मेरो Tweet

User Stat

Users Online.

Except where otherwise noted, this site is licensed under a Creative Commons Attribution 2.5 License.
eXTReMe Tracker

पाँच ‘डन’- फँस्लान् कि बच्लान् ?

5don
कहलिएका पाँच ‘डन’हरु- गणेश लामा, दीपक मनाङे, पर्शुराम बस्नेत, चक्रे मिलन र अभिषेक गिरीविरुद्ध अन्ततः स्रोत नखुलेको अवैध सम्पति राखेको भन्दै मुद्दा दर्ता भएको छ। मुद्दा दर्ता हुनु एउटा सकारात्मक पक्ष हो। तर कारबाहीको लामो प्रक्रिया बाँकी छ र त्यसमाथि यी डनहरुको टाउकोमा भएका राजनीतिक नेताहरुको हातले यिनीहरु जेलभित्र फँस्लान् हैन बच्लान् भन्ने डर हुन्छ। तपाईँ हेर्दै गर्नुस्- आजभोलिबाटै नेताहरुले यिनीहरुको संरक्षणमा बोल्न सुरु गर्नेछन्। पर्शुराम बस्नेतबारे केपी ओली चुप बस्लान् ? गणेश लामाविरुद्धको मुद्दाबारे विजयकुमार गच्छदारको बोली नफुट्ला ? गिरीको बचाउमा कांग्रेस नबोल्ला? मनाङेका लागि कांग्रेस र राप्रपाले नबोल्ला? राजनीतिकरण सुरु हुनेछ। चिया पसलमा षड्यन्त्र सिद्धान्तहरु प्रतिपादित हुनेछन्- सब ‘डन’हरुलाई हाम्रो पार्टीमा आइज, नत्र बच्दैनस् भनी प्रचण्डले यो मेसेज दिएको हो। नत्र खोई त माओवादीका कोही किन नपरेका?
मुद्दा दर्ता गर्दा नै प्रतिवादीहरुलाई पनि अदालतमा उपस्थित गराउनु पर्नेमा खुल्लमखुल्ला हिँडिरहेका ती ‘डन’ र अभियुक्त बनाइएका उनीहरुका परिवारलाई अदालतमा लग्न सकेनन्। उनीहरुको शक्ति यहीँबाट देखिसकियो।

कानुनी प्रक्रिया लामो छ
सम्पति शुद्धिकरण ऐन अनुसार विशेष अदालतले यो मुद्दाको सुरु किनारा लगाउनेछ। ऐन अनुसार स्रोत नखुलेको सम्पति जति सबैको स्रोत खुलाउने जिम्मा प्रतिवादी अर्थात् ती डन र उनीहरुको परिवारको आफ्नै हुन्छ। डराएर, धम्क्याएर, असुली गरेका रकम र त्यसबाट जोडेका चलअचल सम्पतिको स्रोत खुल्ने कुरै भएन। अलिअलिसम्म त मिलाउन सक्लान् तर कहीँ न कहीँबाट यिनीहरु फँसिहाल्छन्। ‘डन’को मात्र के कुरा, यहाँ यही ऐन अनुसार मुद्दा चलाउने हो भने नेताहरु, मिडिया साहुहरु, पत्रकारहरु, व्यापारीहरु सबका सब फँस्न सक्छन्।

विशेष अदालतमा सम्पतिको स्रोत खुलाउन नसके जतिको स्रोत नखुलेको हो, त्यति रकम जफत हुन्छ अनि त्यति नै रकम जरिवाना पनि तिर्नुपर्ने हुन्छ। कैद सजाय पनि हुन्छ एकदेखि चार वर्षसम्मको। यस्तो सम्पति शुद्धिकरणसम्बन्धी दर्ता भएका २२ मध्ये ११ वटाको विशेष अदालतले टुङ्गो लगाइसकेको छ, त्यसमध्ये अधिकांश सरकारले जितेको छ। विशेष अदालतको फैसलालाई सर्वोच्च अदालतमा चुनौति दिन सकिन्छ। त्यहाँबाट अन्तिम फैसला हुन भने वर्षौँ लाग्न सक्छ। यसबीच यिनीहरुले आफ्नो पक्ष बलियो बनाउन कतिको चलखेल गर्न सक्ने हुन्, कतिलाई डराउन/धम्क्याउन सक्ने हुन्- हेर्न बाँकी छ।

चोखो को?
संगठित अपराधका नाइके बनी प्रशस्त पैसा कमाएका यस्ता डनहरुलाई मात्र हैन, अवैध स्रोतबाट आम्दानी गर्नेलाई फन्दामा पार्ने एउटा राम्रो उपाय यो सम्पति शुद्धिकरण ऐन हो। अपराधजन्य कामबाट ब्ल्याक मनी कमाउनेलाई कारबाही गर्न यो ऐन बनेको बल्ल पाँच वर्ष भयो। यो ऐनको यही एउटा धाराले हेलिकप्टर भाडामा लिएर पार्टीको कार्यक्रममा जाने नेतादेखि हजारको तलब खाएर लाखको ऐय्याशी देखाउने सरकारी कर्मचारीसम्म सबैलाई जाक्न सक्छ-

सम्पत्ति शुद्धीकरण गरी सम्पत्ति आर्जन गरेको मानिने : यस ऐन अन्तर्गतको कसूरमा मुद्दा
चलाइएको व्यक्तिको आयस्रोत वा आर्थिक अवस्थाको तुलनामा निजको सम्पत्ति अस्वाभाविक देखिन
आएमा वा निजले अस्वाभाविक उच्च जीवनस्तर यापन गरेमा वा आफ्नो हैसियतभन्दा बढी
कसैलाई दान, दातव्य, उपहार, सापटी, चन्दा वा बकस दिएको प्रमाणित भएमा निजले त्यस्तो
सम्पत्ति के कस्तो स्रोतबाट आर्जन गरेको हो भन्ने कुरा प्रमाणित गर्नु पर्नेछ र त्यसरी प्रमाणित गर्न
नसकेमा त्यस्तो सम्पत्ति यस ऐन अन्तर्गतको कसूर गरी प्राप्त गरेको मानिनेछ ।

सरकार परिवर्तनको फाइदा
२०४६ सालपछिको सरकारले थालेको मन्त्रिपरिषद्का सदस्यहरुको सम्पति विवरण सार्वजनिक गर्ने प्रचलनलाई रोकेर आफ्नै सम्पति विवरण सार्वजनिक गर्न डराउने यो रेग्मी नेतृत्वको सरकार ‘डनलाई डाम्न’ भने उपयोगी भयो। माओवादी-मधेसी सरकार कायम भएको भए यो मुद्दा कुनै पनि हालतमा दर्ता हुन सक्दैन थियो। गृहमन्त्री गच्छदारका सहयोगी गणेश लामासहित यी पाँच जनाको फाइल गृहमन्त्री मातहतकै नेपाल प्रहरीको केन्द्रीय अनुसन्धान ब्युरोले गरेको अनुसन्धान सकिएर थन्किएको थन्कियै थियो। गैरदलीय सरकार बने लगत्तै बल्ल प्रहरीको केन्द्रीय अनुसन्धान ब्युरोले यो फाइल सम्पति शुद्धिकरण विभागलाई बुझाएको थियो। रेग्मी सरकारभन्दा माथि रहेको श्री ४ (चार दलीय संयन्त्र) मध्ये माओवादी बाहेक सबैका डन यो केसमा परेकोले श्री ४ नेताहरुले के के बोल्ने हुन् आगामी दिनमा ध्यानमा राख्नुहोला।

को-को फरार ?
मुद्दा दर्ता गर्दा नै प्रतिवादीहरु पनि अदालतमा उपस्थित गराउनु पर्नेमा हिजो त्यो गराएको देखिएन। त्यसैले प्रतिवादीहरुलाई फरार मानिएको छ। मिलन चक्रे अहिले जेलमा छन्। ती बाहेक बाँकी चार र उनीहरुको परिवार फरार सूचिमा छन्।

फरार सूचिमा हुनेमा
गणेश लामाकी श्रीमती लक्ष्मी लामा, पिता पासाङ लामा, माता रन्जु लामा
दीपक मनाङेकी श्रीमती पासाङ डोल्मा गुरुङ
पर्शुराम बस्नेतकी श्रीमती अन्जु सिंह बस्नेत
चक्रे मिलनकी श्रीमती इन्दिरा घले गुरुङ
अभिषेक गिरीकी श्रीमती अनिषा गिरी

अब केही दिनमा विशेष अदालतले यिनीहरुको नाममा म्यादपूर्जी जारी गरेको सूचना पत्रपत्रिकामा हेर्न पाइनेछ।

यो पनि हेर्ने कि-
डन दीपक मनाङ्गे भन्छन्-”लोकतन्त्रका कारण छुटेँ”
ऋण नतिर्ने ‘डन’को नाम छापियो पत्रिकामा
डन चरीलाई छाड्नुको रहस्य के ?
दादा, डन र डेभलपमेन्ट
जिब्रोमा झुण्डिसकेछ डन शब्द

207 Total View 9 Today View

62 comments to पाँच ‘डन’- फँस्लान् कि बच्लान् ?

  • Ngwang

    हदै समको कारबाही हुनु जरुरि छ यी समाजका धमिरा मात्र होईन यस्तोलाई पालन पोषण र संरक्षण गर्नेलाई पनि जाकिउन सुन्दैछु एमाले र फोरम यिनीहरुलाई बचाउन खोज्दैछन यी लगायत चरी बाघे काघे सबैलाई जाक्नु पर्छ शान्ति सुरक्षा दुरुस्त पार्नु पर्दछ
    गुन्डाराज होईन शान्तिराज चाहियो जनता साथमा छन् कारबाही होस्
    देशमा शान्ति साथ् घुमफिर गर्न पाईयोस. लुटको धन राष्ट्रिय कारण होस् डन अनि महा ड्न लाइ नि कारबाही होस्

    मन परे हरियो नपरे रातो ! Thumb up 9 Thumb down 0

  • जेल हालेर छुटे नि के हुन्छ र??दादागिरी चलि हाल्छ पार्टी मा ज्वाई सम्मान पाईहाल्छन जे.पी…….जस्ता डन सब लाई के भाको छ’र/बरु पछि आएर कठालो समौलान हामी ले चै कमेन्ट गर्ने बेला होस् पुराऊन पर्ला….परशु गणेश अभिशेकाय,चक्र दिपकाय नमोनमह:

    मन परे हरियो नपरे रातो ! Thumb up 5 Thumb down 0

  • Vijay

    यो देशमा कहिले शान्तिको महसुस गरेर बाँच्न पाइएला .
    आज हामी यस कारण बाँचेका छौँ किनकि कसैले हामीलाई मार्न चाहेको छैन.
    सोझा साझालाई मात्रै छ कानुन, त्यो पनि दुख पाउन..बांगालाई त कानुनले छुन पनि सक्दैन यहाँ.

    मन परे हरियो नपरे रातो ! Thumb up 9 Thumb down 0

  • punya hawaii

    प्रचण्डले त केहि बोले किन बोलिस र नबोले किन बोलिनस गरे किन गरिस नगरे किन गरिनस उठे किन र बसे किन भन्ने केहि तत्व छन र आफुले केहि गर्न नसक्ने अनि जसरि पनि प्रचण्डको बिरोधमा रमाउनेहरु प्रति दया लागेर आउँछ।पार्टिका नेताहरुको बरदान पाएका डनहरुलाई कार्बाहि गर्ने हिम्मत कसैको छैन बरु कतै कार्बाहि भैहाले प्रचण्डले गरायो र नभए उसैले हुन दिएन भन्ने समाचार सुन्न र पढ्न पाइने छ।

    मन परे हरियो नपरे रातो ! Thumb up 17 Thumb down 26

  • Bayan

    अब हामी नेपालीले चुनाब हुँदैन कि भनेर शंका नगरे हुन्छ/

    मन परे हरियो नपरे रातो ! Thumb up 4 Thumb down 1

  • shishir

    यो राम्रो सुरुवात हो तर माथापच्ची गर्दैछु किन येस्मा माओबादि खेमाका कोहि परेनन् हँ? अख्तियारले पनि अहिले सम्म एकजाना पनि माओबादिका नेतालाई छोएको छैन, अरु मुख्य दलका लगभग कोहि न कोहि परिसके । कतै यी मध्यम स्तरका डनहरुलाई ठटाएर त्यो भन्दा माथिका डनहरुलाई डर देखाएको त होइन? अरु सबै पार्टी असुरक्षित माओबादि मात्र सुरक्षित छ भ्रस्टाचार गर्ने हरुलाइ भन्न खोजेको त होइन? कतै सबै भ्रस्टचारीहरु लाइ खुल्ला आमन्त्रण त होइन?

    मन परे हरियो नपरे रातो ! Thumb up 11 Thumb down 6

    • rajesh

      शिशिर जी
      जे भएको छ त्यो अपुग होला तर नराम्रो अबश्य होइन.” कारबाही गर्ने भए सबै लाइ गर, नत्र कसै लाइ कारबाही गर्ने , कसै लाइ नगर्ने हो भने कारबाही गर्न पाइदेन” भन्नु कारबाही न गर भन्नु हो.सचेत नागरिक ले यी गुण्डा लाइ कारबाही गरेको समर्थन गर्दै(ग्रिह मन्त्रालय मा एमाले प्रति झुक्काव राख्ने ब्याक्ति र गुण्डा हरु एमाले समर्थक धेरै भएको ले फासफुस होला भन्ने सम्भावना छ)अरु गुण्ड लाइ पनि कारबाही गर भन्ने दबाव दिनु हो.

      मन परे हरियो नपरे रातो ! Thumb up 7 Thumb down 2

  • योगेश आदी

    यी पांचलाइ जेलमा कोचेर सम्पति जफत गरेपछि नेपालमा डन सन् सब हराउदै जानेछ !
    यी पांच पछि अरु १०/१५ जति चल्तीको डनलाइ तह लगाउने हो भने समाजमा बिस्तारै अमन-चयन छाउन थाल्ने छ !!

    मन परे हरियो नपरे रातो ! Thumb up 28 Thumb down 1

  • b.k pandey

    हा हा हा ,good joke .डन खाली ५ जना मात्र होइन ,१९९० पछि को नेपालमा गिरिजा ,ओली ,प्रचण्ड , त्यस पछि ब्यापारी ,कर्मचारी सबै ‘डन ‘ हो.त्यसैले अख्तियार को प्रमुख मा अपराधी लाई कसरि नियुक्ति भयो , ask प्रचण्ड !!!!! मलाई माओबादी ले राम्रो काम गर्ला भनेको त् खाओबादी बने पछि ‘god help नेपाल ‘एंड shame on you ‘नेता भनाउदा हरु.एक दिन मर्न पर्छ . do the right thing कृपया कृपया,कृपया

    मन परे हरियो नपरे रातो ! Thumb up 15 Thumb down 2

  • razen

    भाबिस्सेका हुनेवाला ठुला नेताहरुको प्रचार प्रसार जस्तो पो लाग्यो |

    मन परे हरियो नपरे रातो ! Thumb up 2 Thumb down 1

  • Rahul K. Yadav-USA

    my friends, believe me Every dog has a day. That’s all

    मन परे हरियो नपरे रातो ! Thumb up 10 Thumb down 0

  • Suman bhote

    यो त चुनाब अगाडी इनिहरुको मुल्य तोक्या जस्तो भयो…….
    ल ल आउनुस भाडामा लिनुस र चुनाब जित्नुस…. जस्तो लग्यो मलाई….
    अब ठुला पार्टी हरुले इनिहरुलाई भाडामा लिन्छन र चुनाब मा होमिन्छन…..
    मुल्य सरकार ले तोक्यो…… बर्गेन अब पार्टी ले गर्छन….

    मन परे हरियो नपरे रातो ! Thumb up 2 Thumb down 0

  • Manoj Thapa

    डनहरुले चलाएको देशमा कसले डनलाइ कारबाई गर्नु. उही आफुले आफुलाई कारबाई कारबाई गरेमात्र. तर नाटक चाँही गर्न सकछन्. जस्तै प्रचण्डले आफ्नी छोरालाई कारबाई गरेको देखाए जस्तै

    मन परे हरियो नपरे रातो ! Thumb up 29 Thumb down 1

  • राम चन्द्र

    खिलराज रेग्मिले छोटे डन लाई तर्साएर बडे डन लाई सत्ता सुम्पने बाहेक अरु केही आसा नगरौ हामी जनताले ।

    मन परे हरियो नपरे रातो ! Thumb up 25 Thumb down 1

  • madan bajracharya

    २०४६ अघि; सरकारी अर्यालय र प्रहरीको नाम लिय पनि तर्सने मनाङ्गे समुदायको सामान्य उद्दण्ड दिपक र दिपक जस्तै मनाङ्गे समुदायको युवाहरु यो हद सम्मको गुण्डा बन्नुमा राजनैतिक दल; बिशेस गरेर नेपाली कांग्रेसनै बढी जिम्मेवार छ/

    दिपकको परिबार मेरो टोल छिमेकी हो/ मेरो टोलमा मनांगे समुदाय को ठुलै बसोबास छ/ २०४६ अघि; सानो बेला आफ्नै गुम्बामा पढ्ने मनाङ्गे युवाहरु बोलीचालीको नेपाली समेत राम्रो बोल्न सक्दैन/ तेसैले उनीहरु आफ्नै समुदायको युवाको संगतिमा बस्छन/ दिपक पनि तेस्तै थियो र आफ्नै समुदायको युवाहरुको नाइके मात्रै थियो गुण्डा थियन/

    मिठो बोल्ने ठुलालाई आदर गर्ने दिपकको परिबार अरु मनाङ्गे व्यापारीहरु जस्तै सम्पन्न थियन/ साथि भाई सिट खान बस्न घुम्न उसको डेरामा बस्ने परिबारले उसलाई खर्च दिन सक्दैनथ्यो/ यहि कारणले दीपक टोल बाहिर तुम्बा खाने होटेल तिर तर्साउने सामान्य गुण्डा बन्न बाध्य गरेको हुन् सक्छ/ तर टोलमा उसले तर्सायको घटना सुनेको पनि थियन/ तर २०४६ पछि गिरिजाले गरेको मध्यावधि चुनाव भयको बेला सम्ममा ठुलै राजनैतिक सन्रछ्यन पायको गुण्डा दलको नाइके बने/

    मेरो टोलमा मनाङ्गेहरुको ठुलो बसोबास छ र तिनीहरु अरु बेला उपेछ्याको पात्रहरु भय पनि चुनावमा भोटको श्रोत थियो/ मनागे समाजको भोत् पाउन हरायक मनान्गेको घर डुल्नु पर्दैन/ नेपाली भाषा बोल्न बुझ्न समस्या भयको कारणले पनि मनाङ्गे समुदाय टोलको अरु जात समुदायका सिट तेती हेल्मेल्मा रहन्दैन्थ्यो/ राजनीति बुझ्दैन कम्युनिस्ट देखि झस्कन्छ/ पंचायतकालमा सरकारी कर्मचारी र प्रहरीको शोसन बात पिडित थिय/ चुनावको बेला उनीहरुकै भाषामा उनीहरुकै समुदायकोले जसलाई भोट दिनु भन्छ तेसैलाई भोट दिन्थ्यो/

    यस्तो अबस्थामा उपत्यकामा सबै मनाङ्गे समुदायले ठुलालाई अत्यन्त आदर गर्ने, बलियो पाखुरा भयको मनाङ्गे युवाहरुको नाइके बनेको दिपक कांग्रेसको निमित भोट बटुल्ने मेसिन बने/ कांग्रेसको ठुला नेताहरुको सम्पर्कमा पुगे पछि दिपकको समुह सामान्य उदण्ड समुह रहेन/ गिरिजाले गरेको मध्यावधि चुनावको बेला साम्मा दिपक राजनैतिक गुण्डा बनि सकेको थियो/ पंचायतकालमा पुलिसको नाम लिय मात्र पनि दिपक सिट पुलिश तर्सने भयको थियो/

    गिरिजाको मध्यावधि चुनाव ताका उहिले उपत्यकाको जनकपुरको म्युनिस्पलतीहरुमा स्थानीय भाषाहरु मा पनि कामकाज गर्न सकिने ब्यबस्थाको बिरुद्ध सर्वोच्च अदालतमा रित ठोक्ने कांग्रेसी अधिबक्ता उम्मेदवारले दिपक लगायर धोबिचौर्को युथ क्याम्पस बुथ कब्जा गर्ने प्रयास गरेको बेला म चुनाव सुपरिबेछ्यक भयको थिय/ मैले प्रहरीलाई भनेर दिपकको समुहलाई बुथ बात हटाउन लगायको थिय/ बुथ बाहिर हतियार बोकेर आयको दिपकको समुह लाई प्रहरुले पकडेको पनि थियो/ मनाङ्गे समुदाय सिट मेरो सम्भंध भयको कारणले मात्रै दिपकले मलाइ केहि नगरेको थियो/

    मन परे हरियो नपरे रातो ! Thumb up 19 Thumb down 5

  • Ramchandra

    एक दिन यी ५ डनहरु विभिन्न निकाय देखि आयोग सम्मका प्रमुख हुनेछन l हामी जिल्ल राम हुनेछौ l

    धेरैले मन पराएको कमेन्ट। तपाईँलाई नि? Thumb up 48 Thumb down 0

  • yukta

    मुख्य राजनीतिक दलका नाम चलेका चल्ता पुर्जा नेता हरु को आशिर्बाद को हात जब सम्म यी डन हरु को सिर मा भै रहन्छ हात्ती आयो -हात्ती आयो फुस्सा जस्तो हो किन भने यी डन हरु छाती फुलाएर घुमी रहेको छ तर सम्पति सुद्धिकरण बिभाग ले एक जना चक्रे मिलन ( मिलन गुरुङ ) भन्ने व्यक्ति हाल मा जेल मा छन अरु फरार भनेर बेशेष अदालत मा मुद्दा दर्ता गरेको छ ! कानुन अनुसार बिशेष अदालत मा मुद्दा दर्ता गर्दा अभियुक्त हरु लाई हतकडी सहित अदालत मा उपस्थित गराउनु पर्ने हो तर खोइ ? किन कि हाम्रा देश का नेता हरु को दवाब ले गर्दा बिभाग हिच्किचाएको हो ! अब सम्मानीय अदालत बाट पक्राउ पुर्जी जारी गर्यो भने अर्कै कुरा !

    मन परे हरियो नपरे रातो ! Thumb up 6 Thumb down 1

  • Chetan Nepali

    यिनिहरुता आफुलाई डन भन्न नडराउने बहादुर नेपालीहरु परेछन ! त्यस्तै आफुलाई सरकारी डन सम्झने भन्सार, मालपोत, इम्मिग्रेशन, प्रहरी, आर्मी, कालो बजारी ब्यापारीहरु र नेताहरु (डरपोक नेपालीहरु) लगायतले अबैध रुपमा कमाएको सम्पत्तिको चाही सुद्धिकरण कहिले हुनेनी????

    जब सम्म प्रतेक नेपालीलाई समान ब्यबहार गर्ने कानूनको ब्यबहारमा लागु हुन्दैन तब सम्म कहिले पनि यो कदम सफल हुन्दैन !!!

    मन परे हरियो नपरे रातो ! Thumb up 7 Thumb down 1

  • Govinda Thapa, Qatar

    हामी नेपालीको येही बानी नराम्रो केही नगर्दा गरेन गर्दा यो खेल र त्यो खेल … येसरी दोष मात्र दिनु भन्दा राम्रो सुरुवातको परसंसा गरौँ … येस भित्र नपरेका डनहरु तिर पनि सरकारको आखा लगाउने काम गरौँ येस्तो काम मा साथ दिउँ .. आफुले गर्ने केहि होईन सधै गरेको काम मा खोट मात्र देखाउने…

    मन परे हरियो नपरे रातो ! Thumb up 17 Thumb down 6

  • Basanta Thapa,Maryland,USA

    बिचार र ब्यबहारको राजनिती मरेको देशमा अनि देशै भरि मसल(हत्या ,धम्कि ,गुण्डागर्दी) पसल(पैसा ,रक्सि ,मासु ) ठयासल (बन्दुक,बुथकब्जा ) र बिदेशी च्यानल मा अडेको ,चलेको राजनिती ,राज्यसत्ता र राजनेता यो छोरी कुटेर बुहारी तर्साएको मात्र हो \ यति चाडै सुदिन आउला र देशमा ?

    मन परे हरियो नपरे रातो ! Thumb up 6 Thumb down 1

  • किंग देवकोटा

    यी मोराहरुको येत्तिका धेरै सम्पत्ति , झन् यिनलाई पाल्ने पोस्ने अनि शरण दिने नेता भनौदा हरुको सम्पत्ति कति होला? यो पो सोच्नु पर्ने बिषय भो त अब |

    मन परे हरियो नपरे रातो ! Thumb up 29 Thumb down 0

  • हामी नेपाली हरु ले धेरै बाद र तन्त्रहरु को स्वाद चाखी सकेउ l मेरो बिचारमा अब नेपाली हरु ले हिटलर बाद को स्वाद चाख्ने हो कि

    मन परे हरियो नपरे रातो ! Thumb up 22 Thumb down 0

  • pradeep

    यिनीहरुले पनि चुनाब लडेर मन्त्रि बन्ने अवसर पाउने भय ! जनताका नेता लाई त भ्रस्टाचार गरेर जेल बाट निस्किय पछि फूलमाला लगायर स्वागत गरेर फेरी चुनाब मा भोट दियर मन्त्रि बनाउने हामी छौं ! यी त मोहडा मात्र त हुन् नि ! चुनाब हुनु अगाडी यिनीहरु को फैसला हुनु पर्यो नत्र नेताहरु को खर्च कसले जुताईदिने ?

    मन परे हरियो नपरे रातो ! Thumb up 6 Thumb down 1

  • सब भन्दा ठुलो गुण्डा त प्रचड़े हो , अबैध सम्पति १५ करोड , १७ हजार ज्यान मारा मुद्दा , अपहरण ,चन्दा असुली कमिशन त कति हो कति ,, त्यसैले पहिला प्रचंडे र अन्य भ्रष्ट नेता अनि यी पाच डन !!!!!!!!!!!

    धेरैले मन पराएको कमेन्ट। तपाईँलाई नि? Thumb up 53 Thumb down 8

    • rosi

      he has at least १५०० करोड , साथी आझै पन्ध्र करोड मा रहेछन

      मन परे हरियो नपरे रातो ! Thumb up 29 Thumb down 2

  • रविन

    गफै त हो नि सम्धी.
    नेता भानौदको तिर पनि यो सम्पत्ति सुद्धिकरणको ध्यान जाला कि ?

    मन परे हरियो नपरे रातो ! Thumb up 2 Thumb down 1

  • रविन

    कसैलाई पनि केहि कर्वाबाही हुन्न
    केहि समय देखाउन जेल हल्लान. जेल जानु र आउनु भनेको यिनीहरुको लागि पानी पधेरो हो. यो देशमा सबै भन्दा ठुलो गुन्डा भनेका त राजनैतिक पार्टीका माथिका नेतानै हुन् .

    धेरैले मन पराएको कमेन्ट। तपाईँलाई नि? Thumb up 79 Thumb down 3

    • तेन्जिंग गाबा

      के को पानी पधेरो मात्र हुनु नि ?
      “attached bathroom ” भन्नुस न …………………जदौ !!!!!

      धेरैले मन पराएको कमेन्ट। तपाईँलाई नि? Thumb up 43 Thumb down 0

      • Ramchandra

        सुन्नमा आएको कुरा “डन” हरुको लागि हनुमान ढोका देखि सदर झयालखाना सम्म लाई “guest house” भन्छन अरे :D

        मन परे हरियो नपरे रातो ! Thumb up 9 Thumb down 0

  • bizaya

    लौ मार्यो…..डोन हरु को पैसा ले चुनाव जितौंला भन्ठानेको त् …….अब आउने चुनाव को खर्च को संग माग्ने होला. …..

    धेरैले मन पराएको कमेन्ट। तपाईँलाई नि? Thumb up 45 Thumb down 0

  • Pratik

    This is good news.I hope these guys will be prosecuted.

    However, the number one don of Nepal is Prachanda. Can he or his family members furnish the legitimate source of income for the wealth they own?

    मन परे हरियो नपरे रातो ! Thumb up 31 Thumb down 7

  • “पाँच ‘डन’- फँस्लान् कि बच्लान् “?
    ” सब ‘डन’हरुलाई हाम्रो पार्टीमा आइज, नत्र बच्दैनस् भनी प्रचण्डले यो मेसेज दिएको हो। नत्र खोई त माओवादीका कोही किन नपरेका” ? –

    मलाई चै अचम्मै लागि राख्या छ —- के माओबादीले ( प्रचण्ड ग्रुप ) ले आफ्नो
    खुट्टामा बन्चरो आफै हान्या हो त ??? !!!
    यदि यी पांच गुण्डाहरु जेलमा कैद भए र यिनका अबैध सम्पतिलाई रास्ट्रीयकरण
    गर्न यो सरकार सफल भयो भने यी पांच गुण्डाहरु संगै अन्य पचासौ गुण्डाहरुको
    अबैध सम्पति रास्ट्रीयकरण गर्न यो सरकार सफल हुने छ .
    त्यसो हो भने माओबादि पार्टी र उ संग सम्बन्धितहरुले छोटो समयमा नै कमाएको अबैध सम्पति ? त्यो पनि यो सरकारले रास्ट्रीयकरण गर्न सफल हुने छ .
    हुम्म्म् ——–
    लाग्छ अब पर्दा झन् झन् खुल्दै जाने छ ——-

    धेरैले मन पराएको कमेन्ट। तपाईँलाई नि? Thumb up 52 Thumb down 12

  • निरायण

    यो देशका नेता नै डनका मालिक हुन कहा यिनिहरु फस्नु ? नि बरु यिनै डनको मुद्दा मिलाएर यस पटकको चुनाव खर्च नेताले निकाल्ने भए । व्यपारी कर्मचारीलाई चन्दाको राहत मिल्छ कि ?

    मन परे हरियो नपरे रातो ! Thumb up 15 Thumb down 1

  • Narayan

    म चै नेपाल मा हावा हुरी ले मात्र समाचार र महत्व पाएको देख्दा वाक्क लाग्छ होउ . यता उता गर्यो खाले जनता थर्किने कुराहरु मात्र आगाडी आउछन सबैलाई रोड मा डोरीले बाडेर चाइना मा मओत्सेतुंगले जसरि डोजर ले पेलेर सिद्द्यौने मान्छे वा पार्टी कहिले जन्मने हो भन्ने सोच मात्र आउच :)

    मन परे हरियो नपरे रातो ! Thumb up 9 Thumb down 9

  • shyam

    पाँच डन चार दल? सरासर अन्याय |

    मन परे हरियो नपरे रातो ! Thumb up 17 Thumb down 2

  • सुमन

    मुद्दा दर्ता हुँदैमा प्रक्रिया अघि बढ्छ र प्रकिया बढ्दैमा सही दिशामा गएर टुंगिन्छ भनेर नचिताए पनि हुन्छ| कसैलाई थाहा नदिई राजधानी देखि टाडा देशको अज्ञात एकान्त ठाउँमा लगेर यी डनहरुलाई थर्ड डीग्री प्रयोग शुरु मात्र गरेर जिकिर गरे तुरन्त गीत गुञ्जन भजन सबै रेकर्ड गर्न सकिन्छ जसबाट नेताहरुको बीर गाथा खुलिन्छ|
    प्रथमत: डनहरुका सरंक्षक, संचालक, लाभग्राही र आश्रयदाताहरु राजनीति र सरकारी सेवामा रहेका बढे डनहरु पर्दा पछिका खेलाडीहरु हुन् भन्ने सबैलाई थाहा भएकै हो|
    द्वितीयत, अदालतमा एक लाख भन्दा बढी मुद्दाहरु पेनडिंग छन्| त्यही एक लाख मुद्दा थाँतीमा राखेर श्रीमान रामप्रसाद एउटा मन्त्रिलाई जेल हालेको वाह वाह पाएर रिटाएर भए भने अर्का चै देशकै प्रधान मन्त्रि पद ओगट्न पुगेका छन्|
    श्रोत नखुलेको भनेर पहिले नेताहरुलाई मुद्दा हालूंन न| लौ त् हिम्मत छ? शेर बहादुर ले भब्य महल कसरि बनाए? प्रचण्डको खर्चको आम्दामी के हो? आय फलाना र तेलाना श्रोत बाट देखाउने हो भने कर तिरेको खोइ? लहरा तान्दा पहरा गर्जन्छ| खुम बहादुर ले जस्तो विदेश जाँदा दैनिक भत्ता बचेको भनेर झुटो बिवरण दिने लाई अझ कडा सजाय हुनपर्छ| वा दैनिक भत्ता खर्च नगरेर देशको राजदुतावास वा लब्बी गर्ने बेपारी श्रोत बाट आतिथ्य लिनु झन् महापाप हो|

    मन परे हरियो नपरे रातो ! Thumb up 8 Thumb down 1

  • भाई

    त्यत्रो चुनाव हुने हल्ला छ, कसरि फस्लान र? पक्का बच्लान ! त्यति मात्रै हो र, चुनाव भयो भने चुनावमा लड्लान र जित्लान अनि हामीलाई लोप्पा खुवाईदेलान |
    तर साचैनै कारवाही गर्ने बिचार शुद्धिकरण विभागले गरेको हो भने, यो मुद्दालाई लामो प्रक्रियामा नगैकन, वादी प्रतिवादी वकिलहरुलाई बिदा लिएर बस्न नदिकन, म्यादलाई बिनाकारण थप्दै लग्ने चलनलाई भंग गर्दै, प्रमाण १५ दिन भित्र जुटाउन आदेश दिएर कमसेकम ३० दिनभित्र यो मुद्दाको छिनोफानो गर्नुपर्छ |
    मेरो बिचारमा त दोषीलाई बचाउन खोज्ने वकिललाई पनि ३ वर्ष को कैद दिने नया कानूनको आवश्यकता छ | अनि बल्ल यस्ता बकमफुसेहरुलाई बचाउन खोज्ने धुर्त वकिलहरू पनि पाखा लाग्नेछन् |

    मन परे हरियो नपरे रातो ! Thumb up 16 Thumb down 0

  • tilak

    The reason Maoist are not there is because the entire lot are considered as “Don”. Who is going to mess with them?

    मन परे हरियो नपरे रातो ! Thumb up 11 Thumb down 2

  • Ramesh Suwal

    एमाले पहिला ढुलमुले पार्टी भनेर चिनिथ्यो अहिले गुन्दहरुको पार्टी भनेर चिनिसकेको अबस्थमा एमालेको अबशान निश्चित छ किनकि गुण्ड नाइके हरु धमाधम जेल जन्दैछा.

    मन परे हरियो नपरे रातो ! Thumb up 20 Thumb down 7

  • Harke

    यी त भारेभुरे डन हुन्, ठुला डनहरु त प्रचंडे, गच्छदार, ओली, खुमेहरु जस्ता हुन्….चेतना भया !

    धेरैले मन पराएको कमेन्ट। तपाईँलाई नि? Thumb up 85 Thumb down 4

  • Bibek Dhakal

    यी गुण्डाहरु ( ‘डन’ भन्न मन लागेन, मारलन ब्राण्डो को बेइजत हुन्छ!) को पक्षमा नेताहरुबाट (के पी ओली, गक्ष्दार जस्ता) खुलेरै बिरोध आउने सम्भावना छ… झन् माओवादी सम्वद्द गुण्डाहरु पक्राउ नपरेपछि त झन् के चाहियो र, यसलाई षडयन्त्रको रूपमा व्याख्या गरिनेछ.! यो काम त नेताहरुको भयो – तर हामि जनताहरुले अब यस्ता लाइ साथ् दिनु भएन…चाहे जून सुकै पार्टी सम्बद्द ( राम्रै वा आफुलाई मन पर्ने किन नहोस) यस्ता असामाजिक तत्वहरु निरुत्साहित हुन्छन भने हाम्ले पुरा साथ् दिनु पर्यो – “ए फलानो पार्टीको कसैलाई केहि नहुने अनि बिचरा यी पार्टीको गुण्डा लाइ मात्र सास्ती! ” भनेर सोच्ने हो भने राजनीति संरक्षित अपराधको जालोबाट देश कहिले मुक्त हुने छैन….भोलि परशुराम बस्नेत पक्राउ पर्यो भनेर युथ फोर्स नामक जत्थाले बिरोध गर्ला बन्द गर्ला तर यस्ता बन्दहरुलाई समर्थन गरिदिनु भएन! गुण्डाको समर्थनमा कोहि लाग्छ भने त्यो गुण्डै हो, राजनैतिक चिन्तन भाको पार्टी वा व्यक्ति हुन सक्दैन! अब बिस्तारै यी गुण्डाहरुलाई संरक्ष्ण दिने नेताको खोल ओढेका “माहागुण्डाहरु” पनि पक्राउ परून…र अन्तिममा फेरी, जुन सुकै राजनैतिक पृष्ठभूमि का हून, गुण्डा भनेको गुण्डै हुन्, इन्लाई संरक्ष्ण दिने पनि गुण्डै हून र यिनीहरु प्रति कदापि पनि कुनै सहानाभूति हाम्ले राख्नू हुदैन, चाहे इनिहरु जेलमा सडेर मरून वा गल्ति भन्दा ठुलो सजायको भागिदार बनून!!!

    मन परे हरियो नपरे रातो ! Thumb up 30 Thumb down 1

  • saru

    यो त उल्टो कुरो भो पहिले यिनीहरुको वोस राजनीतिक नेता हरु को सम्पति छानबिन र कारबाही हुनु पर्छ नत्र मुहान सफा नगरिकन तल तल मात्र सफा गरि राख्यो भने बागमती सफाई अभियान जस्तो हुन्छ.जय पुरानो नेपाल

    मन परे हरियो नपरे रातो ! Thumb up 28 Thumb down 0

    • bibek dhakal

      हाहा सरू जी, पृथ्वी नारायण शाह र बुढी आमैको कथा बिर्सिनुभो ६ ७ कक्षा तिर पढेको? पृथ्वी नारायण शाह नुवाकोट हो कि कुनी कहाको लडाइमा हारेर फर्किदा एक ठाउमा बास लिन पुगेछन जहाँ एक बुढी आमा मात्र थियिन रे ….तर उनले आफु को हो भनेर त्यो घरकी बुढी आमैलाई भनेन छन् रे.. बेलका बुढीले भात पस्केर दिएपछि पृथ्वी नारायणले थालको बिचमा हात हालेर गाँस लिन खोज्दा तातो भातले बेस्सरी पोलेछ रे अनि कराएछन रे ( सायद दर्बार मा सुसारेहरुले सेलाएपछि मात्र दिन्थे होलान!)…अनि बुढीले – ” थुक्क छोरा, त पनि त्यो पृथ्वी नारायण शाह भन्ने राजा जस्तै मुर्ख रैछ्स..एकैपटक तातो भातको बिचमा हात हालेपछि पोल्दैन त? बिस्तारै छेउ छेउ बाट लिंदै जानु पर्छ नि..” बूढी आमैको तात्पर्य पृथ्वी नारायण शाहले पहिला सान सानो राज्य जितेर अनि ठुलो राज्यमा हमला गर्नु पर्छ भन्ने थियो…….
      अब यो सत्य घटना हो या किम्बदन्ती हो त्यो मलाई थाहा छैन तर आज पनि यो कथाको अर्ति उत्तिकै सान्दर्भिक छ जस्तो लाग्छ…त्यसैले सरूजी यी “बोस”हरुलाई पहरा दिने, यिनीहरुको इनर्जीको रूपमा रहेका यस्ता सुकुल्गुण्डा, बिद्यार्थी गुण्डा, कार्यकर्ता गुण्डा, कर्मचारी गुण्डा हरुलाई बिस्तारै ठीक पर्दै जाने हो भने ति “बोस” हरु को पनि अस्तित्व समाप्त हुन्छ….मेरो बुझाइ!

      मन परे हरियो नपरे रातो ! Thumb up 15 Thumb down 1

      • madan bajracharya

        बिबेक ज्यु

        पृथ्बी नारायण शाहले पहिलो पटक उपत्यकामा आक्रमण गर्ने क्रममा कीर्तिपुरमा भयको युद्धमा कालु पाण्डे मारिय र भाइ सुर प्रतापको आँखा फुटे अनि किर्तिपुरको अदना सिपाहीले पृथ्बी नारायण शाहलाई समायर काट्न खोजेको बेला अरु सिपाहीले राजा मार्नु पन्च महापाप हुन्छ भनेकोले त्यो सिपाहीले पृथ्बी नारायण शाहलाई भाग्न दियो/ त्यहाबाट भाग्ने क्रममा तपाइंले भनेको कुरा घटेको थियो भनिन्छ/

        मन परे हरियो नपरे रातो ! Thumb up 7 Thumb down 2

  • बले जी

    खै , मलाई त खास्सै विश्वास छैन, तेही पैसा जम्मा पारेर सम्बन्धित पक्ष्य लाई अलि अलि दिए भने मज्जाले उम्कन पौछन नि / तर तेस्तो नहोस / यो राम्रो कदम हो /

    राजनीतिक सम्रछेन हुने पक्का छ /

    बले

    मन परे हरियो नपरे रातो ! Thumb up 8 Thumb down 1

  • Bijaya

    भारतमा डाँकाहरुलाई राजनैतिक दलहरुले संरक्षण दिने गरेको हल्ला सुनिन्थ्यो| भारतको इशारामा नाच्ने नेपालका राजनैतिक दलहरु किन पछि पर्थे भारतको नक्कल गर्न| अब कहिले बाट यिनीहरुको समर्थनमा नेताहरुले भासन गरेको सुन्नु पर्ने भो फेरी| नेपाली जनता सचेत हुदैछन अब धेरै दिन छैन यिनीहरुको मनोमानी|सचेत भया:

    मन परे हरियो नपरे रातो ! Thumb up 14 Thumb down 1

  • द्रोण

    डन हरु चुनाबी अस्त्र हुन् , बुथ कब्जा गर्न , जनतामा आतंक सिर्जना गर्न ,बिपक्षी नेताको अपहरण आदि मा डन को काम आउछ , अब अहिले उनीहरुको मोल मोलाइको बेला छ |
    एसले पनि देश चुनाब को बाटोमा हिडेको भान हुन्छ |

    खी रा रे ले तिनीहरुलाई सधै जेल कोच्न सके भनेचाई तारिफ गर्नैपर्छ |

    मन परे हरियो नपरे रातो ! Thumb up 27 Thumb down 0

  • तेन्जिंग गाबा

    नेपाली मिडिया-छापाहरुले “चोर-गुण्डाको नाइके” हरुलाई “डन” भनेर सम्बोधन नगर्दा हुदैन र ?
    …………………………………………..
    मैले नबुझेको हो कि खै के हो, झिना-मसिना अपराधीले उनीहरुको नाइकेलाई आदरार्थ सम्बोधन गर्ने शदाबली हो….. “डन” (त्यो पनि केवल हलिउड-बलिउड सस्कृतिमा वा माफिया सस्कारमा)

    मन परे हरियो नपरे रातो ! Thumb up 34 Thumb down 1

  • Nabin Adhikari

    प्रचण्ड द्वारा आफ्नो ज्यानमारा पार्टी मा आउन को लागि उर्दी गरेको मात्र हो| डाका हरु को सरदार प्रचंडे र उसको पार्टीका डाकाहरु लाई चाही किन मुद्दा दर्ता हुदैन?

    मन परे हरियो नपरे रातो ! Thumb up 49 Thumb down 17

    • Harke

      कहा तेस्तो भन्नु भाको…शान्ति प्रक्रिया बिथोलिएला है….होस् गर्नुस..;)

      मन परे हरियो नपरे रातो ! Thumb up 43 Thumb down 6

      • rajesh

        यी निस्की हाले नि गुण्डा हरु को संग्रक्षण मा. प्रचण्ड को षड्यन्त्र रे! थुक्क खाते हो!

        मन परे हरियो नपरे रातो ! Thumb up 13 Thumb down 41

        • Nabin Adhikari

          राजेश जी, ४ पार्टीका डाका हरुलाइ मुद्दा दर्ता भयो स्वागत योग्ग काम हो… तर प्रचंडे को पार्टीका डाकाहरु लाई किन मुद्दा दर्ता भएन? पार्टी को चस्मा खोले र हर्नुहोस छर्लंग हुन्छ |
          चेतना भया |

          मन परे हरियो नपरे रातो ! Thumb up 26 Thumb down 4

  • sabita pradhan

    नेपालमा न्याय नपाए डनको मा जानु भन्ने परम्परा भै सकेको छ, के गर्नु, तितो सत्य हो
    जस्तै कि अहिले ढुकुटीमा पैसा फस्नेहरुको पैसा असुल्न पुलिशले पटक्कै सहायोग गर्दैन, फस्नु पैसा फसी सक्यो, पुलिशले ढुकुटी को बैधानिकतालाइ प्रश्न गर्दै बस्छ.
    डनलाइ भन्यो भने आधि पैसा लिन्छ, तर आधि पैसा त असुल्न पाइन्छ,
    भलै त्यो डनले आधि पैसा लियोस, भलो उसैले गरि दिन्छ.
    येस्तै रहेछ येहाको चलन , संबिधान बनाउनेहरु नै डनहरु परेपछि के गर्ने.

    मन परे हरियो नपरे रातो ! Thumb up 17 Thumb down 4

  • GANESH

    इ गुन्डा राजहरु झन् चर्चित हुने मौका पाय , तेसैले यी गुन्डालै कारबाही नभैअ झन् गुन्डागर्दी मौलाउने मैले देखेको छु .

    मन परे हरियो नपरे रातो ! Thumb up 11 Thumb down 0

  • चुनाब अघि डनहरु भगाउने रेग्मी सरकारको योजना मनासिब छ तर राजनीतिक दबाब थाम्ने हो कि होइन हेर्ने पर्ने हुन्छ

    मन परे हरियो नपरे रातो ! Thumb up 25 Thumb down 0

  • Mohan Subba

    सम्पति शुद्धिकरण ऐन बमोजिम कारबाही भए त अवस्य यस्ता डन,नेता र भ्रस्टचारी कर्मचारीहरु फ़स्छन नै तर अब यी डनहरुको बचाउमा को को नेताहरु अदालतको संघारमा तेर्सिने हुन्?पैसा भने पछि महादेवको पनि तिन नेत्र हुन्छ भन्छन /विधिको सासन नै चलाए त रेग्मी सरकार लाई मुरी मुरी साधुबाद छ/

    मन परे हरियो नपरे रातो ! Thumb up 26 Thumb down 1

  • krishna

    यो देश गुन्डा डाँका फटाहा र तिनीहरुलाई सम्रछेन गर्ने पार्टीका नेताहरुले चलाएका छन् र त यो गति छ भएको छ हाम्रो, श्रमको लागि बिदेशिनु परेको छ, एक्काइशौ शताब्दीमा पनि सिटामोल खान नपाएर मरिरहनु परेको छ, संसार प्रगतिको दौडमा तछाड-मछाड छ तर हामी???? यी गुन्दाहरुको साथै सम्बन्धित नातागोताहरुको नाममा लुकाइएको अबैध सम्पति तुरुन्त जफत गरि जेल चलन गरियोस,

    मन परे हरियो नपरे रातो ! Thumb up 19 Thumb down 3

  • Bimala POUDEL

    कमेसकम काम त शुरु भयो । बाँकी कुरा यिनलाई जसले बचाउँछ त्यसलाई जनताले चिन्नेछन् र माफी कहिल्यै दिनेछैनन ।

    मन परे हरियो नपरे रातो ! Thumb up 31 Thumb down 2

  • राम राज

    सब ‘डन’हरुलाई हाम्रो पार्टीमा आइज, नत्र बच्दैनस् भनी प्रचण्डले यो मेसेज दिएको हो। नत्र खोई त माओवादीका कोही किन नपरेका?

    = भोलि कथम्कदाचित माओबादि को शक्ति क्षीण भयो र कांग्रेस तथा एमाले शक्तिमान भए भने हिजो खुमबहादुर र वाग्ले लाइ जस्तै गरि माओबादि का छोटा मोटा डन र स्वम प्रचण्ड बिरुद्ध नि मुद्धा पर्न सक्छ |
    *नेपाल मा यस्ता मुद्धा न्याय को लागि भन्दा नि प्रतिसोध र चाल-बाजी को लागि हाल्ने गरिन्छ*

    मन परे हरियो नपरे रातो ! Thumb up 30 Thumb down 9

    • माओबादीको कुन डोन हो नाम बताउनत ब्रो परेन भनेर रिस गरेर मात्र हुन्छ ब्रो दिनेस अधिकारी चरिता एमालेको हो के पी ओलीले टिका लाएर भित्र्याका …..अरु माओबादीका don को नाम देउनत ब्रो

      मन परे हरियो नपरे रातो ! Thumb up 0 Thumb down 0

  • Binod

    सब ‘डन’हरुलाई हाम्रो पार्टीमा आइज, नत्र बच्दैनस् भनी प्रचण्डले यो मेसेज दिएको हो। अर्थोक केही हुनेवाला छैन ।

    धेरैले मन पराएको कमेन्ट। तपाईँलाई नि? Thumb up 71 Thumb down 16

    • madan bajracharya

      अब हुने चुनावलाई ध्यान राख्दा हुन् सक्छ तपाइंको कुरा/ अखितियारमा लोकलाई ल्याउने त् मावोबदिनै हो/ इ डनहरु सबै मावोबादीको प्रतिद्वन्दी दलहरु सिट नजिकका हुन्/

      मन परे हरियो नपरे रातो ! Thumb up 1 Thumb down 0