कोट
-सुषमा मानन्धर-
मेरो नाम सुराज हो। तपाई सोच्नुहुन्छ होला कस्तो नाम हो ! आमाबुवाले आफनो नाम मिलाउन खोज्दा यस्तो नाम जुर्यो। मेरा नजिककाहरु मलाई “सु” भन्छन्। कहिलेकाहीँ त उनीहरुले यसरी बोलाउँदा केटाकेटीका लागि लघुशंकाको अर्थ लागेर हाँसो उठ्छ। मान्छे म भावुक छु र हाल सत्ताइसको भएँ। बी.ए.पास छु। मेरो घर काठमाडौंमा हो। हाल पेशाले टयाक्सी चालक भए पनि म आफूलाई ड्राइभर भन्न रुचाउन्न। यो मेरो केही समयको लागि गरिने काम मात्र हो। मलाई पढेर अझै धेरै गर्नु छ। स्नातक भएर पनि किन टयाक्सी चलाइस् भनी साथीहरु भन्छन् तर जागिर खानु सजिलो कहाँ छ र ? उसमाथि अहिले भनसुन नहुने कुनै ठाउँ नै छैन। चाकरी गर्दै हिंड्नु मेरो वशको कुरा हैन। शिक्षित बेरोजगारहरुको लाममा उभिनु भन्दा यो टयाक्सी चलाउनु कुन नराम्रो हो र ? भएको अलिकति पूंजीले टयाक्सी किनें। ड्राइभर राख्यो उसैलाई तलब दिनुपर्छ। त्यसैले अरु ड्राइभर राख्नुभन्दा आफै गाडी हांक्नु निको ठानें। फेरि आफैले चलाउने हुँदा अरु ड्राइभरले जस्तो समय र रकममा पाबन्द रहनु पनि परेन। मनमौजी तालको छु, मुड भएको दिन बिहानै टयाक्सी हाँक्छु, नभए दिनभरि पनि चलाउंदिन। घरमा सानो सुखी परिवार छ। आमा घरै बस्नुहुन्छ। बहिनी अझै स्कूल पढ्दै छिन्। चञ्चले स्वभावकी बहिनी, बहिनी भन्दा बढी साथी जस्ती छिन्। हरबखत मसँग जिस्किरहन्छिन्। म उसलाई औधी माया गर्छु। (more…)
प्रतीक्षाको घडी सकिँदैछ। नेपालमा शाहवंशको अन्त्यको विधिवत् घोषणा हुने दिन अर्थात् नेपाल गणराज्यको गणतन्त्र दिवस जेठ १२ गतेदेखि १५ गतेभित्र अर्थात् मे २५ देखि २८ भित्रको कुनै पनि दिन हुने निश्चित भएको छ। यी चार दिन मध्ये कुन दिनलाई नेपालको गणतन्त्र दिवसका रुपमा भावी दिनमा अंकित गर्ने भन्ने निर्णय चाहिँ वर्तमान प्रधानमन्त्री गिरिजाप्रसाद कोइरालाले गर्ने भएका छन्। 
