यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि salokya@mysansar.com मा इमेल गर्नुहोला।

यस्तो छ कांक्रे विहार

कांक्रे विहारको भग्नावशेष। फोटो साभारः pixnepal.wordpress.com

कांक्रे विहारको भग्नावशेष। फोटो साभारः pixnepal.wordpress.com

बुद्ध मूर्ति राख्न दिने कि नदिने भन्ने विवाद भएर अहिले चर्चामा रहेको सुर्खेतको कांक्रे विहार खास कस्तो छ त ? आउनुस् हेरौँ केही भिडियो र फोटोहरु-

कांक्रे विहारमा भेटिएको मूर्ति। फोटो साभारः pixnepal.wordpress.com

कांक्रे विहारमा भेटिएको मूर्ति। फोटो साभारः pixnepal.wordpress.com

पुरातत्व विभागले त्यहाँ उत्खनन् गर्दा बुद्धसहित धेरै देवीदेवताका मूर्ति भेटिएको थियो। विभागले यहाँ मन्दिर भएको ठहर गरेको थियो। तर मन्दिर कसले बनाएको थियो ? कसरी भत्कियो ? भूँइचालोले हो कि, बाहिरियाहरुको आक्रमणबाट हो कि ? केही थाहा छैन। उत्खननबाट प्राप्त दुई हजारभन्दा बढी शिलालाई सूचिकरण गरियो। त्यसपछि बजेट अभाव भयो र सब त्यहाँ यत्तिकै लेउ लागेर बसेको छ। जिर्णोद्धारको कसैलाई वास्तै छैन।

पुरातत्व विभागले त्यहाँ उत्खनन् गर्दा बुद्धसहित धेरै देवीदेवताका मूर्ति भेटिएको थियो। विभागले यहाँ मन्दिर भएको ठहर गरेको थियो। तर मन्दिर कसले बनाएको थियो ? कसरी भत्कियो ? भूँइचालोले हो कि, बाहिरियाहरुको आक्रमणबाट हो कि ? केही थाहा छैन। उत्खननबाट प्राप्त दुई हजारभन्दा बढी शिलालाई सूचिकरण गरियो। त्यसपछि बजेट अभाव भयो र सब त्यहाँ यत्तिकै लेउ लागेर बसेको छ। जिर्णोद्धारको कसैलाई वास्तै छैन।

Kakre Bihar, near Surkhet
कांक्रेविहारको मण्डला। फोटो सौजन्यः रकी प्रजापति

फोटो सौजन्यः सत्यम जोशी

फोटो सौजन्यः सत्यम जोशी

kakre bihar
भग्नावशेष। फोटो सौजन्यः निरज गिरी

भिडियो हेर्नुस्-

यसरी भएको थियो विवाद सुरु

(फोटो सौजन्यः हिमालीसञ्चार)
budhha2
यो वर्षको बुद्ध पूर्णिमाको दिन कांक्रे विहारको एउटा रुखमुनि बुद्धको १७ फिट अग्लो मूर्ति राख्ने कार्यक्रम थियो। २०६४ फागुन १२ गते जिल्ला प्रशासन कार्यालयले पुरातत्व विभागको समेत परामर्श लिई त्यो ठाउँमा बुद्ध मूर्ति राख्न बौद्धगुम्बा निर्माण तथा संरक्षण समितिलाई अनुमति दिएको थियो।

buddha1
पूजाआजा गरी बुद्धको मूर्तिको मुहारमा रहेको कपडा झिकेर विधिवत् मूर्ति स्थापना गरियो।

budhha3
सुरुमा त्यसरी अनुमति दिए पनि प्रशासनले पछि वन ऐन अनुसार त्यहाँ मूर्ति राख्न मिल्दैन भन्न थाल्यो। उनीहरुले मानेनन्। रोक्न खोज्दा भएको झडपका क्रममा १७ जना स्थानीय र चार जना प्रहरी घाइते भए। र, प्रहरी लगाएर मूर्ति उखेलेर ट्रकमा हालेर लग्यो।

budhha4
विधिवत् स्थापना गरिएको मूर्तिलाई जिल्ला प्रहरी कार्यालयको एक छेउमा यसरी अपमानपूर्वक मिल्काइयो। यसको विरोधमा सुर्खेत अनिश्चितकालीन बन्दसम्मको कार्यक्रम भए। तर समस्या समाधान भए।

budhha5
विक्रम संवत् २००१ सालमा बुद्ध धर्मको प्रचार गरेको आरोपमा राणा प्रधानमन्त्री श्री ३ जुद्ध शम्शेरले आठ जना नेपालफ भिक्षुहरुलाई देशनिकाला गरेकै दिन साउन १५ को अवसर पारेर बौद्ध धर्मावलम्बीहरुले अस्ति साउन १५ गते धर्मसूत्रसमेत पाठ गरी सिंहदरबार घेराउ गरे। काठमाडौँको ट्राफिक अस्तव्यस्त भयो। १२ बजे सरकारले वार्तामा बोलायो। वार्ता निश्कर्षविहीन टुङ्गियो। सरकारले भन्यो- क्षेत्रीय प्रशासकको संयोजककत्वमा एक टोली गठन गरी एक महिना भित्र स्थानिय स्तरबाट समस्यको समाधान गरौँ। आन्दोलनरत पक्षले भन्यो- पहिले नै मुख्य सचिवको निर्देशनमा क्षेत्रीय सह–प्रशासकको संयोजककत्वमा ६ सदस्य टोली गठन गरी सुर्खेत काँक्रेविहार परिसरमा गई प्रतिवेदन तयार गरेर मुख्य सचिवलाई नै बुझाइसक्यो। यसको कुनै सुनवाई भएन। फेरि क्षेत्रीय प्रशासकको संयोजककत्वमा टोली गठन गर्नुपर्ने कुनै औचित्य छैन। सरकारले त्यसो भए अध्ययन अनुसन्धान गर्न थप समय चाहियो भनेपछि आइतबार फेरि वार्ता गर्ने सहमति भयो। यसैबीच साउन १६ गते ‘संयुक्त जातीय तथा धार्मिक संगठन समिति’ नामको एउटा समितिले प्रेस विज्ञप्ति निकालेर त्यहाँ बुद्ध मूर्ति राख्न नदिन दवावमूलक आन्दोलन भन्दै शुक्रबार साँझ ६ बजे स्थानीय मंगलगढी चोकबाट मसाल जुलुस निकाल्ने, शनिबार सुर्खेत बन्द गर्ने र आइतबार जिल्ला प्रशासन कार्यालय घेराउ गर्ने जनायो।

तपाईँको विचारमा यो समस्याको उपयुक्त समाधान के होला ? यो विवाद कसले चर्काउन खोजेको होला ? विवाद चर्कनमा को दोषी ? त्यहाँ बुद्धको मूर्ति राख्नु हुन्छ कि हुन्न ? आफ्नो विचार तल कमेन्टमा लेख्नुहोला।

85 comments to यस्तो छ कांक्रे विहार

  • मेरो विचार मा बुद्द को अपमान भएको ठान्दछु …….म किराती भए पनि मन्दिर गुम्बा मा जान्छु ,चर्च मा जान्छु |यो पुरातात्विक ठाउँ रहेछ यसमा माया देवी को मन्दिर पनि छ रहेछ ….हामी नेपाली जनता येति भेडा हुन भएन….

  • Dinesh Rai

    यो पंगु रेग्मी ले येति सानो कुरा लाई तु को तु किनारा लाउनु को अलावा अरुको इसारामा नाचिरहेको छ / के गर्ने यो हाम्रो दुर्भाग्य हो / एस्तो कुरा राष्ट्रिय इस्स्यु नै होइन / तेइ बुद्द को कुरा गरेर हामी संसार भरि शिर ठाडो बनौउछोउ / फेरि तेही बुद्दको प्रतिमा लाई मुडाजस्तो ढंगले कन्टेनरमाथि फाल्ने ?? त्यो अधिकार कसलाई छ ???हामी नेपाली कुन कुरा सहि कुन कुरा गलत त्यो पनि छुत्तौनु सक्दैनोउ / धिक्कार छ हामीलाई / येसरी आफु आफुमा झगडा गरेर बस्ने समय होइन यो / खोइ त बुझेको ?????? साला भातमारा हरु …………………

  • Adhar sharma

    म भोटेजात्राहरुमा नाच्दै र गुम्बाहरुमा खेल्दै हुर्केको बाहुन हुँ. मन्दिर र चैत्यहरुलाई उत्तिकै सम्मान गर्छु. परिवारमा हिन्दु दर्शन पढें, विश्वबिध्यालयम बुद्धिस्म. बुद्ध धर्म मेरो पनि धर्म हो, बुद्ध मेरो प्रिय भगवान बिष्णुको नवौ अवाटर हुन. मेरो प्यारो नेता गान्धीको मलाई सबभन्दा मन पर्ने कुरानै उनको बुद्धको जस्तै अहिम्शात्मक विचार हो.

    नेपाल धार्मिक सहिष्णुताको अनुपम उदाहरण भयको मुलुक हो. जसरि पाकिस्तान अफगानिस्तान र बंगलादेशमा हिन्दुमाथि, बर्मामअ मुस्लिममाथि र अरबी मुलुकमा अन्य धर्ममाथि व्यवहार गरिञ्छ, यहापनि त्यस्तै व्यवहार होस् र खेल्न पाइयोस भन्ने चिन्तनमा एकथरी मान्छे सधै छन् .
    बिडम्बना, यहाँ कमेन्ट लेख्ने धेरै मित्रहरु पनि त्यस्तै मिसिनरीबाट पालित हुनुहुदो रहेछ भन्ने देखियो . उहाहरु जतिखेरै हिन्दुलाई अतिबादी भनेर र तलिबानी संग तुलना गरेर हिंशा भड्कौन खोजिरनौभय़को छ, जुन मिसिनरिको काम हो.

  • Biswash

    बुद्ध नेपालमा जन्मेको होइन भन्दा भारतीयलाई सत्तो सराप गर्ने देश्भक्तहरु कहाँ मरे अहिले ? आफ्नै देश भित्रको बिहारमा बास नपाउने भए त बुद्धले ? भारतीय र बिहारीलाई जति गालि गरे पनि चाकर नेपालि जति तिनैका हुन् कि होइनन ? देख्यौ त ?

  • Ngwang

    बादरले आफु पनि बनाउदैन अरुको पनि भत्काउछ बाहुन आफु पनि बनाउदैंन अरुको भत्काउदै हिड्ने हो अब कति भत्काउन सक्छौ के पाउछौ भत्काएर त्यो सी डि यो लाई पनि कारबाहीको दायरामा ल्याउनु पर्छ

  • nimesh, BKK

    १) “२०६४ फागुन १२ गते जिल्ला प्रशासन कार्यालयले पुरातत्व विभागको समेत परामर्श लिई त्यो ठाउँमा बुद्ध मूर्ति राख्न बौद्धगुम्बा निर्माण तथा संरक्षण समितिलाई अनुमति दिएको थियो। सुरुमा त्यसरी अनुमति दिए पनि पछि भने वन ऐन अनुसार राख्न मिल्दैन भन्न थाल्यो।”
    २) ज्ञापनपत्र बुझ्दै सिडिओ पुरुषोत्तम कुँवरले काँक्रेविहारलाई कुनै धर्म विशेषले मात्र आफ्नो सम्झिनु गलत हुने बताए। यिनै सिडिओले बुद्ध जयन्तीका दिन हस्तक्षेप गराएर त्यहाँ राख्न लागिएको बुद्धको मूर्तिलाई उठाएर जिल्ला प्रहरी कार्यालयमा लग्न आदेश दिएका हुन्। अहिले मूर्ति सेफ‌्टी ट्याङ्की माथि अलपत्र अवस्थामा ढलाइएको छ।”
    यो माथि उल्लेखित भनाई हेर्दा काक्रे विहारको बिवाद कसैले शृजना गरेको नभई सुनियोजित रुपमा सिडिओ पुरुषोत्तम कुँवरको हात रहेको कुरा वा सिडिओ आफै कसैको बलिको बोको भएको देखिन्छ . शुरुमा सबैले अनुमति दिनु र पछि आएर “बन ऐन” देखाएर रोक्नु, सिडिओको आदेशले प्रतिस्थापना गरिसकेको बुद्ध मुर्तिलाई उठाएर लगेर मुढाको काठ सरि सेफ‌्टी ट्याङ्की माथि अलपत्र अवस्थामा फ्याक्नु र उनी सिडिओ पुरुषोत्तम कुँवरले काँक्रेविहारलाई कुनै धर्म विशेषले मात्र आफ्नो सम्झिनु गलत हुने बताएर अर्को पक्षलाई उक्साउनु आदिले देखाउँछ .
    ३) स्मरण रहोस कुनै समय पोखराको शान्ति स्तुपलाई पनि यस्तै अनावश्यक प्रश्न तेर्स्याएर एकचोटी भत्काई सकेको थियो र दोस्रो पल्ट पुन: निर्माण गरिएको थियो जुन अहिले हामी सबै नेपालीहरुको गर्वको कुरा बनेको छ . तसर्थ अहिलेको काक्रे विहारको समस्यामा जुन “बन ऐन” अनुसार भनेर देखाएको त्यो केवल हातिको देखाउने दाँत मात्रै हो अरु केहि हैन अर्थात त्यो एउटा बहाना मात्रै हो .

  • ganesh

    यो सबै हिन्दु हरु को चाल हो राजा बादी अनि हिन्दु सिबसेना को र यो देस मा धर्म को नाम मा राजनीति गर्नेहरु र आफ्नो फाइदा लुट्ने हरु को चाल हो सबै धर्ममवालाम्बी ले आफ्नो देवता को मुर्ति राखन पाउछ नत्र धर्म निर्पेक्चा को मतलब के ??

  • राम चन्द्र

    बुद्ध नेपालमा जन्मेका हुन भनेर किन भन्नु पर्‍यो बुद्ध जन्मेको देस मा बुद्ध कै अपमान ।

  • suresh

    खोइ नेपालका अतिवादी हिन्दु शासक हरुको कारणले देश बिग्रेको बिग्रेकै हुने भो/आज बुद्दको मुर्ति अन्तर रास्ट्रिय न्यायालय को अगाडी नेदरल्यान्डको हेगमा राखी सक्यो /बुद्द नेपालमा जन्मेको भनेर अलाप बिलाप गर्न छाडदैनौ तर खोइ बुद्द को सम्मान देश मा गर्न सकेको / हामीले किन त्यसलाई अझ बिस्व मा प्रचार गरेर बिदेशी मुद्रा आर्जन गर्न सके नौ न्यु योर्क को स्टे च्यु अफ लिबर्टी(मुर्ति) यसो समुन्द्र को बीच मा राखी देको छ त्यहाँ बर्स मा ६४ लाख मानिस ले हेर्छ एक जना मानिस को डलर २४.०० को दरले कति आम्दानी हुन्छ वर्ष मा ?खोइ कुरा बुझेको ?हरेक इस्कुल पुलिस अफिस सी डी ओं कार्यालय आदिमा मन्दिर बनाउनु चै सरकारको अनुमति लिन नपर्ने सरकारी पैसामा बनाउने /बुद्द धर्वालाम्बीले आफ्नै खर्चमा बनाउने आय आर्जन हुने,देशबिकाशमा टेवा पुग्ने नेपाललाई बिस्वमा चिनाउने बुद्द मुर्ति राख्दा चै अनुमति लिनु पर्ने ?अनुमति भएर पनि नहुने ?बाहुन शासक हरुको यस्तो बुद्दिले नै प्रकिर्तिक छटा र बैभवले परी पूर्ण नेपाल -सगर माथाको देश,जलश्रोतको बिस्वको दोस्रो(ब्राजिल पछिको)धनि देश, बुद्द जन्मेको देश,अत्यन्त दुर्लभ अमुल्य जडीबुटी भाको देश बिस्वको २ न मा गरिब इथियोपिया भन्दा दोस्रो किन हुन्दैन त/यस्तै हो भने इथियोपिया लाई उछिनेर एक न मा आउछ/

  • anita

    साथी भै हो, मेरो त सरम ले शिर नै झुक्यो, हामी नेपाली हरु लाई के बुद्धि नै छैन कि के हो? पुराना प्राप्त सामान हरु को संरचन गर्नु को साटो हामी के गर्दै छौ? उफ्फ़ ……धिक्कार छ हामी सब्बे लाई.

  • lbrumba

    आज आएर कस्तो दिन देख्नु परेको छ यो आखाले !! हुन त म बौध्दमार्गी को कुलमा जन्मेको मान्छे तर पनि म सबैलाई धर्मलाई अनुशरण गर्छु | मुर्तिलाई नै पुजा गर्नु पर्छ भनेर म चै तेस्मा सहमत छैन अफाफ्नो विचार हो ! भगवान भनेको आफु भित्रै हुन्छ चिन्ना सक्नुपर्छ! मेरो बिचारमा मुर्तिलाई पुजेर नानाथरी खानेकुरा पैसा चडाउने को साटो त्यसलाई सहि ठाउँमा सदुपयोग गरेको खण्डमा भगवान खुशी हुनुहुन्छ भन्ने मलाई पूर्ण विस्वास लाग्छ |
    अब कुरा आयो कक्रेबिहार को कुरा एकथरी बुद्धको मुर्ति राख्नै पर्छ भन्ने अर्को थरि राख्न हुन्न भन्ने हरु | मेरो बिचारमा… भएको चिजलाई त संरक्षण गरि तेस्लाई पहिले मर्मत गर्नु पर्ने देखियो |
    नयाँ मुर्ति राख्दैमा भगवान् खुशी चै हुने छैन जस्तो लाग्छ| बौदमर्गीहरुले पनि यो कुरा बुझ्न अति जरुरि छ | बरु त्यो मुर्ति बनाएको पैसाले त्यहाँ भएको पुरानो सबै मुर्तिलाई राम्रो सित संरक्षण गरेको भए कत्ति राम्रो हुन् थिए | मुर्ति राख्दैमा हामी बुद्द मार्गी हरु ठुलो पनि हुने हैन नराख्दैमा हामी सानो पनि हुने हैन… बुद्ध भगवान दिएको अर्तीलाई पनि बिर्सेजस्तो छ…. यो कुरा स्वयं ज्ञानी लामाहरु ज्युले पनि बुज्नु भएको होला सायद !

  • बेखालाल नेपाल

    हामी हिन्दु र बुद्धको मुहान एउतै सनातन भनेर घटी सुक्ने गरि करुणा नथाके पनि बिगतमा यी दुवै धर्म बीच निक्कै मनमुटाब, वैमनस्यता, कटुपन रहेको इतिहासले स्पष्ट परेकै छ| कति सम्म भने अर्कोलाई हराउन धर्म शास्त्रस्ता गर्दै हिडदथ्यो| यस्तो थियो तेस्ताका! आठौ शताब्दी तिर अरबीहरुले हिन्दुस्तानमा इस्लाम धर्म फैलाउन तथा लुट मच्चौना औदा यस्तै थियौ! मन्दिर भत्काएर लुट्दा एक पक्ष हाम्रो हैन क्यारे भनेर चुप लगेर बसे, बिहार भत्काएर लुट्दै गर्दा अर्को पक्ष ठिक्क पर्यो बनेर थपडी मार्थे र अरबी लुटेराहरुको काम सजिलो परेको थियो! तेस पछि एघारौ शताब्दी तिर मध्यएसियाबाट बर्बर तुर्कहरु इस्लाम फैलाउने, धन सम्पति लुट्ने, स्त्री हरण गर्ने मनसाय लिएर हिन्दुस्तान हाने| तर हामी तेती बेला पनि आफुहरु सुधरियेंन छ! र सजिलै हिन्दुस्तान कब्जा गरे! तेस पछि ५ – ६ सय वर्ष तलवारको धारमा हिन्दुस्तानमा सासन गरे! हिन्दु र बौद्ध दुवै लाई दबाए| अंग्रेजहरुले मुक्ति दिएका हुन् नि इस्माल को चंगुल बाट!

    यी त भए इतिहास, जो हामीले बुझेको छैन वा बुझेर पनि बुझपचाएर ब्लग गरिन्छ| सुझाब त खासै छैन तर परिणाम के हुन्छा त्यो बुझौ साथीहरु

  • Suraj Shrestha

    म २०२८ सालमा पब्लिक हाई स्कूल, बिरेन्द्रनगर, सुर्खेत सहायक शिक्षक हुँदा भन्दा फरक पाएको काक्रेबिहरको निम्न कुरा यो फोटोमा देखे
    १) बनजंगल बढेको छ
    २) कक्रेबिहार मण्डला थपिएको छ
    ३) टिनको टहरा बनेको छ
    ४) तरबारपनि रहेछ
    ५) बुद्धको मुर्ति देख्दा राम्रो लग्यो तर ढलेको देख्दा दुख लग्यो

    ककरेबिहर भन्दा ३/४ किलोमिटर उत्तरमा मायादेवीकोपनि मुर्ति थियो र सो अहिलेपनि सुरक्षित नै हुनु पर्द छ

    बुद्धको देश हाम्रो नेपालमा शान्ति र प्रगतिको आशा गर्दछु

    सुरज श्रेष्ठ
    अमेरिका

  • cRIS

    देश भरिको गुम्बा, मन्दिर जस्तै पशुपति मन्दिर आदिबाट fund chip in गरेर, यो क्षेत्रको जीर्नोद्द्वार गरिनु पर्दछ| यसो हेर्दा, नेपालको यो angkor wot (combodia) जस्तै हुनसक्छ| यसलाई पर्यटक र धर्मावलम्बीहरुको गनतब्य बनाउन सकिनेछ| समयमा नै चेतना भया|

  • suman p

    यो जम्मै हिन्दु राष्ट्र , हिन्दु राजा , शिब सेना र भूपू राजाको पश्चीमान्चलको भ्रमण को करामत हो , अरु केहि हैन धमिलो पानीमा माछा मार्ने सद्येंत्र हो मेरो बिचारमा,

  • योगेश आदी

    हजुर बा हजुरआमालाइ छोरा पट्टिको नातानातिनी र छोरी पट्टिको नातानातिनी दुबैको बराबरी माया हुन्छ / त्यस्तै हामीलाई दुवै प्यारो छ, उत्खनन हेर्दा दुवै भगवानको प्रतिमाहरू देखिन्छ त दुवैलाई स्वयम्भुमा राखेको जस्तो मिलाएर राख्दा कसो होला ??

  • madan bajracharya

    कतै सुर्खेतको काक्रे बिहारको उत्खनन हुँदा निक्लेको हिन्दु देवी देवताको मुर्ति भनियको मुर्तिहरु बुद्ध धर्मको बज्रयान र महायान परम्परा अनुशार मानिने बुद्धको मुर्तिहरु त् होइन? बज्रयान र महायान परम्परा अनुशार मानिने बौद्ध धर्ममा बुद्धको आकृति आकार सजावट र पहिरन र पुजा समेत हिन्दु धर्मको देवी देवता भन्दा खासै फरक हुँदैन/ ई पद्धति अनुशार मानिने बौध धर्ममा बुद्ध र बौद्ध देवी देवताले हतियार उथायको पनि देखाइन्छ/

    पोखरीको रुपमा रहेको काठमान्डूको चोभार डांडा मन्जुश्रीले तलवारले काटेर उपत्यकालाई मानव बस्तीको योग्य बनायको थियो भनिनु यो कुराको प्रमाणहो/ मन्जुश्री बौद्ध देवीको रुपमा लिइन्छ/ अर्को प्रमाणको रुपमा स्वयम्भुमा रहेको मन्जुश्रीको मुर्ति ठिक हिन्दु देवी सरस्वति जस्तै देखियाकोले मन्जुश्रीको मुर्तिलाई सरस्वती समेत मानेर पुजा हुन्छ/ माथि देखाइयको मुर्ति मन्जुश्रीको मुर्ति सिट धेरैनै मिल्छ/ जग को रुपमा देखियको आकार हेर्दा त्यो मन्दिरको जग भयको भन्दा चैत्यको जग भयको देखिन्छ भने हरियो रंगको मन्दिर त् स्वयम्भु को वारी परि रहेको शान्तिपुर् आदि जस्तै देखिन्छ/

    यसैले सुर्खेतको कान्क्रे बिहार उत्खनन गर्दा निक्लेको यथार्त रुपमा हिन्दु मंदिरनै हो बा बौद्ध बिहार/चैत्य हो भन्ने कुरा “हिन्दु बा बौद्ध धर्म मान्ने कर्मचारी पुरातत्व विदहरु” बात भन्दा “निस्पछ्य बिशेसग्य पुरातत्वविदहरु ” बाटै जचाउनु पर्छ/ तव जे ठहरिन्छ तेसै अनुरुप होस्; किनभने कला र संस्कृतिको बास्तविक मोलिकता बदल्नु पनि हुँदैन/

  • bhakta

    बुद्ध -धर्म होइन ! यो त दर्शन हो बाबा … नेपाल ले मात्र हैन यो दर्शन लाइ बिस्वोले मानेका छन् , यूरोप मा सबैका घर डेरामा बुद्ध मुर्ती नभाको घरै छैन ! के भो त – त्यहा बुद्ध मुर्ती राख्दा ? अलि पर मन्दिर बनाए पनि हुन्छ/ पोखराको जन प्रिय क्याम्पस नजिक चौडा बाटोको बिचैमा कृष्ण मन्दिर बनायर ९० -सय भक्त भक्तिनीहरु दैनिक भजन मण्डली गायर बस्दा पनि मन्दिर अगाडि पछाडी का बुद्ध दर्शन हिमाइतिले केहि पनि भनेका छैनन क्यार ! नत्र त्यो मन्दिर पनि हटाउनु पर्यो / झनै सार्बजानिक बाटै मिचेर बानाका छन् मन्दिर ..
    होइन भने हामि नेपालीलाई के हिन्दु के बुद्ध .. यस्तै ताल हो भने लुम्बिनी गुमाउन पनि के बेर .. यसैत बुद्ध भारत मा जन्मेका हुन् भन्दैछन बेमान हिन्दुस्थानिहरुले !

  • कविराज

    पहिलो प्राथमिकता:
    काक्रे विहार को सम्रक्षन सबै भन्दा महत्वपूर्ण कुरा हो. त्यहाँ भएको पुराना मुर्ति मठ मन्दिर देवी देवता सबै को उचित सम्रक्षन गर्नु, नेपाल सरकार का साथ साथै त्यहाका बासिन्दा, सरोकारवाला सबै नेपाली को दाइत्व हो. प्राचिन समयमा जून मान्यताले त्यो ठाउमा त्यस्तो धर्मस्थल बन्यो त्यो मान्यता को अनुसन्धान गरि त्यहि मान्यता सिर्जना गर्नु सम्पदाको सम्रक्षन हो.

    दोश्रो प्राथमिकता:
    बुद्ध मुर्ति स्थापना गर्नु हो. त्यहाका जनता ले नेपाल को नियम कानून पालना गरि बुद्ध मूर्ति राख्न पाउनु पर्दछ. तर पुराना मन्दिर मठ तथा मूर्तिको उचित सम्रक्षन नगरी अथवा भत्किएको मक्किएको लाई पुन: जिर्नोद्दर नगरी बिना कुनै ठोस योजना नया मूर्ति त्यहि ठाउमा राख्नु उचित नहोला.

    सरकार र जनता सबै काक्रे विहार प्रति सरोकारवाला भएको ले उचित कदम उठाउन सबैलाई आग्रह छ मेरो. हानथाप गरेर झगडा गर्ने समय होइन अहिले.

  • madan bajracharya

    हिन्दु मन्दिर भित्र बुद्धको चैत्य, बूध्को प्रतिमा आदि भयको देखिंदैन/ तर बौद्ध बिहार र चैत्यहरुमा हिन्दु देवी देवताको मन्दिर र मुर्तिहरु भयको हामि देख्छौं/ सुर्खेतको कांक्रे बिहार उत्खनन गर्दा त्यो स्थल बौद्ध बिहार भयको देखियता पनि त्यहा केहि हिन्दु देवी देवताको मुर्तिहरु देखिनु यसै कुराको उदाहरण र प्रमाण हो कि त्यो बौद्ध बिहारनै हो/ त् जव बुद्धिस्टहरुले त्याहा ६५ फित अग्लो मन्दिर बनाउने कुराको बिरोध गरेको छैन भने किन बुद्धको प्रतिमा राख्न बिरोध गर्दै छ त्यो पनि राजनतिक पाराले हड्ताल मसाल जुलुस आदि गरेर? म नेपालका आम हिन्दु हरु यति अतिबादी होला जस्तो लाग्दैन, त् सुर्खेतको कांक्रे बिहारमा बुद्धको प्रतिमा राख्नमा “पार्टीको झण्डाको टुप्पी” भयकाले बिरोध गर्दै आयको हो कि जस्तो लाग्छ/

    • suman p

      मदन जी जब धर्ममा राजनीति घुस्छ तब अतिबादी जन्मन्छ, कुरो तेही हो, जब कुनै ठाउमा राजनीति छिर्छ तय्हा आफ्नो आफ्नो पोल्टो माथि पर्ने जुक्ति हुन्छ, स्वार्थ हुन्छ, हो तेही भएको छ तेहा, खै आफुलाई कहिले पनि हिन्दु र बुद्ध छुट्टै धर्म जस्तो लागे न.पशुपति पनि जान्छु दक्चिन्काली पनि जान्छु,स्वम्भु पनि जान्छु, लुम्बिनी पनि जान्छु, बुद्ध लै बिष्णुको १० अवतार मणि पुजा पनि गर्छु., यो सब पद पाउनकोलागि राजनीति हो राजनीति .

  • yam

    सबै माथिका कमेन्स हेरेर मलाई यति दुख लागेर आयो कि नेपाली हरु को बुद्धिमा बिर्को लागेकै हो नि किनकि त्यो मुर्ति राखेर के हुने वाला छर नराखेमा के हुने वाला छर बुद्ध त मान्छे त होनी बुध ले कहिले पनि म भगवान पनि भनेका छैनन् तर मान्छेले भगवान बनायो
    यी सबै ब्यर्थ हुन् मुर्ति बनाएको पैसा ले बरु गरिब दुखिलाई खानु दिनु उद्धारको काम हरु गर्नु यी मुर्ति तिर मात्र लगाएर देश पनि डुबी सक्यो मुर्ति ले कहिले तपाइँ हाम्रो सहयोग गर्दैन नत बोल्छ नत सुन्छ मुर्ति माथि बिस्वाश गर्ने उसको स्वाभाब मुर्ति जस्तै हुन्छ डुंगा पुज्ने को मन डुंगा जस्तो कठोर हुन्छ

  • Mahesh S

    अहिले बुद्ध को मुर्ति राख्न नदिने भन्छ, लास्टा* समाबेसी धार्मिक स्थान भनेर क्राइस्त को पनि मुर्ति राखछ, कुरा तेही हो.

  • Narayan1

    can’t anybody take an example of syawmbhunath?? i wish to see both hindu and buddha monument over there…

  • pemdorje pakhrin tamang

    हिन्दुको मुर्ति होइन कि सबै बुद्दिस्ट को हिदुले बंग्याएको हो जे जति ठाउमा हिन्दु बुद्दिस्ट बसेको छ त्यो सबै ठाउमा हिन्दुले सोझो बुद्दिस्ट को अतिक्रमण गरेको हो |

    • Sagar Sarma

      पेम्दोर्जे जी संग असमहती छ मेरो| मेरो बुझाई मा हिन्दु ले आज सम्म बुद्धिस्ट को अतिक्रमण गरेको छैन न त बुद्धिस्ट ले नै कसैको गरेको छ| दुइ ओटै कुरा धर्म भन्दा बढी दर्शन हुन् | राजा रजौटा को राजनीति ले धर्म बन्न गएको हुन्|

      • raju rana

        यस्तै हो भने जनजाति, दलित, मधेसी लगाएत अधिकांश नेपालीहरुले लेख्ने र स्वीकार्ने गरेको हिन्दु धर्म हिन्दु अतिवादीहरु कै कारण ८१ प्रतिशतबाट ३० प्रतिशतमा कायम नहोला भन्न सकिन्न ।

  • शशांक लामा

    भग्नावशेस हेर्दा त यो बौद र हिन्दु दुवैको साझा रहेछ| मन्दिर र गोम्बा दुवै बनाइयोस! लण्ठै साफ !!! धर्मान्ध र धर्मभीरुहरुले चलखेल गर्न नपाओस ! नेपालमा एकथरीलाई कसरि लफडा सृजना गरेर सत्ता हत्याउ भन्ने ध्याउन्न मात्र छ| त्यस्ताले आगोमा घिउ मात्र नथपेर मट्टीतेल नै खन्याउन बेर लाउन्दैन !!!!

  • बुद्धको उपदेशलाई त सम्मान दिन सकेन कमसेकम उहाको प्रतिमाको सम्मान गरौ …..

  • rohan vicram singh

    काक्रे बिहारमा उत्खनन गर्दा जे भेटिएको थियो ति सबै मुर्तिहरुलाई तेही राख्नु पर्छ! हामी नेपालीहरु सबैको बुद्ध प्रति धेरै आस्था छ! हिन्दु र बौद्ध धर्म भनेर विवाद गर्नु उचित होइन!
    यो विवाद बढाउने काम प्रशाशनले गरेको छ!
    ३५ लाख खर्च गरेर विदेश बाट बुद्धको मुर्ति लेराएको पनि उचित लागेन! नेपालमा राम्रा मुर्ति बनाउन सक्ने कलिगढ़हरु अझै पनि धेरै छन् !
    काक्रे बिहारलाई सकेसम्म जिर्नौद्धार गरि हिन्दु र बौद्ध दुवै धर्मालम्बीहरुको आस्थाको केन्द्र बनाउन सके त्यस भेगको धार्मिक पर्यटनमा विकास गर्न सकिन्थ्यो कि …………!

  • A sherpa

    अब एकातिर बुद्धको मुर्ति अर्को तिर सिबको मुर्ति राखे कसो होला?

    • sonam

      उसो भए त्यो बुद्धको प्रतिमालाई पशुपतिमा प्रतिस्थापना गर्दा कसो होला??

  • कसको धारणा गलत ? कसको चाहिं शुद्ध?
    मनको आँखाले हेर्न जाने चारैतिर बुद्ध

  • बुद्ध जन्मेयाको देश मा बुद्ध को बिजोक हुनु राम्रो कुरा होईन

  • amar kafle

    सबै भन्दा पहिलो बुज्नु पर्नी कुरा के भनि बुद्ध कुन जात वा धर्म का हुन येदि उनको थर गौतम हो भनि उनि ब्राह्मण वा छेत्री जात का हुन् र उनि हिन्धु धर्म का हुन् , येदि बौद्ध धर्म का हुन् भनि उनको जात गौतम नै होइन येदि हो भनि नेपाल मा भएका गौतम हरु बौदिश हुनु पर्यो किन लामा भोटे अथवा mangolen हरु मात्र बौध धर्म मा छन् नेपाल चार जात छतीस बर्न को साझा फुलबारी हो भन्ने प्र्थिवी नारायण शाह को भनाइ गलत छ येदि नेपाल ४ जात ३६ बर्न को फुलबारी हो भनि बौधिस हरु नेपाली होइनन त? येदि हुन् भनि बुद्ध को जन्म एको देस मा बुद्ध कै मुर्ति स्तापना गर्न नपाउनु दुखद कुरो हो तेसैले भारत ले भन्छ बुद्ध को जन्म भारत मा भएको हो भनेर बुद्ध हाम्रो हुन् र हामी नेपाली को मन मुटुमा बुद्ध प्रति आस्ता छ भनि हामी ले जात धर्म हेरेर होइन बुद्ध हामी नेपाली का भागवन हुन् भन्ने सम्झेर बुद्ध को पूजा गर्नु पर्छ /

    • Mahesh Mahaseth

      फेरी अर्को मुर्ख मनुवा आयो है बढी जान्ने बनेर / Buddha को पालामा तिम्रो जस्तो काफ्ले थर पनि थिएन र गौतम थर पनि थिएन/ यो एकप्रकार को पदवी हो पछि गएर एक समुहको बाहुनले गौतम लेख्न शुरु गरेर पछि थर भएको हो/ पहिले गौतम बाहुन भएर गौतम बुद्ध भएको होइन/ गौतम बुद्ध मंगोल बंशका शाक्यमुनि थिए / यस्ता बाहुनबादी सोचले गर्दा हो देश डुबेको अहिले/ राम्रो राम्रो जति सबै बाहुन र नराम्रो नराम्रो जति सबै मतवालीलाइ आरोप लगाउने लै भानिन्छा बाहुनबाद/

      • neeraj

        होइन कसले भन्यो बुद्ध मतवाली भनेर हँ ? बाहुन रे, गौतम रे, शाक्य रे, सबै वाईहात कुरा हुन्. २५०० वर्ष अगाडी को कुरा हो , त्यति बेला आज को जस्तो जात र थर थिएन. आफुलाई आदिबासी भन्ने अधिकांश मोङ्गोल हरुको बसोबास पनि नेपाल मा त्यति बेला थिएन. तिब्बत को पठार र आसाम बर्मा तिर थिए तिनका पिता पुर्खा. खस भनिने बाहुन छेत्री हरुको पिता पुर्खा सायद मध्ये एशिया देखि गडवाल सम्म थिए होलान. यो क्षेत्र पुरै austro – asian आदिबासी हरुको भूभाग थियो तेत्ति बेला सम्म. दक्षिण एशिया को सबै भन्दा पुरानो भाषा पनि उनीहरुकै हो, आज झन्डै झन्डै लोप हुने अवस्था मा छ – मुन्द उराओं आदि भनिन्छ नाम सुन्नु भएकै होला , बुद्ध कै भाषा चाही प्राक्रीत थियो क्यारे, र बुद्ध धर्म को पहिलो क्षेत्र पनि दक्षिण एशिया नै थियो – सम्पूर्ण दक्षिण एशिया, पूर्व मा बंगलादेश देखि पश्चिम मा अफघानिस्तान सम्म र दक्षिण मा श्री लंका सम्म. पछि बिस्तारै हरौन्दै गयो बुद्ध धर्म को प्रभाव, तर पनि श्रीलंका, बंगलादेश/भारत सिमानाका चक्मा जाति, दक्षिण को श्रीलंका र उत्तरमा नेपालका नेवार जाति मा रहेको बुद्ध धर्म त्यहि बेला (करिब २००० वर्ष) पुरानो हुनु पर्छ, सबै ठाउँ मा हराएर कुन काप्चा मा मात्र बाँकि रहेको . नेपालका मोङ्गोल जाति ले मान्ने बुद्ध धर्म भोट (तिब्बत) बाट प्रभावित वा आयातित हो. तिब्बत मा बुद्ध धर्म आठौँ सताब्दी मा गुरु पद्मसंभव ले लागेका हुन् – by the way, guru padmasambhav (guru rimpoche) was born into a BRAHMIN family of swat valley (gandhar brahmin), – swat valley is the same place were Malala Yousefzai was born – remember that young girl who was shot in the head by Taliban ? , in NWFP in pakistan – he was an ethnic Pastun by modern standard, Pashtuns in the modern time constitute around half of the population of Afghanistan – the other half being persian – and interestingly ‘Taliban’ is a Pashtun movement.
        जे होस् , पद्मसंभव ले प्रचार गरेर तिब्बत मा बुद्ध धर्म पुर्याएका हुन्, र नेपालका मोङ्गोल जति ले मान्ने बुद्ध धर्म त्यहि बाट आएको हो, तिब्बत बाट बसी सराइ गर्दै यता छिरेका हरुले धर्म पनि आफु संगै लिएर आएका हुन्. यसरि हेर्दा मोङ्गोल अनुहार भएका नेपाली मध्ये सबै भन्दा पुराना किरात हरु हुन्, किरात हरु बुद्ध धर्म का अनुयायी होइनन अरु मोङ्गोल जाति जस्तो.
        बाहुनबाद लै गालि गरेर मात्रै हुन्दैन – उत्तिकै खराब भोटे बाद पनि गालि कै पात्र हो. त्यहि भोटे बाद ले सिक्किम बाट लेप्चा जाति लै खेदेको थियो, त्यहि भोटे बाद ले किरात हरुका सबै भन्दा ठुला गुरु सिरिजंगा लै रुख मा बाँधेर धनुबान ले हानि हानि मारेको थियो, त्यहि भोटे बाद ले भुटान बाट लाखौं नेपाली भासी लै आज सम्म खेद्दै छ, – सिक्का का सधै दुइटा पाटा हुन्छन , हेक्का रहोस.

    • Sagar Sarma

      काफ्ले जी गौतम बुद्ध शाक्य हुन् | बुद्धको पूजा भनेको उनको मार्गमा हिड्नु / हिड्न खोज्नु होला|

      • Sagar Sarma

        महासेठ जी संग म सहमत छु | तर कुरो के भने सबै बाहुन “बाहुनबादी” हुदैनन् | जो तेस्तो सोचाई राख्छ, मेरो विचार मा उसको जन्म एउटा सताब्दी पछि भएछ( हुनु पर्ने १८९० बि.स. मा , हुन गएको १९९० बि.स. मा )

        • Mahesh Mahaseth

          बाहुन र बाहुनबाद भनेको फरक हो/ म पनि बाहुन नै हुं/ तर कुरा के हो भने केहि लंठु उपबुज्रुक र स्वार्थी बाहुन ले हामी बाहुनहरुको इज्जत उडाइदियो/ सबै मै मात्र खाम मै मात्रै लाम, राम्रो राम्रो जति सबै मेरो, नराम्रो नराम्रो जति सबै अरुको, आफुले गरेको नराम्रो काम अरुलाई थोपर्ने र अर्काले गरेको राम्रो काम आफुले नै जस लिने/ स्वार्थ को लागि इज्जत पनि बेच्ने लाई बाहुनबाद भानिन्छा/ सबै बाहुनहरू यस्ता छैन तर केहि सिमित बाहुनहरुले गर्दा हामी जस्ता निर्दोष बाहुन हरुको बेईजत भैरहेको छ / हुँदा हुँदा बाहुनबाद को सिधान्त पनि प्रतिपादन भयो/

    • madan bajracharya

      अमर काफ्लेज्यु/
      अमर काफ्लेज्यु/
      बुद्ध जन्मले हिन्दु थियो/ बुद्धको शिरमा पनि हिन्दु जनाउने टुप्पी थियो/ बुद्धले आफ्नो टुप्पी काटेर परम्परा बादी अब्य्बहारिक र समयानुकुल नभयको हिन्दु संस्कार मात्रै त्यागेको हो; हिन्दु धर्मको असल कुरा त्यागेको थियन मित्र/ यो परम्परा सबै बुद्धिस्तहरुले पालना गर्दै आयको छ/ यसैले त् बौद्ध बिहार र चैत्य हरुमा हिन्दु देवी देवताको मुर्ति र मन्दिरहरु पनि हुन्छ/(कान्क्रेबिहार उत्खनन गर्दा हिन्दु देवी देवताको मुर्ति पाउनु पनि यसको प्रमाण हो) / काफ्ले ज्यु यहालाई सायद आस्चर्य लाग्ला बौद्ध बिहार र चैत्यमा भयको हिन्दु देवी देवताको मन्दिरमा बुद्धिस्ट बज्राचार्यहरु नै पुजारी र भट्ट हुन्छन र तिनीहरुले ती हिन्दु देवी देवताको पुजा हिन्दु संस्कार अनुसार नै गरेर हिन्दुधर्म नै मान्ने हिन्दु भक्तहरुको आस्थाको सम्मान र जगेर्ना गर्छन/ बुद्ध र बुद्धिस्टहरु बिचार परिबर्तक हुन् धर्म परिबर्तक होइनन मित्र/

      हिन्दु धर्म प्रति यति सौहार्दता सिकाउने बुद्धको प्रतिमा प्रति बुद्ध जन्मेकै देसको कुनै हिन्दुहरु “बिस्वमै अग्लो बुद्धको प्रतिमा बम पद्कायर ध्वस्त गर्ने अफगानिस्तानको तालिवाने कट्टर अतिबादी मुस्लिम जस्तै बनेर” सुर्खेतको कान्क्रे बिहारमा बुद्धको प्रतिमा प्रति किन असमबेदंशील बने त्यो बुझ्नै सकिन/

  • मन

    आफु बौद्ध धर्मावलम्बी परिवारमा जन्मे पनि सबै धर्मको सम्मान जनाउने संस्कारमा हुर्की बढी र पछि बुझ्दै गएपछि बौद्ध धर्म व्यवहारिक लागेको हुनाले त्यतै तिर आस्था भएको नाताले यति कुरा भन्न मन लाग्यो|
    – मुर्ति पुजनलाई बौद्ध धर्मले मान्यता र बढावा दिंदैन| मन चिन्तन, ध्यान र आराधना प्रार्थनालाई केन्द्रित गराउन सांकेतिक रुपमा प्रयोग गरिनको लागि मुर्ति प्रयोग गरिएको बुझिन्छ तर यसको प्रयास जति सक्दो कम गर्यो उति राम्रो भनिएको छ|
    -हिन्दुको होइन अतिबादी हिन्दु व्यवहारको बुद्धले बिरोध होइन सहज र व्यवहारिक बिकल्प तिर डोहोर्याए|
    बौद्ध धर्म र बुद्धको नाउँमा मुर्ति राख्ने कुरोमा बेकारको विवाद फैलाएर त्यसको पछि लाग्नु बुद्धिस्ट हुँ र बौद्ध धर्म मान्छु भन्नेहरुले बुझ्न पर्छ| मुर्ति नराखे पनि हुन्छ| प्रस्ताव आयो र अर्को पार्टीले उचित ठानेनन, अब त्यसैमा विवाद टुंग्याउन पर्छ|
    सीडीओ लगायत अरुले चलन चल्तीको वाहुनवादी प्रबृत्ति (मेरो धर्म मात्र ठुलो, आफै मात्र खाउँ, जसरि हुन्छ सके अरुको भाग खोसेर आफ्नो मात्र झोला भरु) लाई निरन्तरता दियो भन्दैमा मौन चाहि रहनु हुन्न, शान्तिप्रिय रुपमा प्रभाव हुने गरेर बिरोध जनाएर प्रतिकार गर्नु ठिक हो तर त्यसैलाई विवाद खडा गरेर शान्ति खलबल गर्ने तिर नलागौ|
    बौद्ध व्यवहार र नियम पालनाको मुल्यांकन क्वाण्टीटी होइन क्वालिटीमा भर पर्ने हो| विश्वमा शान्ति, सद्भावना र सामन्जस्य ल्याउन मुर्ति थपेर हुने होइन|

  • rosu

    धर्म को नाम मा हिंसा फैलाउने यो कुनै कारक तत्तो को खेल हुन सक्छ / सदिउ देखि मिलेर बसेका हिन्दु र बुद्दिस्ट बीच धार्मिक युद्द गराउने र मौका को फाइदा लिने राजनैतिक कुविचार हुन सक्छ नत्र भने एक चोटी अनुमति दिसकेको प्रशासन कार्यालय ले फेरि किन मुर्ति राख्न मिल्दैन भनेर हस्तछेप गरो/ एका तर्फा बुद्ध नेपाल मा जन्मेका हुन् भनेर संसार लै चिनाउन नेपाली जनता लागि रहेका छन् भने अर्को तर्फा नेपाल को प्रशासन ले नै बुद्ध को अपमान गरेर आनी देसको बेजत गरिरहेको छ/ तर यो सबै कार्य को फाइदा हिंसा भडकाउन खोज्ने लै नै हुन्छः/ खै यो कुरा कुर्सि मा बस्ने ले बुझेको /

  • शरद

    पुलीस प्रशासन राज्य सबै तँ हरूकै हातमा छ जति दमन गर्छस गर तर याद राख बामीयानमा आक्रमण गरेपछि तालिबानीहरूको के हालत भयो तँ हरूको पनि त्यही हालत हुनेछ ।

  • som tamang

    ओम माने पद्मे हुन!सयौ फूलका थुंगा हामी यौटै माला नेपाली यहाँ को बुद्धिस्ट, को मुस्लिम, को हिन्दु हामी यौटै नेपाली हौ यहाँ धार्मिक कुरा गर्नु उचित देखिन्दैन किन कि यो सम्पति बुद्धिस्ट धर्मलम्बिहरु को मात्र नभयर सारा नेपाली हरुको हो यसको समाधानको निम्ति राज्य इस्तर बाटै समाधान निकल्लिनु उचित देखिन्छा राख्दा कसलाई फाइदा हुने नराख्दा कसलाई फाइदा हुने भन्दा पनि देश को लागि कति फाइदा छ? भनेर हेरिनु पर्छ मलाई लक्छा भारत ले बुद्धा भारत मा जन्मेको हो भनेर बिस्वो समू प्रचार गरि रहदा हाम्रो देश मा बुद्धा को मुर्ति राख्ने नराख्ने राजनीतिले बिश्वो समू यसले नकारात्मक संदेश जान्छा यो सारै लाजशपथ कुरा हो. यसमा बिबाध चर्काउने खुज्नुमा पुरै भारत को हात छ बुद्धा को मुर्ति बुद्धा को जन्म इस्थालमा नराखेर के भारत मा राख्न खोजेको हो? यदि बुद्धा को मुर्ति राख्नु हुन्न भने लोप हुन आटेको जन्तु गैडा को राखे के होला?

  • खै के खै के म त केहि सोच्नै सकिरहेको छैन मेरो देशको खबर सुनेर हामी नेपालीहरु पछिल्लो अवस्थामा साच्चै हिंस्रक हुदै गएको हो त ? नत्र भए यस्तो सामान्य बिषयहरुमा पनि किन विवाद र झगडा गरिरहेका छौ ? त्यो पनि शान्तिको दुत बुद्धको नाममा…….।

  • shyam

    यो बिबाद को बिजारोपण गरेको सरकार ले नै हो , पहिला स्थापना को लागि किन स्वीकृति दिएर पछि हुदैन भनेको ! त्यहा बुद्ध को मुर्ति राख्दा हिन्दु धर्म होस् या बौद्ध धर्म होस् कसैको बिमत्ति हुन्थेन होला किन कि सयेदियौ देखि हिन्दु र बुद्ध धर्म नंग र मासु जस्तै मिलेर बसेका थिए र छन् ! स्थापना गरिसकेको मुर्तिलाई नझिकेको भए सायद बिबाद आउने थिएन होला /

  • robin

    अब बिस्तारै यो ठाउँ को मुर्ति हरु हराउन बेर छैन | हेर राज्य को बुद्धि थुक्क | एस्तो राम्रो भग्नावासेश लाई बेवास्ता गरेको |

  • Aayush

    यॊ आन्दोलन मा डलरको गन्ध छ …………….. मलाइ बुद्द को मुर्ति राख्दा जति आस्था छ नराख्दा पनि तेत्ति नै आस्था छ तर यहा जो सच्चा बुद्दिस्ट हु भन्छ त्यहि बिदेसी धर्म को दलाली गर्दै पक्ष र विपक्ष मा आन्दोल गरिरहेको छ | एउटा सामान्य कुरा लाइ बढी हल्ला गरेर अन्तरास्ट्रिय करण गरेर हामी लाई धार्मिक रुपमा पनि असफल देखाउन खोजिदै छ यसमा बुद्दिस्ट अनुहार को संख्या बढी छ , सबैले देखेकै कुरा हो चाहे त्यो भाषा को कुरा मा होस् चाहे त्यो जातिएता को सवाल मा हो चाहे त्यो धर्म को सवाल मा होस् नेपाली जनता ले ति अनुहार राम्रो संग चिनेका छन् |

  • Paul

    मुर्ति को सम्मान हुनु पर्छ, तर तेत्रो पुरातत्विक स्थान मा नया मुर्ति राख्नु त मुर्खता भएन र ?
    १. नयाँ मुर्ति राख्दा त झन् राष्ट्रिय एबम अन्तरास्ट्रिय सम्पदा को मूल्य के होला?
    २. तेहा नयाँ मुर्ति राख्नु र लक्ष्मन खड्का ले पृथ्वी नारायण को सम्मान गरेर, उनको सिङ्ग दरबार आगाडी को सालिक मा रंगी बिरंगी रंग पोत्नु मा के फरक छ?

  • मेरो विचारमा पुरातात्विक स्थल भएकाले त्यहाँ नयाँ मूर्ति राख्नु उचित नहोला। बुद्ध स्वयंले जीवनभर मूर्ति पूजाको विरोध गरे अहिले उनैको मूर्ति राख्ने विषय विरोधको केन्द्रमा छ। बुद्धको मूर्ति राखेर नाम राख्न चाहनेले उत्खनन्मा सहयोग गरेको राम्रो हो जस्तो लाग्छ। खाली बुद्धको नाम भजाएर खाने गर्नुहुँदैन। भगवानलाई भगवानकै स्थानमा राखौं है।

    • Basant

      अहिले सम्म परिवर्तन को नाम मा देश चलाउने जिम्मा पहुच्वाला हिन्दु विचारधारा का तपाई जस्ता महा बिद्द्वनहरुले गर्दा आज संसारले चिन्दा पनि बुद्ध जन्मेको देश ओझेलमा परेको छ ..आज भारत ले बुद्ध जन्मेको देश भनेर बिस्व लाइ चिनाई राखेको छ / बर्षेनी लाखौको संख्या मा धर्म परिवर्तन गर्दा र हजारौ चर्च आँखा सामुन्ने बन्दा कसैलाई चासो नहुने आज बुद्ध आफ्नै भुमि बाट अपहेलित हुनु पर्ने ??? एउटा मुर्ति स्थापना गर्दा सिमित स्वार्थ भएका व्यक्ति बाहेक अरु कसलाई के बेफैदा होला र ? यस मुर्ति स्थापना प्रति बिमति राख्नेहरु, एक पल्ट लुम्बिनीको बारेमा अध्यन गरेर बुझेर कमेन्ट गर्न अनुरोध गर्दछु २० बर्ष अघि र अहिले लुम्बिनीमा के परिवर्तन देख्नुभयो ? म सानो छदै सुनेको कुरा जापान, कोरिया, ताइवान जस्ता रास्ट्रहरु को सहयोग मा भैरहवामा अन्तरास्ट्रिय बिमानस्थल को प्रस्ताव आउदा समेत हिन्दु विचारबादी हरुले बस्ता गरेन भने अब त्यो बुद्धको मुर्ति जता सुकै लडे पनि कसलाई के वास्ता?

  • Krishna

    मुख्य सचिब ज्यु लाइ हार्दिक अपिल !!
    श्रीमान नेपाल देश को सर्बोच्च प्रसासनिक पद मा विराजमान भएको समय मा एस्तो प्रकारको दुखद घटना हुदा पनि उपयुक्त समाधान नखोजिनु भनेको हामि नेपाली जनताले बुद्धजन्म को मन्त्र रटेर खोक्रो आस्था देखाउनु साबित हुनपुग्यो ! आज बुद्ध पनि रोए होलान ! जुन कुरा को डर थियो तेही भयो ! धार्मिक बिकृति को यो पराकास्ता हो ! आफै जन्मेको देशमा ज्ञान को खडेरी लग्यो !
    हामी सम्पूर्ण देशप्रेमी नेपाली को चाहना आनुसार काक्रे बिहार मा मन्दिर र मुर्ति स्थापना र पर्यटकीय बिकास को पुर्बाधार निर्माण को प्रकिया सुरु गरियोस भन्ने हार्दिक अपिल गर्दछौ!!

  • youbaraj

    बुद्धको मुर्ति लाइ काक्रे बिहारमा स्थापना होइन बुद्धको धर्मदर्शन लाइ मनमा स्थापना गरे हुन्छ , अब पुरात्वतिक तथा ऐतिहासिक महत्त्वको ठाउँमा नया संरचना थपेर विवाद गर्नु भन्दा , बुद्द को दर्सन लाइ आदर्स मानेर चल्न सिकौ , जुन सुकै सम्प्रदायका भए पनि

    • nimesh, BKK

      youbaraj जी सहि भन्नु भयो तर बुद्धको धर्मदर्शनलाइ मनमा स्थापना गर्नलाई पनि त बुद्ध शिक्षाको जरुरत हुन्छ होला त्यसो हो भने त्यो दर्शनलाई सिक्न-सिकाउने ठाउं पनि चाहिन्छ त्यो भनेको स्कूल र विश्वविद्यालय नै हो . तसर्थ तपाईले नै अगुवा गर्नुस कि हरेक स्कूल तथा विश्वविद्यालयहरुमा बुद्धको धर्मदर्शन सिक्न-सिकाउने गरि पाठ्य क्रममा समावेश गरोस भनेर नकि विहारहरुमा मुर्ति राख्नेमा .
      कतै फेरि बुद्ध-दर्शन स्कूल तथा विश्वविद्यालयहरुमा सिकाउन थाल्यो भने त्यसको विरोध गर्नेमा कतै पहिला तपाई नै पर्ने त् हैन youbaraj जी ?
      भारतले नक्कली कपिलवस्तु भारतमा बनाई सकियो नेपालमा रहेको कपिलवस्तु हैन भनेर . हालसालै अमिताबले बुद्ध नेपालमा जन्मेको भनेर TV भन्दा नेपालीहरुको खुशी भनि साध्य थिएन . बुद्ध नेपालको विभूति भनेर हामी नेपालीहरुले नै भन्छौं र स्वीकार्छौं पनि तर त्यसैको तिरस्कार .
      अन्तमा मेरो एउटा सुझाव हामी पनि भारतको बाबरी मस्जिदलाई भत्काए सरि यो “काक्र विहार”लाई पनि नाम-निशानी न रहने गरि तहस नहस गरौँ न रह्यो बुद्ध मुर्ति (विहार) न रह्यो हिन्दु मुर्ति (मन्दिर) .

      • yubaraj

        Nimesh BKK,जी
        पुरात्वातिक तथा ऐतिहासिक महत्वको ठाउमा नया संरचना थपेर त्यसको मौलिक रुपमा असर पार्न हुदैन भन्ने मात्र मेरो मान्यता हो ,नकी बुद्द मुर्ति लाइ तिरस्कृत फाल्नुपर्छ भन्ने मेरो मनसाय हो. येसो हेर्दा यहाँ मुर्ति राख्ने र नराख्ने बिच भएको जुँगाको लडाईं मात्र हो जस्तो लाग्छ ,यसलाई ठुलो रडाको बनाइ राख्न जरुरि छ जस्तो लाग्दैन ,काक्रे बिहारको एतिहासिक तथा पुरात्वतिक महत्व लाइ असर पर्ने गरि नया संरचना थपिनु हुदैन चाहे जुन कुनै सम्प्रदायको होस्
        तपाई ले चिन्ता लिनु पर्दैन म जस्तामानिसहरु अगाडी सरेर बिरोध गरेपनि बुद्द दर्सन जानकारीदिने संघ सस्थाहरु तथा जानकारी लिन खोज्नहरु बढेकै छन् , औपचारिक शिक्षाको रुपमा विश्वविद्यालयको पाठ्यक्रममापनि बुद्द दर्सन राखिएको छ
        ,भारतीयमिडिया ले गरेका अनाधिकारिक प्रचारबाजी मा जे सुकै भनेपनि सरकारीतहमा बुद्ध जन्मस्थल लुम्बिनी नेपालमा नै मानिएको छ .
        अन्त्यमा तपाई ले दिनुभएको समाधानको उपाए संग म सहमत हुन् सकिन

  • akhilesh

    धार्मिक बिसयालाई यसरि issue बनाउनु बिल्कुल राम्रो काम भने हैन, हाम्रो धार्मिक सहिष्णुता सधै रही रहनु पर्दछ ; यसरि मुर्ति स्थापना गर्नु पुराना संस्कृतिलाई जोगाउनु अत्यन्त राम्रो कुरा हो, यस्तो कुरामा फेरी किन राजनिती त्यो बुझ्न गारो छ . मेरो बिचारमा अलि ठुलो ओहदाको मान्छेले व्यक्तिगत लाभ नहेरेर सामाजिक र परम्परागत् लाभ हेर्ने हो भने धर्मको नाममा कतै कुनै issue आउनु हुन्न. सबै धर्मको एउटा यथार्थ छ त्यो हो .. being true to oneself.. त्यसैले मेरो बिचारमा सामाजिक चेतना बढाएर बुद्ध मुर्ति स्थापना गर्न त्यहाका बासिन्दालाई हौसाउने काम सचेत बर्गले गर्नु पर्छ ..

  • Himal Khadka

    जहाँ सिखर सैली को मन्दिर बनाउन को लागि बजेट अभाब ले सम्भव हुन सकेको छैन, तेही ठाउमा ( अरुतिर नहुने रे ) ४५*५० लाख खर्च गरेर मुर्ति पुज बिरोधि, बुद्ध को मुर्ति राख्नपर्छ भनेर कसले भद्कौदै छ,? ति हिन्दु- बुध धर्म बिरोधि रस्त्रघती साम्प्रदायिक दलाल घुसपैठिया हरुलाई तुरुन्त कारबाही होश !!
    पुरातत्व बिभाग ले गहन अध्यन गरेर निकालेको निचोड लै आफनो रुची प्रतिकुल हुने बितिकै नमान्नु नै समस्या को जड हो !! मायादेबीको मन्दिर लै पनि हिन्दु हरुले भगवती मन्दिर भनि अहिले सम्म पनि पुञ्ज अर्चना गरिरहेका छन् !! पहिले हिन्दु धर्म अनुसार गरिने पुञ्ज बिधि अहिले परिवर्तन भएर बौध भएको छ ! त्यो किन भयो भन्दा बिभिन्न पुरातत्व अनुसन्धान ले त्यो मायादेबिको मुर्ति हो भन्ने ठहर गर्यो !! आफ्नो आस्था प्रतिकुल भयो भनेर खै हिन्दु हरुले बिरोध गरेर नेपाल बन्द गरेको त थाहा पायियेना ! तेसैगरी पुरातत्व विभागको टोलीले यो ठाउँमा उतिबेला शिखर शैलिको मन्दिर थियो भन्ने ठहर गर्योन। साथमा त्यहाँ पुरानै ढाँचामा मन्दिर बनाउनु पर्छ भन्ने निर्णय पनि गर्योर। अब बौध धर्मावलम्बी हरुले मान्ने कि नमान्ने ? फेरी उदार हिन्दु धर्मावलम्बी हरुले प्राय हरेक मन्दिर हरुमा बुद्ध लै पनि ठाउँ दियिआयेका नै छन् !! सुर्खेत मा पनि अवस्य पनि बुद्ध मुर्ति पनि स्थापना हुन्छा, संका छैन !!
    उदार र सहन्सिल भनिने बौध र नेपाली बुद्धिस्ट हरु किन यति सारो कट्टर हुन थालेको ?? येस्मा पैसाको खोलो बगौना सक्ने तिबती र क्रिस्टियन हरुको घुसपैठ भएको चाही पक्का हो !

    किरण जी ले भने झैँ —–यो केबल हिन्दू र बुद्दिस्ट को एक आपस मा झगडा पारीदेने (फाटो गराइदिने) खेल हो।
    हामी धेरै जसो नेपाली ले दुइटै धर्म एकसाथ लिएको हुँदा आफुले आफ्नो मुख मा मुक्का हान्ने? तिब्बति- नेपाली (शरणआर्थी) लाई पैसा भए पुग्यो। क्रीस्चियन हरुले त्यहाँ झगडा पार्नको लागि, बुद्द को मुर्ती राखिदेउ म पैसा दीन्छु भन्यो भने ति तिब्बती हरु को दिन खुल्छ, “अब पैसा आयो भनेर”। तिनिहरु लाई के माया र नेपालको । तिनी हरु को पछी- पछी लागेर हाम्रा बुद्दिस्ट दाजु-भाइ पछी लाग्न भएन।
    मेरो भन्नु येही हो ! जय हिन्दु (बुद्ध) राष्ट्र, जय नेपाल !

    • Mahesh Mahaseth

      यस्ता त छ नि जय हिन्दु राष्ट्र भन्नेहरु/ अब Nepal हिन्दु राष्ट्र छैन अब धर्म निरपेक्छ्ह्य राष्ट्र भैसक्यो/ हिन्दुहरुको यस्तो अहमले गर्दा हो नेपाल मा शान्ति नभएको /

    • dhan

      हेर्नुस हिमाल जी,
      कसले कसलाई कति सहयो भन्ने कुराको फेहरिस्त निकाल्यो भने कुरा बल्झिन सक्छ. तर बिगतमा भएको कमि कमजोरी अब नकोत्ययेकै राम्रो. खाली बिदेशी छल र फुटाउने चाला देख्ने हाम्रो आँखाहरुले येति सरल र सिधा कुरा किन देख्न सक्दैन? बुद्धको मुर्ति ४० लाख होइन ४० करोडकै ल्याए पनि किन हामीलाई टाउको दुख्नु पर्ने? अब हिन्दुको मन्दिरको लागि पैसा किन पुगेन बनौन पहल गर्ने हरुलाई सोध्धा उपयुक्त हुन्छ कि? त्यसैले बिदेशी र अरु धर्मकोलाई लान्छना लाउनु भन्दा पहिले हाम्रै देश भित्रको अतिबादी हरुलाई हेरे कसो होला? फेरी त्यो मुर्ति ल्याउनु अघि अनुमति पाएकै हो क्यारे, जबर्जस्ति गरेको भए एउटा कुरा !
      त्यसैले हिन्दु बुद्धिस्त्को बिचमा झगडाको बिउ रोप्ने हाम्रै प्रशाशन र राज्यको एकात्मक सोच हो. सक्नु हुन्छ बिरोध गर्न? सत्य बोल्ने हिम्मत छ भने बरु भन्नुस cdo लै अनि हाम्रा मन्त्रीहरुलाई बुद्ध मुर्ति राख्न दिनु पर्यो भनेर, अनि बल्ल पो हामी सबैलाई पनि भन्नु मन लाग्छ मन्दिर पनि संगै बनाउन पर्छ भनेर. हाम्रो एस्तो चेपारे पारा अब सबैले बदलिनु पर्छ, सहिलाई सहि गलतलै गलत भन्न सक्ने हिम्मत राख्नु पर्छ अनि बल्ल आउछ सहि अर्थमा सद्भाव र भाइचारा !

      • madan bajracharya

        धनज्यु/
        हुनत मैले यो कुरा भन्न नहुने थियो तर नेपालको बुद्धिस्टहरुले ४० लाख खर्चेर बुद्धको मुर्ति बनायाकोमा हिमाल्ज्युले कुरा चपायर अन्यथा आरोप लगायाकोले भन्न बाध्य भय/ नेपालका बुद्धिस्ट गुठि र समुदायले चाहे ४० लाख बुद्धको नाममा खर्च गर्न हिमाल जीले कुशंका गरे जस्तै गरेर रकमको जोगाड गर्नु पर्दैन/
        नेपालको बुद्धिस्ट गुठि र समुदायहरुको “बिहार”को ढुकुटी पशुपतिको ढुकुटी भन्दा कम सम्पन्न छैन/ मैले यो कुरा मैले आफैले देखेको मात्रै होइन हातले समेत छुने सौभाग्य पायको आधारमा भन्दै छुँ/ यस्तो सौभाग्य नेपालका सबै साक्य,बज्राचार्यहरुले जीवनमा यक चोटी पाउँछ/ अरु विवरण दिनु बात असुरछ्या हुन् सक्छ/

        स्वयंभू वरिपरि तिब्बती शैलीमा बुद्धको प्रतिमा बनाउने स्वयम्भूको डांडा ब्यबस्थित गर्नेहरु माथि पनि अनेकौं आरोप लगायको सुनेको थिय/ तर त्यो काम पनि नेपालकै बुद्धिस्ट मनाङ्गेहरुले उनीहरुको गुठीलाइ सहयोग गरेरै सम्पन्न गरेको थियो/

        सरकारले नेपालमा बुद्धको इज्जत गरेको भय, बुद्धिस्ट पनि नेपालको नागरिक भयको ब्यबहार गरेको भय दुई तिन वटा गुठि मात्रै मिले पनि सुर्खेतमा राख्न नदियको जस्तो बुद्धको मुर्ति फाइवरको होइन सुनको बनाउन सक्छ/ तेस्तो सम्पन्न बौद्ध बिहार कति छ; छ/ हिमालज्युहरुले यति बुझे पुग्छ कि नेपालका बुद्धिस्टहरु सबै आ आफ्नो गुठीमा सगठित मात्रै होइनन सम्पन्न पनि छन्/ उनीहरुलाई ४० लाखको मुर्ति बनाउन बिदेशीको मुख ताक्नु पर्दैन/ बरु भयकै मास्न चोर्न कोहि आउँछ कि भन्ने डर मात्रै छ/

  • Deepak G.C.

    “पुरातत्व विभागले त्यहाँ उत्खनन् गर्दा बुद्धसहित धेरै देवीदेवताका मूर्ति भेटिएको थियो। विभागले यहाँ मन्दिर भएको ठहर गरेको थियो।”….यसको मतलब त्यहाँ बर्षौपहिले हिन्दु र बुद्ध दुबै धर्मको संगम थियो | त्यहि कुरालाइ आधार मानेर एकापट्टी हिन्दु र अर्को पट्टि बुद्धको मन्दिर (वा गुम्बा) बनाए कसैलाई समस्या नहोला | बर्षौदेखि मिलेर बसेका नेपालका हिन्दु र बुद्ध धर्मलाम्बिहरु आपसमा झगडागर्नु निकै पीडादायक कुरा हो |

  • यो सरासर सरकारको गल्ति देखिन छ | पूर्ण छलफल नै नगरी कसरि बन्न गयोत |
    इस्तानिये इस्तार्मै छलफल हुनु पर्थ्यो | अब आइले राष्ट्रको नै मुद्दा हुन गएको छ |
    एसले जनतामा नराम्रो संदेश दिन्छ| वोर्ल्डमा धरै येद्दा हुदै छन् ति सबै लग्बग धर्मलेनै गर्दा वयेका छन्| हेरौ अब नेपाल पनि कति आछुतो हिने हो |हामीले सबै धर्मलाई कदर गर्नु पर्चा |आखरि सबै धर्माके राम्रो कुरानै सिकाएको हुन्छ |

  • Ram Babu Shrestha

    पर्यटक िभत्र्याएर डलर उब्जाउने ठाउँ रहेछ । यसको संरक्षण गर्नै पर्ने हो । डलर कै इशारामा धािर्मक द्वेस फैलाई के गर्न लागेको हो बुझ्न सकेन ।

  • द्रोण

    हाल लाइ इसाई र इस्लाम लाइ दोस दिनु भन्दा पनि यो बेला बेलामा बखेडा निकाल्ने काम ,सामाजिक संरचना भत्काउने काम , नेपालि बीच बिग्रह लेउने काम कसले गर्दैछ र किन ??
    ” राजदरबार हत्या काण्ड देखि , जातीय कटुता सिर्जना गर्ने बा कसरि नेपालि फुटाउन सकिन्छ र नेपाल लाइ कम्जोर बनाएर आफ्नो स्वार्थ पुरागर्न सकिन्छ र पुरै नेपाल लाइ
    बिहार मा परिणत गर्न सकिन्छ , एसको लागि एउटा संगठन बडो कसरत को साथ् लागि परेको छ तेस्को नाउ ”र” हो | यो भारतीय गुप्त चार संस्था हो |
    अब हेरौ त् केसी समय अगि सम्म पार्ट टाइम मा काठमान्डू को कलेज पढाउने ”अमरेश सिङ्ग एका एक पावरफुल कसरि भयो ,कसरि सबै नेतालाई घुमाउने बन्यो ?

    तेस्तै ह्रिसि धमलाको , माकुने को फुर्ति को राज के हो ?

    हिजो सम्म बोक बम भन्ने प्रचण्ड हरु आज बोल बम भन्ने कसरि बने ? यी न हिजो सक्काली कम्निस्ट रहेछन न भोलि हुनेछन ? नेपाल को असली हेड ओफ स्टेट को अब ?

    अप्रत्यासित रास्ट्रपति , प्रधान मन्त्रि बनेका रामबरण, खी रा रे कुन तरिका ले बनाइएका थिए सोचौ त् ?

    • Sisir

      “र ” का महान नेपाली मुख्य पात्रको नाम चै छुटेछ है मित्र ..

  • पुष्प

    शनिबार बन्द गर्ने भनेको पहिलोचोटि सुन्नमा आयो । यस्ता नौटंकी गर्ने ‘संयुक्त जातीय तथा धार्मिक संगठन समिति’का ‘अनुहार’हरू केलाउने हो भने यो मुद्दा बल्झिनुको कारण पत्ता लाग्ने थियो कि !

  • CHEREM GOPARMA

    पहिलेको यथास्थानमा बुद्ध को मुर्ति प्रस्थापन गर्नु नै यसको समाधान हो| हिन्दु अतिबादीहरुले यो विवाद लाई चर्काउन खोजिरहेको छ |बुद्ध नेपाल मा नै जन्मेको संसार लाई थाहा भएको कुरा चै हस्ताक्षर संकलन गरेर हजुर भन्ने रे बुद्ध जन्मेको देश बुद्ध को मुर्ति राख्न चै नमिल्ने रे हा हा हा मलाई त हासै उठायो बा म त हासेर मर्ने रहेछु

  • Prem Sherbuja

    स्थानिय वासीहरू नै यसको प्रत्यक्ष लाभ र हानीको भागिदार हुने भएकोले स्थानियवासीहरूको सहमतिमा यो काम अगाडी बढाउनु पर्दछ न की केन्द्रले भन्ने मलाइ लाग्छ ।

  • karbir

    यी फोटाहरु देख्दा केहिबर्ष अगाडी अफगानिस्तानको बामियानमा तालिबानीहरुले हजारौ वर्ष पुरानो बुद्ध मुर्तिमाथि गरेको विध्वंस सम्झिरहेको छु…..आज आफ्नै देशमा यी फोटाहरु हेर्दैछु, लज्जित छु ………..

  • Deepak Adhikari

    यो बिबाद अरु केही होईन ईसाईहरुको धर्म प्रचारको चाल हो। नेपालमा धार्मिक सहिष्णुता छैन, धर्मका नाममा बिबाद छ भन्ने देखाउने प्रपन्च मात्र हो। भगवान बुद्ध बौद्ध धर्मावलम्बिका मात्र देवता नभई हिन्दु धर्मावलम्बिका समेत देवता हुन्। त्यसैले कुनै पनि हिन्दुले बुद्ध मूर्ति स्थापनामा बिरोध गर्नै सक्दैन र यदि बिरोध गर्दछ भने त्यो सच्चा हिन्दु धर्मावलम्बि हुनै सक्दैन। त्यसै गरी सच्चा बौद्ध धर्मावलम्बिलाई हिंसा तथा मूर्तिपुजामा बिश्वाश नहुने भएकोले बुद्धको मूर्ति स्थापना गर्न हिंसात्मक आन्दोलन गर्नै सक्दैनन्। बास्तवमा यो आन्दोलन न त हिन्दुको हो न त बौद्ध धर्मावलम्बिको नै हो । यो त फगत हिन्दु र बौद्ध धर्माबलम्बिलाई फुटाएर आफ्नो धर्म प्रचार गर्ने डलर पचाउबादीहरुको खेल हो।

    दिपक अधिकारी,
    चितवन हाल काठमाण्डौं

    • यो दिपकजीको छेउ न टुप्पाको टिप्पणी अलिक ठिक लागेन । बीचमा किन ईसाईहरुलाई घुसाउने? ईशाई समुदायहरुमाथि यस्तो आधारहीन आरोप लगाउनु आपैmमा हाँस्यस्पद कुरा हो । यसमा ईसाईहरुको कुनै हात छैन । विषयलाई एकातिर राखेर ईशाई समुदायहरुमाथि दोषारोपन गरेर कच्चा अपरिपक्व टिप्पणी नगर्नुहोला ।

    • Satyananda

      How can u prove that Christians are behind it ? U better study the case seriously before blaming others. MAY JESUS FORGIVE YOU!

    • bibek dhakal

      खै अब क्रिस्चियन हरु ले देश बिगार्यो, सनातन धर्म लाइ खतम पार्यो भनेर खोक्दै हिड्ने अनि तेइ क्रिस्चियन मिसिनारी हरुले खोलेको सेन्ट जेवियर्स र सेन्ट मेरिजमा आफ्नो छोरा छोरी पढाउन तछाड मछाड गर्ने हरु धेरै छन्! मेरो विस्वास छ तपाइँ त्यो क्यटेगोरि मा त पर्नु हुन्न !!!!

    • Mahesh Mahaseth

      यस्ता दिपक जस्ता पाखण्डी हिन्दु अतिबादी हरुले गर्दा हो अहिले नेपालमा यस्तो समस्या भएको / यहाँ समस्या हिन्दु र बुधहा को छ यो दिपक पाखण्डी ले कहाँ देखि इसाई को कुरा घुसारेको हो? नेपालका केहि हिन्दु अतिबादीहरुले Nepal लाई शान्त हुन देकै छैन / अझै नेपाल हिन्दु देशनै हो भनेर उफ्रेको छ उफ्रेको छ/ मा पनि हिन्दु हो, तर यस्तो पाखण्डी हिन्दु अतिबादी होइन/ मेरो बिचारमा सबै धर्म बराबर हो/ यस्ता पाखण्डी हिन्दु अतिबादी ले गर्दा हो मानिस हरुले हिन्दु धर्म प्रति बितृष्णा भएको/ अहिले दैनिक हजारौ बिदेशीहरु Buddha धर्म अंगाल्दै छ तर हिन्दुहरुको यस्तै अहम र पाखण्डी हरुले गर्दा हो दैनिक लाखौ मानिस हरुले हिन्दु परित्याग गरेको/ मलाइ बडो दुख लाग्छ हाम्रो हिन्दु मित्र हरुको चर्तिकला हरु देख्दा/ यसरि दैनिक हिन्दु परित्याग गर्दै गयो भने भविस्य मा हिन्दु धर्म इतिहासमा सिमित हुन के बेर?

    • madan bajracharya

      दिपकज्यु/
      सुर्खेतको कान्क्रे बिहार काण्डमा इसाइहरुको हात भयको मान्न सकिन/ यो काण्ड गर्ने गराउने नेपाल भित्रकै आफ्नै हिन्दु संस्कार नबुझेका हिन्दु जमात बा अतिबादी “तालिवाने किसिमको अतिबादी हिन्दुहरु” ले नै गरेको देखिन्छ/ तर भोटको निमित जस्तो सुकै कुकार्य गर्ने कुनै राजनैतिक दलले उकासेको पनि हुन् सक्ने सम्भावना चाहि नकार्न सकिंदैन/ किनभने अहिले नेपालमा नेपाली जात र धर्मको नाममा फुटे मात्रै चुनाव जित्ने नेताहरुको राज चल्दैछ/

      हिन्दु मन्दिर भित्र बौद्ध चैत्य र बुद्धको मुर्ति र बौद्ध चैत्य बिहारमा हिन्दु देवी देवताको मन्दिर र मुर्ति राखिने पुजिने परम्परा र संस्कार भयको नेपालमा बुद्धको प्रतिमाको यति अनादर र अपमान कसरि हुँदैछ; कसले गर्दै छ कसले गराउंदै छ भनेर बुझ्न जरुरिनै भयको छ/ यो कुरामा बेलैमा सौहार्दता पुर्वक समाधान गर्न नसके नेपाली समाज जुद्नै नसकिने गरि फुट्न सक्छ/

      अतिबादी हिन्दुहरु सिट बुद्धको बिचार हिन्दु धर्म बिपरित भयको कुनै धर्म नभयको सत्य तथ्यमा बिचार गर्न हार्दिक आग्रह गर्छु/ बुद्धको प्रतिमाले मानवलाई असल दयालु समय अनुशार ब्यबहारिक बन्न मात्रै उत्प्रेरत गर्छ हिन्दु धर्मको बिरोध गर्न उत्प्रेरित गर्दैन/

      बुद्धिज्म धर्म होइन ब्यबहारिक समाज बिज्ञान हो
      बुद्धको प्रतिमा “सद्ब्यबहार” को मात्र बिज्ञापन हो

    • madan bajracharya

      दिपकज्यु/
      काक्रे बिहारमा ६५ फित अग्लो हिन्दु मन्दिर निर्माण गर्ने निर्णय गर्ने सरकारले त्याहा बुद्धको प्रतिमा स्थापना गर्न दिने पनि स्वीकृति दियो/ तेस्पछि बुद्धिस्टहरुले बुद्धको प्रतिमा स्थापना पनि गरियो/ तर त्यो प्रतिमा स्थापना गर्ने अनुमति दिने सरकारलेनै आफैले अनुमति दियकै आधारमा बुद्धिस्टहरुले प्रतिस्थापन गरेको बुद्धको प्रतिमालाइ त्याहा बात उठायर “प्रहरी कार्यालयको गुहु थुपार्ने सेफ्टी ट्यांक माथि” लगेर राखियो/ बिबादको कारण यो हो/

      यो कुरामा तपाइंले बुद्ध हिन्दुहरुले समेत मानिने भयको बुद्धको प्रतिमा स्थापना गर्नमा कुनै हिन्दुले बिरोध गर्ने नसक्ने भन्नु हुँदै “इसाइ” हरु माथि आरोप लगाउनु भयो/ त् के तपाइंले सुर्खेतमा नेपालको सरकारको होइन इसाइको सरकारको राज रहेको भन्न खोज्नु भयको हो?

      • Deepak Adhikari

        मदन जी,
        नेपालमा धर्मले राज्य गर्दैन भन्ने तपाईंलाई थाहा नभएर यस्तो लेख्नु भएको पक्कै होईन। त्यसैले सुर्खेतमा कसको राज्य छ भनेर मैले जवाफ दिनु आवश्यक छैन। जहांसम्म ईसाईको संलग्नताको प्रमाणको कुरा छ मैले ब्यक्तिगत प्रयासमा प्रमाण जुटाएर तपाई समक्ष पेश गर्न त सक्दिन तर तपाईंको पहुंच सुर्खेतका स्थानिय सम्म छ भने उनीहरुलाई सोध्नुस यस घटनालाई बोकेर हिड्ने ब्यक्तिहरुको धार्मिक पृष्ठभूमी र सम्बन्धको बिश्लेषण गर्नुस् अरु कसैले केही भन्नै पर्दैन।
        अनि स्पष्ट हुनुहोस की यो द्वन्द हिन्दु र बुद्ध धर्माबलम्बिको बिचको द्वन्द कुनै हालतमा होईन। अर्कैको स्वार्थमा डलरको आडमा भएको द्वन्द हो।

        अनि रेशम जी,
        मैले तपाईंको ब्यक्तिगत हात छ भनेको होईन तर घटनालाई नजिकबाट हेर्नुस् ईसाई धर्ममान्नेहरुको संलग्नता स्पष्ट छ। आरोप आग्रह र पूर्वाग्रह होईन एउटा स्वतन्त्र नागरिक भएर हेर्नुस् नेपालमा ईसाईहरुले आफ्नो धर्म प्रचारका लागि गरेको कार्यलाई, बिभिन्न जात जाती संप्रदायलाई एक आपसका बिचमा भड्काउन गरेको ब्यबहारलाई अनि यहांका सनातन धर्मावलम्बीहरुको सहनशील क्षमतालाई। र सोच्नुस् यही ब्यबहार अन्य देशका अन्य धर्माबलम्बीहरु भएको ठाउंमा भएको भए के यसरी नै सहेर बस्थे?

        • दिपकजी
          “फेरी घुम्दै फिर्दै रुम्जाटार” भने जस्तै काँक्रेविहारमा बुद्धको मूर्ति राख्न नदिएको हात ईसाईहरुको नै हो भन्ने केटौले तर्क गर्दै ईसाईहरुमाथि फेरी दोष थुपार्ने कुचेष्टा नगर्नुहोला । सबैको सामू स्पष्टै छ । कसले मूर्ति राख्न नदिएको भन्ने । यसरी ईसाई समुदायलाई हेपेर जुन टिप्पणी दिपकजीले गर्दै हुनुहुन्छ, यो घोर आपत्तिजनक कुरा हो । विषय र प्रसंगलाई नै वदलेर सबै दोष जत्ति ईसाईहरुलाई थोपर्नुचाहिं न्यायसंगत देखिएको छैन । कति मित्रहरुले पनि माथि नै यो कुरा उठान गरीसक्नुभएको छ । कसको हात र दोष छ भन्ने कुरा सबैले देखिसकेका र बुझीसकेका अवस्थामा त्यस घटनामा संलग्न नै नभएको समुदायमाथि जर्वजस्ती दोष थुपार्नु न्योचित र न्यायसंगत पटक्कै देखिएको छैन । दिपकजीको आरोपमा सय प्रतिशत त के हजारौ अनि लाखौं प्रतिशत मेरो असहमति छ ।
          जय नेपाल ।

        • madan bajracharya

          दिपकज्यु/
          इसाई जिजस मान्न बुद्धिस्तले धर्म परिबर्तन गर्नु पर्दैन; हिन्दुले मात्रै पर्छ/ किनभने बुद्धिस्टहरुलाई हिन्दि इसाइ बा कुनैको पनि असल कुरा मान्न छुट छ/ हिन्दु धर्म बंग्याउने हिन्दु, धर्ममा भयको छुवाछुत शोसकलाई पुर्व जन्मको पुन्य कर्मी मानेर शोषित पिडितलाइ पुर्व जन्मको पापी मान्ने आदि कुपरम्परा बात दुखि भयर नै हिन्दुहरु इसाई बन्न प्रेरित भयको हो/ त् यो कुरालाई लियर नेपालकै आफ्नै सोहादर धरम भाइ बुद्धिस्ट माथि किन कुविचार र कुब्यबहार गर्न खोज्छन हिन्दुहरु? अपराधि र आतंककारीहरुले बाहेक बिस्वमा कहिँ कतै कुनै पनि धर्म मान्नेहरुले बुद्धिस्टहरुलाइ अन्यथा लिंदैन तर बुद्ध जन्मेकै देस नेपालमा बुद्ध र बुद्धिस्ट हरु अपहेलित हुनु दुखको कुरा हो/

          मित्र मैले अन्य ब्लगमा प्रतिक्रिया लेखेको छु कि बुद्धिस्ट पुरोहितहरुले आज पनि नेपालको कयुं हिन्दु मन्दिरहरुमा हिन्दु धर्म अनुशार पुजा पाठ गर्दै आयको छ/ तर के तपाइंले सुन्नु पनि भयको छ हिन्दु पुरोहितले बौद्ध बिहारमा बुद्ध परम्परा अनुशार पुजा गरेको?

          बास्तवमा भन्ने हो भने इसाईहरु होइन नेपालका अतिबादी हिन्दुहरु “तालिवान” बन्दै आयको छ बुद्ध र बुद्धिस्टको निमित/ फरक यति मात्रै छ कि तालिवानले अफगानिस्तानमा बुद्धको ढुंगाको प्रतिमाको ढाले नेपाला अतिबादी हिन्दुले फ़ाइवरको बुद्धको प्रतिमा बुद्ध जन्मेकै भूमिमा ढालेर सेफ्टी ट्यांकी माथि फाले/ कुन बढी पापी छन् दिपक ज्यु?

          • sudeep uprety

            कसरि एस्तो भन्न सक्नु भयो तपैले? बुद्ध भनेको बिस्नु को ९ अवतर हो/ म हिन्दु हु, तर म बारम्बार गुम्बा गैरक्छु त/कसैले पोखरा को सान्ति बिहार या त कपिलवस्तु को ठाउँ या त बौध या स्वयभु या असन या अरु कतै पनि कैले नराम्रो भाको सुन्नुभाको छ त/ एउटा ठाउँ मा त्यो पनि प्रमुख कारण नै थाहा नभई एस्तो भन्न मिल्दैन.मेरो देसको मेरो धर्म को हिरा हो बुद्ध भगवान भनेको,मेरो धरोहर हो/अनि अर्को कुरा त्यो ठाउँ बाहेक का चै नराम्रो भाको देख्नु भो तपैले/छुवाछुत भन्ने कुरा मान्छे ले बनको हो/ बिस्तारै समय संग परिबर्तन हुदेइ छ/ हिन्दु हरु Christian मा प्रेरित हुनु त हेर्नुस, महिना को ५००० येतिकेइ आउदा गरिब हरु धेरै परिबर्तन भाको छन् पनि/ एस्तो घटना हुदा मलाई नि रिस उठेको छ, मान्छे को कुएयेको बुध्ही देखेर/र कुनै धर्म लाई येसरी दोष दिनु एकदमै गलत हो/ अतिबादी को कुरा गर्दा,अनि हामी हिन्दु/(Buddhist) ले का चै धर्म फैलाउने को नाम मा मान्छे मरेको सुन्नु भाको छ? तर मुसलमान अनि च्रिस्तियन हरु ले आज सम्म कारोडोउ मान्छे मारे धर्म फैलाउने नाम मा,,त्यो चै अतिबादी हो sir /

  • sameer

    धर्म को नाम मा एस्तो विवाद हुनु सारै अनुचित कुरा हो .

  • bibas rai

    जे भो राम्रो भएन / बुद्ध जन्मेयाको देश मा बुद्ध को बिजोक हुनु राम्रो कुरा होईन/ सबै मिलेर बस्नु पर्छ / हिन्दु बुद्ध दाजु भाई हुन् / मुर्ति उठाएर बुद्ध को सम्मान गर्नु पर्छ /

  • […] बुद्ध मूर्ति विवादले काठमाडौँ जाम यस्तो छ कांक्रे विहार बुद्ध मूर्ति नराख्न पनि आन्दोलन […]

  • […] बुद्ध मूर्ति विवादले काठमाडौँ जाम यस्तो छ कांक्रे विहार बुद्ध मूर्ति नराख्न पनि आन्दोलन […]