यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

त्यस्तो मोमो जसको बारेमा शायद् तपाईँले कल्पनासमेत गर्नुभएको छैन होला


मोमो र चाउमिन- नेपालीहरुको सबैभन्दा प्रिय खाजा। नेपालीहरुले रेस्टुरेन्टमा भएभरको मेनु हेर्छन् रे अनि लास्टमा अर्डर गर्नुपर्ने बेलामा चाहिँ मोमो र चाउमिनै गर्छन् भनेर जिस्क्याउने पनि गरिन्छ। मोमो भनेपछि नेपालीहरु हुरुक्कै हुन्छन् नि फेरि। मोमोका कति प्रकार तपाईँलाई थाहा छ? बफ मोमो सबैभन्दा प्रचलित भइहाल्यो, चिकेन पनि चलेकै छ। भेजिटेबल पनि अचेल धेरैले खान्छन्। यसबाहेक पोर्क, फिस मोमोसम्म तपाईँले सुन्नुभएकै होला। तर म तपाईँलाई त्यस्तो मोमोको बारेमा बताउन जाँदैछु जसको बारेमा तपाईँले शायद् कल्पनासमेत गर्नुभएको छैन होला। अनुमान लगाउनुस् त के हो पहिला, अनि अगाडि पढ्नुस्।


यो मोमो मैले यहाँ भेट्टाएको हुँ।

गएको दशैँको विदामा म लाङटाङ घुम्न पुगेको थिएँ। लाङटाङ पदयात्रा मार्गमा बास बस्ने एउटा ठाउँ छ जसको नाम लामा होटल हो। त्यहाँ बास बस्ने क्रममा रातिको खाना खानका लागि मेनु पल्टाउँदा मोमोमा देखेँ यस्तो-

देख्नुभयो मोमोका प्रकारमा एउटा अचम्मको मोमो- स्निकर मोमो। यस्तो मोमो त मैले अरु कुनै ठाउँमा देखेको थिइनँ। यो भनेको पिठोभित्र स्निकर चकलेट हालेर बनाउने मोमो रहेछ। शायद् स्निकर्स चकलेट बनाउने अमेरिकी कम्पनी मार्सलाई समेत थाहा छैन होला उसको चकलेटबाट यस्तो पनि परिकार बन्ने गरेको छ भनेर।

स्निकर मोमो चाख्न भने चाखिएन।

अर्को एउटा कुरा तपाईँले याद गर्नुभयो, मेनुमा मासु छैन। टुना र एगलाई छाड्ने हो भने सबै भेज परिकार मात्रै। किन?

यो हिमाली भेगमा मारकाट गर्न नहुने परम्परा रहेछ। त्यही भएर यता मासु नपाइने रहेछ। आफू त भेज, बालै भएन। ननभेजहरुलाई चाहिँ लाङटाङ ट्रेकिङमा हिँड्दा भेज हुनुपर्छ भन्ने थाहा नहुन सक्छ।

3 comments to त्यस्तो मोमो जसको बारेमा शायद् तपाईँले कल्पनासमेत गर्नुभएको छैन होला

  • Tika Sigdel

    कति महँगो हो ४०० , ५०० छ त हो , १००० नै राखे भै गो नि. हैट!!!!

    मन परे हरियो नपरे रातो ! Thumb up 0 Thumb down 0

  • Gorkhali

    ३८० तिरेर आलु को मोमो चै अत्ति होल हो !! बरु समोसा भने भयो नि !!

    मन परे हरियो नपरे रातो ! Thumb up 0 Thumb down 0

  • sujan maharjan

    आलु मोमो रे? आलु हालेपछि समोसा हुन्छ होइन र ?

    मन परे हरियो नपरे रातो ! Thumb up 0 Thumb down 0