‘राता दैत्य’को समर्थनमा

यी फोटो र जानकारी [email protected] मा कोरियाबाट मञ्जु थापाले पठाएकी हुन्।

दैत्य भनेर कसैले भन्यो भने हामी भए रिसाउँथ्यौँ होला। तर दक्षिण कोरियालीहरु आफूलाई गर्वले ‘राता दैत्य’ अर्थात् रेड डेभिल्स भन्न रुचाउँछन्। जुन दिन कोरियालीहरुले विश्वकपमा खेल्छन् त्यो दिन त उनीहरुको महोत्सव जस्तै हुन्छ। आज अर्जेन्टिनासँगको खेलमा देखिएका केही दृश्यको फोटो पठाएकी छु।

राता दैत्यको सागर।

आज कोरियामा जताततै यस्तै राता टिशर्ट लगाएर हिँडेकाहरुको भीड नै देखियो। रेल स्टेसन, पार्क, मल, फास्टफुड सबैतिर यस्तै।

“Be the Red”, “Lets go Korea” “Korea Football Team” लेखिएका टिसर्टमा उनीहरु थिए। सोलको सिटी हलमा ठूलो पर्दामा थुप्रैले कोरियाको खेल हेरेका थिए।

यहाँ रहेका अमेरिकनहरु पनि कोरियालाई समर्थन गर्दै रातो टिसर्ट लगाएर बसेका देखिन्थे।