प्रतिपक्ष

सीके राउत प्रवृत्तिका जन्मदाताको शल्यक्रिया खोई?

अघिल्लो साता मात्रै आफ्नो तराई मधेश क्षेत्रको भ्रमणका क्रममा जनताले नै डा. सीके राउतको प्रतिकार गर्नेछन भन्ने बहुुअर्थी टिप्पणी गरेका प्रधानमन्त्री प्रचण्डले राजधानीमा पार्टीको भातृृ संस्था वाईसिएलको भेलामा दक्षिणपन्थीहरुको प्रतिकार गर्न निर्देशन दिएका थिए । त्यसको केहीदिनमा सिके राउत र केपीओलीपन्थको भण्डाफोर गर्ने विज्ञप्ती वाईसिएलले जारी गरेकै दिन प्रचण्ड गठबन्धन सरकारका गृहमन्त्री विमलेन्द्र निधिले डा. सिके राउतलाई गिरफतार गराएका छन्। माघ २० का दिन सिंहदरवारमा चुनावी घोषणाका लागि निर्वाचन आयोगलाई निर्देशित गर्नेगरी मन्त्रीपरिषदको वैठक चल्दै गर्दा जनकपुरबाट डा. सीके राउत प्रहरीको फन्दामा परिसकेका थिए । मधेशमा मधेशी दलहरु मात्रै होईन, सत्तारुढ र विपक्षी दलका लागि पनि हाउगुुजी बनेका र तराई मधेश क्षेत्रका युवा माझ अति लोकप्रिय रहेका डा. सीकेको गिरफतारी सरकारको लागि चुनाव बिथोल्न नदिने पूर्व सर्तकता वा प्रयाश हुनसक्छ भने मधेशी मोर्चा वा अन्य तराई मधेशवादी दलका लागि दुश्मन किनारा लगाउने प्रयाश र राहत । किन भने मधेशी दलहरुका तुलनामा डा. सीके तराई मधेशका धेरै जनसमर्थन पाएका एक वौद्धिक अभियन्ता पनि हुन भन्ने धेरै मधेशी जनको बुुझाई रहदै आएको तथ्य हो ।

पारसलाई सूर्य खड्काको ह्यापी बर्थ डे पत्र

प्रिय पारस शाह,
पूूर्व युवराज, निर्मल निवास, काठमाण्डौं ।
कुनै बेला लोकप्रिय गायक रामकृष्ण ढकालको चर्चित गीत ओराली लागेको हरिणको चाल भो…… भन्ने गीतको पर्याय झैं देखिने तिम्रो जीवन अहिले ठीक उल्टो राम्रो, राम्रो र राम्रो हुदै गएको खबरले तिम्रा स्वदेश र विदेशमा रहेका तमाम समर्थक, शुुभेच्छुकहरु निकै हर्षविभोर छन । आजको दिनाँकमा त तिमी ४६ औं जन्मदिवस पनि मनाईरहका छौं । निकै मोटाउदै गएका देखिन्छौं, हसिलो र प्रशन्न मुुद्राभाव पनि तिम्रा सार्वजनिक तस्वीरहरुले देखाउँछन्। आजकै दिन देख्न तिमीले कति धेरै उतारचढावहरु सहनुु परयो, त्यो कालो संघर्षको असली अनुभुुति तिमीबाहेक अरु कसलाई होला र ? अचानाको चोट खुुकुुरीलाई के थाहा भनेजस्तै तिमीले सारा दुख पिएर पनि यही समाजको सामुुु खुसी खुसीको जीवन जिएर देखाईरहेका छौं । त्यसैले यी शव्द शुुभकामना तिम्रो पुण्यजन्म तिथिमा । तिम्रो दैनिक सुुस्वास्थ्य, दीर्घायुु र सफल भावि दिनका लागि।

दरवार हत्याकाण्डको पुनः छानबिन गर्ने : १५ आधार जसका कारण ज्ञानेन्द्रले क्लिनचिट पाउने छन्

२०६३ सालको दोस्रो जनआन्दोलन सफल हुँदै देश गणतन्त्रमा फड्को मार्नुमा धेरै कारक पात्र, परिस्थिति र परिवेश छन्। सामान्यतः तत्कालीन सक्रिय राजा ज्ञानेन्द्रका हातबाट सत्ता र शक्ति खोसिएका कारण उनलाई खलनायक मानिएला। तर ती अनेकन मध्येका एक मुख्य कारक उनै ज्ञानेन्द्र थिए। यसका आधार र कारण के भने २०६१ माघ १९ मा शक्ति हातमा लिएपछि ज्ञानेन्द्र यति धेरै दम्भी बने कि उनले आफूबाहेक सबैलाई भुसुना बराबर पनि गनेनन्। फलतः त्यतिबेलासम्म असंभव प्रायः मानिएको तत्कालीन ७ दल र भूमिगत माओवादीको एकतादेखि संयुक्त जनआनदोलनसम्म भयो। राजा ज्ञानेन्द्रको नकारात्मक भूमिका नै गणतन्त्रका लागि मार्ग खन्ने कर्तुत मध्येका एक मुख्य कारक बन्यो।

अहिले नागरिक छन् ज्ञानेन्द्र तर उनी उदाउँदो शक्ति नायकका रुपमा देखा पर्दैछन्। तर आफ्नो पौरखले भन्दा १० वर्ष अघि उनको सत्ता र शक्ति खोस्ने दलहरुको अकर्मण्यता, अक्षमता र अदूरदर्शिता तथा विभाजनका कारणले। अझ यसो भनौँ उतिबेला गणतन्त्र ल्याउन सहयोग बनेका राजालाई अहिले गणतन्त्रमाथि नै कालो बादल लाग्ने गरी पूर्वराजालाई हिरो बनाउन उनै गणतन्त्रवादीहरु लागेका छ्न्।

अलविदा कर्ण बोहोरा : निष्ठुरी काल उनका हकमा बेशरम आयो, बेतुकमा आयो, अनायासै आयो

15193524_10209453619310725_1263260794042214543_n गर्भमै हुँदा बुबाको हत्या,दाजुको ब्रेन ह्यामरेजका कारण मृत्‍यु,भाउजुको दुर्घटनामा परी मृत्‍यु, श्रीमतीको दुबै मिर्गौला खराब, उपचारका लागि राखिएकी श्रीमतीको कुरुवा बस्दाबस्दै सुतेकै ठाउँमा निधन। उमेर मात्र ३७ वर्ष।

जिन्दगीको पीचमा हाफ सेन्चुरी पनि पार गर्न नपाउदै वैगुनी यमराजले पत्रकारिता क्षेत्रको एउटा होनाहार प्रतिभालाई आफनो बनाईसकेको छ । सधै अरुको समाचार बनाउने कर्मका योद्धाहरुले आफ्नै सहकर्मीको देहावसानको खबर बुुन्नु कति पीडादायी र कष्टकर हुन्छ भन्ने हामी अनुुभुुत मात्रै गर्न सक्छौं, अभिव्यक्त गर्न शव्दै हुन्न ।

मान्छेको चोला हो । मर्नेपर्ने । पत्रकार बोहरा कर्ण पनि अजम्वरी थिएन्न । तर निष्ठुरी काल उनका हकमा बेशरम आयो, बेतुकमा आयो, अनायाशै आयो। अप्रत्याशित आयो र अल्पायूमा नै आयो । यस अर्थमा यो क्रुर कालप्रति सदा, सदैव सबैको घोर आपत्ति र घृणा छ, रहिहरनेछ । यमराज पनि यदि जीवन हो भने, चीरकालसम्म तेरो सत्यानाशै मात्रै भैरहोस । छन यदि लोकमा भगवान भने तेरो कहिल्यै भलो नहोस । यो आशुु, आशुु र आशुुको बियोगान्त शोकको घडीमा पूर्ण कटाक्ष त्यो निर्दयी कालप्रति ।

प्रचण्डको ठाउँमा म भएको भए यसो पो गर्थेँ

स्कुुल जीवनमा यदि म प्रधानमन्त्री भएँ के गर्थे भनेर सरहरुले बोल्न र लेख्न लगाउनुु हुन्थ्यो। अहिले गणतन्त्र नेपालका कार्यकारी सरकार प्रमुख प्रचण्डको सय दिने सत्ताबाट जनताले भोगेको देखेको कठोर सत्यले यदि म अहिले प्रचण्डको स्थानमा भाको भे के गर्थे भन्ने लेख्न उत्सुक बनायो।
साँच्चै म अहिले देशको प्रधानमन्त्री भएको भए

१. सुुरुमै सम्पत्ति विवरण सार्वजनिक गर्थे, आफूू र आफ्ना मन्त्रीहरुको। कानुुनले तोकेको ६० दिने म्याद नगुजारीकन, बढीमा एक सातामा। यति धेरै गैरअनुुशासित र लज्जित हुदैन्थे।

२.भूकम्प पीडितलाई ४५ दिनभित्र पहिलो किस्ता ५० हजार दिन आफैले दिएको निर्देशन यो वा त्यो बहानामा पालना नगर्ने पुननिर्माण प्राधिकरणका सिइओ र कामचोर कर्मचारीलाई अन द स्पट ४६ औं दिनमा वर्खास्त गरिदिन्थे।

पूर्वयुवराज पारस, आउनुस् खुल्लमखुल्ला राजनीतिमा

[जतिबेला राजावादीहरुले आफ्नो परिचय लुकाएर हिँड्नु पर्थ्यो, त्यतिबेला पनि आफूलाई खुल्लमखुल्ला राजावादी भनेर परिचय दिएर माइसंसारमा ब्लग लेख्ने व्यक्ति हुन् सूर्य खड्का। गणतन्त्रको हावा चलेको त्यतिबेला आलोचनाको तारो बने पनि आफ्नो आस्थामा अडिग भई ब्लग लेखिरहे उनले। आज उनले पूर्व युवराज पारसलाई सम्बोधन गर्दै ब्लग लेख्दा सुरु मै नोट लेखेका थिए, ‘यो धेरै प्रतिगामी खालको छ। तपाईँको टिप्पणीसहित हालिँदिदा हुन्छ। जान चाहिं जाओस् है।’ उनकै अनुरोध अनुसार यो ब्लग जस्ताको तस्तै-]

प्रिय पारस शाह,
पूर्व युवराज, नेपाल
हार्दिक अभिवादन
विषय : खुल्लामोर्चाको राजनीतिक नेतृत्व लिन आग्रह।
महोदय,

यो पत्रगत भेटघाटमा शाही संस्कारका भाषा शब्दावली आदि प्रयोग नगरेको अन्यथा नमान्नु होला। औपचारिकता भन्दा बढी सिधै विषय प्रवेश गर्न आज्ञा चाहन्छु।

प्रथमतः तपाईको दैनिक सुस्वास्थ्य, दीर्घायु र खुसीले भरिएको जिन्दगीका लागि मंगल कामना छ। दुर्लभ जीवन बाँचेर संसारलाई देखाईदिनु भो, रोगव्याधिदेखि, दशा, महादशा वा सबैखाले षड्यन्त्रहरुलाई पनि पराजित गरेर देखाईदिनुभो। मान्छेको जीवनमा जान अन्जानमा भुलहरु भैदिन्छन्। भुलहरुको बाढीका बीच तैरिएर तंग्रिनु पनि भो, पुर्नजीवनका लागि पुनः बधाई छ।

घैमल मोदी चिनम, दशैंका लागि खसी किनम

-सूर्य खड्का-

surya_khadka फेवातालको आंगनमा लैलै माछा पुच्छ्र्रे छाया …..बोलको नेपाली गीतलाई अब सार्कको आंगनमा लैलै भारतीय छाया, भारतीय हांच्छिऊ बिना सार्कलाई कसैको को नी छैन हैे माया भनेर नयां सार्क स्तरीय प्यारोडी बनाए हुने भएको छ । अझैं शीर्ष सार्क गानाको टाईटल नै सार्क अर्थात जसो भारत उसै स्वाहा गरिदिए हुने भएको छ । किन भने सार्क भनेकै भारत र भारत भनेकै सार्क हो भनेर भारतीय सत्तानायक नरेन्द्र मोदीले फेरि एकपटक प्रमाणित गरिदिए । अनि कानै नछामी बांकी देशले कागको पिछा गरेर १९ औं सार्क सम्मेलनलाई गर्भमै तुहाई सके ।

हो, भारतसहितका पाँच देशले भाग नलिने घोषणा गरेपछि पाकिस्तानले अर्को महिना हुने तय भएको सार्कको १९ औं शिखर सम्मेलन स्थगितको घोषणा गरेको छ । तथापि, पाकिस्तानले सार्क सम्मेलनको नयाँ मिति छिट्टै घोषणा गर्ने बताएको छ । भारत र पाकिस्तानको तनाव चुलिएपछि त्यसको छायाँ दक्षिण एसियाली क्षेत्रीय सहयोग संगठन सार्कमा परेको छ ।

ओलीको बोली

surya_khadka नेपाली राजनीतिमा सिद्धान्तका, दर्शनका ठूला हैन, नेपाली जनजिव्रोका ठेट शव्दावली र उखान टुक्का प्रयोगसहित सुरिलो र चोटिलो टिप्पणीले चर्चित नेता हुन, केपी शर्मा ओली । मुख्य विपक्षी दल नेकपा एमालेका साविकका अध्यक्ष, निवर्तमान प्रधानमन्त्री, संसदमा विपक्षी दलका नेता, एक लोकप्रिय नेता ओलीले २०७३ भदौं २२ गते चन्द्रागिरीमा पर्यटकका रुपमा केवल कार चढे । साथमा उनले केवलकारका साथमा आधुनिक नेपालको रचनाकार राजा पृथ्वी नारायण शाहको शालिक राख्नु पर्ने अनपेक्षित तर सोह्रै आना सही तर्क राखे । स्थान, अवस्था र ताली आउने नआउने परिस्थिति सबै हेरेर सर्वसाधारणले पनि टवाक्क टिप्न सक्ने शव्दावली बोल्ने ओलीले चन्द्रागिरीमा पृथ्वी नारायण शाहको शालिक राख्न राखेको प्रश्ताव वास्तवमै आम नेपालीले बोल्ने बोली हो । यस अर्थमा उनको यो बोलीलाई जनस्तरबाट स्वागत गरिएको सामाजिक संजालका प्रतिक्रियाहरुले संकेत गर्दछन्।

रामवरण : एउटा छोरो डाक्टर, अर्को छोरो इन्जिनियर, तर उनैलाई चाहियो राज्यकोषको तीन करोड

surya_khadka देशले डा. चन्द्रमोहन यादव, इन्जिनियर चन्द्रशेखर यादव र सुश्री अनिता यादवको पितालाई प्रथम गणतान्त्रिक राष्ट्रपति बनाको थियो हो?
कि स्व.जुलेखा यादवकी पति पो बनेका थिए की नेपालका पहिलो नागरिक राष्ट्राध्यक्ष राष्ट्रपति?

वा, थानी यादव र रामरति यादव दम्पत्तिका सुपुत्र हुन् त पहिलो नेपाली राष्ट्रपति ?

थाहा छैन, को थिए गणतन्त्र नेपालका पहिलो राष्ट्रपति – गणतन्त्रका विरोधीहरुलाई। तर जसले त्यो बेला कमल थापाहरुको सरकारको गोली खाएर लडेका थिए, दुर्जकुमार राईहरुको निशाना थापेर ‘गणतन्त्र जिन्दावाद’ भनेका थिए, ती चाहिं जान्दछन् देशले पहिलो नागरिक राष्ट्रपति बनाका थिए। त्यस्तो नागरिक जो स्वाभिमानको पर्याय, नैतिक ईमानको उचाईमा सगरमाथा भन्दा उँचो। सदाचारी, सहिष्णु, वेदागी र त्यागी। किनभने त्यो देशप्रमुख, बदलिएको व्यवस्थाको पहिलो नेतृत्वकर्ता लोभी नहुनेलाई बनाका हुन्। त्यो पौरखी भनेर बनाका हुन्।

पत्रकारलाई लाइसेन्स

surya_khadkaचाहिँदैन मलाई खुकुरी खुडा, बन्दुक तरवार
कलमले नै भत्काईदिन्छु अन्यायी संसार

गोलघर सन्देशमा पंचायती निरंकुशताका बेला जेलमा बसेर मोदनाथ प्रश्रितले लेखेका यी शब्द सापटी लिएर भन्नुपर्दा पत्रकारका लागि कलमभन्दा ठूलो कुनै हतियार छैन, लाइसेन्स छैन। तर पनि राज्यमा सबै निकाय झै पत्रकारिता र पत्रकारलाई पनि निश्चित दायरामा राख्न सकारात्मक नियतले लाइसेन्स प्रक्रियाबाट व्यवस्थित गर्ने कुरामा मेरो पनि विमति हैन, रहन्न। तर पत्रकारिता पढेर भन्दा परेर गरिने अभ्यास हो भने के यसलाई नैतिक बन्धन भन्दा पर कुनै अंकुश चाहिन्छ र?

पत्रकारलाई वकिल, डाक्टर वा मास्टर र कन्डक्टरसँग तुलना गरेर लाईसेन्सको घाडो झुन्डाउने कुरा त निर्दलीय शासनको स्वतन्त्र प्रेस हुन सक्ला तर समकालीन यो खुल्ला र औँलामा नाचिने विश्वमा रमाइलो ठटटा मात्रै होला। यो बहस सही वा गलत भनेर समय खर्चनु भन्दा यो कसरी प्रभावकारी हन सक्छ भन्ने तथ्यमा आधारित जिज्ञासा बहसकै रुपमा राख्न चाहन्छु।

तिलाठीवासीले दशगजामा भारतीयको बाँध भत्काएर गरेको प्रतिरक्षा : देशभक्त मधेशी स्वाभिमानको उदाहरण

saptari
surya_khadka सप्तरीको तिलाठी–४ का रैथाने देवनारायण यादव, हर्षवद्धन कर्ण, दुर्गानन्द झा, रोशन झा, संजीव झा लगायत एक दर्जन घाइतेहरु अहिले राजविराजस्थित गजेन्द्रनारायण सिंह अञ्चल अस्पतालमा उपचाररत छन्। उनीहरुका लागि साउन १३ को बिहीबार दशा बनेर आयो। आफ्नो पुर्ख्यौली थात थलोको रक्षाका खातिर खबरदारी गर्दा उनीहरुले खेपेको प्रहार र सास्तीले उनीहरुलाई अस्पतालमा पुरयाएको छ। तर पनि उनीहरुले आफ्नो बस्तीको सुरक्षा र देशको माटोमाथिको खतरा आफूहरु घाईते भएरै पनि टारेका छन्।

हो, बिहिवार पनि देशैभर केही दिन यताको निरन्तर भारी बर्षाले निम्त्याएको बाढी, पहिरो र डुबानको कहर जारी नै थियो। सप्तरीवासी पनि त्यसको मारमा परेकै थिए। सुरक्षाकर्मीको अगुवाईमा पीडितहरुको खोज , उद्धार र राहत तथा पुर्नस्थापनामा देशकै ध्यान केन्द्रित भैरहेका बेला सप्तरीको तिलाठीवासीलाई बिहिवार एकाएक थपिएको समस्या थियो देशकै तर झेले उनीहरुले गोर्खे शैलीमा एक्लै।

गुगल ब्वाईलाई गाडी किन्न सरकारी ढुकुटीबाट एक करोड दिने महादानी ओलीको जय! जय!! जय!!!

balak1 सम्माननीय प्रधानमन्त्री ज्यू,

यी शव्दहरु सम्पूर्ण रुपले समर्पित छन्, तपाईको महादानको प्रशंसा र आरती उतार्नमा। कुनै पनि मानेमा गलत अर्थ नलगाइयोस्। अन्यथा पर्न गएमा संयोग मात्रै हुनेछन्।

असार मसान्तको शुक्रवारमा तपाईको मन्त्रिपरिषदले गरेका महान् कामहरु मध्ये सबसे महादानको काम हो आदित्य बाबु अर्थात् तथाकथित गुगल ब्वाईलाई १ करोड रुपैयाँ दिने निर्णय। वाह, सलाम छ कार्यकारी सरकार प्रमुख ज्यू, यो महादानको कर्म सिंहदरवारका आखिरी दिनमै भए पनि पूरा गर्नुभएकोमा। पालाको पैँचो तिर्नुपर्छ। ठीकै हो। तिनै गुगल ब्वाईले संविधान जारी गर्नुअघि नै तपाईँलाई भावी प्रधानमन्त्री भनेर भविष्यवाणी नगरिदिएको भए तपाईँ अहिले साविकको पदमा रहन संभव नहुन पनि सक्थ्यो। धन्न तिनको भविष्यवाणीले तपाईँ देशको सरकार नायक हुनुभाको बेलामा तिनलाई नै हो तपाईँले पहिलो उद्दार गर्ने। ठीक गर्नु भाको हो गुनका बदला गुन तिरेर। के भो त कयौँ भूकम्पपीडितलाई करोडमा कति वटा सुन्ना हुन्छ भन्नेसमेत थाहा नभएर। आदित्यलाई घर चाहिएको छ, गाडी चाहिएको छ। एक करोड त दिनै पर्‍यो।

ओलीको सरकार ढाल्न त्यति सजिलो छैन जति माओवादीले सम्झेको छ, तर त्यति असम्भव छैन, जति एमालेको दम्भ छ

surya_khadkaदोस्रो संविधानसभाको मत परिणाम सार्वजनिक हुँदै गर्दा प्रचण्ड यो स्तरको सत्ता निर्णायक खेलाडी बन्लान् भन्ने अनुमानै थिएन। अझ माओवादीले निर्वाचन परिणाम नै अस्वीकार गर्न थालेपछि त उसलाई खिसीट्युरी गर्नेहरुको लर्को नै थियो। तर कुनै पनि दललाई स्पष्ट बहुमत नदिने जनादेशले माओवादीलाई दिएको तेस्रो स्थानको ८० सिट नै उसका लागि सत्ताखेलाडी बन्ने निर्णायक शक्ति बन्यो। फलतः संसदीय गणितमा तेस्रो बनेर पनि उ सत्तासमीकरणको सँधै शक्तिशाली खेलाडी बन्न सक्यो। वर्तमान ओली सत्तासमीकरणको डिजाइनर मात्रै हैन, निर्णायक नै रहन सक्यो। उसको पछिल्लो सत्तापरिवर्तन प्रयास पनि त्यसैको शक्ति चलखेल अभ्यास हो ।

डा. बाबुराम भटटराईको माओवादी परित्यागपछिको अन्य टुक्रे माओवादीसँगको एकीकरणबाट झन हौसिएको यो दललाई मोटाएको देख्नेहरु थुप्रै छन्, तर पनि यो दल आफूलाई मोटाएको तर नसुन्निएको सन्देश दिन फेरि सत्ता परिवर्तनकै अगुवाईमा उत्रेको छ।

लोकमानलाई संसदको कठघरामा उभ्याउने तागत छ त ?

surya_khadka समकालीन नेपाली समाजका एक निरन्तर विवादका शीर्ष पात्रको खोजी हुँदा त्यसको एक पर्याय पात्रका रुपमा आउने नाम हो लोकमान सिंह कार्की। बुढापाकाले त भन्थे काम्रोमा सातु नमुछ्नु, मुछेपछि खान नघिनाउनु। तर लोकमानलाई अख्तियार नायक बनाउनेहरु नै अहिले उनको खोइरो खन्न उत्रेपछि दलहरुको अहिले लोकमान सिंह कार्की त्यही उखानका पर्याय हुन्। किनभने लोकमानको जुन पदीय हैसियत छ, त्यो उनका विरोधीहरुका अगुवा प्रमुख राजनीतिक दलहरुका शीर्ष नेताहरुले दिएको बक्सिस हो। कांग्रेसका दिवंगत सभापति सुशील कोइराला, एमालेका तत्कालीन अध्यक्ष झलनाथ खनाल र माओवादी अध्यक्ष प्रचण्डसमेतको सहमतिमा तत्कालीन मन्त्रिपरिषदका अध्यक्ष खिलराज रेग्मी हुन् कार्कीलाई यो हैसियत बक्सिस दिने महारथीहरु। तर जसका जौ खानु उसैका जुंगा मुडनु भन्ने शैलीमा ओर्लिए उनै लोकमान अनि बनिरहेका छन् सर्वत्र आलोचना र प्रहारका केन्द्रीय पात्र। प्रचण्डको गुन तिर्न उनले माओवादी नेता कृणबहादुर महरा लगायतमाथि छानबिन थाले, एमालेको गुन तिर्न उनले राजेन्द्र र सुरेन्द्र पाण्डेहरु लगायतलाई तारो बनाए। लोकमानको दलका नेताहरुको गुनका बदलाको बैगुन श्रृखला जारी छ।

अर्थात् …………उधारो नयाँ शक्ति ?

Brb_Party_(43) भूकम्पपछिको पुर्ननिर्माणको नेतृत्व लिन झोली थापेरै याचना गरेका थिए, डा. बाबुराम भट्टराईले। तर झिंगे मन मुटु भाका तत्कालिन सत्ताधारी कांग्रेस एमालेहरुले उनलाई त्यो अवसर, चुनौति र गौरवको भारी बोक्न दिएनन्। फलतः जीवनभरका कट्टर मार्स्े तथा माओवादी विचारका व्याख्याता बाबुराम घुमीफिरी राजनीतिक खेतिमै फर्किए। कहिल्यै दलीय राजनीति नगरेका पूर्व राजा ज्ञानेन्द्र वा उनका गैरराजनीतिक पुत्र पारस वा बुहारी हिमानी शाहले पार्टी खोलेका भए, स्वभाविक रुपमा एक खालको ह्वीम ल्याउन सक्थे। तर जन्मँदै राजनीति गर्छु भनेर आधा उमेर बिताएका देशका एक पूर्व प्रधानमन्त्रीले पार्टी खोल्नु आफैमा नयाँ खबर हैन। तर पनि प्रचारको तरिका र शैलीले नेपालले जेठ ३० को मध्यान्हमा फुटबलको मैदान रंगशालामा राजनीतिक दलको घोषणा सभा हेर्नु, देख्नु, भोग्नु परेको छ। सहभागीहरुले एउटा नयाँ यात्राको विधिवत थालनी गरेका छन। रमितेहरुले एक स्तरको राजनीतिक लाइन र नेतृत्व पाएका छन। तर के नयाँ शक्तिको उदय आफैमा उसको नारा जस्तै आर्थिक सम्वृद्धिका लागि पहिलो कदम र निर्णायक कोसेढुंगा नै हो त? यो स्थायी प्रश्नहो कम्तिमा बाबुराम देशको बागडोरका भान्से हुन नपाउदा सममका लागि।

विपी र मदनकै कडी हुने हो भने किन चाहियो नयाँ शक्ति ?

surya_khadka उसो त देशमा प्रजातन्त्र स्थापनार्थ तत्कालीन राणाशाहीविरुद्ध ज्यानको आहुति दिने चार महान सपुतहरु मध्ये शहीद दशरथ चन्दको नाममा रहेको देशकै एकमात्रै ठूलो र सुविधा सम्पन्न मानिनु पर्ने दशरथ रंगशालामा सामान्यतः खेलकै कुरा जोडिनुपर्ने हो। तर, यो जेठान्तमा यो ऐतिहासिक रंगशालामा हुन लागेको राजनीतिक रुपान्तरणको एउटा कुम्भ मेला आफैमा रोचक, घोचक र दर्शनीय छ। जीवनभर कम्युनिष्ट सिद्धान्तका व्याख्याता र प्रयोत्ता रहेका डा. बाबुराम भट्टराईले दशरथ रंगशालबाटै कम्युनिष्ट जीवनबाट पारपाचुके गरी गैर वाम पार्टीको विधिवत घोषणा गर्ने भएका कारण नै बिना खेल परेड पनि रंगशालामा धेरैका आंखा, मन, मष्तिष्क तानिएका छन्।

हाम्रा कम्युनिस्ट पार्टीहरु : नारा मात्रै सक्कली, कामकुरो सबै नक्कली

surya_khadka वीपी कोइरालाका शब्दमा कुनै पनि मान्छे युवा अवस्थामा कम्युनिष्ट बनेन भने नि त्यसले गरी खान्न रे। अनि जीवनको वयस्क कालखण्डसमम पनि उ कम्युनिष्टबाट प्रजातन्त्रिक बनेन भने पनि उसले गरिखान्न रे। सुरुमा आफै कम्युनिष्ट रहेका विपीले भाइ गिरीजालाई पनि कम्युनिष्टबाट कांग्रेस हुन सम्झाई बुझाई गर्दा यो प्रसंग भनेका थिए रे खांटी कांग्रेसी पत्रकार बिन्दुकान्त घिमिरेका अनुसार। यो पिता कृष्णप्रसाद कोइरालाको मृत्यु संस्कारका बखतको घटना भाको पत्रकार घिमिरेको भनाई छ।

कुनै बेला नेपाल कम्युनिष्ट पार्टीका महासचिव रहेका स्व. केशरजंग रायमाझीको राजापरस्त पतन वा झापा विद्रोह र १० वर्षे जनयुद्धपछि बदलिएका नेपाल कम्युनिष्टहरुको दैनिकी र नियतिले पनि उही विपीको भनाई चरितार्थ गर्दछ। पछिल्लो उदाहरण नै हेरौं न। डा. बाबुराम भट्टराईले संसदीय प्रजातन्त्रलाई बोकाको टाउको राखेर सुंगुरको मासु बेच्ने थलो भन्दै २०४९ मा संसद नै छाडे। तत्कालीन जनमोर्चाका ती जुंगेदाहीवाल जुझारु नेता भट्टराइले २०५२ पछि शशस्त्र संघर्षै थाले। २०५२ देखि २०६२ सम्ममा १७ हजार बढी निर्दोष नेपालीको ज्यान लिने लाल संघर्षका मुख्य सैद्धान्तिक व्याख्याता उनै पिएचडी बाबुराम थिए। तर देश बदल्ने कसम खाएर हतियार युद्धमा होमिएका तिनै बाबुरामले २०६४ मा हतियार बिसाएर शान्ति राजनीतिमा फर्के र २०७२/७३ सम्म आइपुग्दा त आफू नेतृत्वको कम्युनिष्ट पार्टी नै फगत भ्रम भएको पुष्टि गरे। हाल उनको नयाँ शक्ति नामक दलको रेष्टुंरे र तारे होटलस्तरीय उदय वाम र खासगरी माओविचारधाराकालिन नेपाली वाम आन्दोलनको स्खलन मात्रै हैन समूल पतन नै हो। तै पनि नकचरो शैलीमा डा.केशरजंग रायमाझीका गणतन्त्रकालीन अवतार उनै बाबुराम भन्दैछन, देश बदल्ने मैले, मेरै नेतृत्वमा मेरै जीवनकालमा हो र त्यो संभव छ। कति हाँस्नु ? तै पनि जनता सुनिदिन्छन् उनलाई पनि।

राजाको नाममा राजसंस्थाको नाम जपेर संस्था नै बद्नाम गर्ने पाखण्ड रोक, नत्र प्रतिकारमा उत्रन बाध्य हुनेछन् जनता

surya_khadka श्री पशुपति खड्का
सभापति, शाही युवा शक्ति।
तिमीसँग प्रत्यक्ष चिनजान नभाको भे नी तिम्रो नामको ३० बैशाखमा उपत्यका बन्दको एउटा सन्देश यत्रतत्र सर्वत्र सार्वजनिक गरिएको पाएसी यो पत्र लेख्दैछु। कालोबजारी महंगी, भ्रष्टाचार र असुरक्षाका बिरोधको मनछुने नारामुनि तिमीहरुले उपत्यका बन्द गर्न लागेछौं। मूल नारा त अब जनता जागौं, राजतन्त्र ल्याऔं र राष्ट्रियता बचाऔं भन्ने रहेछ। यही तिम्रो नाराले अहिलेसम्म नामै नसुनिएको तिम्रो संस्था शाही युवा शक्तिका नाममा लेख्नै पर्ने बनायो।

मलाई झलझली सम्झना भैरहेको छ विद्धान भोल्टायको भनाई तिम्रो उपत्यका बन्दको उर्दी देखे । भोल्टायले उसै भनेका हैन रहेछन, शत्रुहरुसँग लड्न म आफै काफी शक्तिशाली छु मलाई आफ्नैहरुसँग बचाऊ । देशमा कसरी राजसंस्था बचाउनुपर्छ भन्ने चिन्ता, चिन्तन र अभियान गर्न तिमी शाहीभक्तहरु सार्वभौम छौं। तर किन त्यो नाममा उपत्यका बन्द ? २४० बर्षको शाही सिंहासन त राजसंस्थाको बिर्ता नभइकन ज्ञानेन्द्रले नेपाल सरकारलाई बुझाएर नागार्जुन गाको बेला के उपत्यका वा देश तिमीहरुको बिर्ता हो र तिमीहरुले भन्दैमा यो बन्द भैदिनुपर्छ ? फेरि लोकसम्मतिमा चल्ने शाही परम्परामा जनताविरुद्ध, जनता सताउने बन्द जस्ता कठोर जनविरोधी प्रदर्शन गर्न कहाँ कुन परम्परा छ? हो राजाको नाममा राज र राजसंस्थाको नाम जपेर संस्था नै बदनाम गर्ने तिमीहरु जस्तैको पाखण्ड हो यो कृपया । बुझ नबुझेको भए, लाज पचाएका हौ भने जनता तिम्रो बन्दको प्रतिकारमा उत्रन बाध्य हुनेछन । उत्रनैपर्छ जनता कथित बन्दको प्रतिकारमा।

पत्रकार महासंघ न्यूनतम पारिश्रमिकको मामिलामा किन चुप? सुहाउने कुरा हो यो?

surya_khadka उसो त यो कुनै पनि पत्रकारले सम्झाइरहनु पर्ने वा नेपाल पत्रकार महासंघले कानमा तेल हाले झैं गर्नुपर्ने मुद्धा अवश्यै हैन श्रमजीवी पत्रकारहरुको नयाँ तलबमान लागू गर्ने सवाल । तर भैरहेको छ त्यस्तै जस्तो नहुनु पर्ने थियो । यस बिषयमा संचारमन्त्री शेरधन राईले सुरुका दिनमा लागू गर्ने भनी दिने गरेका चर्को प्रतिवद्धता मलिन हुँदै जाँदा वा संचार संचालकहरुको प्रतिनिधिमूलक संस्थाबाट यस सवालमा फरक मत मात्रै हैन एक हदसम्मको चेतावनीपूर्ण अस्वीकृति नै सतहमा आइसक्दा पनि नेपाल पत्रकार महासंघ भने औपचारिक वा अनौपचारिक कुनै सक्रियता नदेखाउनु अलिक रहस्यमय छ ।

जो कोही सरोकारवालालाई राम्रै हेक्का हुनुपर्ने हो की श्रम ऐन होस् या श्रमजीवी पत्रकार ऐनमा न्यूनतम पारिश्रमिक निर्धारण समितिले पारिश्रमिक निर्धारण गरी सिफारिस गर्न नसके मात्र सरकार स्वयमले पारिश्रमिक तोक्न सक्ने स्पष्ट उल्लेख छ । यसको मत्लव पारिश्रमिक निर्धारण समितिले आफ्नो जिम्मेवारी पूरा नै गरिसकेको परिवेशमा यो सिफारिश कार्यान्वयन निशर्त अनिवार्य छ । तर यहाँ त न्यूनतम पारिश्रमिक निर्धारण समितिले पारिश्रमिक निर्धारण गरी लागू गर्न सरकारलाई सिफारिश गरिसकेको अवस्थामा त्यसलाई कार्यान्वयन गर्न आवश्यक दवावी भुमिका वा पहलकदमी देखिएको छैन नेपाल पत्रकार महासंघको । आम पत्रकारको र खासगरी श्रमजीवी पत्रकारको प्रतिनिधिमूलक छाता संगठन हुनुका नाताले मात्रै हैन महासंघको घोषित कार्यलक्ष्य नै यस्तै मुद्धा हुने हुँदा यस सवालमा महासंघको असरदार दवावी पहलकदमी अपेक्षित मात्रै हैन अनिवार्य नै छ ।

श्रमजीवी पत्रकारको नयाँ तलबमान लागू गर्दा मिडिया संचालकहरु काशी जालान् र ?

surya_khadka नेपाल पत्रकार महासंघ स्थापनाको ६१ औ बार्षिकोत्सवको पर्सिपल्ट बिहीबार सूचना तथा संचार मन्त्री शेरधन राईले सिंहदरबारमा आमन्त्रण गरेका संचार उद्यमी, संचालकहरुले श्रमजीवी पत्रकारका लागि प्रस्तावित नयाँ तलबमान लागू गर्न नसकिने तर्क गरेको समाचार सार्वजनिक भएको छ। मन्त्रीका संचार सल्लाहकार मात्रिका पौडेलले सो सम्बन्धी सूचनामा भनेका छन सबैको जीत हुने गरी नयाँ तलबमान लागू गर्ने प्रयास हुनेछ । नयां तलबमान संचार संचालकहरुको सहमति वेगर आएको र सो प्रश्तावित तलबमान लागू गर्नु परे संचार गृहहरुको सांचो सरकारलाई बुझाई दिने संचालकहरुको कठोर चेतावनी पनि सोही खबरमा जोडिएका छन । पंत्तिकारले सो छलफलमा भाग लिने मौका नपाए पनि सबैलाई मान्य हुने विकल्प खोजीने मन्त्रीका प्रेस सल्लाहाकार पौडेलको छोटो प्रतिक्रियाकै आधारमा अनुमान गर्न सकिन्छ की मीडिया सोसाईटीका अधिकारी लगायतका संचालकहरुले मन्त्रीको झाको झारेका छन । उनीहरुले हजार तर्क कुतर्क गरेर पत्रकारको नयां तलबमान लागू हुन नसक्ने धम्की दिएर मन्त्रीसंगको छलफल बिट मारेको र मन्त्रीले आफै लागू गर्छु भनेर पट्क पट्क जनाएको प्रतिवद्धता अब झन पेचिलो बनेको तथ्य बुझ्न कुनै कठिन छैन ।

1 of 2
12