यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

२ हजार ६३६ नेपालीको नाम मंगल ग्रह जाने सूचीमा


तपाईँले माथि देख्नुभएको अनलाइन टिकट मंगल ग्रहको हो। २ हजार ६ सय ३६ जना नेपालीको नाम मंगल ग्रह जाने सूचीमा रहेको छ। अमेरिकी अन्तरिक्ष एजेन्सी नासाले जनाए अनुसार २०१८ को मे महिनामा प्रक्षेपण गरिने इन्साइट मिसनका लागि विश्वभरबाट २४ लाख २९ हजार ८ सय ७ जनाको नाम मंगल ग्रह पठाइने छ। त्यसमा नेपालीको संख्या २ हजार ६३६ रहेको हो। तपाईँलाई पनि आफ्नो नाम पठाउने मन छ? ढिला भइसक्यो।

सन् २०१५ मा नासाले नाम माग्दा विश्वभरबाट ८ लाख २७ हजार वटा नाम आएको थियो। त्यसपछि गएको महिना फेरि नासाले नाम आह्वान गरेको थियो। यस पटक १६ लाखभन्दा बढीले नाम पठाए।

सबभन्दा बढी नाम अमेरिकाबाट आयो ६ लाख ७६ हजार ७७३। दोस्रो र तेस्रोमा हाम्रा छिमेकी देशहरु आए चीन २ लाख ६२ हजार ७५२ र भारत १ लाख ३८ हजार ८९९ वटा। कुन देशबाट कति नाम थाहा पाउन यता क्लिक गर्नुस्।

तर नेपालका केही मिडियामा आएको समाचारमा जस्तो नझुक्किनुस् है, यो भनेको मान्छेलाई मंगल ग्रहमा लग्ने हैन, मान्छेको नामलाई मात्र लाने हो। गएको महिना नाम पठाउनेहरुलाई अनलाइन टिकटको व्यवस्था गरिएको छ।

यो अनलाइन टिकट सोसल मिडियामा देखाउन र रमाइलो गर्नमात्र हो।

कसरी लगिन्छ त नाम?

यो माइक्रो चिप देख्नुभो? यसैमा ती नामहरु राखिन्छ र यो चिपलाई मंगल ग्रहमा अवतरण गर्ने इन्साइट ल्यान्डरमा राखिन्छ।

यसपालि त छुटिहाल्नुभयो, अर्को पटक नाम पठाउन चाहनु हुन्छ? नासाको यो साइटमा गएर आफ्नो ठेगाना दर्ता गर्न यहाँ क्लिक गर्नुस्

1 comment to २ हजार ६३६ नेपालीको नाम मंगल ग्रह जाने सूचीमा

  • Shankar

    नेपालि ले मंगल ग्रह को टिकट काटेर काम छैन , कसले पठाउने ? फेरी तेस्तो पुजीबादी ,फासिस्ट रकेट पनि चढ्ने हो ?
    किम जोङ्ग उन को प्रगति सिल रकेट चढेर जाने नि |

    मन परे हरियो नपरे रातो ! Thumb up 1 Thumb down 1

Leave a Reply

  

  

  

Enable Google Transliteration.(To type in English, press Ctrl+g)