छे हुन्चन बा..

  46. कमेन्ट गर्नु अगाडी लेख रचनाहरु राम्ररी पढौ . एउटा लेखकले रचनालाई रुचिकर बनाउन विभिन्न प्रतिकहरु प्रयोग गर्छा , जुन मनोज गजुरेलले गरेको छ, रुचिकर छ . यो कथामा उठाइएको बिसयाबस्तु ज्यादै गम्भीर छ र नेपाल सरकार र नेपाली जनताले मनन गर्नु परें खालको छ . भुटानीहरु हावाले उडाएका कसिंगर होइनन , उनीहरु भोलिको नेपाली भाषा र संस्कृती बोक्ने सम्बाहक हुन् . यो सबैलाई ग्यान हुनु जरुरि छ .

    • सुजिता जी
      गजुरेल जी यो कल्पना लाइ सत्य तथ्य मान्दै पढ्दै जादा अन्तमा ये झुटो पो रहेछ भन्ने थाहा हुन आए पछी गर्वित हुदै गएको मानसिकता मा ठेस पुग्छ. उहाँले समाज मा परिबर्तन को लागि केहि गर्न चाहनु भाको हो भने, उहा मा भएको ब्यन्गकार लाइ उतार्न नै बेश हुन्छ. यो काम न काज को झुटो समाचार बनाएर अरुलाई आकर्षण गरेर “अनि यसो भो भने र हुने छ भन्ने” कल्पना मा बस्नु भन्दा समाज लाइ केहि दिन सक्ने र देशको लागि केहि गर्न सक्ने नेपाल मा र अन्य राष्ट्र मा रहेका हरुलाई बिपना मा देश को लागि केहि गर्न उत्साहित गर्नुस न बरु. यस्ता वाहियात लेखले त तपाईं को पनि मूल्य घटला, होस् गरौ है मित्र.

  47. अति सन्दर्विक लेख हुन सक्छा त्यो दिन औला भन्न सजिलै सकिने हुन्छा

  48. खै मैले राज छेत्री भन्ने नाम गूगल मा सेअर्च गरेर हेरे तर यो लेख मा भने जस्तो त कोहि पनि भेटिन हो मैले त !!!! तेती सारो चर्चित भाको भए र करोड पति भाको भए त गूगल ले dekhuanu पर्ने होइन र?? तर ज भए नि मनोज जी, लेख चै रोचक छ है… 😉

  49. मनोज गजुरेलजी ले भन्न खोजेको के हो? सबै भुटानी लाई नेपाली बनाईहाल नत्र पछि यीनीहरु ठूलो ठाँउमा पुग्छन् र हामीलाई पछुतो हुन्छ भन्न खोजेको हो? नेपाली भाषा बोल्छन् तर नेपाली त पक्कै हैनन् नी। यहाँ नेपाली र नेपाल भाषा बोल्ने ले नेपाली हू भन्दा गाह्रौ भईसकेको अबश्था छ।
    मैले प्रश्ट रुपमा भन्दा यो लेखमा कुनै दम देखिन। मनोज गजुरेललाई हसाएर बसेकै राम्रो। सायद यस्तो सिरियस गफ गरेको ठीक छैन। सक्नु हुन्छ भने तपाई आफै हलिउड छिर्नुस हामि तपाई त्यसमा छाती फुलाएर बस्ने छौ। कुनै बिदेशी जहा जान्छ जे गर्छ हामीलाई सरोकारको बिषय हैन सायद।

  50. कमेन्ट गर्नु अगाडी लेख रचनाहरु राम्ररी पढौ . एउटा लेखकले रचनालाई रुचिकर बनाउन विभिन्न प्रतिकहरु प्रयोग गर्छा , जुन मनोज गजुरेलले गरेको छ, रुचिकर छ . यो कथामा उठाइएको बिसयाबस्तु ज्यादै गम्भीर छ र नेपाल सरकार र नेपाली जनताले मनन गर्नु परें खालको छ . भुटानीहरु हावाले उडाएका कसिंगर होइनन , उनीहरु भोलिको नेपाली भाषा र संस्कृती बोक्ने सम्बाहक हुन् . यो सबैलाई ग्यान हुनु जरुरि छ . Good issue with creative writing Manoj .

  51. वास्तविक लेख लेख्नुस न मनोज जी / यो त पाठक को आखामा छारो हाल्ने काम भयो ,मलाई लाग्छ तपाई लेखनको लागि उपयुक्त हुनुहुन्न

  52. हैन गजुरेल जी को लेखाइको स्तर साह्रै खस्केछ अलि राम्रो लेख लेखौ न यार यस्तो कल्पना त मेरो छोरा (४ बर्ष) ले पनि गर्छ | कहिले अमिताभलाई नेपाली बनाउने कहिले भुटानीलाई हलिवुडको नायक बनाउने यो अलि हावा भो | अलि परिस्कृत पार्नुस आफ्नो लेखलाई डेविड धवनको नौटंकी भन्दा पनि अपत्यारिलो भयो | खाली हिन्दी सिनेमा हेर्दा हेर्दा तपाइको दिमाग पनि उही बिहारी पाराको भएछ | कृपया हावाको लेख लेखेर हाम्रो समय बर्बाद नपरी दिनुहोस | कृपया अलि नया नौलो लेख्नोस यार तपाई त नेपालको राष्ट्रिय कलाकार हो कम्तिमा नेपालीको इज्ज़त राख्नुहोस |

  53. kaam kuro yeka tira kumlo boki timi tira yastai nachahine guf le garda nai desh ka neta ra bidesi shakti haru le hepeko ho nepali haru lai ra nepal lai desh ma ahile 2 chhak haat mukh jorna nai garyo pareko bela desh khoai ke ko bhar ma chale ko bela aauta bhutani nepali lai kahai kahile ho kahile vabiswo ma samman garna ko lagi hami haru le aahile dekhi nai sochnu re kasto nalayek ra ghada ko jasto bhuddi bhaye ko lekh chapeko hola MY SANSAR le

  54. मनोज गजुरेल जी हजुरलाई सुझाब : प्लिज केवल कमेडी मा नै फोकस गर्नुस/तपाइको कमेडी नै धारिलो हुन्छ//तर तपाइको लेख त सारै भुत्ते हुने गर्छन//चाहे यो लेख होस् वा ‘३-४ हप्ता अगाडिको अमिताभ बचन पनि नेपाली मुलको हुन्..अटल बिहारी बाजपेयी पनि नेपाली मुलको हुन् भन्ने हावादारी लेख ‘..यी दुबैमा गहन्नाताको , बिस्वासनिया तर्किकताको र भरपर्दो उदाहरण हरुको अभाव छ र मनागठंत कुराको मात्र थुप्रो छ// राज छेत्री ले किन कुन फिलिम खेले…कुन कुन फिलिम का निर्देसक ले कहिले कहिले उनलाई लिए…त्यत्रो १ करोड अमेरिकन डलर भन्दा बढी सम्पत्ति राज ले कसरि कमाए….नेपाल मा १ वर्ष देखि भुटानी सरनार्थी सिबिर मा सन् २००५ सम्म बसेको केटा राज को अंग्रेजी कस्तो पो थियो होला? त्यस्तो केटाले हलिउड मा बोलिने अमेरिकन उच्चरण वाला अंग्रेजी बोल्न जानेका छन् नि छैनन..त्यस्तो अमेरिकन स्टाइल ले अंग्रेजी बोल्न नसक्ने भए त उनलाई गारो पो पर्यो कि? वा उनले आफ्नो अंग्रेजी बोल्ने स्टाइल लै सुधारे कि ? यदि सुधारे भने कस्तो मेहनत गरेर सुधारे? खोइ यस्ता कुराहरुमा खोजीनिती गरेर लेख लेखेको? मनोज जी भगवान्ले कसैलाई के कसैलाई के प्रतिभा दिएका हुन्छन//एउटा डाक्टर ले नाच्न नजान्न सक्छा// उसलाई भगवान ले त्यो प्रतिभा नदिएको हुन् सक्छ// त्यसै एउटा कमेडियन लै कुशल लेखकीय कौशलता नदिएको हुन् सक्छ// त्यसैले प्लोज लेखना बन्द गर्नुस..तपाई सिर्फ हसौनुस //तपाइको कमेडी दामी छ र लेखाई
    झुर छ//

  55. किन हो हामी लै अरु को प्रसंसा गर्न औदैना???
    राज ले गरेको प्रगति को प्रसंसा गरौना साथी हो…
    best of luck for Mr. Raj Chetri for upcoming days….

  56. मनोज जी !
    दङ्ग परेर पढ्दै थिए , हरफ हरु संगै म पनि तपाइको राज नजिक पुगिरहेकी थिए ,
    “राष्ट्रपति ओबामाले राजलाई हौसला दिँदै भनेका थिए- ‘इष्ट अर वेष्ट राज इज बेष्ट !”
    जब यो हरफ मा पुगे म पनि कल्पना बाट अलग्गिए 🙂
    काल्पनिक नै भए पनि लेख मार्मिक लाग्यो .
    ” म झन्डै चार वर्षको थिएँ, तर भुटानको बारेमा मलाई त्यति थाहा छैन। अहिले अमेरिकी नागरिकता लिएको छु। भुटानले मेरो नागरिक हैन भन्छ, नेपालले शरणार्थी मात्र ठान्छ, अहिले अमेरिकी नागरिक भएपनि मेरो रगत रगतमा नेपाली भाषा र संस्कृति दौडिरहको छ। मलाई सँधैभरी पोलिरहने प्रश्न यही को कि आखिर म को हुँ !?’ यसो भनी रहंदा राजको अनुहारमा एक खालको अन्योलपूर्ण पीडाको भाव दौडिरहेको थियो। ”
    मार्मिक छन् यी हरफ हरु – – अब बन्ने संबिधान उदार नीतिको बन्न सके नेपालि र नेपाल को हित हुने थियो . तपाइको लेख अत्यन्तै गहन लाग्यो मनोज जी .

  57. हाम्रो समस्या के हो?? यो माथिका कोमेंट्स हरु येसरी किन आएका हुन्….के एउटा नेपाली मुल को भुटनेस ले प्रगति गरेको हामी लै मन पर्दैनारा?? किन मन पर्दैन?? राम्रो कुरा को प्रसंसा गर्न सिकौ न साथी हरु हो… best of luck for him for upcoming days….

  58. रेसम जी , बरु ‘म पागल भए मनोज गजुरेलको प्रभावकारी दिमाग र क्षमता देखेर भन्नुस् न !’ कमजोर, निस्क्रिय र नकारात्मक सोच भएकाहरु मनोज गजुरेलका कला , रचना बुझ्न र मनन गर्न सक्दैनन , जस्तो की हाम्रा मित्र रेशम जी । अर्को मननयोग्य रचनाका लागि धन्यबाद छ मनोज दाइ ।

  59. खै मत केहि बुझन सकेन यिलेखक ले के भन्न खोजेका हुन्

  60. राम्रो लेख आफ्नो सस्कृतिलाई जहाँ भए पनि बचाई राखौ भन्ने संदेश पनि धन्यवाद

  61. येत्रो प्रशिद्धि पाएको (राज छेत्री ) मान्छे न YOUTUBE मा छ न GOOGLE मा छ ! मनोज दाई मज्जाको जोक्स सुनाए जस्तो लाग्यो !

  62. करिब २ अर्ब डलर मा एउटा फिल्म बनाउन लागेको थिए | सानो एउटा रोल को लागि नेपाली मूल को मान्छे चाहिएको थियो | माथिको लेख पढेर खुसि लाग्यो र त्यहिँ राजु लै लेउ भनेको त कल्पना पो रहेछ |

    कल्पनानै त हो. पैसा तिर्नु पर्दैन | के को कन्जुसी

  63. मनोज जु यदि गहिरिएर हेर्ने हो भने एस्तो राज को कमि छैन यो दुनिया मा हेर्दै जानोस अनि लेख्दै जानोस.पदने लै पनि बास्तविकता थाहा पौने छ तपाई ले पनि.

  64. गफै त हो सम्धी, एता चिया खाएरै चार लाख सकियो आफ्नो | नपढौ त माइ संसारको आलेख, पढौ त गजुरेलको हवालेख | खै के खै के |

    • निरासै निरासामा रुमलिएको नेपाली समाजमा मनोज गजुरेलले सपना बाँडे त , के बिगारे ?भविष्यप्रति आशावान्तित हुन सिकाएका छन्, सपना देख्न र कल्पना गर्न संदेश प्रसारण गरेका छन्, नेपालीत्वलाई उजगार गरेका छन् , भाइचारा र बन्धुत्वको पाठ पढाएका छन् र स्खलित नेपाली मानसिकतामा ग्लुकोज पानी हालिदिएको छन | कुरोको चुरो नबुझी प्याच्च हावा लेख भनिदिने ?

  65. It is really nice to know one nepali brother did that much of progress in Hollywood. once i red this article, i was looking for this person in Google, unfortunately, i could not fine any result. so Mr. writer can you pleas send me link where can i fine more information about this person” raj” i am really looking forward to hear from you.

    Thanking you
    Nabin

    • Mr Nabin ji
      This is just an absolute imagination so you would not be find any Raj Chhetri in hollywood at the moment but if you have imagination like MR Manoj,you could be one of those successful man.

  66. पढेर समय मात्र खराब एसको बिरोद्मा मा पनि नेपाल बन्द घोसना गरौ कि कसो ?

  67. Its absolutely good news for all nepalese. Congrats Raj…
    BTW i tried my best to find out more informations about him; imdb, googled; google photos etc etc but couldn’t succeeded. So pls anybody out there help me…

  68. कल्पनाको कुरा गर्न छाडौ मनोज जी कति अर्काले लगानी गर्ला र विकास होला भनि कुरी बस्ने लगानी गर्ने वातावरण बन्यो भने नेपाली को लगानी ले काफी हुन्छ हाम्रो नेपालमा…….

  69. यो कल्पना भन्दा पनि बढी दूर दर्शन जस्तो लग्यो मलाई |

  70. हाहाहाहा क्या मजाले हास्न मान लाग्यो! ज्यमेस क्यम्रोंन हरु ले उसलाई पुन तछाड मछाड गरि रहेका छन् रे!!!

  71. सो गुड मनोज दाई तपाई जस्तो मान्छे नेपाल लाई आबस्यकता छ. good vision

  72. वास्तब मा नै यो सत्य हो कि भोलि हामी नेपाली हरुले आफ्नै परिचय मा म को हो? भनेर भन्दै हिड्नु पर्ने छ, यदि हामी सबैले यातिबेले सोचेनौ भने, हामिसबी जागरुक हुनुपर्छ र बिसेष नीति र योजना को माग गर्नु पर्छ नेपाल सरका संग र हामी नेपाली दाजुभाई पनि सजक हुनुपर्छ कि हाम्रो धर्म – संस्क्र्ति लाइ बलियो संग कसेर राखौ, ताकी भोलि कुनै राज आफ्नो परिचय मा म को भनेर भन्न न परोस I

    मित्र हरु कमेन्ट लेख्दा अलि आर्ट को राम्रो संग पढे र कमेन्ट लेख्ने गरौ कि! लेख बढी सरल र भावनात्मक छ I

  73. मलाई त शंका लाग्छ त्यस्तो होला भन्नेमा, मेरो बिश्वबिध्यालयमा एक जना तेस्तै सरणार्थी लाई भेटे, नेपालमै जन्मेको रे अझ, मैले कहाको हो भन्दा .. भुटान को हो भन्थ्यो. नेपालमा पनि धेरै भुटानी हरु छन् नि भने पछी मात्र .. हुन त म नेपाल बाट नै आएको हो भन्थ्यो. १८-१९ बर्ष नेपालमा बसेर (नेपालमै जन्मी हुर्केको) बबुरो ले त नेपाललाई जस दिदैन (नाम पनि लिन्न), गर्भमै हुदा लखेटेको भुटान को हु भन्छ, तेत्तिको नाम कमायो भने त नेपाल (नेपाली) लाई धारे हात लाउछ…

  74. Mama, You are the best. You have Unique technique to present your views. like Photocopy, Amitav Nepali hun. Etc………. Keep on writing such articles, All the best. This is very sensitive matter. all the Nepali spoken people should unite. Nepali bhasako madhyambat Bhawana ma sametinu par6. Bhawanako sambhandha lai simana le badhna sakdaina.

    Keep it up Mama. All the best.

    Deep from Doha Qatar

  75. रेसम जी , बरु ‘म पागल भए मनोज गजुरेलको प्रभावकारी दिमाग र क्षमता देखेर भन्नुस् न !’ कमजोर, निस्क्रिय र नकारात्मक सोच भएकाहरु मनोज गजुरेलका कला , रचना बुझ्न र मनन गर्न सक्दैनन , जस्तो की हाम्रा मित्र रेशम जी । अर्को मननयोग्य रचनाका लागि धन्यबाद छ मनोज दाइ .

  76. यी सबै कुरा काल्पनिक हुन् तर वास्तविक हुन सक्छन ठिकै लागो

  77. Raj timi agi bada hamrota nam matrai rakhidiya hunchha dukha pairaheka bhutani harulai help gara !!!

  78. बकबास, हो पक्कै पनि मनोज बहुलायो…ज्जे पायो त्येही पो लेख्न थालेछ

  79. राज तिमि अगी बद हम्रोता नाम मात्रै राखिदियहुन्छा दुख पाइरहेका भुटानी सरनार्थी हरुलाई सहयोग गर .

  80. हेत्तेरी झन्नै पत्याएको, मनोज गजुरेल को लेख नभएको भए पत्यौथें मुर्गा बनाउन त जान्ने हो गजुरेल हा हा …., तर यो भबिस्यमा हुनसक्ने कुराहो,

  81. खुस्क्यातको वाईयात कुरा बिहान बिहान पढेर दिन बिग्र्यो.

  82. साथीहरु
    हेत्तेरी झन्नै पत्याएको, मनोज गजुरेल को लेख नभएको भए पत्यौथें,मुर्गा बनाउन त जान्ने हो गजुरेल हा हा ……… तर यो भबिस्यमा हुनसक्ने कुराहो,

  83. साथीहरु
    हेत्तेरी झन्नै पत्याएको, मनोज गजुरेल को लेख नभएको भए पत्यौथें, तर यो भबिस्यमा हुनसक्ने कुराहो,

  84. एक छिन त रनभूल्लमा परे – कहिले नाम नसुनेको पात्रलाई कसरी याद गरिएन भनेर। कुरा ठिक हो – विविध्ताको देशलाई झन बढी विविध किन नबाउने। नेपाली मूलका शरणार्थीको मात्र कुरा किन, सोमालिया र अन्य अफ्रिकी मुलुकमा ठगिएर नेपाल पुगेका शरणार्थीको बहस पनि चल्न जरुरी छ।

  85. थाती कुरा गर्न ‘राज छेत्री’ भन्ने पात्र र hollywood को नाटक गर्न जरुरि थियो र, मनोज ? ‘नेपाल निर्देश’ कै परम्परा सबै situations मा अलि मिठो हुन्न कि ?

  86. जुन मान्छेको बारेमा लेख लेखेको हो त्यो मान्छे को फोटो नराखी आफ्नै फोटो राखेको छ मनोज गजुरेल ले…..कस्तो पागल मान्छे रहेछ |… I never liked this person… he is opportunist… pro-Maoists….Propagandist….. कलाकार को नाम मा कालो दाग हो मनोज गजुरेल|…

  87. जुन मान्छेको बारेमा लेख लेखेको हो त्यो मान्छे को फोटो नराखी आफ्नै फोटो राखेको छ मनोज गजुरेल ले…..कस्तो पागल मान्छे रहेछ |… I never liked this person… he is opportunist… pro-Maoists….Propagandist….. कलाकार को नाम मा कालो दाग हो मनोज गजुरेल!!!

  88. के ठुलो कुरा भयो त पत्रपत्रिका हरु ले प्रचार प्रशार गरे मा म पनि हुन्छु राज क्षेत्री जस्तो त >>>>

  89. यही हो “चिन्नेलाई हिरा नचिन्नेलाई झुसिलकिरा भनेको” । अब राज आँफैले म नेपाली हो भन्दा मात्रै हामीले गर्व गर्ने ठाउँ रहन्छ नत्र शरणार्थी भएर पीडादायक जीवन यापन गर्दा देखेको नदेखै गर्ने हामीले उसको प्रतिभा प्रस्फुटन हुने उचित अवसर दिने अमेरिकालाई गुण तिर्नका लागि पनि ‘म अमेरिकन हुँ’ भन्यो भने गुनासो गर्ने वा तीतो पोख्ने अधिकार छैन हामीलाई ।

  90. यही हो “चिन्नेलाई हिरा नचिन्नेलाई झुसिलकिरा भनेको” ।

    अब राज आँफैले म नेपाली हो भन्दा मात्रै हामीले गर्व गर्ने ठाउँ रहन्छ नत्र शरणार्थी भएर पीडादायक जीवन यापन गर्दा देखेको नदेखै गर्ने हामीले उसको प्रतिभा प्रस्फुटन हुने उचित अवसर दिने अमेरिकालाई गुण तिर्नका लागि पनि ‘म अमेरिकन हुँ’ भन्यो भने गुनासो गर्ने वा तीतो पोख्ने अधिकार छैन हामीलाई ।

  91. जुन मान्छेको बारेमा लेख लेखेको हो त्यो मान्छे को फोटो नराखी आफ्नै फोटो राखेको छ मनोज गजुरेल ले…..कस्तो पागल मान्छे रहेछ |… I never liked this person… he is opportunist… pro-Maoists….Propagandist….. कलाकार को नाम मा कालो दाग हो मनोज गजुरेल|

  92. जुन मान्छे को बारेमा लेख लेखेको हो त्यो मान्छे को फोटो नराखी आफ्नै फोटो राखेको छ मनोज गजुरेल ले…….पागल मन्छे रहेछ .. i never liked this person… pro Maoist… opportunist…… कलाकारको नाममा कालो दागहो ….मनोज गजुरेल…

  93. मनोज गजुरेल को अहिले सम्मकै सबै भन्दा निम्नस्तर को लेख लाग्यो मलाई . “नवयुवा” को सुरुको केहि बर्ष सम्म गजुरेलजी का लेखहरु, बिसेष गरि हाश्य-बंग्य निकै उच्चकोटीका हुने गर्दथे.
    ” नेपाली भाषा, संस्कृति लाइ जोगाउ”, ” विदेश बस्ने नेपाली ले आफ्नो नानीहरुलाई नेपाली भाषा सिकाउ” आदि इत्यादि संदेश दिन को निम्ति के ” larry ling live” मा साचिकै प्रस्तुत भएको जस्तो अस्वाभाविक अनि अतिरन्जीत हावा कुराहरु लेख्न जरुरि थियो र ?

  94. मनोज गजुरेल को अहिले सम्मकै सबै भन्दा निम्नस्तर को लेख लाग्यो मलाई . “नवयुवा” को सुरुको केहि बर्ष सम्म गजुरेलजी का लेखहरु, बिसेष गरि हाश्य-बंग्य निकै उच्चकोटीका हुने गर्दथे.
    ” नेपाली भाषा, संस्कृति लाइ जोगाउ”, ” विदेश बस्ने नेपाली ले आफ्नो नानीहरुलाई नेपाली भाषा सिकाउ” आदि इत्यादि संदेश दिन को निम्ति के ” larry ling live” मा साचिकै प्रस्तुत भएको जस्तो अस्वाभाविक अनि अतिरन्जीत हावा कुराहरु लेख्न जरुरि थियो र ?

  95. राजको सफलताको बारेमा सुन्दा खुशी लाग्यो|

    ‘राजले आफ्नो घरलाई नेपाली संस्कृतिको केन्द्र तथा परिवारमा बोल्दा नेपाली भाषाको थलोको रुपमा राखेका छन्।’– यो हरफ पढ्दा छाती ढक्क फुलेर आयो!
    नेपालका कुलंगार नेताहरुले बेलैमा यसबाट केहि सिकुन र देशलाई बचाउने तिर लागुन| नेपाली पोशाक खोज्न दार्जिलिंग पुग्नु पर्ने, अब के के खोज्न कहाँ, कहाँ पुग्नु पर्ने हो!

  96. please do not post wrong news/ message. It looks hoax news and question credibility of my Sansar. I am disappointed. If it is true then provides link with Lary king talk show. Thanks

  97. मानिसको भाग्य भन्ने कुरा यसरी एक्कासी आएर कहाँ बाट कहाँ पुरयौदो रहेछ….त्यसै गरी यसको ठिक उल्टो एक सेकेण्डमा मानिसलाई खत्तम पनि पारेको उद्दहरणहरु थुप्रै छन्….// जे होस, एक नेपाली आमा को भुटानी शरणार्थी बनेर पनि ”राज” ले नेपाली नामलाई संसारको माझमा चिनाउने कोशिश गर्नु भएको रहेछ / त्यसको लागि धन्यवाद भन्न चाहन्छु !!

  98. हाम्रा नेता ले त हामीलाई बेबकुफ बनाए बनाए अब मनोज गजुरेल लह लहिमा माई संसार ले पनि बेबकुफ बनायो …उफ………. हामी

    बिनोद,
    बार्सिलोना

  99. राम्रो कुरा उठाउन खोज्दा खोज्दै पनि गजुरेल जी को लेखको टाउको, अङ्ग र पुछारमा कहिँ ताल मेल भएन.

  100. Manoj is out of his mind. I think Atlanta ma tannai butanese haru dekhnu bhayo jasto chha thats why he is thinking like that.

  101. तात्तो न छारो को लेख! मान्छे लै येसरी झुक्याउने लेख मलाई राम्रो लागेन/

  102. परिकल्पना अति नै राम्रो अनि सम्भव पनि.येस्तई नहोला भनेर भन्न सकिन्न,
    तर भाषा र सस्कृति कै मध्यम मानेर indian Idol मा प्रसान्त तामांग लाइ जितौना लाखौ रुपैया विदेश पठाउने जस्तो काम चाही गर्नु भयान.
    माल पायर चाल पाउने भय नेपाल को तेत्रो खोला को जलबिधुत potential तेत्तिकै खेर गयर अहिले अध्यारो मा बस्नु पर्ने पक्कै थियन.
    जडिबुटी तेसै सडेर जाने थियन.
    त्यो बिशाल तराइ को फाट अनि ति पहाड हरु उजाड हुने थियायन.
    दिमाख (माल) भय पनि चाल नपाउने नेपाली नेता को पारा ले गर्दा जनता ले दुख पाउने थियायन.
    जे होस् लेख सान्दर्भिक छ.

  103. परिकल्पना अति नै राम्रो अनि सम्भव पनि.येस्तई नहोला भनेर भन्न सकिन्न,
    तर भाषा र सस्कृति कै मध्यम मानेर indian Idol मा प्रसान्त तामांग लाइ जितौना लाखौ रुपैया विदेश पठाउने जस्तो काम चाही गर्नु भयान.
    माल पायर चाल पाउने भय नेपाल को तेत्रो खोला को जलबिधुत potential तेत्तिकै खेर गयर अहिले अध्यारो मा बस्नु पर्ने पक्कै थियन.
    जडिबुटी तेसै सडेर जाने थियन.
    त्यो बिशाल तराइ को फाट अनि ति पहाड हरु उजाड हुने थियायन.
    दिमाख (माल) भय पनि चाल नपाउने नेपाली नेता को पारा ले गर्दा जनता ले दुख पाउने थियायन.
    जे होस् लेख सान्दर्भिक छ.

  104. “…तर पनि राष्ट्रपति ओबामाले राजलाई हौसला दिँदै भनेका थिए- ‘इष्ट अर वेष्ट राज इज बेष्ट !’” This one was funny!!
    “…जन्मिएका राज भुटानबाट लखेटिंदा साढे एक वर्षका मात्र थिए।” contradicts with “…भुटानबाट नेपाल छिर्दा म झन्डै चार वर्षको थिएँ”
    anyways, nice dream Manoj जी, keep on writing funny stuffs as well!!

    • Resham Greece जी.
      राम्ररी पढ्नु छैन अनि लेखक लाइ दोष.

  105. यो लेख पढे पछी मलाइ ती असंख्य नेपाली जो क्यानाडा मा बसोबास गरिरहेका छन् उनीहरु प्रति दया लागेर आयो जो टुटेफुटेको हास्यास्पद अंग्रेजी टोनमा आफ्ना नानीहरु संग कुरा गर्छन र आफु र आफ्नो नानीले अंग्रेजी बोलेकोमा गर्ब गर्छन\
    कोहि त आफ्नो कुकुर संग पनि अंग्रेजी मा कुरा गर्छन र आफुलाई संसारकै भाग्यमानी ठान्छन / मलाइ विश्वास छ यो लेख पढे पछी उनिहरुमा चेतना आउँनेछ /

    • Resham Greece जी,
      राम्ररी पढ्नु होस् पहिला अनि webside भनेको के होला मैले बुझिन नि? website भन्न खोज्नु भयको हो कि?यो काल्पनिक कुरो लाइ कुनै website मा पाउन सकिन्न येही माइ संसार मा जति छ तेती मात्र हो.

  106. मनोजजी तपाईको लेख किन नेपाली मूलका बिदेशीहरुप्रति मात्र हुन्छ? तपाई किन नेपाली मुलका नेपालीहरुको उन्नति प्रगतिका लेखहरु लेख्नु हुन्न?

  107. धत्, म त साचीकै होला भनेर क्या खुसि भएको नि यार !! लौ आशा गरौ कुनै दिन हामी मध्ये को एउटा नेपालीले येस्तई नाम कमाउन सकोस् 🙂

  108. राज जी ….हामी नेपाली लाई गर्ब लाग्छ कि तिमि तेस्तो ठाउँमा पुगेगेकोमा ..तिमि kahako ho teyo na socha timi nepalii ho teyo socha. dukha sab le gareke hun chan tara timi le garau tesko fall timi le payo.. garba gara nepalii timi ho..timi dharii mathi jaau subha kamana…………..
    bhutan…….le timi lai khede ko ho. yo kura nabirsa..nepal le timi lai saran deko teyo samjanu timi nepalii ho
    ………………………..

  109. अगाडिको एक पराग्रफ पढेपछि मैले लेखक को नाम हेरे, “मनोज गजुरेल” रहेछ। अनी एकैपटक लेखको पुछारतिर scroll गरे, मैले सोचेजस्तै गजुरेल को त्यो अनुमान मात्र रहेछ। 🙂 अनुमान नै भएपनी उहाले भन्न खोज्नुभएको कुरा चाँही एकदमै सही हो।

  110. गजुरेल जी , खालि कल्पना क मात्र कुरा गरेर मान्छे लाई बेवकुफ बनाउने काम नगरौं न!

  111. यो काल्पनिक भयता पनि पछी यस्तै तितो सत्य हामीले वोग्नुनै पर्छा हाम्रो देस मा आज के हुन्छा वानी सोच्न नसक्नेले भबिस्यको बारेमा के नै सोच्न सक्छन . जे होस् म पनि यो लेख मा सहमति जनौना चाहन्छु .

  112. मनोज गजुरेल जी
    अति नै भो अब त . किन तपाई सधै काल्पनिक कुरा लाइ सत्य तथ्य झैँ लेखेर हाम्रो मानसिकता संग खेल्नु हुन्छ. बुझिन्छ कि तपाइँ केहि परिबर्तन ल्याउन चाहन्छु हुन्छ समाज मा. तर यो तरिका अलि नमिले जस्तो लाग्यो. समाज लाइ केहि सिकाउनु नै छ, केहि परिबर्तन समाज मा ल्याउनु नै छ भने बरु तपाई मा रहेको ब्यन्गकार लाइ प्रयोग गर्नुस. सिर्जना गर्नुस ब्यङ्ग हरु जसले समाज र देश मा भएका कमि हरुलाई समस्त देश बासि हरुको सामुन्ने मा ल्याउछ र सबैलाई केहि गर्ने जोश र जागर चल्छ. यो त एउटा ठेस दिनु भो तपाइले, कति मिठो मानेर पढदा पढ्दै अचानक खसिंछ, कृपया अर्को पालि देखि झुटो समाचार पढ्न नपरोस.

  113. कल्पनाको कुरालाई पनि अति मिठो पारामा प्रस्तुति गर्न सक्ने छामताको त म पहेलै देखि तपाइको कायल हूँ / धन्यबाद

    पदम गुरुङ कुवैत

  114. ‘राज’ को उतर उतर प्रगतिको कामना गर्दा छौ !!!!

  115. सलल बगेको प्रस्तुती । गजब विषय । साच्चै नै नेपालीभाषी भुटानीमाथि भएको अन्यायका विषयमा नेपालले केही गर्न सकेन । नेताहरुमा कुटनीतिक डिल गर्ने क्षमताको अभावले यस्तो भएको हो । जहा रहेपनि नेपालीलाई भाषा र संस्कृतिको नाताले जोडेको छ । सीमानाहरु यसका अघि बाधा छैनन् । यति लामो समय नेपालमा जीवन विताएकाहरुमा शरणार्थी धेरै क्षमतावान छन् । यसको उदाहरण राज हुन् ।

  116. राज दाई ले गर्नु भएको यो प्रसंसनिय काम को हामी सबैले तारिफ अनि गर्ब गर्न जरुरि छ. अनि अर्को कुरा राज दाई लाई आफु लाई थाहा छ उहाँ नेपाली नागरिक हुन सक्नु भएन र पनि यत्रो नेपाल पर्ति स्रद्दा छ जुन नेपाली भएर जन्मेको छ उसले यति गर्ब गर्न सदैना यो हामी सबै मा बिडम्बना कुरा हो .
    राज दाई तपाईं लाई हामी सधई सम्झिरहन्छौ .

  117. वाह! राज जी! यति ठुलो सफलता को लागि धेरै धेरै बधाई |

    नेपाली जहाँ जन्मे पनि र हुर्के पनि आखिर आफ्नो वा अभिभावकको जन्मथलो र उसको भाषा संस्कृतिले त्यो व्यक्तिको मूल चिनारी गरौछा मात्र धेरै वा थोरै को कुरा हो | बेभरली हिल्स जस्तो ठाउँ बसेर पनि आफ्नो घर लाई नेपाली तरिका ले सिगार्नु भयको भन्ने पदन पाउदा खुसि लाग्यो | धेरै धेरै धन्यबाद |

Comments are closed.