बिना विभागका मन्त्रालयहरु लाज पचाएर ओगटिरहेका मन्त्रीहरुलाई आज बल्ल प्रधानमन्त्री बाबुराम भट्टराईले काम दिएका छन्। दलहरुसँग कुन दललाई कुन मन्त्रालय दिने भन्ने सहमति भएपछि उनीहरुलाई प्रधानमन्त्रीले काम बाँडेका हुन्। तर अझै पनि चार मध्ये एक उपप्रधानमन्त्रीलाई अझै कुनै काम दिइएको छैन। कृष्ण बेलबासे (माले), यदुवंश झा (माले समाजवादी) र बद्री न्यौपाने (चुरे भावर) भोलि मन्त्री बन्दैछन्। कामको बाँडफाँड यस्तो छ-

१ डा. बाबुराम भट्टराई प्रधानमन्त्री

उपप्रधानमन्त्रीहरू
२ विजयकुमार गच्छदार (मधेसी मोर्चा) गृह
३ नारायणकाजी श्रेष्ठ (माओवादी) बिना विभागीय
४ क़ष्णप्रसाद सिटौला (काङ्ग्रेस) रक्षा र कानुन
५ ईश्वर पोखरेल (एमाले) परराष्ट्र, कृषि र युवा तथा खेलकुद मन्त्रालय मन्त्रालय Continue reading मन्त्रीहरुले काम पाए

समाचार एजेन्सी एपीले विश्वभरका मिडियामा पठाएको यो फोटो अस्ति क्षेत्रीबाहुनले गरेको दुई दिने नेपाल बन्दको पहिलो दिनमा काठमाडौँमा खिचिएको हो। हरेक बन्दमा हुने लगभग यस्तै हो। आजदेखि उही क्षेत्री बाहुनहरुको संगठनले अनिश्चितकालीन नेपाल बन्दको घोषणा गरेको छ र केही उग्रहरु सडकमा यसरी नै उत्रिरहेका छन्। उनीहरुमात्र हैन, अब बन्दको लामै लिस्ट बनिसकेको छ। अबका केही दिनमा पालैपालो बन्दहरु हुँदैछन्। वैद्य पक्ष र अरु साना दलहरुको मोर्चाले एक दिने बन्द गर्दैछ, कमल थापाको राप्रपा नेपालले दुई दिन बन्द गर्दैछ र आदिवासी जनजाति महास‌ंघको तीन दिने बन्द छ।

माओवादीको अनिश्चितकालीन बन्दमा बन्द सहन नसकेर सडकमा उत्रँदा लुत्रुक्क परेर बन्द फिर्ता गरे जस्तो स्थिति आउला त अहिले ? यत्रो दिन बन्द हुँदा बन्द आयोजकप्रति मान्छे भड्कन्छन् कि भडकँदैनन् ? किन सफल हुन्छन् यस्ता जबर्जस्ती लादिने बन्द ? Continue reading देश अनिश्चितकालीन बन्दको मारमा

आज काम्रेड ईश्वर पोखरेलको नेतृत्वमा एमाले बाबुराम सरकारमा सहभागी हुँदैछ। उनी उपप्रधानमन्त्री पनि बन्नेछन् संभवतः। बाबुराम सरकारमा सहभागी भएपछि संविधान सभाको निर्वाचनपछि बनेका प्रत्येक सरकारमा एमालेले हिस्सा पाएको छ। दुई पटक एमाले ‘भाले’ भयो अर्थात् प्रधानमन्त्री कै कुर्सी पायो। जुन दिन जान्नँ जान्नँ भन्दै पनि एमाले बाबुराम सरकारमा सहभागी भएको छ, त्यही दिन संयोगले मदन भण्डारीको पुण्यतिथि परेको छ।

आजभन्दा १९ वर्षअघि अर्थात् ३ जेठ, २०५०
समय अपराह्न साढे पाँच बजे।

सिमसिम पानी परिरहेको थियो। बा अ च ८७२३ नम्बरको जिप पृथ्वी राजमार्गमा हुँइकिरहेको थियो। नेकपा एमाले कास्की जिल्ला अधिवेशन सकेर भरतपुरतिर लागिरहेका थिए महासचिव मदन भण्डारी र संगठन विभाग प्रमुख जीवराज आश्रित। चितवनको दासढुंगा भन्ने स्थानमा पुग्दा जीप असन्तुलित भयो र तल त्रिशुली नदीमा खस्यो। चालक अमर लामा जिउँदै भए। बाँकी दुई जना नदीमा बेपत्ता भए। पछि दुवैको लाश भेटियो। १९ वर्ष भयो यो घटना भएको तर अहँ, अझैसम्म यसको रहस्य खुल्न सकेको छैन। एक मात्र साक्षी अमर लामाको पनि रहस्यमय तरिकाले हत्या गरिएपछि यो रहस्य सँधैका लागि रहस्यमा नै रहने भएको छ। Continue reading मदन काम्रेडको सराद्धेकै दिन एमाले सरकारमा

दलहरुबीच लामो समयदेखि भइरहेको बार्गेनिङ बैठकले विवादित विषयहरुमा सहमति जुटाएको छ। सहमति अनुसार अब बन्ने संविधानमा यस्तो हुनेछ-

प्रदेश ११ वटा हुनेछ। अहिलेलाई नम्बर १, नम्बर २ र नम्बर ३ भएकाहरु। नाम के राख्ने भन्ने चैँ जेठ १४ पछि, धेरैपछि राष्ट्रिय (राष्ट्रपति चुन्ने, संसद) चुनाव भइसकेपछि, प्रदेशको चुनाव भएपछि प्रदेश व्यवस्थापिकाले गर्नेछ। मानौँ एक नम्बरे प्रदेशले आफ्नो नाम त्यहाँको संसदले राख्‍ने गरी चुन्नेछ। अनि सीमा कति कति भन्ने कुरो चाहिँ संघीय सीमा आयोग भन्ने एउटा आयोग गठन हुनेछ र त्यसैको जिम्मा लगाइनेछ। Continue reading सहमति ! यस्तो हुने भो संविधान