यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
|
By mysansar, on May 10th, 2020 
– गोविन्द बेल्वासे –
गरीबहरू खानको लागि सिकार गर्छन्, सम्भ्रान्तहरू रहरले सिकार गर्छन्।
विक्रम सम्बत २०३० सालमा तौलिहवाबाट हाम्रो गाउँमा सिडियो सहितको टोली सिकार खेल्न आएको थियो। पूर्व पश्चिम राजमार्ग बन्न सुरू मात्र भएको त्यो अवस्थामा तौलिहवा अहिलेको बुटवलको तुलनामा बढी नै चहलपहल हुन्थ्यो। त्यस समयमा भारतसँग पीच बाटोले नेपाल जोडिएका चार बजार मध्येको एक हो, कपिलवस्तु जिल्लाको सदरमुकाम तौलिहवा बजार। गौतम बुध्दका पिता सुद्धोधनको दरबार तिलौराकोट भरखर उत्खनन् हुने क्रममा थियो। खासै प्रचार भैसकेको थिएन। गोरखपुरबाट पेन्सन बुझेर फर्कने लाहुरेहरूको मुख्य मध्येको नाका नै थियो। उनीहरू तौलिहवासम्म मोटरमा वा टाँगामा आउँथे। त्यहाँबाट बाकस र गुण्टा घोडामा बोकाएर उत्तरतिर लाग्थे। सिडियो भनेका जिल्लाका राजा सरह नै हुन्थे त्यसताका। त्यो पञ्चायत शासन काल थियो। कानून भन्दा शासकहरू माथि नै हुन्थे। संविधान भन्दा राजा माथि हुन्थे। जिल्ला न्यायाधीशहरू पनि सिडियोसंग थुरथुर हुने परिस्थिति हुन्थ्यो। कानूनले जरायो, मृग, हरिण जस्ता जङ्गली जनावर सिकार गर्नु अपराध हुन्छ भनेको थियो, जेल सजाय हुन्थ्यो। तर, जिल्लाका बनका हाकिम डिएफओ र सिडियो नै टोलीमा मिसिएर सिकार खेल्न हिँडेपछि कानूनका कुरै नहुने? रेञ्जर र फरेस्टरले कानूनको ध्वास दिएर गाउँले थारूसंग कुखुरा, चामल, निहार (रक्सी) भने खुव उठाउँथे र मोज गर्थे। थारूहरूका लागि त्यस्ता कर्मचारीहरू सत्कार गर्नै पर्ने भयावहका स्वरूप हुन्थे।
Continue reading संस्मरण साहित्य : सिकार
By Salokya, on May 10th, 2020 
चिनियाँ सरकारी टेलिभिजन CGTN (China Global Television Network) ले मे २ मा अपलोड गरेको एउटा ट्विट अहिले नेपालमा भाइरल हुँदैछ। ट्विटमा विश्वको सर्वोच्च शिखर सगरमाथा चीनको तिब्बतमा पर्छ लेखिएको छ। सगरमाथा नेपालमा पर्छ भनेर सानैदेखि सुन्दै आएका हामीलाई यसो लेखेको देखेपछि अचम्म लाग्नु स्वभाविक हो। तर जसरी नेपालीहरु सगरमाथा चीनमा पर्छ भन्दा अचम्म मान्छन्, त्यसरी नै चिनियाँहरु पनि सगरमाथा नेपालमा पर्छ भन्दा अचम्म मान्ने गर्छन्। यो विषयमा माइसंसारमा १४ वर्षअघि पनि बहस भएको थियो। त्यतिबेला सांघाई, चीनमा रहेका रकीले लेखेका थिए- ‘हामीले एभरेस्ट नेपालमा पर्छ भन्ने जस्ता कुरा गर्दा चिनियाहरु तीन छक्क पर्ने गर्छन्’ Continue reading ‘हामीले एभरेस्ट नेपालमा पर्छ भन्दा चिनियाहरु तीन छक्क पर्ने गर्छन्’
By Salokya, on May 9th, 2020 
भारतले लकडाउनका बेला लिपुलेक हुँदै मानसरोवर जाने बाटो भिडियो कन्फ्रेसिङबाट उद्घाटन गरेको भोलिपल्ट नेपाल र भारत दुवैले विज्ञप्ति निकालेर लिपुलेकको विषयमा आ-आफ्नो दावी प्रस्तुत गरेका छन्। काठमाडौँमा शनिबार लकडाउनलाई छल्दै विद्यार्थीहरुले माइतीघर र भारतीय दूतावासअगाडि विरोध प्रदर्शन पनि गरे।
नेपालको तर्फबाट परराष्ट्र मन्त्रालयले जारी गरेको विज्ञप्तिमा भारत सरकारले बनाएको बाटो नेपाली भूमिभित्र रहेको दावी गरेको छ। सन् १८१६ मा भएको सुगौली सन्धीले महाकाली नदीको पूर्वपट्टीका सबै भूभाग नेपालको हुने उल्लेख भएको र त्यसमा लिम्पियाधुरा, कालापनी र लिपुलेक पनि रहेको स्मरण गराइएको छ। Continue reading नेपाल र भारतको विज्ञप्ति दावी - हाम्रो भूमिमा बाटो बन्यो : नेपाल, हाम्रो आफ्नै भूमिभित्र हो : भारत
By दया थापा, on May 9th, 2020 
अप्रत्याशित रुपमा आएको दल फुटाउन सजिलो हुने अध्यादेश र लगत्तै पूर्व स्वास्थ्य राज्यमन्त्रीसमेत रहेका सांसद डा. सुरेन्द्र यादवलाई ‘उठाउन’ पूर्व प्रहरी महानिरीक्षक सर्वेन्द्र खनालसहित दुई जना सांसद महेश बस्नेत र किसान श्रेष्ठ महोत्तरीमा पुग्नु। अनि भोलिपल्ट सांसद यादव आफूलाई राखिएको पाँचतारे होटलबाट बाहिरिएर पार्टीको सम्पर्कमा पुग्नु! लकडाउन भनेर सर्वसाधारण नागरिक घरभित्र थुनिएको अवस्थामा भएका केही गतिविधि हुन् यी। यादव र उनको पार्टीले उनको अपहरण भएको बतायो। जाहेरी लिएर प्रहरीकहाँ पुग्यो। तर प्रशस्त आधार हुँदा पनि कानुनी राजको खिल्ली उडाउँदै प्रहरीले जाहेरी लिन मानेन। त्यसपछि उनीहरु पुगे सरकारी वकिलको कार्यालयमा। त्यहाँ पनि सुरुमा जाहेरी लिन मानिएन। अन्ततः वैशाख २२ गते जिल्ला सरकारी वकिल कार्यालय काठमाडौंले उजुरी दर्ता गर्यो र अपहरण तथा शरीर बन्धकको जाहेरी दर्ता गरेर अनुसन्धान गर्न प्रहरीलाई निर्देशन दियो।
यसलगत्तै महानगरीय प्रहरी परिसर काठमाडौंको मुद्दा शाखाका प्रहरी निरीक्षक देवी पौडेलको कमान्डमा शुक्रबार एउटा टोली महोत्तरी गएर अनुसन्धान थालेको छ। यतिबेला प्रहरी आफ्नै पूर्व आइजीविरुद्ध एउटा संगीन अपराधको विषयमा छानबिन गर्दैछ। यो टोलीले आफ्नै पूर्व कमान्डरविरुद्ध अनुसन्धान गर्ने क्रममा यी प्रश्नहरुको जवाफ चित्तबुझ्ने गरी खोज्नै पर्छ।
Continue reading सांसद अपहरण काण्ड : आफ्नै पूर्व कमान्डरको अनुसन्धान गरिरहेका प्रहरीले खोज्नु पर्ने २१ प्रश्नको उत्तर
By राजु आचार्य, on May 9th, 2020 
-राजु आचार्य-
केही समय अघि गृह मन्त्रालयले लकडाउनमा पास लिन जिल्ला प्रशासन कार्यालयमा जानु नपर्ने, अनलाइन प्रविधि विकास गरेको समाचार आयो। अर्थात् वेब पेजमा गएर निवेदन हाल्ने । मैले पनि एउटा निवेदन हालेँ।
निवेदन हालेको केही सेकेन्ड भित्रै मेरो मोबाइल नम्बरमा धन्यवादको मेसेज आयो। आफैँ उत्तर दिने प्रविधिले छिट्टै पास बारे खबर गर्छु भन्दा खुसी नहुने कुरै भएन । नेपालमा भइरहेको प्रगति देखेर मख्ख परेँ। लकडाउन जस्तो बेलामा यस्तो प्रविधिको प्रयोग गर्नु सबै हिसाबले राम्रो पनि थियो। Continue reading इ-पास दिन्नँ भन्नलाई नौ दिन किन लगाउनु परेको होला?
By Salokya, on May 9th, 2020 
आज आएका दुई वटा समाचार राष्ट्रवादीहरुलाई आहत बनाउने खालको थियो। उत्तरी र दक्षिणी दुवै ठूला छिमेकीले दुई ढुंगाको तरुललाई किचेछन्। दक्षिणी छिमेकीले नेपालको भूभाग लिपुलेकसम्म बाटो बनाएर यही लकडाउनका बेला भिडियो कन्फ्रेन्सिङ गरेर उद्घाटन गरेछ। नेपाल हेरेको हेर्यै। उता, उत्तरी छिमेकीका केही नागरिकहरुले भने देशको प्रशासनिक केन्द्र सिंहदरबार अगाडि लकडाउनका बेला प्रदर्शन मात्र गरेनन्, पुलिसहरुसित भिडे पनि। Continue reading दक्षिणी छिमेकीले सीमामा ठोक्ने, उत्तरी छिमेकी सिंहदरबारमै प्रहरीसित भिड्ने
आदरणीय कोरोना,
संसारकै सबैभन्दा ठूलो हलचल लेराउने महान यात्री तँपाइलाई म गरीब रास्ट्रको नागरिकको तर्फबाट नमस्कार छ।
कोरोना, तपाइँको विश्व यात्रा अन्त्यमा कहाँ पुगेर टुगिन्छ थाहा छैन, तैपनि तपाइँ सारा संसारको चासो हुनुभएको महिनौँ भइसकेको छ। तपाइँ हाम्रो देशमा आएको नै दुई महिना पूरा भएछ। मलाई त सुरुमा प्रिय कोरोना भनेर सम्बोधन गर्न मन लागेको थियो। तर थाहा नदिई तपाइँ यता आएकोले प्रिय भन्न अलि मन लागेन। आज तपाइँ हामी सबैको आदरणीय हुनुभएको छ। जे होस्, तपाइँ हामीसँग प्रिय हुनु भन्दा आदरणीय भैदिएकै राम्रो। कोरोना तपाइँको स्वागतको लागि घर बाहिर बाटाघाटा सब खाली छन्। हामी घरभित्रबाट तपाइँलाई हेर्छौँ, तर तपाइँ त साइजमा फिट, मिलिमिटर, माइक्रोमिटर नभएर न्यानोमिटरमा हुनु हुँदोरहेछ। त्यही माथि लगभग सुन्य डाइमन्सनमा, हामी पनि विश्व मानचित्रमा तपाइँ जस्तै साना तर निमुखा पनि छौँ। तर तपाइँको जस्तो बेजोड सक्ति हामीसँग छैन। तर तपाइँको आगमनले गर्दा निगरानी कडा पारिएकोले केही क्षेत्रका महानुभावहरुलाई हामीकोमा आजकाल ठूलो खटनपटन छ। तपाइँलाई हामीबाट त्यसैले होला खास खतरा नभएको, हामी चाहन्छौ त्यो खतरा सदैवको लागि टरी जाओस्। Continue reading कोरोनालाई एक डाक्टरको पत्र
By Salokya, on May 7th, 2020 
बिहीबार साँझ कपिलवस्तुका दुई खेलाडीले एक/एक रन जोडेपछि नेपालमा कोरोनाले बिना कुनै विकेट क्षति शतक पूरा गरेको छ। स्वास्थ्य तथा जनसंख्या मन्त्रालयका अनुसार कपिलवस्तु ८ का १६ र २२ वर्षका दुई खेलाडीले पछिल्लो पटक एक एक रन जोडेपछि नेपालमा कोरोनाको कूल स्कोर १०१ पुगेको हो। अहिलेसम्म नेपालले कुनै विकेट (मृत्यु) को क्षति सहनु परेको छैन। Continue reading क्रिकेटको भाषामा कोरोनाको समाचार : नेपाल बिना क्षति १०१ रनमा
By Salokya, on May 7th, 2020 
प्रश्न : बुद्धका चार आर्यसत्यबारे थाहा छ?
उत्तर : थाहा छैन ।
प्रश्न : बुद्धले बताएका अष्टांगिक मार्गबारे थाहा छ?
उत्तर : छैन ।
प्रश्न : बुद्धले सिकाएको ज्ञान र ध्यानविधि थाहा छ?
उत्तर: छैन ।
प्रश्न : अनि के थाहा छ त?
उत्तर : बुद्ध वाज बर्न इन नेपाल।
फेसबुकमा निकै सेयर भएको स्टायटस हो यो। बुद्ध वाज बर्न इन नेपालले केही नेपालीलाई यति गाँजेको छ कि अरु कुरा केही पनि सुन्न र बुझ्न चाहँदैनन् उनीहरु। बुद्ध नेपालमा जन्मिएको विश्वलाई देखाउने भन्दै टुँडिखेलमा गिनिज बुकमा लेखाउने भन्दै भेला भएर नाचगान पनि गरेका थिए। तर महिनौँ भइसक्यो, गिनिज बुकले बाल दिएको छैन। विश्वले देख्यो कि देखेन उनीहरुलाई नै थाहा होला। आज बुद्ध पूर्णिमाको अवसरमा ‘बुद्ध वाज बर्न इन नेपाल’वालाहरुले शायदै थाहा पाएको एउटा तथ्य- नेपाल एउटा मात्र बुद्ध जन्मिएको देश हैन। Continue reading एक हैन, तीन बुद्ध जन्मिएको देश हो नेपाल
By Salokya, on May 6th, 2020 
गत जनवरी २३ मा नेपालमा पहिलो पटक कोरोना संक्रमण भेटिए यता आज मे ६ तारिख सबैभन्दा जोखिम देखिएको दिन रह्यो। आज कूल १७ जना संक्रमित भेटिएका छन्। सबै पर्साका भएको स्वास्थ्य मन्त्रालयले जनाएको छ।
भोलिदेखि सकिन लागेको लकडाउनको म्याद फेरि ११ दिन थप्ने सरकारको निर्णय सार्वजनिक भएको केही समयमा पर्सामा दुई महिनाको शिशुदेखि ६६ वर्षको वृद्धसम्म गरी १७ जनाको कोभिड १९ रिपोर्ट पोजिटिभ आएको हो। Continue reading अहिलेसम्मकै सबैभन्दा बढी १७ पोजिटिभ आज भेटियो : कूल संख्या १०० पुग्न १ बाँकी
By Salokya, on May 6th, 2020 
लकडाउनले घरैमा थुनिनु परेका नेपालीहरुले गएको आइतबार अमेरिकाबाट एउटा खुसीको खबर पाए। अमेरिकन आइडलमा नेपाली युवक दिवेश पोखरेल (आर्थर गन) टप १० मा छानिए। उनलाई भोट दिन अमेरिकामा रहेका नेपालीहरुले सामाजिक सञ्जालबाट आग्रह गरेका थिए। नेपालबाट आधिकारिक रुपमा भोट दिन नपाइए पनि भिपिएन प्रयोग गरेर भोट दिनेहरु पनि थिए। आर्थर गन टप टेनमा पुगिसकेपछि एउटा पोस्ट सामाजिक सञ्जालमा निकै भाइरल भयो। त्यसमा भनिएको थियो- ‘अरुले ७ हजार भोट ल्याउँदा अर्थर गनले ३ करोड ६० लाख भोट ल्याएछन्…! नेपालीले कुन दिन भोट हालेर हिसिला यमिलाई विश्व सुन्दरी बनाइदिन्छन्!’
सामाजिक सञ्जालमा मात्र होइन, मूलधारकै अनलाइन माइरिपब्लिकाले पनि उनले ३६ मिलियन अर्थात् ३ करोड ६० लाख भोट पाएको समाचार लेखेको छ। के साँच्चै उनले यति भोट पाएका हुन् त? हामीले फ्याक्टचेक गरेका छौँ। Continue reading के दिवेश (आर्थर गन) एक्लैले अमेरिकन आइडलमा ३ करोड ६० लाख भोट ल्याएका हुन्?
By Salokya, on May 5th, 2020 
कोरोना भाइरसका कारण निम्तिएको संकटको मार श्रमजीवी पत्रकारहरुलाई पर्न थालेको छ। ठूला मिडिया कै पत्रकारहरु यसबाट पीडित हुन पुगेका छन्। केही अघि कान्तिपुरले केही पत्रकारहरुलाई बेतलबी विदामा बस्न भनेको समाचार आएका थिए। तर पत्रकार महासंघलाई कान्तिपुर व्यवस्थापनले लेखेको आधिकारिक पत्रमा पनि बेतलबी विदामा नबसाएको दावी गरिएको छ।
यता, कान्तिपुरबाटै १२ वर्षअघि अलग्गिएर बनेको नेपाल रिपब्लिक मिडियाले पनि पत्रकारहरुलाई बेतलबी विदामा बस्न दबाब दिएको छ। नेपाल रिपब्लिक मिडियाका दुई प्रकाशन ‘नागरिक परिवार’ मासिक र ‘शुक्रबार’ साप्ताहिकमा कार्यरत पत्रकारहरुलाई केही दिनअघि मोबाइलमा एसएमएस गरी भनिएको थियो, ‘नागरिकको अफिसमा मंगलबार बिहान ११ बजे मिटिङ डाकिएको छ। तपाईँहरुलाई पिक एन्ड ड्रपको व्यवस्था एडमिनले गर्नेछ। सबै जना मिटिङमा उपस्थित हुनुहोला।’ Continue reading पत्रकारितामा कोरोना कहर : अर्को ठूलो मिडिया हाउसमा पत्रकारहरुलाई बेतलबी विदा बस्न दबाब
By Salokya, on May 4th, 2020 
फेसबुक र ट्विटरमा केही दिनअघिदेखि एउटा जानकारी निकै भाइरल हुँदैछ- भारतीय अभिनेता आमिर खानले आटाको प्याकेटमा १५ हजार रुपैयाँ राखेर बाँडे। आवश्यक मान्छेलाई सहयोग बाँड्ने यो तरिकाको निकै प्रशंसा गर्दै सयौँको संख्यामा पोस्ट सेयर गरिएका छन्। सोसल मिडियामात्र होइन, रिपोर्टसनेपाल र मेरोलगानी जस्ता अनलाइनले यसबारे समाचारै बनाएका छन्। तर हाम्रो फ्याक्टचेकले यो गलत भएको देखाएको छ। Continue reading नपत्याउनुस्, आमिर खानले आटाको प्याकेटमा १५ हजार राखेर बाँडेका हैनन्
By सूर्य खड्का, on May 4th, 2020  विश्वव्यापी महामारीको रूपमा देखा परेको कोरोना भाइरस सङ्क्रमणको जोखिमबाट देशवासीलाई बचाउन लकडाउनमा राखेको ४० औँ दिन, २० वैशाखमा सत्ता नायक प्रधानमन्त्री केपी ओलीबाट जनतालाई ठुलो राहत बक्स भएको छ । त्यो राहत भनेको उहाँले गरेको आत्मालोचना हो । शनिवारको सन्ध्यामा पार्टीको एक अध्यक्ष समेत रहनु भएका प्रम ओलीले आफ्नो पार्टी र सत्ताको आसनबाट शासन गर्दा भएका भुलचुकहरुप्रति मार्क्सवादी, लेनिनवादी र माओ विचारधारा फ्युजन शैलीमा बडा भावुक, मिठासपूर्ण आत्मालोचना गर्नु भयो । आत्मालोचना, त्यो पनि देशको कार्यकारी प्रधानमन्त्री र पार्टीको पहिलो वरीयताको अध्यक्षबाट । झन् लकडाउनले जनता घरघरमा थुनिएका बेला । एकलै पनि होइन, पार्टी सचिवालयका सबै सदस्यहरूको माझमा । हेर्नुस्, भाग्यमानी हुन् नेपाली जनता जसले आत्मालोचना गर्ने महान् सरकार प्रमुख पाएका छन् । गौरवशाली क्रान्तिकारी सत्ताधारी पार्टी नेकपाका तमाम नेता, कार्यकर्ता लागि त झन् यो अहोभाग्यको कुरा हो । यस्ता, विनम्र, विनयशील र क्षमाप्राथी भन्न सक्ने पार्टी प्रमुख छन् । Continue reading एउटा आत्मालोचनाले साम्य भएको नेकपाको रडाको
By Salokya, on May 4th, 2020 
नेपालगञ्जमा आज आइतबार मात्रै २४ जना संक्रमित भेटिएको र कूल संक्रमित संख्या ८४ पुगेको समाचार धेरै मिडियामा आएको छ। धेरै नेपालीहरुले एकदमै विश्वास गर्ने वर्ल्डोमिटर्स डट इन्फोले पनि संक्रमित संख्या ८४ पुगेको देखाएपछि त धेरैले यो समाचारलाई सही माने। तर यो सही थिएन। के हो त यसको सत्य? हामीले यसबारे फ्याक्टचेक गरेका छौँ। Continue reading होइन, नेपालगञ्जमा आजै २४ जना संक्रमित भेटिएको र कूल संक्रमित संख्या ८४ पुगेको छैन
By Salokya, on May 3rd, 2020 
गत जनवरी २३ मा नेपालमा पहिलो पटक कोरोना संक्रमण भेटिए यता आज मे ३ तारिख सबैभन्दा जोखिम देखिएको दिन रह्यो। लकडाउनको ४१ औँ दिन २४ घण्टामा १६ जना संक्रमित व्यक्ति भेटिए। त्यसमध्ये सबैभन्दा धेरै १५ जना नेपालगंजमा भेटिएका हुन्। एक जना भने वीरगंजमा भेटिएका हुन्।
यसअघि अप्रिल १८ मा १४ जना र अप्रिल २२ मा १० जना कोरोना संक्रमित भेटिएका थिए। यसअघि उदयपुर धेरै कोरोना संक्रमित भेटिएको हटस्पटका रुपमा रहेकोमा अब नेपालगंजले त्यो ठाउँ लिएको छ। Continue reading नेपालमा सबैभन्दा धेरै कोरोना संक्रमित भेटिएको दिन आज : एकै दिन १६ जना
By Salokya, on May 3rd, 2020 
कान्तिपुर टेलिभिजनमा आज बिहान समाचार पढ्ने क्रममा एउटा रमाइलो ‘काण्ड’ भयो। बिहान सात बजेको समाचारमा १३ औं दक्षिण एसियाली खेलकुद साग सकिएको पाँच महिना भइसकेपनि अहिलेसम्म कति खर्च भयो भन्ने सार्वजनिक नगरिएको बारे एउटा रिपोर्ट थियो। रिपोर्ट टेलिभिजनमा बज्दै गर्दा समाचारवाचिका रुबिना थापाको माइक अफ भएनछ। त्यसपछि त रमाइलो भयो नि! पुरुष आवाजमा रिपोर्टमा भनिँदै थियो- ‘सरकारले साग सम्पन्न गर्न राष्ट्रिय खेलकुद परिषद्ले तीन अर्ब ६४ करोड रुपैयाँ दिएको थियो।’
समाचारवाचिकाको मुखबाट निस्कियो, ‘आम्मामा…तीन अर्बमा कति खायो होला त!’ माइक अफ नभएकोले दर्शकले पनि त्यो आवाज सुन्न पाए। Continue reading कान्तिपुर टिभीमा ‘आम्मामा.. तीन अर्बमा कति खायो होला !’
By Salokya, on May 3rd, 2020 
उदयपुरपछि नेपालमा कोरोना ‘हटस्पट’ का रुपमा नेपालगञ्ज देखापरेको छ। लकडाउनको ३८ औँ दिनसम्म नेपालगञ्जमा शून्य संक्रमण फेला परेको थियो। तर पछिल्लो तीन दिनमै त्यहाँ संक्रमितको संख्या १० पुगेको छ। आजमात्रै त्यहाँ नौ जना कोरोना संक्रमित फेला परेका हुन्।
वीरगंजमा भेटिएको थप एक जना संक्रमितसँगै लकडाउनको ४१ औँ दिनमा अब नेपालमा कूल संक्रमितको संख्या ६९ पुगेको छ। नेपालमा एकै दिन धेरै कोरोना संक्रमित भेटिएको आज तेस्रो पटक हो। यसअघि अप्रिल १८ मा एकै पटक १४ केस भेटिएको थियो। त्यसैगरी अप्रिल २२ मा १० केस एकै साथ भेटिएको थियो। Continue reading नेपालगञ्ज बन्यो अर्को कोरोना ‘हटस्पट’ : लकडाउनको ३८ दिनसम्म 0, पछिल्लो तीन दिनमा १०
By Salokya, on May 2nd, 2020 
प्रधानमन्त्री केपी शर्मा ओलीले मे दिवसका दिन रचेको ‘अब आँसु खसाउनु पर्दैन’ शीर्षकको कविता प्रधानमन्त्रीका प्रेस सल्लाहकार सूर्य थापाको सामाजिक सञ्जालबाट सार्वजनिक भयो। तर शुक्रबार राति एक्कासी प्रधानमन्त्री ओलीको सो कविता अरुबाट नै कपि गरिएको आरोप पनि सामाजिक सञ्जालमा देखियो। भर्खरै धरौटीमा थुनामुक्त भएका भाइरल पूर्व सचिव भीम उपाध्यायले यसलाई भाइरल बनाए। उनी मात्र हैन, फेसबुक र ट्विटरमा अरु थुप्रैले प्रधानमन्त्रीको कविता अरुबाट कपि गरिएको आसयका स्टायटस र ट्विट पोस्ट गरे। के हो त यसको सत्य? हामीले फ्याक्टचेक गरेका छौँ। Continue reading फ्याक्टचेक : के प्रधानमन्त्रीले आज सार्वजनिक गरेको कविता २०१९ मा अर्कैले रचेको थियो?
By Salokya, on May 1st, 2020 
प्रदेश ५ मा आज दुई जना कोरोना संक्रमित भेटिएसँगै नेपालका सात प्रदेशमध्ये ६ वटा प्रदेशमा कोरोना संक्रमण फैलिएको छ। अब एउटै मात्र प्रदेश- कर्णालीमा संक्रमण भेटिएको छैन। आज प्रदेश ५ को रुपन्देहीमा २५ वर्षका र बाँकेमा ६० वर्षका पुरुषमा कोरोना संक्रमण भेटिएको हो। Continue reading प्रदेश ५ मा पनि कोरोना : अब कर्णाली संक्रमण नभेटिएको एकमात्र प्रदेश
|
|
Recent Comments