यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

प्रधानमन्त्री बिरामी परेपछि सरकारी मिडियालाई नियास्रो लागेछ, एक महिना पुरानो भाषणको समाचार दियो आज बल्ल


प्रधानमन्त्री केपी शर्मा ओली विगत दुई दिनदेखि बिरामी भएर निवासमै आराम गरिरहेका छन्। आइतबार क्याबिनेट बैठकमा छोटो समय उपस्थित हुनुबाहेक उनी कुनै पनि सार्वजनिक कार्यक्रम, भेटघाट, बैठकमा सहभागी छैनन्। तर सरकारी समाचार एजेन्सी राससले आइतबार दिउँसो २ बजेर ३६ मिनेटमा “नेपालका लागि सबै मित्र हुन्, शत्रु छैनन् : प्रम” शीर्षकमा एउटा समाचार फाइल गर्‍यो। शायद् सबै मिडियाका न्युजरुम अचम्ममा परे होलान्- बिरामी भनिएका प्रधानमन्त्रीले कहाँ बोलेछन्?

समाचार पढ्दा थाहा भो, यो त एक महिनाअघिको समाचार पो रहेछ। प्रधानमन्त्री ओली संयुक्त राष्ट्र संघको महासभामा सहभागी हुन न्युयोर्क गएका बेला एसिया सोसाइटीले आयोजना गरेको अन्तर्क्रियामा सहभागी भएका थिए। मिति थियो २५ सेप्टेम्बर। आज २८ अक्टोबर। अर्थात् एक महिनाभन्दा बढी भइसक्यो यो कार्यक्रम।

प्रधानमन्त्रीको भाषणको समाचार लेख्न नपाएर सरकारी समाचार एजेन्सीलाई साह्रै छटपटी भएको जस्तो छ। त्यही नियास्रो हटाउनलाई होला एक महिनाभन्दा पुरानो कुरालाई समाचार बनाएछ त्यो पनि बाइलाइनसहित।

पत्रकारिताको विद्यार्थी हुँदा New कुरा News हुन्छ भनेर पढिएको थियो। राससले त Old कुरा पनि News हुन्छ भनेर देखाइदियो।

पत्रकारिताको यो नयाँ परिभाषाका लागि श्री राष्ट्रिय समाचार समितिलाई सबैले अभिनन्दन गर्नु वेश होला।

राससको यो समाचारको पूर्ण पाठ अन्नपूर्ण पोस्टले प्रकाशन गरेको छ। यहाँ क्लिक गरी पढ्न सक्नुहुन्छ।

1 comment to प्रधानमन्त्री बिरामी परेपछि सरकारी मिडियालाई नियास्रो लागेछ, एक महिना पुरानो भाषणको समाचार दियो आज बल्ल

Leave a Reply

  

  

  

Enable Google Transliteration.(To type in English, press Ctrl+g)