यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।
eXTReMe Tracker

भाइटीकामात्र हैन भाउजु टीका पनि हुँदो रहेछ बालुवाटारमा


भाइटीका देशभर एकै किसिमले मनाइँदैन। कुनै ठाउँको के चलन हुन्छ त कुनैको के। कसैको दाजुभाइलाई घुम्नुपर्ने चलन छ। हाम्रो त्यसरी घुम्नु पर्दैन। आफ्नोभन्दा फरक चलन देखेपछि रमाइलो र अनौठो लाग्ने नै भयो। बालुवाटारमा प्रधानमन्त्री केपी शर्मा ओलीको भाइटीकाका फोटो र भिडियो हेर्दा अचम्म लाग्यो- त्यहाँ ओलीका बहिनीहरुले दाइलाई मात्र हैन, भाउजुलाई समेत टीका लगाइदिए।


दुई वटा कुर्सी थिए। एउटामा प्रधानमन्त्री ओली बसेका थिए। अर्कोमा उनकी पत्नी राधिका शाक्य। दुई बहिनी र दुई भाञ्जीले प्रधानमन्त्रीलाई मात्र हैन, प्रधानमन्त्री पत्नीलाई पनि परिक्रमा गरे।

त्यतिमात्र हैन फूलले पूजा पनि दाइ प्रधानमन्त्रीसँगै भाउजुलाई पनि गरे।

त्यसपछि अब सप्तरङ्गी टीका लगाउने पालो। पहिला प्रधानमन्त्रीलाई। त्यसपछि प्रधानमन्त्री पत्नीको निधारमा पनि उनीहरुले टीका लगाइदिए।

मखमली फूलको माला पनि प्रधानमन्त्रीलाई सँगै प्रधानन्त्री पत्नीलाई पनि उनीहरुले लगाइदिए।

दाइ र भाइटीकामात्रै हेरिरहेकाहरुलाई यो भाउजु टीका पक्कै पनि रोचकै लाग्यो होला।

8 comments to भाइटीकामात्र हैन भाउजु टीका पनि हुँदो रहेछ बालुवाटारमा

  • Surendr Regmi

    This is normal in many communities of Nepal, mainly Braman and Chhetri Community.

    मन परे हरियो नपरे रातो ! Thumb up 1 Thumb down 0

  • subi

    धेरैतिर वर्षौ‌देखि भाउजु बुहारीलाई पनि दाजुभाईस‌गै टिका लगाइदिने चलन छ/भाई सँगै बुहारीलाई र दाईसँगै भाउजुलाई टीका लगाईदिने चलन रहेछ । अधाङ्गिनीको अवधारणा हो।

    मन परे हरियो नपरे रातो ! Thumb up 1 Thumb down 0

  • खगेन्द्र

    नवुझे नलेखे हुन्छ तर सवैतिर वर्षौ‌देखि भाउजु बुहारीलाई पनि दाजुभाईस‌गै टिका लगाइदिने चलन छ हामी जस्ता शक्ति नहुनेकोमा पनि

    मन परे हरियो नपरे रातो ! Thumb up 1 Thumb down 0

    • तपाईँको तिर होला सबैतिर चाहिँ छैन है। हामीकहाँ छैन। हामीलाई अचम्म लाग्यो भनेर लेख्न पनि नपाइने? हाम्रो चलन तपाईँलाई थाहा नहोला तपाईँलाई अचम्म लाग्ला, तपाईँहरुको चलन हामीलाई थाहा नहोला हामीलाई अचम्म लाग्न नपाउने? भाउजुलाई सँगै राखेर टीका लगाएको देखेर अचम्म लाग्यो, अचम्म लाग्यो भनेर लेखियो। जे लाग्छ त्यो लेखिन्छ।

  • sanumaya

    भाई सँगै बुहारीलाई र दाईसँगै भाउजुलाई टीका लगाईदिने चलन छ त । अधाङ्गिनीको अवधारणा हो यो। तिहारमा भाउजु/बुहारीहरु र नन्द/ आमाजूहरु भाईटीकाका लागि आआफ्नै माईतमा हुने भएकोले थाहा नभएको हो।

    मन परे हरियो नपरे रातो ! Thumb up 0 Thumb down 0

  • Kamal

    यो अरु केहि नभयर सक्ति पुजा हो .

    मन परे हरियो नपरे रातो ! Thumb up 0 Thumb down 0

  • राजन

    भदा टिका त थाहा थियो; पर्गतीशीलको कुरै अर्कै ।

    मन परे हरियो नपरे रातो ! Thumb up 0 Thumb down 1

  • Shankar

    ये है गजब नै भएछ है |

    मन परे हरियो नपरे रातो ! Thumb up 0 Thumb down 1

Leave a Reply

  

  

  

Enable Google Transliteration.(To type in English, press Ctrl+g)