विश्वकप फुटबल- स्टेडियम बाहिरका दर्शकहरू

ब्राजिलसमर्थक एक दर्शक। फोटोः रिना
मेरो संसार ब्लगका खेलप्रेमी पाठकहरूलाई विदितै छ विश्वकप फुटबल प्रतियोगिता जर्मनीका १२ वटा विभिन्न शहरहरूमा सञ्चालन भइरहेको छ। बर्लिन शहरमा मात्रै विश्वका विभिन्न भागबाट करिब सात लाख पचास हजार दर्शकहरू फूटबल म्याच हेर्नकै लागि ओइरिएका छन्। बर्लिनमा रहेको ओलम्पिक स्टेडियममा जम्मा ७२ हजार दर्शक मात्रै अटाउँछन्। बाँकि यत्तिका दर्शकहरूले कहाँ गएर हेर्ने त फूटबल – आउनुहोस् म तपाईँलाई बाँकी दर्शकले फुटबल हेर्ने ठाउँ देखाइदिन्छु –

– सबै फोटो र शब्द: सुरेन्द्र विष्ट/बर्लिन-

यो हो बर्लिनमा रहेको जर्मन संसद भवनअगाडि तयार पारिएको अस्थायी स्टेडियम। यहाँभित्र फूटबल खेलको प्रत्यक्ष प्रसारण गर्ने स्टूडियो सहित चारैतिर ठूला-ठूला टेलिभिजनका पर्दा जडान गरिएको छ। ओलम्पिक स्टेडियमभित्र नअटाउने दर्शक यहाँ गएर ठूलो टेलिभिजन पर्दामा फूटबल हेर्न सक्छन्। तर भित्र छिर्न चाँहि ३-५ यूरो शुल्क तिर्नुपर्छ।

अस्थायी स्टेडियम भित्र छिर्न पनि कहाँ त्यति सजिलो छ र। पूरा नाङ्गेझार पारेर सुरक्षा जाँच हुन्छ। कुनै दारू-पानीको बोतल स्टेडियमभित्र लैजान मनाही गरिएको छ।

अस्थायी स्टेडियमको छेवैमा बनाइएको प्रत्यक्ष प्रसारण स्टुडियो जहाँ विभिन्न खेल विशेषज्ञहरूको प्रतिक्रिया प्रसारण गरिन्छ।

फुटबल म्याच हेर्ने दोस्रो स्थान हो- फ्यान मिले अर्थात ब्राण्डेनवर्गको ढोका अगाडिदेखि टियरगार्टको एरिया। यो एरियामा करिब १० लाख दर्शकले एकैपल्ट फुटबलको प्रत्यक्ष प्रसारण हेर्छन्।

त्यसका लागि हरेक २०० मिटरको दूरीमा दुवैतर्फ हेर्न हुने गरी ठूला -ठूला टेलिभिजनका पर्दा जडान गरिएका छन्।


यहाँ छिर्न पैसा तिर्न नपरेपनि त्यति सजिलो कहाँ छ र सुरक्षा जाँच पास हुनै पर्छ। सुरक्षाकर्मीहरू दर्शकका झोला खोतल्दै छन तल फोटोमा।

ओहो आज त जर्मनी र अर्जेन्टिनाको क्वार्टर फाइनल म्याच पो हो त। जर्मनहरू हुटिङ्ग गर्न पूरा तयारीसाथ जाँदैछन् फ्यान मिलेमा। यिनीहरूले लगाएको क्रेजीह्याट चाँहि मेड इन नेपाल हो। हेर्नुहोस नेपालबाट आयात गरी फ्यान मिलेमा बिक्रीका लागि राखिएका क्रेजीह्याटहरू तल फोटोमा। किन्नुहुन्छ – एउटाको मोल पर्छ मात्रै दस यूरो।

म्याच शुरूहुनै लाग्यो। जर्मन फ्यान, हुटिङ्ग गर्नलाई तयार छन्।

अब खेल शुरू हुन लाग्यो है। दर्शक महानुभावहरू।

खेलवरिपरिका थप दृश्यहरू

फ्यानमिलेमा खेलबाहेक अन्य मनोरञ्जका विविध क्रियाकलापहरूको पनि ब्यवस्था गरिएको छ।

रोटेपिङमा सरर………….

कन्सर्ट पनि छ है फ्यानमिलेमा

कत्रो फुटबलको बुटजुत्ता – यो लगाउने खुट्टा कत्रो होला हगि –

अब मेरो पालो। मलाई माथिका फोटोहरू खिच्न मदत गर्ने मेरा प्रिय मित्र शंकर पाहारी बायाँ र म सुरेन्द्र विष्ट दाँया।

मैले खिचेको फोटो धैर्यतापूर्वक हेरिदिनु भएकोमा सबैलाई मुरीमुरी धन्यवाद।